Jaceuq 71:14 - Akha

¹⁴ Nawˬ-ahˇ ngaˇ aˬ myah luꞈ noeˬ tmˬ ma. Tiˬ nah taꞈ-ehˇ tiˬ nah nawˬ-ahˇ ngaˇ ja ceuˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Aerkhawf, ngar-aq, aqmyanluf nawq-anr noeqtmq ma. Ngar, ngaeq-aer nar-aq ngaeq-aer, nawq-anr jaceuq ma siq.

Jaceuq 71:14 ပူးပေါင်းရင်းမြစ်များ

Yawˇbaˆ 13:15

Ngaˇ noeˬ tmˬ duˬ tiˬ jeˬ-iˬ maˬ paˇ jaˆ-eu-aˬ, Miˬyehˇ ngaˬ-ahˇ sehꞈ kʼawꞈ aˬ jeˬ gʼeh nmˇ. Ngaˬ-euˬ gaˇ kawˆ aˬ yawꞈ nehˬ-ehˇ ngaˇ ja ma.

Jaceuq 130:7

Iˇsaˬleˬlaˆ tsawˇ jeuˬ-oˇ, Sahˬpaˬ Miˬyehˇ-ahˇ gʼoe-awˬ. Aˬ yawꞈ-euˬ gʼoeˇ-eu gaˬ-eu jeˬ maˬ tsehˆ leˇ nya-ehˇ, aˬ dui-ahˇ ka kʼoꞈ mawꞈ-eu nui ma jaˆ-eu miˇ neh, aˬ yawꞈ-ahˇ gʼoe-awˬ.

Jaceuq 43:5

Aˬjeˬmiˇneh shaˬzahˬnaꞈ-awˇ, nui noeˬshaˬ-eu maˬjiˇnya ta. Miˬyehˇ-ahˇngaˇ noeˬtmˬ-eu ma. Ngaˬ-ahˇka kʼoꞈ-eu gʼaˬpyeuꞈ-eu, Miˬyehˇ-ahˇpaˇja ceuˬ-eu ma.

Jaceuq 71:6

Ngaˬ-euˬ tiˬ ziˇ nawˬ-ahˇ tehꞈ-ehˇ laꞈ jeuˬ shaˇ-euˬ ma. Dehꞈ le ngeh tiˬ nah neh ngaˬ-ahˇ nawˇ haw piˇ nehˬ laꞈ-euˬ meh. Nawˬ-ahˇ ngaˇ aˬ myah luꞈ ja ceuˬ ma.

Ngoeˇ dawˬ 3:21

Ehˇ kʼawꞈ tiˬ jeˬ noeˬ mawˇ laˇ-awˇ, noeˬ tmˬ kʼaˇ paˇ za laˇ miˇ-a.

Ngoeˇ dawˬ 3:24

Ngaˬ neh za taˬ-euˬ pyuˇ pahˬ-aˬ, Sahˬpaˬ Miˬyehˇ pyeuꞈ-eu miˇ neh, aˬ yawꞈ-ahˇ ngaˇ noeˬ tmˬ luꞈ ma.

Ngoeˇ dawˬ 3:25

Aˬ dui-euˬ Sahˬpaˬ Miˬyehˇ-aˬ, yawꞈ-ahˇ noeˬ tmˬ-eu deuˬ hawˇ-eu, yawꞈ-ahˇ poˆ-eu deuˬ-euˬ gʼaˇ duˬ, yaw muiˬ jeˬ biꞈ nehˬ-eu gʼaˬ meh.

Ngoeˇ dawˬ 3:26

Sahˬpaˬ Miˬyehˇ ka kʼoꞈ le gaˇ, ciˬ cuˇ ni oˇ-awˇ dawˬ-eu-aˬ, aˬ dui gʼaˇ duˬ muiˬ dzehˬ-eu meh.

Piˇliˇpiˆ 1:9

Naw maꞈ-euˬ gʼoeˇ-eu gaˬ-eu jeˬ tiˬ jawˇ saˇ-iˬ tiˬ jawˇ huiˬ laˇ mahˇ laˇ-eu laꞈ kʼoeˇ, yaw tsaˬ yaw dawˇ jeˬ-ahˇ siˬ duˬ mawˇ duˬ nya laˇ-awˇ, yaw muiˬ yaw doeˇ tseˇ paˆ geuꞈ nya laˇ ni ngaˇ guiˬ lahˬ shaˇ-eu ma.

1 Teˇsaˬloˇni 4:10

Maˇ maˇ ni ehˇ naˇ, Maˬgeˬdawˇniˆ miˇ kʼahˬ laꞈ kʼoeˇ kʼaˇ jawˇ-eu aˬ yuiꞈ aˬ nyiˇ Ka li zaˬ dawˬ tawˆ luꞈ-ahˇ, naw maꞈ kʼoeˇ loꞈ-ehˇ gʼoeˇ-euˬ gaˬ-euˬ meh. Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, naw maꞈ-euˬ gʼoeˇ-eu gaˬ-eu jeˬ kʼoeˇ naˆ maˬ tseˇ myaˬ laˇ ni leh jeh siˬ lehˇ nga maꞈ shaˇ-eu ma.

HeˬByehˇ 10:35

Kʼoeˇ miˇ neh, naw maꞈ nui ma ziꞈ-eu jeˬ-ahˇ taˬ byehˇ dzeh. Aˬ jeˬ miˇ neh ehˇ naˇ, kʼoeˇ baˬ da neh huiˬ dui dui-eu laꞈ sawˬ naw maꞈ za tehꞈ-a.

1 Beˬtuˆluˆ 1:13

Kʼoeˇ miˇ neh, naw maꞈ-euˬ nui ma lehˬ hmˬ dah taˬ-awˬ. Yaw beuˇ beuˇ-ehˇ dehꞈ-awˇ, Yeˬsuˇ Ka li-ahˇ bya cehˆ ni ya mawˇ ngeh nah naw maꞈ-ahˇ biꞈ-eu lehˇ lehˬ hmˬ taˬ-euˬ guiˬ lahˬ yaw dzahˇ-ahˇ tehꞈ-ehˇ noeˬ tsoˆ taˬ-awˬ.

2 Beˬtuˆluˆ 3:18

Ehˇ kʼawꞈ, ka kʼoꞈ-eu gʼaˬ pyeuꞈ-eu aˬ dui-euˬ Sahˬpaˬ Yeˬsuˇ Ka li-euˬ guiˬ lahˬ yaw dzahˇ laꞈ kʼoeˇ hawˇ-eu aˬ yawꞈ-ahˇ siˬ nya-eu jeˬ laꞈ kʼoeˇ huiˬ laˇ mahˇ laˇ luꞈ-eu jeˬ taˬ bi tsehˆ-iˇ. Nymˬ-mˇ hawˇ-eu mˬ maˬ maˬ byaˆ zaˇ ziˇ aˬ yawꞈ yaw shehꞈ kʼahˬ sehˇ huiˬ luꞈ-uˇ. Aˬ miˬ

1 Yoˇhaˬ 3:3

Ka li laꞈ kʼoeˇ, kʼoeˇ loꞈ-ehˇ kʼaˇ noeˬ tmˬ taˬ-euˬ tsawˇ haˬ deuˬ-aˬ, Ka li muiˬ-eu shawˇ-eu loꞈ-ehˇ, yawˬ ha kʼawꞈ ya bi muiˬ ya bi shawˇ meh.