Jaceuq 68:4 - Akha

⁴ Miˬyehˇ-ahˇ caˇ-awˇ ja ceuˬ-awˬ. Aˬ yawꞈ-euˬ tsawˇ myahˇ-ahˇ caˇ-awˇ ja ceuˬ-awˬ. Mˬ dmˇ dziˬ-awˇ cah luꞈ-eu gʼaˬ-ahˇ, caˇ dawˬ caˇ-awˇ ciˬ huiˬ ciˬ mahˇ nehˬ-awˬ. Aˬ yawꞈ-euˬ tsawˇ myahˇ Sahˬpaˬ Miˬyehˇ meh. Aˬ yawꞈ mehˬ shi laˬ kʼaˬ cehˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Miqyaer-anr carnaeq-awq. Aqyawf-euq tsawrmyanr-anr car-awr jaceuq-awq. Mqdmr-anr dziq-awr can-eu ghaq-anr ciqhuiq ciqmanr-awq. Aqyawf-euq tsawrmyanr-aq, Ya’we Miqyaer laer mae. Aqyawf-euq maeqshi laqkhaq caer-awq.

Jaceuq 68:4 ပူးပေါင်းရင်းမြစ်များ

Jaceuq 104:3

mˬ taˆ iˇ cuꞈ kʼoeˇ taˆ nawˬ-euˬ nymˇ tsoˆ daˆ taˬ-euˬ meh. Mˬ dmˇ-ahˇ nawˬ-euˬ mahˬ laˆ lawˬ bi geuꞈ-awˇ, jaˬ lehˇ-euˬ aˬ dahˇ kʼoeˇ taˆ nawˇ dziˬ-eu meh.

Jaceuq 16:11

Dehꞈ-eu saꞈlaˇgaˇma tiˬkahˇ, nawˇngaˬ-ahˇtoeˬmehˬnehˬlaꞈ-awˇ, nawˬ-euˬmehˬshi ngaˇya jawˇngeh, laˬkʼaˬcehˇ-eu jeˬbyah-eu meh. Aˬmyah luꞈ laˬkʼaˬcehˇ-eu jeˬ, nawˬ-euˬaˇmaˇlaꞈ-ahˇjaˆmeh.

Jaceuq 18:10

Jeˬluˇbeˬ -ahˇdziˬ-awˇzaw-awˇ, jaˬlehˇkʼoeˇtaˆgʼa le-euˬ meh.

Jaceuq 5:12

SahˬpaˬMiˬyehˇ, nawˬ-euˬehˇdawˬ, naˇhaˬgeuꞈ-eu tsawˇhaˬdeuˬ-ahˇ, nawˇguiˬlahˬshehˬnehˬlawˇnehˬ-awˬ. Nawˬ-euˬgʼoeˇ-eu gaˬ-eu jeˬ-aˬ, guiˇdeuˆ-eu dehˬdaˬduˬloꞈ-ehˇ, yawꞈmaꞈ-ahˇ loꞈpiˇnehˬ-eu meh.

Jaceuq 66:2

Aˬ yawꞈ-euˬ tsawˇ myahˇ yaw shehꞈ kʼahˬ sehˇ huiˬ-eu gaˇ kawˆ caˇ-awˬ. Aˬ yawꞈ-euˬ yaw shehꞈ kʼahˬ sehˇ-ahˇ ja ceuˬ-awˬ.

Jaceuq 66:4

Miˇ tsaˬ zaˬ yawˬ gʼaˬ na luꞈ nawˬ-ahˇ ja ceuˬ-eu meh. Nawˬ-ahˇ aˬ yawꞈ maꞈ caˇ-awˇ ja ceuˬ-eu meh. Nawˬ-euˬ tsawˇ myahˇ-ahˇ aˬ yawꞈ maꞈ caˇ-awˇ ja ceuˬ-eu meh lehˇ ehˇ nehˬ-awˬ.

Jaceuq 67:4

Tsawˇ haˬ zaˬ-ahˇ nawˇ dawˇ coe ni yaˇ kʼaˬ daˇ-awˇ, tsawˇ jeuˬ yawˬ jeuˬ na luꞈ-ahˇ gaˇ ma sheuˬ mehˬ-eu miˇ neh, tsawˇ jeuˬ dawˬ tawˆ luꞈ laˬ kʼaˬ cehˇ-eu caˇ dawˬ caˇ luꞈ-uˇ.

Jaceuq 68:33

Aˇ hu ba neh mˬ kʼoeˇ taˆ cah luꞈ-eu gʼaˬ-ahˇ, ja ceuˬ-eu caˇ dawˬ caˇ-awˬ. Mˬ jeˬ jeˬ gaˇ duˇ-eu aˬ yawꞈ-euˬ teˇ saˇ-ahˇ, yawˬ gʼaˬ na luꞈ naˇ haˬ geuꞈ-awˬ.

Jaceuq 83:18

Nawˇ tiˬ gʼaˬ tehꞈ-ehˇ Sahˬpaˬ Miˬyehˇ pyeuꞈ-awˇ, miˇ tsaˬ dawˬ tawˆ luꞈ kʼoeˇ taˆ huiˬ dzehˬ-eu uˆ lahˇ-eu gʼaˬ pyeuꞈ-eu gaˇ kawˆ, aˬ yawꞈ maꞈ siˬ nya leˇ luꞈ-uˇ.

Jaceuq 97:11

Yaw tsaˬ yaw dawˇ tsawˇ haˬ kʼoeˇ taˆ yaw shehꞈ bya-awˇ, muiˬ-eu jaˬ-eu tsawˇ haˬ deuˬ laˬ kʼaˬ ya cehˇ-eu meh.

Doˆ-iˇ 3:14

Miˬyehˇ ehˇ-eu, “Ngaˇ-aˬ, ngaˇ pyeuꞈ-eu ma. NGAˇPYEUꞈ-EU MA lehˇ myahˇ-euˬ kʼoeˇ gʼaˬ, ngaˬ-ahˇ naw maꞈ jawˇ gaˇ kʼehˇ gʼeh leꞈ-euˬ meh lehˇ, aˬ yawꞈ maꞈ-ahˇ ehˇ nehˬ-awˬ.

Doˆ-iˇ 6:3

Aˬ byaˬ haˬ, Iˇtsaˆ hawˇ-eu Yaˬkoˆ-ahˇ, Baoˬ huiˬ-eu Miˬyehˇ loꞈ-ehˇ ngaˬ-euˬ gʼawˇ mawˇ ngaˇ pah mehˬ nehˬ-euˬ ma. Ehˇ kʼawꞈ, Sahˬpaˬ Miˬyehˇ lehˇ kuˇ-eu muiˬ-eu shawˇ-eu ngaˬ-euˬ tsawˇ myahˇ aˬ yawꞈ maꞈ-ahˇ maˬ bi siˬ-aˬ.

Doˆ-iˇ 6:8

Aˬ byaˬ haˬ, Iˇ tsaˆ hawˇ-eu Yaˬ koˆ-ahˇ biꞈ ma lehˇ ngaˬ neh ehˇ tsehˆ taˬ-euˬ miˇ kʼahˬ-ahˇ, naw maꞈ-ahˇ ngaˇ sheuˬ gʼeh-awˇ, miˇ kʼahˬ kʼoeˇ kʼahˬ naw maꞈ-ahˇ ngaˇ biꞈ tsehˆ nehˬ ma. Ngaˇ-aˬ, Sahˬpaˬ Miˬyehˇ ma lehˇ ehˇ nehˬ awˬ.”

Dawqdaq 10:28

Yaw tsaˬ yaw dawˇ deuˬ noeˬ tmˬ-eu laˬ kʼaˬ cehˇ-eu jeˬ keuˆ le-awˇ, haiˬ-eu tsawˇ haˬ noeˬ tmˬ-eu jeˬ yawꞈ ngehꞈ meh.

Iˇsaˬyaˇ 19:1

Heu-aˬ, Iˇjiˇtuˆ miˇ kʼahˬ-ahˇ taꞈ leˇ-eu Miˬyehˇ-euˬ dawˬ meh. Haw yawˬ. Mˬ dmˇ yaw kawˇ-ahˇ Sahˬpaˬ Miˬyehˇ dziˬ-awˇ, Iˇjiˇtuˆ miˇ kʼahˬ-ahˇ oe luꞈ meh. Iˇjiˇtuˆ tsawˇ jeuˬ-euˬ tahˬ pahˬ aˬ ma mawˇ kawˇ deuˬ, aˬ yawꞈ mehˬ shi yaw dzuˬ dzuˬ-awˇ, Iˇjiˇtuˆ tsawˇ haˬ deuˬ-euˬ nui ma guiˇ-iˇ luꞈ meh.

Iˇsaˬyaˇ 40:3

Teˇ saˇ guˇ doˆ laˇ gaˇ naˇ haˬ sheˇ. “Sahˬpaˬ Miˬyehˇ gʼaˇ duˬ bawˇ tsahˬ bawˇ dahˇ-ahˇ gaˇ ma shaˇ dahˇ-awˬ. Aˬ dui-euˬ Miˬyehˇ gʼaˇ duˬ kʼaˇ shuiꞈ deh-ahˇ gaˇ ma laˆ saˆ-awˬ.

Iˇsaˬyaˇ 62:10

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ tsawˇ haˬ deuˬ gʼoꞈ laˇ-eu gʼaˇ duˬ, meuˬ laꞈ nyiˇ doˆ-iˇ-awˇ gaˇ ma shaˇ dahˇ nehˬ-awˬ. Gaˇ jawˬ jawˬ ma shaˇ dahˇ nehˬ-awˇ, kʼaˬ lo maˬ bi tsoeˬ ni ngawˬ dzeh jiˇ-awˇ, miˇ kʼahˬ tsawˇ jeuˬ deuˬ siˬ nya ni byaꞈ byaꞈ taˬ-awˬ.

Dawˬmehˬ 33:26

Iˇsaˬleˬlaˆ tsawˇ haˬ deuˬ-oˇ, mˬ taˆ mˬ dmˇ mahˬ dziˬ dziˬ-awˇ, caw ba-eu lehˇ ga keuˆ le-eu, naw maꞈ-euˬ Miˬyehˇ-ahˇ duˇ-eu, Miˬyehˇ nui gʼaˬ aˬ gaˇ jawˇ ta.