Jaceuq 68:17 - Akha

¹⁷ Mahˬ laˆ lawˬ aˇ heˇ aˇ muiˇ laˇ teh-awˇ, Siˇnaˆ gawˬ jawˬ-ahˇ neh muiˬ-eu shawˇ-eu jawˇ duˬ-ahˇ, Sahˬpaˬ Miˬyehˇ oe tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Miqyaer-euq manq lavlawq artanr armyaer lar byan-eu lafkhoer, Sanqpaq Miqyaer, Sirnav gawqjawq-anr jawr-euq lof-aer, Yawshawr jawrduq-anr jawrle taef-a.

Jaceuq 68:17 ပူးပေါင်းရင်းမြစ်များ

2 Sahˬpaˬ 2:11

Aˬ yawꞈ nyaꞈ dawˬ ja ja caw ja cawˬ-ehˇ le luꞈ ngeh, miˬ dzaˬ mahˬ neh bi gʼeu-euˬ miˬ dzaˬ mahˬ laˆ lawˬ aˬ yawꞈ nyaꞈ yaw kaˬ-ahˇ oe keuˆ-awˇ, jaˬ lehˇ lehˇ zeuˆ laꞈ kʼoeˇ Eˇliˇyaˆ-ahˇ mˬ kʼoeˇ taˆ sheuˬ kʼoꞈ daˆ gʼeh-euˬ meh.

Jaceuq 18:10

Jeˬluˇbeˬ -ahˇdziˬ-awˇzaw-awˇ, jaˬlehˇkʼoeˇtaˆgʼa le-euˬ meh.

Jaceuq 9:12

Bi kʼehˬbi kʼaˆ-euˬtsawˇhaˬ-ahˇ, Miˬyehˇtiˬjawˇ-iˬ maˬngehˇ-a, yawꞈmaꞈngoeˇ-eu teˇsaˇgaˬ-awˇ, haiˬ-eu deuˬ-ahˇkʼehˬnehˬ-eu meh.

Doˆ-iˇ 3:5

Kʼoeˇ ngeh, Miˬyehˇ Moˇseˬ-ahˇ ehˇ nehˬ-eu, “Dawˬ peh taˬ paˇ jiˆ peh laˇ. Aˬ jeˬ miˇ neh ehˇ naˇ, muiˬ-eu shawˇ-eu jawˇ duˬ-ahˇ nawˇ yawꞈ luꞈ-eu meh.

Iˇsaˬyaˇ 2:2

Aˬ kaˇ mehˬ hu paw keuˆ le-eu aˇ nah aˇ yamˬ laꞈ kʼoeˇ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma jaˆ-eu gawˬ jawˬ kʼoeˇ, gawˬ jawˬ dawˬ tawˆ luꞈ kʼoeˇ taˆ goˇ dzehˬ laˇ-awˇ, gawˬ duˇ dawˬ tawˆ luꞈ kʼoeˇ taˆ jaˆ tehꞈ-a. Tsawˇ jeuˬ dawˬ tawˆ luꞈ kʼoeˇ gaˇ le uiˬ jiˇ-awˇ,

Yeˬsaˬgeˬlaˇ 43:7

“Tsawˇ haˬ zaˬ-oˇ, ngaˬ-euˬ nuiˇ mahˬ heu gaˇ jaˆ-eu ma. Heu gaˇ Iˇsaˬleˬlaˆ tsawˇ haˬ nehˬ-ehˇ ngaˇ jawˇ-awˇ, aˬ yawꞈ maꞈ-ahˇ mˬ maˬ maˬ byaˆ zaˇ ziˇ uˆ lahˇ ma. Iˇsaˬleˬlaˆ tsawˇ haˬ deuˬ maˬ kaˬ, aˬ yawꞈ maꞈ-euˬ sahˬ paˬ deuˬ maˬ kaˬ, miˬ yehˇ nui deuˬ-ahˇ uˬ duˬ tahˬ-eu laꞈ kʼoeˇ maˬ ehˇ, jawˇ duˬ heu tsahˇ-ahˇ sahˬ paˬ deuˬ-euˬ mawˇ kawˇ ka tuˇ-eu laꞈ kʼoeˇ maˬ ehˇ, ngaˬ-euˬ tsawˇ myahˇ-ahˇ laˆ cawˆ-eu jeˬ tiˬ jawˇ-iˬ maˬ paˇ mˇ-aˇ.

Yeˬsaˬgeˬlaˇ 43:9

Nymˬ-mˇ miˬ yehˇ nui deuˬ-ahˇ uˬ duˬ tahˬ-eu jeˬ aˬ yawꞈ maꞈ ya byehˇ-awˇ, sahˬ paˬ deuˬ-euˬ mawˇ kawˇ aˬ yawꞈ maꞈ ya baꞈ dzeh tehꞈ-a. Aˬ yawꞈ maꞈ kʼoeˇ loꞈ-ehˇ jahˇ naˇ, aˬ yawꞈ maꞈ nehˬ-ehˇ ngaˇ mˬ maˬ maˬ byaˆ zaˇ ziˇ jawˇ ma.”

Daˬyeˬlaˇ 7:10

Kʼoeˇ gaˇ neh miˬ dzaˬ lawˇ gawˆ yoeˇ ka luꞈ-eu meh. Aˬ yawꞈ-euˬ myawˬ kʼehˇ gʼoˆ-eu aˇ heˇ aˇ muiˇ gʼaˬ jawˇ-awˇ, aˬ yawꞈ-euˬ mehˬ shi yawꞈ luꞈ-eu tsawˇ haˬ aˇ lam aˇ lam byah -eu meh. Yaˇ kʼaˬ daˇ-eu gʼaˬ yaˇ kʼaˬ daˇ dahˬ beh-awˇ, sahˬ boꞈ deuˬ dehˬ pah-euˬ meh.

Haˬbaˬkuˆ 3:8

Sahˬpaˬ Miˬyehˇ nui ma pehˇ-eu, lawˇ baˬ lawˇ gawˆ kʼoeˇ deuˬ-a loˇ. Nawˇ nui ma daˆ laˇ ni jahˇ-euˬ, iˬ ma laˆ shaˆ lah ma-a loˇ. Kʼoeˇ taˆ mˬ dmˇ-ahˇ nawˇ dziˬ-awˇ, jaˬ lehˇ lehˇ ma laˆ lawˬ dziˬ-awˇ, muiˇ-eu deuˬ-ahˇ deuˆ gʼaˬ-euˬ meh.

Maꞈtehˬ 26:53

Ngaˬ-ahˇ bi caw ba le-eu gʼaˇ duˬ, ngaˬ Da-ahˇ ngaˇ kuˇ gaˬ nya-awˇ, mˬ taˆ gʼaˬ kʼehˇ guiˇ maꞈ tseˇ nyiꞈ maꞈ dzehˬ ni, ngaˇ jawˇ gaˇ aˬ yawꞈ tiˬ poˆ tehꞈ-ehˇ pyehˬ leꞈ nya meh lehˇ, nawˇ maˬ siˬ nya te loˇ.

Dawˬmehˬ 33:2

Siˇnaˆ gawˬ jawˬ jawˬ ma-ahˇ neh, Sahˬpaˬ Miˬyehˇ oe gʼeh leꞈ-awˇ, Eˬdoˬ miˇ kʼahˬ-euˬ mˬ taˆ-ahˇ, nahˇ ma loꞈ-ehˇ yawˬ doˆ laˇ-awˇ, Paˬlaˬ gawˬ jawˬ uˬ du jawˇ-awˇ, yawˬ tsawˇ-ahˇ yaw shehꞈbya-euˬ meh. Mˬ taˆ gʼaˬ kʼehˇ aˇ heˇ aˇ muiˇ, aˬ yawꞈ-euˬ tiˬ jawˬ jawˇ luꞈ-awˇ, aˬ yawꞈ aꞈ laꞈ aˇ maˇ laꞈ-ahˇ, doꞈ-eu miˬ lmˇ yuˇ luꞈ-eu meh.

Panmaeq 5:11

Ngaˇ paˇ haw gʼeh leꞈ ngeh, mˬ taˆ gʼaˬ kʼehˇ aˇ seh aˇ lamˬ-euˬ teˇ saˇ ya gaˬ-euˬ ma. Dzoeˬ dzaˬ nuiˇ mahˬ, dehꞈ luꞈ-eu jeˬ zaˬ kʼoeˇ oeˬ mawˇ hawˇ-eu, aˬ yuiꞈ aˬ tsu kʼoeˇ nyiˬ tseˇ oeˬ gʼaˬ-euˬ tiˬ jawˬ, aˬ yawꞈ maꞈ yawꞈ luꞈ-eu meh.

Panmaeq 9:16

Mahˬ dziˬ-eu yehˇ aˇ myaˆ gʼaˬ byah-eu gaˇ kawˆ ngaˬ-ahˇ ehˇ nehˬ laꞈ-euˬ meh. Nyiˬ yaˇ lam gʼaˬ byah-eu meh.