Jaceuq 72:11 - Akha

¹¹ Sahˬ paˬ dawˬ tawˆ luꞈ aˬ yawꞈ mehˬ shi ya awˆ byaˆ-awˇ, tsawˇ jeuˬ dawˬ tawˆ luꞈ aˬ yawꞈ zaˬ kʼaˆ ya geuꞈ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Sanqpaq dawqtawvluf, aqyawf-euq maeqshi ya gabyav-awr; Mirkhanq tsawrjeuq dawqtawvluf, aqyawf-euq kuirlaf yageuf taef-a.

Jaceuq 72:11 ပူးပေါင်းရင်းမြစ်များ

Jaceuq 86:9

Nawˬ neh beh taˬ-euˬ tsawˇ jeuˬ dawˬ tawˆ luꞈ, nawˬ-euˬ mehˬ shi laˇ-awˇ awˆ byaˆ tehꞈ-a. Nawˇ huiˬ-eu mahˇ-eu gaˇ kawˆ aˬ yawꞈ maꞈ caˇ-awˇ ja ceuˬ tehꞈ-a.

Iˇsaˬyaˇ 11:9

Iˬ ma laˆ shaˆ iˇ cuꞈ byah-eu loꞈ-ehˇ, Sahˬpaˬ Miˬyehˇ-ahˇ siˬ nya-eu jeˬ, miˇ tsaˬ kʼoeˇ taˆ byah-eu miˇ neh, Miˬyehˇ-euˬ muiˬ-eu shawˇ-eu Ziˇoˬ gawˬ jawˬ-ahˇ, lehˬ laˇ ca laˇ duˬ maˬ jaˆ-a.

Iˇsaˬyaˇ 49:7

Aˬ cawˬ noeˬ teˬ gaˇ ya daˬ-awˇ, miˇ kʼahˬ tsawˇ jeuˬ deuˬ bye dui dui-eu gʼaˬ pyeuꞈ-eu, sahˬ paˬ sahˬ ma deuˬ-euˬ zaˬ kʼaˆ pyeuꞈ-eu gʼaˬ-ahˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ luꞈ-eu ka kʼoꞈ-eu gʼaˬ heu loꞈ-ehˇ ehˇ nehˬ-euˬ meh. “Nawˇ buˬ-iˇ gaˇ sahˬ paˬ deuˬ ya mawˇ-awˇ, tuˇ-awˇ nawˬ-ahˇ yaw zeu ya baw tehꞈ-a. Sahˬ paˬ zaˬ yo deuˬ kʼawꞈ nawˬ-ahˇ mawˇ ngeh, awˆ byaˆ-awˇ taˬ huiˬ tehꞈ-a.” Sahˬpaˬ Miˬyehˇ aˬ yawꞈ-euˬ zaˬ kʼaˆ-ahˇ tseˇ doˆ nehˬ-euˬ miˇ neh, kʼoeˇ loꞈ-ehˇ ya pyeuꞈ laˇ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ-aˬ, aˬ yawꞈ-euˬ saˇ jaˇ dawˬ-ahˇ ziꞈ-eu meh.

Iˇsaˬyaˇ 54:5

Nawˬ-ahˇ beh-euˬ gʼaˬ nawˬ-euˬ kʼaˬ dzeˇ zaˬ-ahˇ duˇ tehꞈ-a. Aˬ yawꞈ tsawˇ myahˇ Baoˬ huiˬ-eu Sahˬpaˬ Miˬyehˇ meh. Iˇsaˬleˬlaˆ-euˬ muiˬ-eu shawˇ-eu Miˬyehˇ nawˬ-ahˇ ka kʼoꞈ nehˬ laꞈ tehꞈ-a. Miˇ tsaˬ dawˬ tawˆ luꞈ-ahˇ aˬ yawꞈ uˆ lahˇ-eu meh.

Miˇkaˬ 7:17

Aˇ lawˇ loꞈ-ehˇ kʼaˬ lehˇ tsahˬ-ahˇ aˬ yawꞈ maꞈ joe tehꞈ-a. Aˬ yawꞈ maꞈ guˆ-awˇ yaw dzuˬ dzuˬ-eu laꞈ kʼoeˇ, ziꞈ dah ni gʼeh-eu aˬ yawꞈ maꞈ-euˬ taˆ nymˇ laꞈ kʼoeˇ neh doˆ le tehꞈ-a. Aˬ yawꞈ maꞈ guˆ dui dui-eu laꞈ kʼoeˇ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ ahˇ tahˬ shaˇ laˇ tehꞈ-a.

Bawˇtsahˬ 24:7

Aˬ yawꞈ maꞈ uˬ yehˇ tiˬ loꞈ za-awˇ, iˇ cuꞈ za-eu deh yaˇ-ahˇ siˬ yoeˬ sehˬ tehꞈ-a. Aˬ yawꞈ maꞈ-euˬ sahˬ paˬ-aˬ, sahˬ paˬ Aˬgaˆ naˆ maˬ tseˇ baoˬ huiˬ-awˇ, aˬ yawꞈ-euˬ miˇ kʼahˬ huiˬ dui jeˇ dui dui tehꞈ-a.

Lormav 11:25

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ yawˬ haˇ yawˬ ha zaˬ siˬ tsawˇ gahˇ ahˇ ma lehˇ maˬ ya noeˬ ni, zaꞈ taˬ-euˬ yaw tsaˬ yaw dawˇ tiˬ jeˬ naw maꞈ-ahˇ ngaˇ ehˇ nehˬ mawꞈ miˇ-a. Iˇsaˬleˬlaˇ tsawˇ haˬ deuˬ nui ma gʼahˇ-eu kʼoeˇ-aˬ, gʼawˬ myahˇ ni maˬ gmˬ-aˇ. Aˬ cawˬ tsawˇ jeuˬ aˇ myaˆ gʼaˬ bi laˇ byah-eu lehˇ Miˬyehˇ neh noeˬ taˬ-euˬ loꞈ-ehˇ laˇ byah ngeh keuˆ ni gmˬ-eu tehꞈ meh.

Panmaeq 11:15

Kʼoeˇ naˇ, mˬ taˆ gʼaˬ kʼehˇ shiꞈ gʼaˬ tiˬ gʼaˬ daˇ heh baw ngeh, mˬ kʼoeˇ taˆ teˇ saˇ yaw kʼaˆ-ehˇ lawꞈ gʼa laˇ-awˇ ehˇ-eu, “Miˇ tsaˬ heu kʼoeˇ taˆ uˆ lahˇ-eu baoˬ, nymˬ-mˇ aˬ dui-euˬ Sahˬpaˬ Miˬyehˇ hawˇ-eu aˬ yawꞈ-euˬ Ka li-ahˇ oꞈ-awˇ, mˬ maˬ maˬ byaˆ zaˇ ziˇ aˬ yawꞈ uˆ lahˇ tehꞈ-a.”

Panmaeq 17:14

Aˬ yawꞈ maꞈ Yawˇzaˬ-ahˇ guiˇ deuˆ tehꞈ-a. Ehˇ kʼawꞈ, Yawˇzaˬ-aˬ, aˬ yawꞈ neh tseˇ doˆ-awˇ kuˇ-euˬ, saˇ jaˇ ziꞈ-eu laꞈ kʼoeˇ aˬ yawꞈ-euˬ mehˬ nah caw teh-eu tsawˇ haˬ deuˬ nehˬ-ehˇ tiˬ paw pyawˬ-awˇ, aˬ yawꞈ maꞈ-ahˇ deuˆ gʼaˬ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, sahˬ paˬ kʼoeˇ taˆ Sahˬpaˬ pyeuꞈ-eu meh.”

Panmaeq 21:24

Miˇ tsaˬ zaˬ deuˬ kʼoeˇ-euˬ yaw shehꞈ-ahˇ gʼoe-awˇ cah tehꞈ-a. Miˇ kʼahˬ sahˬ paˬ deuˬ-aˬ, meuˬ kʼoeˇ meuˬ-ahˇ aˬ yawꞈ maꞈ-euˬ pyuˇ shuiˇ myawˬ gahˬ sha ahˇ tehꞈ-a.

Panmaeq 21:26

Miˇ kʼahˬ tsawˇ jeuˬ-euˬ yaw shehꞈ kʼahˬ sehˇ hawˇ-eu pyuˇ shuiˇ myawˬ gahˬ deuˬ, meuˬ kʼoeˇ meuˬ-ahˇ yuˇ ahˇ gʼeh tehꞈ-a.