Jaceuq 68:13 - Akha

¹³ Aˬ dahˇ guiˇ nyiˬ ni shuiˇ yaw taˬ-awˇ, gʼawˇ mawˇ pyuˇ yaw taˬ-euˬ kʼaˬ kʼoeˬ mawˇ kawˇ deuˬ aˬ yawꞈ maꞈ biˇ geuꞈ-eu meh. (Aˬ jeˬ miˇ neh naw maꞈ tiˬ paˆ na deuˬ, aˬ cawˬ guiˇ deuˆ-eu tehˬ gʼa luꞈ ngeh, yawˇ kuˆ laꞈ kʼoeˇ jawˇ byoˆ yaꞈ te.)

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Nawr, yawr yawrmaf-euq ghanrcae yufluf-eu khawf, Nawmaf-aq, guirnyiqni shuir yawtaq-awr, Mawrdo pyur yawtaq-euq khaqkhoeq-euq aqdanr lof-aer dur taef-a.”

Jaceuq 68:13 ပူးပေါင်းရင်းမြစ်များ

Aˇ dahˬ 49:14

Iˇsaˬkaˬ yaw dehꞈ dehꞈ-eu gaˇ kawˆ-aˬ, kʼaˆ daˬ uˬ moˆ yuꞈ ja taˬ-euˬ mahˬ tahˬ laˆ-ahˇ maˬ beu gaˇ-a.

2 Sahˬpaˬ 7:16

Kʼoeˇ naˇ, Saˬmaˬliˆ meuˬ-ahˇ jawˇ-eu tsawˇ haˬ deuˬ coeˬ doˆ gʼeh-awˇ, Suˇliˆ tsawˇ haˬ deuˬ-euˬ taˆ-ahˇ myawˬ poˆ geuꞈ leˇ-euˬ meh. Kʼoeˇ ngeh, Sahˬpaˬ Miˬyehˇ neh ehˇ taˬ-euˬ loꞈ-ehˇ, muiˬ dui dui-eu cehˇ pyuˇ smˇ pehˬ-euˬ pyuˇ maˇ byaˆ tiˬ byaˆ-ahˇ keuˆ ni ga le-awˇ, lawˬ loeˇ koꞈ pehˬ-euˬ pyuˇ maˇ byaˆ tiˬ byaˆ-ahˇ keuˆ ni ga le-euˬ meh.

Jaceuq 105:37

Kʼoeˇ naˇ, Iˇsaˬleˬlaˆ tsawˇ jeuˬ-ahˇ aˬ yawꞈ sheuˬ doˆ gʼeh-awˇ, pyuˇ hawˇ-eu shuiˇ tawˬ-awˇ doˆ-iˇ-euˬ meh. Aˬ yawꞈ maꞈ dawˬ tawˆ luꞈ gʼoeˇ mˇ-awˇ gʼaˬ ahˇ-eu meh.

Jaceuq 149:4

Aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ nui kʼahˇ shiˇ-eu meh. Nui nahˬ nui yu ahˇ-eu deuˬ-ahˇ aˬ cawˬ kʼoeˇ taˆ bi gʼaˬ leˇ-eu laꞈ kʼoeˇ taˬ huiˬ taˬ mahˇ nehˬ-eu meh.

Jaceuq 74:19

Laꞈ jeuˬ shaˇ kʼaˇ maˬ za-eu nawˬ-euˬ tsawˇ haˬ deuˬ-ahˇ, haiˬ dui dui-eu muiˇ-eu deuˬ-euˬ laꞈ-ahˇ taˬ byehˇ dzeh nehˬ laꞈ. Kʼehˬ-eu kʼaˆ-eu jeˬ-ahˇ ya daˬ luꞈ-eu nawˬ-euˬ tsawˇ haˬ deuˬ-ahˇ taˬ ngehˇ nehˬ laꞈ.

Jaceuq 81:6

“Nawˬ-euˬ naˇ kʼah daˬ luꞈ-eu kʼaˆ behˆ ngaˇ ciˬ dzeh ma. Nawˬ-euˬ tsaˬ byaˆ kʼaˆ behˆ ngaˇ bi pi taˬ ma.

Doˆ-iˇ 1:14

Iˇsaˬleˬlaˆ tsawˇ haˬ deuˬ-ahˇ aˬ yawꞈ maꞈ gʼawˬ shaˬ maˬ gaˬ ni, nymˇ tsoˆ gaˇ maˬ ehˇ, deh yaˇ mˇ gaˇ maˬ ehˇ, maˬ mˇ coeˇ gaˇ keuˆ ni myawˬ kʼaˆ bi mˇ-euˬ meh.

Iˇsaˬyaˇ 33:23

Muiˇ-eu deuˬ-euˬ saˇ baoˬ aˇ caˆ tsehˆ-iˇ jiˇ-awˇ, lehˇ baw saˬ paˇ maˬ gʼeu taw nya-a. Muiˇ-eu deuˬ-euˬ pyuˇ shuiˇ myawˬ gahˬ dawˬ tawˆ, nga maꞈ ceh geuꞈ jiˇ ma. Aˬ yawꞈ maꞈ-euˬ pyuˇ shuiˇ myawˬ gahˬ myaˬ dui dui-awˇ, kuiˇ shiˇ laꞈ shiˇ deuˬ-ahˇ kʼawꞈ oꞈ tehꞈ-a.

Bawˇtsahˬ 31:27

Kʼoeˇ deuˬ dawˬ tawˆ luꞈ-ahˇ nyiˬ bymˇ bymˇ-awˇ, guiˇ deuˆ leˇ-euˬ tsawˇ haˬ deuˬ-ahˇ tiˬ bymˇ hawˇ-eu, Iˇsaˬleˬlaˆ tsawˇ haˬ aˇ maꞈ aˇ muˇ deuˬ-ahˇ tiˬ bymˇ biꞈ nehˬ-awˬ.

Luˇkaꞈ 15:16

‘Aˬ zaꞈ-ahˇ biꞈ-euˬ aˇ behˆ kʼoeˇ tiˬ dehˆ ya dzaˬ law nmˇ-aˬ’ lehˇ aˬ yawꞈ noeˬ-euˬ meh. Ehˇ kʼawꞈ, tiˬ gʼaˬ-iˬ aˬ yawꞈ-ahˇ aˇ behˆ kʼoeˇ maˬ bi dzaˬ-a.

Luˇkaꞈ 15:22

Ehˇ kʼawꞈ, aˬ da gʼaˬ aˬ yawꞈ-euˬ zaˬ kʼaˆ deuˬ-ahˇ kuˇ-awˇ ehˇ-eu, ‘Aˬ cawˬ naˆ maˬ tseˇ muiˬ dzehˬ-eu pehˇ kʼahˬ pehˇ mahˇ yuˇ leꞈ-awˇ ngaˬ li-ahˇ yaw kawˇ-ehˇ bi dm sheˇ. Laꞈ behˬ gʼeh bi behˬ-awˇ, sehˬ nawˆ gʼeh bi nawˆ-awˬ.

1 Gawˇliˬtu 12:2

Naw maꞈ lawˇ ciꞈ zaˬ pyeuꞈ luꞈ ngeh, yaw dehꞈ maˬ dehꞈ-eu tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ tahˬ-ehˇ gʼawˬ mya jeˬ gʼawˬ mya kawˆ bahˬ-iˇ-euˬ gaˇ kawˆ naw maꞈ siˬ nya meh.

Tiˇtuˆ 3:3

Aˬ jeˬ miˇ neh ehˇ naˇ, aˬ dui kʼawꞈ dzeuˇ laˇ ngeh aˬ dzawˬ aˇ gah gah-awˇ, ehˇ dawˬ maˬ naˇ haˬ-euˬ uˬ taꞈ, yaw lehˬ yaw ca jeˬ-ahˇ mˇ-euˬ ma. Shiˬ shaˬ jiˇ-euˬ nui noeˬ nui loˆ hawˇ-eu byawˬ gʼa mo gʼa-eu gʼawˬ mya jeˬ-euˬ zaˬ kʼaˆ geuꞈ dzeuˇ yaꞈ-euˬ ma. Aˬ cawˬ-ahˇ myaˆ naˆ-euˬ uˬ taꞈ, coeˬ-eu ciˆ-eu jeˬ mˇ dzeuˇ yaꞈ-euˬ tsawˇ haˬ deuˬ pyeuꞈ-eu ma. Aˬ cawˬ aˬ dui-ahˇ bye-awˇ, aˬ dui kʼawꞈ aˬ cawˬ-ahˇ bye-euˬ ma.

Yawˇshuˆ 10:16

Aˬmawˇliˆ tsawˇ jeuˬ sahˬ paˬ kʼoeˇ ngaˬ gʼaˬ cehˆ buˬ-awˇ, Maˬgeˬdaˬ lo kʼahˬ laꞈ kʼoeˇ dzuˇ zaꞈ luꞈ-eu meh.

Yaˇ kʼaˬ daˇ 5:16

Aˬ jeˬ miˇ neh aˬ yawꞈ maꞈ-euˬ yawˇ nehˬ-ehˇ aˬ yawꞈ maꞈ jawˇ yaꞈ ta. Yawˇ bo-eu deuˬ yawˇ zaˬ jaˬ kʼoꞈ gaˇ naˇ haˬ-eu lehˇ jawˇ yaꞈ ta loˇ. Ngeuˇ meh. Luˇbeˬ tsawˇ jeuˬ nyiˬ jeˬ noeˬ meh. Oe-eu maˬ oe-euˬ maˬ duˬ-a.

Yaˇ kʼaˬ daˇ 5:19

Meˬgiˇdoˬ lawˇ gawˆ dawˬ peh Taˬnehˇ meuˬ-ahˇ, sahˬ paˬ deuˬ guiˇ deuˆ le-euˬ meh. Kaˬnaˬ sahˬ paˬ deuˬ guiˇ deuˆ le kʼawꞈ, pyuˇ maˬ deuˆ za geuꞈ gʼeh nya-a.