Jaceuq 76:8 - Akha

⁸ Nawˇ mˬ kʼoeˇ taˆ neh yaˇ kʼaˬ daˇ-awˇ, miˇ tsaˬ zaˬ dawˬ tawˆ luꞈ guˆ-awˇ ciˬ cuˇ ni jawˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Nawr, mq-euq khoertav nae yarkhaq dar-eu bi gaqle-awr, Mirtsaq tanqkhawr guv-ir-awr ciqcurni jav-eu mae.

Jaceuq 76:8 ပူးပေါင်းရင်းမြစ်များ

2 Sahˬpaˬ 22:13

“Sahˬpaˬ Miˬyehˇ jawˇ gaˇ le-awˇ, ngaˇ hawˇ-eu Yuˇdaˆ miˇ kʼahˬ zaˬ deuˬ gʼaˇ duˬ, sahˬ boꞈ paˇ yoˆ heu yoˆ laꞈ kʼoeˇ boꞈ taˬ-euˬ gaˇ kawˆ deuˬ mehˬ bawˬ mˇ leˇ haw sheˇ. Sahˬ boꞈ paˇ yoˆ heu yoˆ laꞈ kʼoeˇ ya mˇ meh lehˇ ehˇ taˬ-euˬ jeˬ-ahˇ, aˬ dui-euˬ aˬ poeˬ aˬ bawˇ deuˬ maˬ mˇ ni byehˇ-euˬ miˇ neh, aˬ yawꞈ aˬ dui-ahˇ nui ma pehˇ luꞈ meh.”

1 Laˬsaˬbaˬ 16:25

Sahˬpaˬ Miˬyehˇ huiˬ gaˇ mahˇ gaˇ, ja ceuˬ dui dui paˬ-ehˇ gʼeh meh. Miˬyehˇ dawˬ tawˆ luꞈ naˆ maˬ tseˇ, yawꞈ-ahˇ taˬ huiˬ nehˬ-eu tsaˬ meh.

1 Laˬsaˬbaˬ 16:30

Miˇ tsaˬ zaˬ dawˬ tawˆ dawˬ lawˆ luꞈ, aˬ yawꞈ mehˬ shi yaw dzuˬ dzuˬ yawˬ. Miˇ tsaˬ ziꞈ dah ni ciˬ ziꞈ-awˇ, maˬ luˆ laˇ ni yawꞈ jahˇ-euˬ meh.

Neˬhaˬmiˇ 1:5

“Mˬ taˆ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ-aˬ huiˬ dui mahˇ dui dui-awˇ, nga maꞈ nawˬ-ahˇ guˆ-eu laꞈ kʼoeˇ yawꞈ luꞈ-eu ma. Nawˬ-ahˇ gaˬ-awˇ nawˬ neh kʼaˇ ehˇ taˬ-euˬ loꞈ-ehˇ mˇ-eu tsawˇ haˬ deuˬ-ahˇ nawˇ dawˬ ma saˇ jaˇ ziꞈ-eu meh.

Yawˇbaˆ 25:2

“Miˬyehˇ-aˬ, baoˬ huiˬ dui dui-awˇ, dawˬ tawˆ luꞈ aˬ yawꞈ-euˬ mehˬ shi zahˬ dui dui leˇ-eu laꞈ kʼoeˇ ya yawꞈ tehꞈ-a. Aˬ yawꞈ-euˬ mˬ taˆ miˇ kʼahˬ-ahˇ aˬ yawꞈ coꞈ ngehˇ ni bi jaˆ-euˬ meh.

Jaceuq 46:10

“Ngaˇ Miˬyehˇ meh lehˇ siˬ nya-awˇ, guiˇ deuˆ-eu naˬ leˇ-awˬ. Tsawˇ haˬ dawˬ tawˆ luꞈ kʼoeˇ taˆ huiˬ dzehˬ-awˇ, miˇ tsaˬ dawˬ tawˆ luꞈ kʼoeˇ taˆ huiˬ dzehˬ-eu gʼaˬ, ngaˇ meh lehˇ siˬ nya-awˬ” lehˇ ehˇ-eu meh.

Doˆ-iˇ 19:10

Kʼoeˇ ngeh, Moˇseˬ-ahˇ Sahˬpaˬ Miˬyehˇ ehˇ-eu, “Iˇsaˬleˬlaˆ tsawˇ haˬ deuˬ jawˇ gaˇ iˇ-awˇ, uˬ duˬ tahˬ-eu gʼaˇ duˬ, iˬ nah hawˇ-eu ni shawˬ nah laꞈ kʼoeˇ yawˬ ha-euˬ gʼawˇ mawˇ shawˇ-awˬ lehˇ ehˇ nehˬ-awˬ. Yawˬ ha-euˬ dm gʼaˬ dm lmˇ deuˬ aˬ yawꞈ maꞈ ya lehˬ tsiˬ shawˇ meh.

Yeˬlaˬmiˇ 10:10

Ehˇ kʼawꞈ Sahˬpaˬ Miˬyehˇ nawˇ-aˬ, maˇ maˇ ni gʼeh-eu Miˬyehˇ meh. Nawˇ dehꞈ luꞈ-eu Miˬyehˇ pyeuꞈ-awˇ, mˬ maˬ maˬ byaˆ zaˇ ziˇ nawˇ sahˬ paˬ meh. Nawˇ nui ma pehˇ laˇ ngeh, miˇ tsaˬ tahˬ kʼawˇ yaw dzuˬ dzuˬ-awˇ, miˇ kʼahˬ tsawˇ jeuˬ nawˬ-euˬ nui pehˇ maˬ daˬ coeˇ-a.

Yeˬlaˬmiˇ 49:19

Yawˇdaˬ lawˇ baˬ gawˆ taw sahˬ kʼaˆ uˬ moˆ jawˇ-eu aˇ laˬ jaˬ shiˇ, jeˬ zaˬ gaˆ kʼahˬ-ahˇ tsawˬ doˆ laꞈ-eu loꞈ-ehˇ ngaˇ oe-awˇ, Eˬdoˬ tsawˇ haˬ deuˬ aˬ yawꞈ maꞈ-euˬ miˇ kʼahˬ-ahˇ byehˇ-awˇ tehˬ law tsaˇ law-ehˇ bi cehˆ byaˆ ma. Kʼoeˇ naˇ, ngaˬ neh tseˇ doˆ-euˬ tsawˇ haˬ, miˇ kʼahˬ kʼoeˇ kʼahˬ-ahˇ paˇ bi uˆ lahˇ ma. Ngaˬ-ahˇ yawꞈ cehˆ haw laˇ peuˬ-eu aˬ suˇ gʼaˬ jawˇ ta. Ngaˬ-ahˇ ciˬ daˬ laˇ peuˬ-eu aˬ suˇ gʼaˬ jawˇ ta. Ngaˬ-ahˇ jahˇ gʼeh haw peuˬ-eu sahˬ paˬ sahˬ ma aˬ gaˇ jawˇ ta.

Naˬhmˬ 1:6

Aˬ yawꞈ nui ma pehˇ-eu jeˬ-ahˇ, dehꞈ dzeuˇ nya-eu aˬ suˇ jawˇ ta. Nui pehˇ miˬ lmˇ shehˆ daˆ leꞈ ngeh, lo gahˬ lo guˇ byaˆ ka le-awˇ, kʼaˬ lehˇ loꞈ-ehˇ meuˇ jiˇ-eu meh.

Haˬbaˬkuˆ 2:20

Ehˇ kʼawꞈ huiˬ-eu Sahˬpaˬ Miˬyehˇ, yawꞈ-euˬ muiˬ-eu nymˇ shawˇ pyeuꞈ-eu, Uˬ duˬ tahˬ nymˇ laꞈ kʼoeˇ jawˇ meh. Miˇ tsaˬ zaˬ yawˬ gʼaˬ yawˬ na luꞈ, aˬ yawꞈ mehˬ shi ciˬ cuˇ jawˇ-awˬ.

Zaˬkaˬliˇ 2:13

Tsawˇ haˬ yawˬ gʼaˬ na luꞈ Sahˬpaˬ Miˬyehˇ mehˬ shi ciˬ cuˇ ni jawˇ-awˬ. Aˬ jeˬ miˇ neh ehˇ naˇ, aˬ yawꞈ-euˬ muiˬ-eu shawˇ-eu jawˇ duˬ-ahˇ neh aˬ yawꞈ luˆ laˇ-awˇ oe luꞈ meh.

Yaˇ kʼaˬ daˇ 5:20

Mˬ kʼoeˇ taˆ cah luꞈ-eu aˬ guiˇ deuˬ, Siˇseˬlaˇ-ahˇ guiˇ deuˆ-euˬ meh.