Jaceuq 74:15 - Akha

¹⁵ Lawˇ kʼmˬ lawˇ gawˆ-ahˇ nawˇ iˇ cuꞈ bi yoeˇ-awˇ, Lawˇ baˬ baˬ ma deuˬ-ahˇ iˇ cuꞈ bi guiˇ-iˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Nawr, cuq diqpan-awr lawrgawv-anr ircuf bi yoerle-euq mae; Nawr, yawqjawr navluf yoer-eu lawrbaq deuq-anr ircuf bigui-ir-euq mae.

Jaceuq 74:15 ပူးပေါင်းရင်းမြစ်များ

2 Sahˬpaˬ 2:14

Eˇliˇyaˆ-euˬ pehˇ kʼahˬ pehˇ mahˇ kʼoeˇ neh iˇ cuꞈ-ahˇ aˬ yawꞈ sheu juiꞈ-awˇ, “Eˇliˇyaˆ-euˬ Miˬyehˇ pyeuꞈ-eu Sahˬpaˬ Miˬyehˇ aˬ gaˇ jawˇ ta” lehˇ ehˇ-eu meh. Kʼoeˇ naˇ, iˇ cuꞈ-ahˇ aˬ yawꞈ tiˬ poˆ paˇ sheu juiꞈ ngeh, iˇ cuꞈ nyiˬ paˆ paˆ-iˇ-awˇ, lawˇ baˬ tsehˆ doˆ-euˬ meh.

2 Sahˬpaˬ 2:8

Eˇliˇyaˆ gʼaˬ aˬ yawꞈ-euˬ pehˇ kʼahˬ pehˇ mahˇ lehˆ-awˇ lehˬ yoˆ-awˇ, iˇ cuꞈ-ahˇ sheu juiꞈ-euˬ meh. Kʼoeˇ ngeh, iˇ cuꞈ nyiˬ paˆ paˆ-iˇ-awˇ, Eˇliˇshehˇ aˬ yawꞈ nyaꞈ gui coˇ ni gʼeh-eu miˇ tsaˬ-ahˇ nawˬ-awˇ, lawˇ baˬ tsehˆ doˆ-euˬ meh.

Jaceuq 105:41

Kʼaˬ lo-ahˇ aˬ yawꞈ pah ngeh iˇ cuꞈ tahˬ doˆ laꞈ-awˇ, kʼaˇ shuiꞈ deh-ahˇ lawˇ baˬ loꞈ-ehˇ yoeˇ-euˬ meh.

Jaceuq 114:3

Iˬ ma laˆ shaˆ yaw neˇ ciˬ pyawˇ-awˇ cehˆ-euˬ meh. Yawˇdaˬ lawˇ baˬ gawˆ mehˇ paw yoeˇ daˆ leꞈ-euˬ meh.

Jaceuq 78:15

Kʼaˇ shuiꞈ deh ga laꞈ kʼoeˇ kʼaˬ lo bi tsawˬ nga laˇ-awˇ, miˇ tsaˬ dawˬ dah-euˬ iˇ cuꞈ aˬ yawꞈ maꞈ-ahˇ bi dawˇ-euˬ meh.

Iˇsaˬyaˇ 11:16

Iˇsaˬleˬlaˆ tsawˇ haˬ-euˬ aˬ poeˬ aˬ bawˇ deuˬ, Iˇjiˇtuˆ miˇ kʼahˬ-ahˇ doˆ le ngeh gaˇ jawˬ dahˇ-euˬ loꞈ-ehˇ, Aˬshuˇliˆ miˇ kʼahˬ-ahˇ dzeˇ-eu Iˇsaˬleˬlaˆ tsawˇ haˬ deuˬ gʼaˇ duˬ, Aˬshuˇliˆ miˇ kʼahˬ-ahˇ neh gaˇ jawˬ dahˇ doˆ tehꞈ-a.

Iˇsaˬyaˇ 44:27

Ngaˇ dawˬ kʼaˆ tiˬ dawˬ biꞈ-awˇ, iˬ ma laˆ shaˆ-ahˇ bi gui-iˇ-euˬ ma.

Iˇsaˬyaˇ 48:21

Gui coˇ ni gʼeh-awˇ lahˇ dui dui-eu kʼaˇ shuiꞈ deh yaˇ-ahˇ, aˬ yawꞈ-euˬ tsawˇ haˬ-ahˇ Sahˬpaˬ Miˬyehˇ sheuˬ tsehˆ gʼeh ngeh, aˬ yawꞈ maꞈ-ahˇ iˇ cuꞈ maˬ bi mehꞈ-aˬ. Aˬ yawꞈ maꞈ gʼaˇ duˬ kʼaˬ lo-ahˇ iˇ cuꞈ doˆ le-euˬ meh. Kʼaˬ lo-ahˇ aˬ yawꞈ maˇ byoe bi dahˇ laˇ-awˇ, iˇ cuꞈ bi yoeˇ doˆ le-euˬ meh.

Haˬbaˬkuˆ 3:9

Nawˬ-euˬ kaˆ-ahˇ nawˇ ngoꞈ daˆ-awˇ, kaˆ myaˬ yuˇ daˆ-awˇ loꞈ-eu meh. Miˇ tsaˬ paˆ-iˇ shaˆ-iˇ jiˇ ni, lawˇ baˬ neh nawˇ kawˆ paˆ-euˬ meh.

Bawˇtsahˬ 20:11

Kʼoeˇ naˇ, Moˇseˬ gawˬ yoeˬ cawˬ ja-awˇ, kʼaˬ lo kʼoeˇ siˬ-ahˇ nyiˬ laꞈ juiꞈ gʼeh-euˬ meh. Kʼoeˇ ngeh, iˇ cuꞈ lawˇ gawˆ loꞈ-ehˇ iˇ cuꞈ yoeˇ doˆ le-awˇ, tsawˇ haˬ kʼoeˇ deuˬ hawˇ-eu jeˬ zaˬ deuˬ iˇ cuꞈ dawˇ-euˬ meh.

Yawˇshuˆ 2:10

Iˇjiˇtuˆ miˇ kʼahˬ laꞈ kʼoeˇ neh naw maꞈ doˆ laˇ luꞈ ngeh, naw maꞈ-euˬ mehˬ shi, Sahˬpaˬ Miˬyehˇ neh iˬ ma laˆ shaˆ yaw neˇ iˇ cuꞈ bi gui-iˇ-euˬ gaˇ kawˆ nga maꞈ ya gaˬ-euˬ ma. Yawˇdaˬ lawˇ baˬ nahˇ ma doˆ kʼehˬ paw jawˇ-eu Aˬmawˇliˆ sahˬ paˬ nyiˬ gʼaˬ pyeuꞈ-eu Siˇhoˬ hawˇ-eu Awˇgaˆ-ahˇ naw maꞈ aˬ joˆ-ehˇ sehꞈ-euˬ gaˇ kawˆ kʼawꞈ, nga maꞈ siˬ nya ma.

Panmaeq 16:12

Kʼoeˇ naˇ, mˬ taˆ gʼaˬ kʼehˇ koꞈ gʼaˬ tiˬ gʼaˬ aˬ yawꞈ-euˬ naˬ bo Uˇpaˬlaˇ lawˇ baˬ baˬ ma-ahˇ shehˆ daˆ-euˬ meh. Kʼoeˇ ngeh, nahˇ ma doˆ kʼehˬ paw neh oe-euˬ sahˬ paˬ deuˬ oe tsehˆ nya ni lawˇ baˬ gui-iˇ-euˬ meh.