Jaceuq 68:12 - Akha

¹² Sahˬ paˬ deuˬ hawˇ-eu aˬ yawꞈ maꞈ-euˬ guiˇ maꞈ deuˬ cehˆ byaˆ luꞈ meh lehˇ ja gaˬ-eu meh. Iˇ kahˇ jawˇ-eu zaˬ miˬ zaˬ deuˬ, guiˇ deuˆ za-euˬ myawˬ gahˬ biˇ geuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² “Guirmaf-euq sanqpaq deuq caevbyovshaw, aqyawfmaf caevbyov ghae-awr; Irkanr jawr-eu zaqmiq aqbur deuq, guirdeuv deuvza-euq myawqganq birgeuf-eu mae.

Jaceuq 68:12 ပူးပေါင်းရင်းမြစ်များ

Doˆ-iˇ 14:25

Aˬ yawꞈ maꞈ-euˬ mahˬ laˆ lawˬ aˇ beuˆ suꞈ-iˇ-awˇ, maˬ teh gahˇ nya ni bi pyeuꞈ-iˇ-euˬ meh. “Sahˬpaˬ Miˬyehˇ Iˇsaˬleˬlaˆ tsawˇ haˬ paw jawˇ-awˇ, aˬ dui-ahˇ guiˇ deuˆ luꞈ-eu nga. Aˬ dui maꞈ heu gaˇ neh doˆ-iˇ kaˇ-euˇ” lehˇ, Iˇjiˇtuˆ tsawˇ haˬ deuˬ ehˇ-eu meh.

Bawˇtsahˬ 31:27

Kʼoeˇ deuˬ dawˬ tawˆ luꞈ-ahˇ nyiˬ bymˇ bymˇ-awˇ, guiˇ deuˆ leˇ-euˬ tsawˇ haˬ deuˬ-ahˇ tiˬ bymˇ hawˇ-eu, Iˇsaˬleˬlaˆ tsawˇ haˬ aˇ maꞈ aˇ muˇ deuˬ-ahˇ tiˬ bymˇ biꞈ nehˬ-awˬ.

Bawˇtsahˬ 31:54

Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ bi haw piˇ-eu gʼaˇ duˬ, Moˇseˬ hawˇ-eu Eˇlaˬzaˬ aˬ nyaꞈ Sehˬ gʼawˆ-ahˇ shuiˇ kʼoeˇ deuˬ yuˇ gʼeh-euˬ meh.

Yawˇshuˆ 10:16

Aˬmawˇliˆ tsawˇ jeuˬ sahˬ paˬ kʼoeˇ ngaˬ gʼaˬ cehˆ buˬ-awˇ, Maˬgeˬdaˬ lo kʼahˬ laꞈ kʼoeˇ dzuˇ zaꞈ luꞈ-eu meh.

Yawˇshuˆ 10:42

Yawˇshuˆ tiˬ poˆ gʼoˆ doˆ leˇ-euˬ laꞈ kʼoeˇ, sahˬ paˬ heu deuˬ dawˬ tawˆ luꞈ hawˇ-eu aˬ yawꞈ maꞈ-euˬ miˇ kʼahˬ deuˬ-ahˇ deuˆ gʼaˬ-euˬ meh. Aˬ jeˬ miˇ neh ehˇ naˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, Iˇsaˬleˬlaˆ tsawˇ jeuˬ gʼaˇ duˬ guiˇ deuˆ luꞈ-eu meh.

Panmaeq 6:15

Kʼoeˇ naˇ, miˇ kʼahˬ sahˬ paˬ deuˬ maˬ ehˇ, uˆ lahˇ-eu sahˬ paˬ sahˬ ma deuˬ maˬ ehˇ, guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ deuˬ maˬ ehˇ, smˇ muiˬ muiˬ-awˇ baoˬ ahˇ-eu tsawˇ haˬ deuˬ maˬ ehˇ, nui deuˬ maˬ ehˇ, zaˬ kʼaˆ deuˬ hawˇ-eu zaˬ kʼaˆ maˬ ngeuˇ-eu deuˬ maˬ ehˇ, gawˬ jawˬ kʼoeˇ taˆ jaˆ-eu lo kʼahˬ lo guˇ doe ni cehˆ zaꞈ jiˇ-euˬ meh.

Yaˇ kʼaˬ daˇ 5:19

Meˬgiˇdoˬ lawˇ gawˆ dawˬ peh Taˬnehˇ meuˬ-ahˇ, sahˬ paˬ deuˬ guiˇ deuˆ le-euˬ meh. Kaˬnaˬ sahˬ paˬ deuˬ guiˇ deuˆ le kʼawꞈ, pyuˇ maˬ deuˆ za geuꞈ gʼeh nya-a.

Yaˇ kʼaˬ daˇ 5:30

“Aˬ yawꞈ maꞈ myawˬ gahˬ deuˆ za-awˇ biˇ geuꞈ luꞈ-eu jeˬ nga. Yehˇ tiˬ gʼaˬ gʼaˇ duˬ zaˬ miˬ aˬ buˇ nyiˬ gʼaˬ, Siˇseˬlaˇ gʼaˇ duˬ muiˬ dui dui-eu mehˬ tsoeˬ, Sahˬ paˬ miˬ zaˬ-euˬ kawˬ lahˇ-ahˇ dah-eu aˇ boꞈ boꞈ taˬ-euˬ lawˇ dah heu deuˬ biˇ geuꞈ luꞈ-eu jeˬ nga.”

1 Saˬmeuˬlaˆ 30:24

Naw maꞈ neh ehˇ-euˬ loꞈ-ehˇ maˬ geuꞈ nya-a. Dawˬ tawˆ luꞈ tiˬ kawˆ loꞈ-ehˇ ya biˇ geuꞈ meh. Naˇ kʼah paw jawˇ yaꞈ-awˇ myawˬ gahˬ deuˬ-ahˇ loꞈ piˇ yaꞈ-euˬ deuˬ kʼawꞈ, guiˇ deuˆ-iˇ-euˬ deuˬ loꞈ-ehˇ tiˬ kawˆ mya ni ya biˇ geuꞈ meh.”