Jaceuq 66:12 - Akha

¹² Muiˇ-eu deuˬ neh nga maꞈ-ahˇ mahˬ dziˬ bi dziˬ-awˇ, miˬ dzaˬ hawˇ-eu iˇ jeuˬ laꞈ kʼoeˇ bi cah tsehˆ laꞈ-euˬ meh. Ehˇ kʼawꞈ nui saˇ oꞈ-eu miˇ kʼahˬ laꞈ kʼoeˇ, nymˬ-mˇ nawˇ nga maꞈ-ahˇ sheuˬ keuˆ nehˬ laꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Nawr, nga’maf-euq uqduq-euq khoertav tsawrhaq bidziq taq-awr, Nga’maf, miqdzaq hawr-eu ircuf-anr ya cantsaev-euq ma. Aerkhawf, nawr, nga’maf-anr bawle zale-eu jawrduq-anr sheuqkeuv naeqlaf-euq mae.

Jaceuq 66:12 ပူးပေါင်းရင်းမြစ်များ

2 Saˬmeuˬlaˆ 15:17

Sahˬ paˬ hawˇ-eu aˬ yawꞈ-euˬ tsawˇ haˬ dawˬ tawˆ luꞈ, meuˬ kʼoeˇ meuˬ-ahˇ byehˇ dzeh yaꞈ-awˇ doˆ-iˇ ngeh, meuˬ dzeˇ dzeˇ saˬ jaˆ-eu nymˇ-ahˇ tiˬ kʼehˬ yawꞈ naˬ-euˬ meh.

Yawˇbaˆ 36:16

Shaˬ-eu zahˬ-eu jeˬ laꞈ kʼoeˇ Miˬyehˇ nawˬ-ahˇ sheuˬ doˆ-awˇ, nui saˇ oꞈ-eu laꞈ kʼoeˇ bi dehꞈ-euˬ meh. Nawˬ-euˬ hawˬ jeh kʼoeˇ taˆ dzaˬ dzaˬ dawˇ dawˇ tiˬ byah jaˆ-eu meh.

Yawˇbaˆ 5:19

Shaˬ-eu zahˬ-eu jeˬ laꞈ kʼoeˇ tiˬ poˆ saˇ-i tiˬ poˆ aˬ yawꞈ nawˬ-ahˇ ka kʼoꞈ tehꞈ-a.

Jaceuq 33:19

Shiˇ-eu laꞈkʼoeˇ ka kʼoꞈnehˬ-awˇ, mehꞈngeh shuꞈngeh maˬbi shiˇ-a.

Iˇsaˬyaˇ 51:23

Naw maꞈ-ahˇ gaˇ ma doe ni bi ga-awˇ, kʼaˬ lehˇ-ahˇ nawˬ-eu loꞈ-ehˇ naw maꞈ kʼoeˇ taˆ nawˬ-awˇ cah-eu, naw maꞈ-ahˇ kʼehˬ-eu tsawˇ haˬ kʼoeˇ deuˬ-ahˇ, kʼmˬ maˬ kʼoeˇ ngaˇ ciˬ nehˬ-awˇ bi dawˇ ma.”

Daˬyeˬlaˇ 3:26

Kʼoeˇ naˇ, miˬ dzaˬ tsawˬ bu nymˇ kʼoeˇ nymˇ-euˬ gʼoˆ kʼehˬ-ahˇ Neˬbuˬkaˬneˬzaˬ le daˆ-awˇ, “Dawˬ tawˆ kʼoeˇ taˆ huiˬ-eu Miˬyehˇ-euˬ zaˬ kʼaˆ deuˬ pyeuꞈ-eu, Shaˬdaˬlaˆ, Meˬshaˆ, Aˬbeˬdaˬneˬgoˬ aˬ ha smˇ gʼaˬ-oˇ, doˆ laˇ-awˬ” lehˇ guˇ-euˬ meh.

Luˇkaꞈ 16:25

Ehˇ kʼawꞈ, Aˬbyaˬhaˬ ehˇ-eu, ‘Aˬ li-oˇ, miˇ tsaˬ kʼoeˇ taˆ dehꞈ ngeh, nawˇ yaw nuiˬ jeˬ-ahˇ za-awˇ, Laˬzaˬluˇ maˬ muiˬ-eu jeˬ zaˬ-euˬ gaˇ noeˬ mawˇ-awˬ. Ehˇ kʼawꞈ, nymˬ-mˇ poˆ jawˇ-aˬ, Laˬzaˬluˇ heu gaˇ saˇ lehˆ ni ya jawˇ luꞈ-awˇ, nawˇ ya daˬ dui dui luꞈ meh.

Gʼaˬkʼehˇ 14:22

Jah-eu jeˬ laꞈ kʼoeˇ ziꞈ ni, jah-eu tsawˇ haˬ deuˬ-ahˇ aˬ yawꞈ nyaꞈ gʼaˬ biꞈ yaꞈ-euˬ meh. “Miˬyehˇ miˇ kʼahˬ-ahˇ uˇ leˇ-eu gʼaˇ duˬ, shaˬ zahˬ gʼawˬ mya jeˬ-ahˇ aˬ dui ya tahˬ puˬ tehꞈ-a” lehˇ mehˬ nehˬ tsoˆ nehˬ yaꞈ-euˬ meh.

Yaˬkoˆ 5:11

Aˬ yawꞈ maꞈ daˬ dzeuˇ oˇ dzeuˇ nya-euˬ miˇ neh guiˬ lahˬ huiˬ-eu tsawˇ haˬ lehˇ aˬ dui kuˇ-eu ma. Yawˇbaˆ aˬ joˆ-ehˇ oˇ-euˬ gaˇ kawˆ hawˇ-eu, aˇ saˬ saˬ ngeh Sahˬpaˬ Miˬyehˇ aˬ yawꞈ-ahˇ guiˬ lahˬ aˬ joˆ-ehˇ biꞈ nehˬ-euˬ gaˇ kawˆ naw maꞈ siˬ nya meh. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, gʼawˬ shaˬ gaˬ-eu jeˬ tiˬ byah ni ahˇ-eu meh.