Jaceuq 76:6 - Akha

⁶ Yaˬkoˆ-euˬ Miˬyehˇ-oˇ, aˬ yawꞈ maꞈ-ahˇ nawˇ laˆ guˆ nehˬ ngeh, mahˬ hawˇ-eu mahˬ dziˬ-eu tsawˇ haˬ deuˬ coˬ sehꞈ jiˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Yaqkov-euq Miqyaer-or! Nawr, aqyawf maf-anr lmqnaeq ngae, Manq hawr-eu manq lavlawq-anr dziq-eu deuq yawshir-aer ga-eu mae.

Jaceuq 76:6 ပူးပေါင်းရင်းမြစ်များ

2 Saˬmeuˬlaˆ 10:18

Iˇsaˬleˬlaˆ tsawˇ haˬ deuˬ neh Suˇliˆ guiˇ maꞈ-ahˇ mehˬ nah paw teh kʼoꞈ gʼeh-awˇ, guiˇ deuˆ-eu mahˬ laˆ lawˬ teh-eu Suˇliˆ yehˇ shiꞈ yaˇ gʼaˬ hawˇ-eu mahˬ dziˬ-eu yehˇ oeˬ muiˇ gʼaˬ-ahˇ, Daˬbiˇ hawˇ-eu aˬ yawꞈ-euˬ tsawˇ haˬ deuˬ neh sehꞈ-euˬ meh. Muiˇ-eu deuˬ-euˬ guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu Shoˇbaˆ-ahˇ kʼawꞈ aˬ yawꞈ maꞈ deuˆ naˇ nehˬ-awˇ, deuˆ ceh ceh luꞈ ngeh shiˇ-euˬ meh.

2 Sahˬpaˬ 19:35

Kʼoeˇ ngeh miˇ, Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ, Aˬshuˇliˆ guiˇ maꞈ-euˬ taˆ-ahˇ le-awˇ, yehˇ tiˬ seh yehꞈ muiˇ ngaˬ heˇ gʼaˬ-ahˇ sehꞈ-euˬ meh. Uˬ bya bya laˇ ngeh, tsawˇ haˬ kʼoeˇ deuˬ yaw shiˇ-ehˇ ga-eu meh.

2 Laˬsaˬbaˬ 32:21

Sahˬpaˬ Miˬyehˇ neh mˬ taˆ gʼaˬ kʼehˇ pyehˬ gʼeh leꞈ-awˇ, Aˬshuˇliˆ guiˇ maꞈ-euˬ yehˇ deuˬ hawˇ-eu yaw huiˬ yaw mahˇ deuˬ-ahˇ bi sehꞈ-euˬ meh. Kʼoeˇ miˇ neh, Aˬshuˇliˆ sahˬpa kʼoeˇ gʼaˬ nui ma cawˆ-eu laꞈ kʼoeˇ, aˬ yawꞈ-euˬ miˇ kʼahˬ-ahˇ gʼoꞈ leˇ-euˬ meh. Kʼoeˇ naˇ, aˬ yawꞈ-euˬ miˬ yehˇ-euˬ uˬ duˬ tahˬ nymˇ laꞈ kʼoeˇ aˬ yawꞈ jawˇ luꞈ-eu aˇ nah tiˬ nah-ahˇ, aˬ yawꞈ-euˬ aˬ li tiˬ deuˬ mi cehˇ yuˇ-awˇ aˬ yawꞈ-ahˇ sehꞈ-euˬ meh.

Jaceuq 104:7

Iˇ cuꞈ-ahˇ nawˇ dehˬ ngeh iˇ cuꞈ cehˆ byoˆ-awˇ, nawˇ yaw kʼaˆ-ehˇ guˇ-awˇ dawˬ biꞈ ngeh cehˆ byaˆ jiˇ-eu meh.

Jaceuq 18:15

Sahˬpaˬ Miˬyehˇ-oˇ, muiˇ-eu deuˬ-ahˇnawˇpehˇlaˇ-awˇ, naˇmehˇnaˇsaꞈbaw gʼeh leꞈngeh, laˆshaˆdawˬdah mawˇjiˇlaˇ-awˇ, miˇtsaˬduˬpuˇneˇmyawˆni meh.

Jaceuq 80:16

Nga maꞈ-ahˇ muiˇ-eu tsawˇ haˬ deuˬ aˬ gaꞈ baw duˆ kʼoeˇ-ahˇ miˬ dzaˬ dzah puiˆ-awˇ coeˇ tsehˆ dzeh-euˬ meh. Aˬ yawꞈ maꞈ-ahˇ nui ma pehˇ-awˇ laˆ cawˆ nehˬ-awˬ.

Doˆ-iˇ 15:1

Kʼoeˇ naˇ, Moˇseˬ hawˇ-eu Iˇsaˬleˬlaˆ tsawˇ haˬ deuˬ, caˇ dawˬ heu bymˇ caˇ-awˇ, Sahˬpaˬ Miˬyehˇ-ahˇ ja ceuˬ-euˬ meh. “Sahˬpaˬ Miˬyehˇ-aˬ, baoˬ yaw shehꞈ kʼahˬ sehˇ huiˬ-awˇ guiˇ deuˆ gʼaˬ-euˬ miˇ neh, aˬ yawꞈ-ahˇ ngaˇ ja ceuˬ ma. Mahˬ kʼoeˇ deuˬ hawˇ-eu mahˬ dziˬ-eu tsawˇ haˬ deuˬ-ahˇ iˬ ma laˆ shaˆ laꞈ kʼoeˇ aˬ yawꞈ biˬ puꞈ jiˇ-euˬ meh.

Doˆ-iˇ 15:10

Ehˇ kʼawꞈ, Sahˬpaˬ Miˬyehˇ nawˇ saꞈ tiˬ poˆ baw gʼeh ngeh, Iˇjiˇtuˆ tsawˇ haˬ deuˬ iˇ cuꞈ-ahˇ bu-awˇ, guˆ laˇ paˬ-ehˇ gʼeh-eu iˇ cuꞈ laꞈ kʼoeˇ, za siˬ loꞈ-ehˇ aˬ yawꞈ maꞈ ga nuiꞈ-euˬ meh.

Doˆ-iˇ 15:21

Aˬ yawꞈ maꞈ-ahˇ Miˇliˬyaˬ dawˬ caˇ caˇ mehˬ nehˬ-eu, “Sahˬpaˬ Miˬyehˇ-aˬ, yaw shehꞈ kʼahˬ sehˇ huiˬ-eu laꞈ kʼoeˇ, guiˇ deuˆ-eu gʼaˬ leˇ-euˬ miˇ neh, aˬ yawꞈ-ahˇ caˇ-awˇ ja ceuˬ-awˬ. Aˬ yawꞈ-aˬ, mahˬ kʼoeˇ deuˬ hawˇ-eu, mahˬ dziˬ-eu deuˬ-ahˇ, iˬ ma laˆ shaˆ laꞈ kʼoeˇ biˬ puꞈ jiˇ-euˬ meh.”

Iˇsaˬyaˇ 37:36

Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ Aˬshuˇliˆ taˆ-ahˇ uˇ-iˇ-awˇ, yehˇ tiˬ seh yehꞈ muiˇ ngaˬ heˇ gʼaˬ-ahˇ sehꞈ-euˬ meh. Yawˬ shawˬ yawˬ uˬ bya bya laˇ ngeh, aˬ yawꞈ maꞈ dawˬ tawˆ luꞈ yaw shiˇ-ehˇ ga-eu meh.

Yeˬlaˬmiˇ 51:39

Aˬ yawꞈ maꞈ aˇ dzehˬ-ehˇ smˇ ta loˇ. Aˬ yawꞈ maꞈ gʼaˇ duˬ ngaˇ dzaˬ byawˇ shaˇ dahˇ nehˬ-awˇ, bi dzaˬ bi dawˇ yehꞈ-awˇ laˬ kʼaˬ bi cehˇ ma. Aˬ yawꞈ maꞈ yuꞈ kʼaˆ-awˇ, tiˬ jawˇ-iˬ maˬ paˇ noeˬ laˇ-aˇ.

Yeˬlaˬmiˇ 51:57

Aˬ yawꞈ maꞈ-euˬ sahˬ paˬ sahˬ ma hawˇ-eu, zaˬ siˬ tsawˇ gahˇ byah loꞈ-eu deuˬ, aˬ yuiꞈ aˬ tsu hawˇ-eu yehˇ deuˬ, jiˇ baˬ dawˇ yehꞈ ni ngaˇ jahˇ ma. Aˬ yawꞈ maꞈ yuꞈ kʼaˆ-awˇ maˬ paˇ noeˬ laˇ meh lehˇ, dzoeˬ dzaˬ sahˬ paˬ pyeuꞈ-eu ngaˇ ehˇ-eu ma. Ngaˇ-aˬ, Baoˬ huiˬ-eu Sahˬpaˬ Miˬyehˇ ma.

Yeˬsaˬgeˬlaˇ 39:20

Ngaˬ-euˬ hawˬ jeh kʼoeˇ taˆ mahˬ hawˇ-eu mahˬ dziˬ-eu tsawˇ haˬ deuˬ-euˬ shaˬ jiˇ maˬ ehˇ, yehˇ deuˬ hawˇ-eu guiˇ deuˆ-eu tsawˇ haˬ deuˬ-euˬ shaˬ jiˇ maˬ ehˇ, aˬ yawꞈ maꞈ kʼaˇ dzaˬ coeˇ-eu ya dzaˬ tehꞈ-a lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Naˬhmˬ 1:6

Aˬ yawꞈ nui ma pehˇ-eu jeˬ-ahˇ, dehꞈ dzeuˇ nya-eu aˬ suˇ jawˇ ta. Nui pehˇ miˬ lmˇ shehˆ daˆ leꞈ ngeh, lo gahˬ lo guˇ byaˆ ka le-awˇ, kʼaˬ lehˇ loꞈ-ehˇ meuˇ jiˇ-eu meh.

Naˬhmˬ 2:13

Dawˬ tawˆ kʼoeˇ taˆ Sahˬpaˬ Miˬyehˇ, Niˇnaˬbeˬ-ahˇ heu loˇ ehˇ meh. “Mahˬ laˆ lawˬ deuˬ ngaˇ keuˬ dzeh-awˇ, yehˇ deuˬ guiˇ bi deuˆ sehꞈ jiˇ ma. Aˬ cawˬ-ahˇ nawˬ neh ceh geuꞈ-euˬ, yawˬ jeˬ na luꞈ ngaˇ yuˇ kʼoꞈ ma. Miˇ tsaˬ kʼoeˇ taˆ nawˇ baoˬ huiˬ-euˬ, kʼawˇ taꞈ kʼawˇ teˇ maˬ paˇ doˆ meh.”

Naˬhmˬ 3:18

Huiˬ-eu Aˬshuˇliˆ sahˬ paˬ-oˇ, nawˬ-euˬ gaˇ mˇ-eu sahˬ paˬ deuˬ, yuꞈ byoˆ shiˇ byoˆ shiˇ laˆ jiˇ-awˇ, nawˬ-euˬ miˇ kʼahˬ zaˬ dawˬ tawˆ luꞈ, haw luiˆ nehˬ-eu gʼaˬ maˬ jawˇ ehˇ, gawˬ jawˬ doe ni cehˆ byaˆ-euˬ meh.

Zaˬkaˬliˇ 12:4

Aˇ yamˬ kʼoeˇ yamˬ keuˆ laˇ ngeh, aˬ yawꞈ maꞈ-euˬ dziˬ mahˬ deuˬ-ahˇ ngaˇ laˆ guˆ nehˬ-awˇ, mahˬ dziˬ-eu yehˇ deuˬ tsawˇ uˬ bi uˬ-iˇ jiˇ ma. Yuˇdaˆ tsawˇ haˬ deuˬ-ahˇ ngaˇ haw piˇ nehˬ-awˇ, muiˇ-eu deuˬ-euˬ mahˬ deuˬ myaˆ behꞈ bi behꞈ-iˇ jiˇ ma.

1 Saˬmeuˬlaˆ 26:12

Kʼoeˇ ngeh, Sawˇluˆ-euˬ uˬ duˬ dawˬ peh jaˆ-eu gahˬ hawˇ-eu iˇ puˬ-ahˇ Daˬbiˇ yuˇ-awˇ, Aˬbiˇshaiˇ aˬ yawꞈ nyaꞈ doˆ-iˇ-euˬ meh. Kʼoeˇ loꞈ-ehˇ jahˇ-euˬ gaˇ tsawˇ haˬ tiˬ gʼaˬ-iˬ maˬ siˬ maˬ mawˇ-ehˇ, tiˬ gʼaˬ-iˬ maˬ noeˬ ni yuꞈ kʼaˆ jiˇ taˬ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ yawˬ gʼaˬ na luꞈ kʼoeˇ taˆ, tiˬ jeˬ-iˬ maˬ noeˬ ni yuꞈ kʼaˆ byoˆ-eu jeˬ Sahˬpaˬ Miˬyehˇ bi keuˆ le taˬ-euˬ meh.