Jaceuq 68:10 - Akha

¹⁰ Nawˬ-euˬ tsawˇ haˬ deuˬ kʼoeˇ gaˇ jawˇ-awˇ, shaˬ zaˬ zahˬ zaˬ deuˬ-ahˇ gʼawˬ shaˬ gaˬ nehˬ-eu laꞈ kʼoeˇ, loˬ-eu jeˬ biꞈ nehˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Nawq-euq tsawrhaq baqmaf khoergar jawr-eu mae; Miqyaer-or! Nawr, nawq-euq muiq-awr sanr-eu gar nae, Shaqzaq zanqzaq-anr bifnaeq-eu mae.

Jaceuq 68:10 ပူးပေါင်းရင်းမြစ်များ

1 Sahˬpaˬ 8:36

mˬ kʼoeˇ taˆ jawˇ-awˇ aˬ yawꞈ maꞈ-euˬ shaˇ dawˬ-ahˇ naˇ haˬ nehˬ-awˬ. Sahˬ paˬ-ahˇ maˬ ehˇ, Iˇsaˬleˬlaˆ tsawˇ haˬ deuˬ-ahˇ maˬ ehˇ, nawˇ iˬ baˇ pyehˬ nehˬ-awˇ, yaw tsaˬ yaw dawˇ jeˬ mˇ ni mehˬ nehˬ tsoˆ nehˬ-awˬ. Sahˬpaˬ Miˬyehˇ-oˇ, kʼoeˇ naˇ, nawˬ-euˬ tsawˇ jeuˬ-ahˇ nawˬ neh biꞈ tsehˆ tsehˆ nehˬ-euˬ miˇ kʼahˬ heu kʼahˬ kʼoeˇ taˆ, uˬ yehˇ bi yehˇ le-awˬ.

Jaceuq 65:10

Tsehˬ taˬ-euˬ deh yaˇ-ahˇ uˬ yehˇ bi deh nyiꞈ-awˇ, miˇ tsaˬ bi jmˬ laˇ-eu meh. Miˇ tsaˬ-ahˇ uˬ yehˇ bi deh nahˬ-awˇ, sahˬ lahˬ aˇ bawˇ bi dehꞈ doˆ laˇ-eu meh.

Jaceuq 65:11

Dzaˬ la gʼo cehˇ za dui dui le ni nawˇ jahˇ-awˇ nawˇ kʼaˇ iˇ keuˆ gaˇ baw le za le-eu meh.

Jaceuq 65:9

Miˇ tsaˬ-ahˇ nawˇ bo saˆ luꞈ-eu gaˇ kawˆ, uˬ yehˇ yehˇ-eu laꞈ kʼoeˇ bi siˬ bi mawˇ-eu meh. Miˇ tsaˬ miˇ muiˬ muiˬ ni nawˇ jahˇ-eu meh. Lawˇ gawˆ-ahˇ nawˇ iˇ cuꞈ bi yoeˇ le-awˇ, miˇ tsaˬ-ahˇ dzaˬ la gʼo cehˇ dehꞈ laˇ ni nawˇ jahˇ-euˬ meh. Nawˬ neh mˇ-euˬ gaˇ kawˆ heu loꞈ-ehˇ jaˆ-eu meh.

Jaceuq 74:19

Laꞈ jeuˬ shaˇ kʼaˇ maˬ za-eu nawˬ-euˬ tsawˇ haˬ deuˬ-ahˇ, haiˬ dui dui-eu muiˇ-eu deuˬ-euˬ laꞈ-ahˇ taˬ byehˇ dzeh nehˬ laꞈ. Kʼehˬ-eu kʼaˆ-eu jeˬ-ahˇ ya daˬ luꞈ-eu nawˬ-euˬ tsawˇ haˬ deuˬ-ahˇ taˬ ngehˇ nehˬ laꞈ.

Jaceuq 78:20

Kaˬ lo-ahˇ aˬ yawꞈ juiꞈ-awˇ iˇ cuꞈ bi doˆ le-euˬ law nmˇ-aˬ ngeuˇ meh. Ehˇ kʼawꞈ, aˬ yawꞈ-euˬ tsawˇ haˬ deuˬ-ahˇ kaˬ muˇ hawˇ-eu shaˬ jiˇ bi dzaˬ nehˬ laꞈ nya tehꞈ-a loˇ.”

Iˇsaˬyaˇ 40:29

Gʼaˬ doeˇ doeˇ-awˇ gʼaˬ baˬ luꞈ-eu tsawˇ haˬ deuˬ-ahˇ, aˬ yawꞈ gʼaˬ biꞈ lahˬ nehˬ-eu meh.

Bawˇtsahˬ 16:3

Moˇseˬ hawˇ-eu Aˬloˬ aˬ nyaꞈ-euˬ mehˬ shi aˬ yawꞈ maꞈ uiˬ leˇ-awˇ, aˬ yawꞈ nyaꞈ-ahˇ ehˇ nehˬ-eu, “Naw nyaꞈ yawˬ haˇ yawˬ ha aˇ dzehˬ noeˬ huiˬ dzeuˇ-eu nga. Iˇsaˬleˬlaˆ tsawˇ haˬ aˇ maꞈ aˇ muˇ laꞈ kʼoeˇ kʼaˇ jawˇ-eu tsawˇ haˬ yawˬ gʼaˬ na luꞈ Sahˬpaˬ Miˬyehˇ-euˬ tsawˇ haˬ pyeuꞈ-awˇ, dawˬ tawˆ luꞈ nehˬ-ehˇ Sahˬpaˬ Miˬyehˇ jawˇ-eu meh. Moˇseˬ nawˇ aˬ jeˬ miˇ neh Sahˬpaˬ Miˬyehˇ-euˬ tsawˇ haˬ aˇ maꞈ aˇ muˇ kʼoeˇ taˆ, yawˬ haˇ yawˬ ha teu naˆ naˆ-ehˇ taˬ huiˬ taˬ mahˇ te.”

Maꞈtehˬ 11:5

Myaˆ behꞈ mawˇ nya laˇ-euˬ, kuiˇ kuˆ cah nya laˇ-euˬ, coiˬ doi shawˇ laˇ-euˬ naˬ bawˬ gaˬ nya laˇ-euˬ, tsawˇ shiˇ gʼoꞈ dehꞈ laˇ-euˬ, shaˬ zaˬ zahˬ zaˬ deuˬ Laˬ kʼaˬ cehˇ-eu Guiˬ lahˬ dawˬ ya gaˬ-euˬ, gaˇ kawˆ heu deuˬ dzawˇ nehˬ-iˇ-awˬ.

Luˇkaꞈ 1:53

Mehꞈ-eu shuꞈ-eu tsawˇ haˬ deuˬ-ahˇ, dzaˇ kuiˇ dzaˇ myehˇ tiˬ dehˆ biꞈ-awˇ, smˇ muiˬ smˇ baw aˬ da deuˬ-ahˇ, yawꞈ ngehꞈ-ehˇ teh dzeh nehˬ-eu meh.

Dawˬmehˬ 26:5

Kʼoeˇ naˇ, Sahˬpaˬ Miˬyehˇ mehˬ shi nawˇ heu loꞈ-ehˇ ya ehˇ meh. ‘Ngaˬ-euˬ aˬ poeˬ-aˬ, jawˇ duˬ maˬ baw-euˬ Aˬlamˬ tsawˇ haˬ pyeuꞈ-awˇ, aˬ yawꞈ-euˬ miˬ sawˇ zaˬ deuˬ sheuˬ-awˇ Iˇjiˇtuˆ miˇ kʼahˬ-ahˇ jawˇ-iˇ-euˬ meh. Aˬ yawꞈ kʼoeˇ gaˇ jawˇ-iˇ ngeh, tsawˇ haˬ ui cuiˆ tehꞈ kʼawꞈ, tsawˇ haˬ myaˬ laˇ-awˇ baoˬ ahˇ-eu tsawˇ jeuˬ tiˬ jeuˬ pyeuꞈ laˇ-euˬ meh.

1 Beˬtuˆluˆ 5:3

Miˬyehˇ neh nawˬ-ahˇ a nehˬ-awˇ bi bo saˆ-euˬ yawˇ yawˇ maꞈ kʼoeˇ taˆ zuiˆ gʼaˬ-eu taˬ leh jeh. Yawˇ yawˇ maꞈ nawˬ-ahˇ haw-awˇ dzaw geuꞈ paꞈ-ehˇ mˇ mehˬ shaˇ mehˬ mehˬ-awˬ.

1 Saˬmeuˬlaˆ 2:8

iˇ shaˬ zaˬ-ahˇ kʼaˬ lehˇ laꞈ kʼoeˇ, aˬ yawꞈ gʼeu tuˇ tsahˇtuˇ nehˬ-awˇ, maˬ jaˆ-eu tsawˇ haˬ deuˬ-ahˇ kʼawꞈ, aˬ yawꞈ bi dehꞈ tuˇ laˇ-eu meh. Sahˬ paˬ zaˬ yo-ahˇ bi gʼoeˇ-awˇ, taˬ huiˬ-eu jeˬ bi oꞈ-eu meh. Aˬ jeˬ miˇ neh ehˇ naˇ, miˇ tsaˬ-euˬ dawˬ pehˬ duˬ puˇ-aˬ, Sahˬpaˬ Miˬyehˇ-euˬ pyeuꞈ-awˇ, kʼoeˇ-euˬ kʼoeˇ taˆ miˇtsaˬtahˬkʼawˇ, aˬ yawꞈ neh tsoˆ daˆ taˬ-euˬ meh.