Jaceuq 65:9 - Akha

⁹ Miˇ tsaˬ-ahˇ nawˇ bo saˆ luꞈ-eu gaˇ kawˆ, uˬ yehˇ yehˇ-eu laꞈ kʼoeˇ bi siˬ bi mawˇ-eu meh. Miˇ tsaˬ miˇ muiˬ muiˬ ni nawˇ jahˇ-eu meh. Lawˇ gawˆ-ahˇ nawˇ iˇ cuꞈ bi yoeˇ le-awˇ, miˇ tsaˬ-ahˇ dzaˬ la gʼo cehˇ dehꞈ laˇ ni nawˇ jahˇ-euˬ meh. Nawˬ neh mˇ-euˬ gaˇ kawˆ heu loꞈ-ehˇ jaˆ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Nawr, mirtsaq-anr hawle-awr ircuf shaeqnaeq-eu mae. Miqyaer-euq lawrgawv ircuf tiqbyanni yoer-awr, Nawr, mirtsaq-anr yawkhav-aer bimuiq bi sanrlar-eu mae. Nawr, aqyawf maf-anr dzaqla ghovcaer zanqnaeq-eu mae. Nawr heulof-aer laeqhmq naeqlaf-eu mae.

Jaceuq 65:9 ပူးပေါင်းရင်းမြစ်များ

Aˇ dahˬ 26:12

Miˇ kʼahˬ kʼoeˇ kʼahˬ laꞈ kʼoeˇ Iˇtsaˆ deh yaˇ mˇ-awˇ, kʼoeˇ ngeh kʼoꞈ laꞈ kʼoeˇ, aˬ yawꞈ neh sehˬ-euˬ siˬ yoeˬ naˆ maˬ tseˇ tiˬ yaˇ bymˇ aˬ yawꞈ mˇ za-euˬ meh. Sahˬpaˬ Miˬyehˇ aˬ yawꞈ-ahˇ guiˬ lahˬ biꞈ-euˬ miˇ neh, kʼoeˇ loꞈ-ehˇ mˇ za-euˬ meh.

Jaceuq 107:37

Aˬ yawꞈ maꞈ deh yaˇ hawˇ-eu aˬ gaꞈ yaˇ kmˇ mˇ-awˇ, mˇ za shaˇ za dui dui-euˬ meh.

Jaceuq 147:14

Nawˬ-euˬ miˇ kʼahˬ-ahˇ nui saˇ oꞈ-eu jeˬ aˬ yawꞈ neh bi keuˆ le-awˇ, nawˬ-euˬ nui kʼahˇ tiˬ shiˇ muiˬ dui dui-eu cehˇ bi za le-euˬ meh.

Jaceuq 46:4

Miˬyehˇ-euˬ meuˬ hawˇ-eu Huiˬ dui mahˇ dui dui-eu Gʼaˬ-euˬ nymˇ-ahˇ, laˬ kʼaˬ cehˇ nui saˇ za-eu jeˬ hehˇ ahˇ leꞈ-eu lawˇ gawˆ tiˬ gawˆ yoeˇ-eu meh.

Jaceuq 63:1

Miˬyehˇ-oˇ, nawˇ-aˬ ngaˬ-euˬ Miˬyehˇ pyeuꞈ-awˇ, nawˬ-ahˇ ngaˇ noeˬ tmˬ luꞈ-eu ma. Ngaˬ-euˬ nui ma gʼawˇ mawˇ dawˬ tawˆ luꞈ nawˬ-ahˇ noeˬ tmˬ luꞈ-eu ma. Iˇ cuꞈ maˬ jaˆ ehˇ koˆ kaˆ ni tsawˬ paˆ-iˇ taˬ-euˬ miˇ tsaˬ tiˬ tsahˇ iˇ cuꞈ mehꞈ-eu loꞈ-ehˇ, ngaˬ-euˬ saꞈ laˇ nawˬ-ahˇ noeˬ tmˬ luꞈ-eu ma.

Jaceuq 65:11

Dzaˬ la gʼo cehˇ za dui dui le ni nawˇ jahˇ-awˇ nawˇ kʼaˇ iˇ keuˆ gaˇ baw le za le-eu meh.

Iˇsaˬyaˇ 41:5

“Gaˇ mahˇ kaˬ gaˇ jawˇ-eu tsawˇ haˬ deuˬ, ngaˬ neh mˇ-euˬ gaˇ deuˬ-ahˇ ya mawˇ-awˇ, guˆ-awˇ yaw dzuˬ dzuˬ-eu laꞈ kʼoeˇ, tiˬ kawˆ loꞈ-ehˇ uiˬ leˇ-awˇ laˇ-eu meh.

Yeˬlaˬmiˇ 14:22

Aˬ cawˬ tsawˇ jeuˬ-euˬ tahˬ pahˬ aˬ ma mawˇ kawˇ deuˬ, uˬ yehˇ maˬ bi yehˇ le nya-a. Uˬ yehˇ ga doˆ le ni mˬ kʼawꞈ maˬ gʼeh nya-a. Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, kʼoeˇ deuˬ dawˬ tawˆ luꞈ-ahˇ nawˇ mˇ nya-eu miˇ neh, nawˬ-ahˇ nga maꞈ noeˬ tmˬ-eu ma.

Yeˬlaˬmiˇ 5:24

Tsahˬ gaˆ uˬ yehˇ hawˇ-eu jawˇ la uˬ yehˇ biꞈ-awˇ, naw maꞈ-ahˇ ngaˇ aˬ yawꞈ kʼoꞈ yawꞈ cehˇ bi yehˬ dzaˬ-euˬ kʼawꞈ, ngaˬ-ahˇ taˬ huiˬ ma lehˇ naw maꞈ tiˬ pawꞈ-iˬ maˬ noeˬ-a.

Daˬyeˬlaˇ 4:2

Dawˬ tawˆ kʼoeˇ taˆ huiˬ-eu Miˬyehˇ neh ngaˬ-ahˇ bi siˬ bi mawˇ laꞈ-euˬ zahˬ dui dui leˇ paˬ-ehˇ gʼeh-eu gaˇ kawˆ, naw maꞈ-ahˇ ngaˇ maˬ ja mehˬ-ehˇ maˬ jawˇ coeˇ nya.

Uˬ duˬ 26:4

dzaˬ la gʼo cehˇ deuˬ bi muiˬ laˇ-awˇ, aˇ siˬ aˇ bawˇ deuˬ aˇ siˬ bi siˬ laˇ-eu gʼaˇ duˬ, aˇ yamˬ tsaˬ tsaˬ ni uˬ yehˇ bi yehˇ le ma.

Maˬlaˬkiˇ 1:11

Mˬ dzeˇ miˇ dzeˇ keuˆ ni jawˇ-eu tsawˇ haˬ deuˬ ngaˬ-ahˇ yaw zeu baw luꞈ meh. Yawˬ gaˇ na luꞈ aˬ yawꞈ maꞈ ngaˬ-ahˇ tsiˇ yaw saw jeˬ doꞈ damˬ-awˇ, ngaˇ nui ma tsaˬ-eu lawˇ-eu shehˇ-eu jeˬ mˇ luꞈ meh. Aˬ yawꞈ maꞈ dawˬ tawˆ luꞈ ngaˬ-ahˇ yaw zeu baw meh.

Gʼaˬkʼehˇ 14:17

Ehˇ kʼawꞈ, aˬ yawꞈ neh mˇ-euˬ yaw muiˬ jeˬ laꞈ kʼoeˇ, aˬ yawꞈ dehꞈ luꞈ jawˇ luꞈ-eu gaˇ kawˆ aˬ myah luꞈ bi siˬ bi mawˇ-euˬ meh. Aˬ yawꞈ naw maꞈ-ahˇ mˬ kʼoeˇ taˆ neh uˬ yehˇ bi yehˇ le-awˇ, aˇ yamˬ tsaˬ ngeh dzaˬ la gʼo cehˇ bi keuˆ le-euˬ meh. Naw maꞈ-ahˇ dzaˬ dzaˬ dawˇ dawˇ biꞈ-awˇ, naw maꞈ-euˬ nui ma laꞈ kʼoeˇ laˬ kʼaˬ cehˇ-eu jeˬ bi byah laˇ-euˬ meh.”

Panmaeq 22:1

Mˬ taˆ gʼaˬ kʼehˇ kʼoeˇ gʼaˬ ngaˬ-ahˇ dehꞈ-eu saꞈ laˇ lawˇ baˬ mehˬ nehˬ laꞈ-euˬ meh. Miˬyehˇ hawˇ-eu Yawˇzaˬ-euˬ dzoeˬ dzaˬ nuiˇ mahˬ-ahˇ neh yoeˇ doˆ le-awˇ, doˆ coˆ-ehˇ haw mawˇ nya-eu shawˇ jehˆ ni gʼeh-eu lawˇ baˬ pyeuꞈ-eu meh.

Luˇta 1:6

Mawˇbaˆ miˇ kʼahˬ laꞈ kʼoeˇ Nawˇmi jawˇ luꞈ ngeh, Sahˬpaˬ Miˬyehˇ aˬ yawꞈ-euˬ tsawˇ jeuˬ-ahˇ guiˬ lahˬ biꞈ-awˇ, dzaˬ la gʼo cehˇ gʼawˬ mya ni bi za le-euˬ gaˇ kawˆ ya gaˬ-euˬ meh. Kʼoeˇ miˇ neh, aˬ yawꞈ-euˬ kuiˬ ma nyiˬ gʼaˬ nehˬ-ehˇ, Mawˇbaˆ miˇ kʼahˬ-ahˇ neh doˆ-iˇ-eu lehˇ, aˬ yawꞈ lehˬ hmˬ-euˬ meh.