Jaceuq 68:19 - Akha

¹⁹ Aˬ yawꞈ nah yawꞈ aˬ dui-euˬ kʼaˆ behˆ caw pi nehˬ laꞈ-eu gʼaˬ pyeuꞈ-eu, Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ-aˬ, aˬ dui-ahˇ ka kʼoꞈ-eu Miˬyehˇ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Sanqpaq Miqyaer-anr jaceuq ma. Aqyawf-aq, nan-anr nae aqdui-anr yawmuiq jeq tiqbyanni bifnaeq laf-awr, Miqyaer-aq, aqdui-anr kakhof-eu ghaq pyeuf-eu mae. Sela.

Jaceuq 68:19 ပူးပေါင်းရင်းမြစ်များ

Jaceuq 139:17

Miˬyehˇ-oˇ, nawˬ-euˬ nui noeˬ poˆ mawˇ-eu gʼaˇ duˬ ngaˇ aˇ naˆ ni ya shaˬ-eu nga. Nawˬ-euˬ nui noeˬ aˇ naˆ ni byah-eu kuꞈ-eu nga.

Jaceuq 32:7

Nawˇ-aˬ ngaˬ-euˬdzuˇzaꞈduˬma. Shaˬzahˬguˆgaˆbi dzeuˇlaꞈ-awˇ, ka kʼoꞈ-eu guiˬlahˬyaw dzahˇneh, ngaˬ-ahˇtsahˇlahˇnehˬlaꞈ-euˬmeh.

Jaceuq 55:22

Nawˬ-euˬ shaˬ zahˬ Sahˬpaˬ Miˬyehˇ jawˇ gaˇ taˬ-awˬ. Aˬ yawꞈ nawˬ-ahˇ haw piˇ tehꞈ-a. Yaw tsaˬ yaw dawˇ tsawˇ haˬ-ahˇ aˬ yawꞈ maˬ bi coˬ-iˇ-a.

Jaceuq 65:5

Gʼaˬ leˇ-eu jeˬ biꞈ laꞈ-eu laꞈ kʼoeˇ, nga maꞈ-euˬ shaˇ dawˬ-ahˇ nawˇ naˇ haˬ nehˬ laꞈ-awˇ, nga maꞈ-ahˇ ka kʼoꞈ nehˬ laꞈ-eu laꞈ kʼoeˇ, zahˬ leˇ paˬ-ehˇ gʼeh-eu jeˬ nawˇ mˇ-euˬ meh. Mˬ dzeˇ miˇ dzeˇ keuˆ ni jawˇ-eu tsawˇ haˬ deuˬ hawˇ-eu, iˬ ma laˆ shaˆ nui baˬ-ahˇ jawˇ-eu tsawˇ haˬ deuˬ nawˬ-ahˇ gʼoe-eu meh.

Iˇsaˬyaˇ 46:4

Ngaˇ naw maꞈ-euˬ Miˬyehˇ pyeuꞈ-awˇ, naw maꞈ mawˬ le-awˇ uˬ duˬ pyuˇ le ngeh keuˆ ni, naw maꞈ-ahˇ ngaˇ bo saˆ haw piˇ nehˬ ma. Naw maꞈ-ahˇ beh-euˬ gʼaˬ ngaˇ ma. Naw maꞈ-ahˇ ngaˇ haw piˇ nehˬ ma. Naw maꞈ-ahˇ ngaˇ ngehˬ gʼeh-awˇ ka kʼoꞈ ma.

Ngoeˇ dawˬ 3:23

yawˬ shawˬ na luꞈ shuiꞈ teˇ poˬ ni, saˇ jaˇ huiˬ-eu ziꞈ dah ni meh.

Eˇpeˇsu 1:3

Aˬ dui-euˬ Sahˬpaˬ Yeˬsuˇ Ka liˬeuˬ Aˬda pyeuꞈ-eu Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Aˬ jeˬ miˇ neh ehˇ naˇ, mˬ taˆ miˇ kʼahˬ-ahˇ jaˆ-eu saꞈ laˇ paw-euˬ guiˬ lahˬ yawˬ jeˬ na luꞈ, Yeˬsuˇ Ka li laꞈ kʼoeˇ aˬ dui-ahˇ aˬ yawꞈ biꞈ laꞈ-euˬ meh.