Jaceuq 66:5 - Akha

⁵ Miˬyehˇ neh mˇ taˬ-euˬ gaˇ-ahˇ haw laˇ-awˬ. Tsawˇ haˬ zaˬ gʼaˇ duˬ aˬ yawꞈ neh mˇ taˬ-euˬ huiˬ-eu gaˇ-ahˇ haw laˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Lar-awr, Miqyaer nae mrtaq-euq gardeuq-anr hawlar-awq. Aqyawf nae tsawrhaq-euq zaqdeuq-euq gharduq mrtaq-euq jeq-aq, Yawzeu bawlar paq-aer ghae-eu mae.

Jaceuq 66:5 ပူးပေါင်းရင်းမြစ်များ

Jaceuq 106:22

Kʼoeˇ gaˇ aˬ yawꞈ neh mˇ-euˬ jeˬ aˇ naˆ ni gamꞈ leˇ paˬ-ehˇ gʼeh-eu nga. Iˬ ma laˆ shaˆ yaw neˇ dawˬ peh aˬ yawꞈ neh jahˇ-euˬ jeˬ, aˇ naˆ ni zahˬ leˇ paˬ-ehˇ gʼeh-eu nga.

Jaceuq 111:2

Sahˬpaˬ Miˬyehˇ neh mˇ-euˬ gaˇ deuˬ aˇ naˆ ni zahˬ leˇ paˬ-ehˇ gʼeh-eu nga. Nui ma keuˆ-eu tsawˇ haˬ dawˬ tawˆ luꞈ, gaˇ kawˆ kʼoeˇ siˬ mawꞈ meh.

Jaceuq 46:8

Sahˬpaˬ Miˬyehˇ neh mˇ-euˬ gaˇ-ahˇ haw laˇ sheˇ. Miˇ tsaˬ kʼoeˇ taˆ aˬ yawꞈ neh mˇ-euˬ zahˬ leˇ paˬ-ehˇ gʼeh-eu gaˇ deuˬ-ahˇ haw laˇ sheˇ.

Jaceuq 46:9

Miˇ tsaˬ kʼoeˇ taˆ guiˇ kʼaˇ deuˆ gaˇ aˬ yawꞈ laˆ naˬ-eu meh. Kaˆ hawˇ-eu gahˬ-ahˇ aˬ yawꞈ ngawˬ kʼehꞈ ngawˬ kʼoeˆ-awˇ, dehˬ daˬ duˬ-ahˇ miˬ dzaˬ dzah dzeh-eu meh.

Jaceuq 47:3

Aˬ yawꞈ neh aˬ dui-ahˇ tsawˇ haˬ dawˬ tawˆ luꞈ kʼoeˇ taˆ bi gʼaˬ leˇ nehˬ laꞈ-awˇ, tsawˇ jeuˬ dawˬ tawˆ luꞈ kʼoeˇ taˆ bi uˆ lahˇ laꞈ-euˬ meh.

Jaceuq 66:16

Miˬyehˇ-ahˇ taˬ huiˬ-eu tsawˇ haˬ dawˬ tawˆ luꞈ naˇ haˬ laˇ-awˬ. Aˬ yawꞈ neh ngaˬ-euˬ gʼaˇ duˬ mˇ nehˬ laꞈ-eu jeˬ naw maꞈ-ahˇ ngaˇ ja mehˬ ma.

Jaceuq 66:3

Miˬyehˇ-ahˇ heu loꞈ-ehˇ ehˇ nehˬ-awˬ. Nawˬ neh mˇ-euˬ gaˇ deuˬ aˇ naˆ ni zahˬ leˇ paˬ-ehˇ gʼeh-eu nga. Nawˬ-euˬ baoˬ huiˬ dui mahˇ dui dui-eu miˇ neh, nawˬ-ahˇ muiˇ-eu deuˬ guˆ-eu laꞈ kʼoeˇ, nawˬ-euˬ mehˬ shi awˆ byaˆ-eu meh.

Jaceuq 99:3

Baoˬ yaw shehꞈ kʼahˬ sehˇ huiˬ-eu aˬ yawꞈ-euˬ tsawˇ myahˇ-ahˇ, yawˬ gʼaˬ na luꞈ ja ceuˬ tehꞈ-a. Aˬ yawꞈ-aˬ, Muiˬ-eu shawˇ-eu gʼaˬ meh.

Yeˬsaˬgeˬlaˇ 1:18

Aˇ beuˆ daˇ kʼahˇ-ahˇ, myaˆ nuiˆ tiˬ gʼoeˬ tsoꞈ-eu meh.

Bawˇtsahˬ 23:23

Mah loˬ jaˬ nehꞈ zmˬ-awˇ, Iˇsaˬleˬlaˆ tsawˇ haˬ-ahˇ maˬ laˆ deuˬ nya-a. ‘Haw sheˇ. Iˇsaˬleˬlaˆ tsawˇ haˬ deuˬ-ahˇ Miˬyehˇ aˬ joˆ-ehˇ jahˇ nehˬ-eu nga’ lehˇ, aˬ cawˬ ya ehˇ gaˇ keuˆ tehꞈ-a.