Jaceuq 66:16 - Akha

¹⁶ Miˬyehˇ-ahˇ taˬ huiˬ-eu tsawˇ haˬ dawˬ tawˆ luꞈ naˇ haˬ laˇ-awˬ. Aˬ yawꞈ neh ngaˬ-euˬ gʼaˇ duˬ mˇ nehˬ laꞈ-eu jeˬ naw maꞈ-ahˇ ngaˇ ja mehˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Miqyaer-anr guv-eu nawmaf dawqtawvluf lar-awr narhaq lar-awq. Ngar, nawmaf-anr aqyawf nae ngaq-euq nuima saflar-euq gharduq, Mrnaeq laf-euq jeq dzawrnaeq nyar.

Jaceuq 66:16 ပူးပေါင်းရင်းမြစ်များ

Jaceuq 34:11

Zaˬguˬdeuˬngaˇjawˇgaˇlaˇ-awˇ, ngaˬ-euˬdawˬ-ahˇnaˇhaˬlaˇsheˇ. SahˬpaˬMiˬyehˇ-ahˇzeu-eu jeˬ, naw maꞈ-ahˇngaˇmehˬduˬnehˬnyaˇ.

Jaceuq 34:2

SahˬpaˬMiˬyehˇmˇ-euˬgaˇ-ahˇ, ngaˬ-euˬsaꞈlaˇ kʼahˬsehˇjehˆgaˇ, aˬcawˬbi kʼehˬbi kʼaˆ-euˬdeuˬ, ya gaˬ-awˇ laˬkʼaˬcehˇluꞈ-uˇ.

Jaceuq 66:5

Miˬyehˇ neh mˇ taˬ-euˬ gaˇ-ahˇ haw laˇ-awˬ. Tsawˇ haˬ zaˬ gʼaˇ duˬ aˬ yawꞈ neh mˇ taˬ-euˬ huiˬ-eu gaˇ-ahˇ haw laˇ-awˬ.

Jaceuq 71:15

Nawˇ muiˬ-eu jeˬ gaˇ kawˆ ngaˇ ja ma. Nawˬ-euˬ ka kʼoꞈ-eu jeˬ gaˇ kawˆ-ahˇ ngaˇ maˬ siˬ maˬ mawˇ byah nya kʼawꞈ, gaˇ kawˆ kʼoeˇ nah ga-ehˇ ngaˇ ja ma.

Jaceuq 71:18

Nymˬ-mˇ ngaˇ mawˬ le-awˇ uˬ duˬ pyuˇ le-euˬ ma. Miˬyehˇ-oˇ, ngaˬ-ahˇ taˬ byehˇ dzeh nehˬ laꞈ. Nawˬ-euˬ baoˬ hawˇ-eu nawˬ-euˬ gʼaˬ gaˇ kawˆ, nahˬ ziˇ dawˬ tawˆ luꞈ-ahˇ ngaˇ dzawˇ nehˬ ngeh, ngaˬ nehˬ-ehˇ nawˇ jawˇ nehˬ laꞈ.

Jaceuq 71:20

Ngaˬ-euˬ kʼoeˇ taˆ shaˬ zahˬ naˇ gawˇ nawˇ bi keuˆ le-euˬ meh. Ehˇ kʼawꞈ, nawˇ ngaˬ-ahˇ gʼaˬ paˇ bi kʼoꞈ laˇ-awˇ, shiˇ-eu miˇ kʼahˬ-ahˇ maˬ ya keuˆ ni ka kʼoꞈ nehˬ laꞈ tehꞈ-a.

Jaceuq 71:24

Ngaˬ-ahˇ laˆ coeˬ laˆ ciˆ mawꞈ-eu deuˬ kʼoeˇ taˆ, shaꞈ dawˇ-eu jeˬ bi keuˆ le-euˬ miˇ neh, nawˬ-euˬ yaw tsaˬ yaw dawˇ jeˬ gaˇ kawˆ, nah ga-ehˇ ngaˇ ja ceuˬ ma.

Yeˬlaˬmiˇ 51:10

Sahˬpaˬ Miˬyehˇ ehˇ-eu, “ ‘Aˬ dui maꞈ tsaˬ-euˬ gaˇ kawˆ Sahˬpaˬ Miˬyehˇ bi siˬ duˬ laꞈ-euˬ meh. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ neh jahˇ-euˬ jeˬ gaˇ kawˆ, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ ehˇ nehˬ leˇ kaˇ-euˇ’ lehˇ, ngaˬ-euˬ tsawˇ haˬ deuˬ ehˇ-eu meh.”

Maˬlaˬkiˇ 3:16

Kʼoeˇ naˇ, Sahˬpaˬ Miˬyehˇ-ahˇ guˆ-eu tsawˇ haˬ deuˬ tiˬ gʼaˬ tiˇ gʼaˬ dawˬ ja ja cawˬ gaˇ Sahˬpaˬ Miˬyehˇ naˇ haˬ-eu meh. Sahˬpaˬ Miˬyehˇ-ahˇ guˆ-awˇ yaw zeu baw-eu tsawˇ haˬ deuˬ gaˇ kawˆ, aˬ yawꞈ-euˬ mehˬ shi jaˆ-eu sahˬ boꞈ paˇ dmˬ laꞈ kʼoeˇ boꞈ ahˇ taˬ-eu meh.

1 Yoˇhaˬ 1:3

Naw maꞈ kʼawꞈ, nga maꞈ nehˬ-ehˇ tiˬ kawˆ loꞈ-ehˇ Aˬda Miˬyehˇ hawˇ-eu aˬ yawꞈ-euˬ Zaˬmaˇ Yeˬsuˇ Ka li-ahˇ cawˬ cawˬ taꞈ nya laˇ ni, nga maꞈ neh kʼaˇ ya gaˬ kʼaˇ ya mawˇ-euˬ jeˬ naw maꞈ-ahˇ dzawˇ nehˬ-eu ma.