Jaceuq 65:2 - Akha

² Aˬ jeˬ miˇ neh ehˇ naˇ, nga maꞈ-euˬ shaˇ dawˬ-ahˇ nawˇ naˇ haˬ nehˬ laꞈ-eu meh. Miˇ tsaˬ zaˬ dawˬ tawˆ luꞈ nawˇ jawˇ gaˇ ya laˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Guiqlanq shar-eu gar narhaq luf-eu ghaq-or, Shiqshaq dawqtawvluf nawr jawr-eu gar lar taef-a.

Jaceuq 65:2 ပူးပေါင်းရင်းမြစ်များ

1 Sahˬpaˬ 18:29

Nah loˆ ceh laˇ ngeh keuˆ ni aˬ yawꞈ maꞈ toˇ toˇ-ehˇ jawˇ-eu kʼawꞈ, aˬ yawꞈ maꞈ-euˬ shaˇ dawˬ-ahˇ naˇ haˬ nehˬ-eu gʼaˬ maˬ jawˇ-a.

1 Sahˬpaˬ 18:37

Sahˬpaˬ Miˬyehˇ-oˇ, nawˇ Miˬyehˇ pyeuꞈ-eu gaˇ kawˆ hawˇ-euˬ, aˬ yawꞈ maꞈ nawˇ jawˇ paw gʼoꞈ laˇ ni nawˇ kuˇ kʼoꞈ luꞈ-eu gaˇ kawˆ aˬ yawꞈ maꞈ ya siˬ ni, ngaˬ-euˬ shaˇ dawˬ-ahˇ naˇ haˬ nehˬ laꞈ-awˬ.”

2 Laˬsaˬbaˬ 33:13

Maˬnaˇseˬ-euˬ shaˇ dawˬ-ahˇ Sahˬpaˬ Miˬyehˇ naˇ haˬ nehˬ-awˇ, aˬ yawꞈ-ahˇ Yeˬluˇsaˬlehˬ meuˬ-ahˇ bi gʼoꞈ-iˇ-awˇ, aˬ yawꞈ-euˬ miˇ kʼahˬ-ahˇ paˇ bi uˆ lahˇ-euˬ meh. Kʼoeˇ ngeh, Sahˬpaˬ Miˬyehˇ-aˬ, aˬ diˇ aˬ maˇ Miˬyehˇ pyeuꞈ-eu gaˇ kawˆ Maˬnaˇseˬ siˬ duˬ-euˬ meh.

Jaceuq 102:17

Byehˇ dzeh taˬ-euˬ aˬ yawꞈ-euˬ tsawˇ jeuˬ shaˇ dawˬ-awˇ, aˬ yawꞈ naˇ haˬ geuꞈ nehˬ tehꞈ-a.

Jaceuq 116:14

Aˬ yawꞈ-euˬ tsawˇ haˬ deuˬ uiˬ leˇ taˬ-euˬ mehˬ shi, ngaˬ neh saˇ jaˇ dzaˬ taˬ-euˬ jeˬ aˬ yawꞈ-ahˇ ngaˇ damˬ ma.

Jaceuq 116:18

Nawˬ-euˬ tsawˇ haˬ deuˬ uiˬ leˇ taˬ-euˬ mehˬ shi, Yeˬluˇsaˬlehˬ meuˬ Uˬ duˬ tahˬ nymˇ nymˇ ma-euˬ muiˬ-eu shawˇ-eu jawˇ duˬ-ahˇ, ngaˬ neh saˇ jaˇ dzaˬ taˬ-euˬ jeˬ nawˬ-ahˇ damˬ ma. Sahˬpaˬ Miˬyehˇ-ahˇ ja ceuˬ-awˬ.

Jaceuq 22:27

Miˇtsaˬtsawˇjeuˬtsawˇca dawˬtawˆ, SahˬpaˬMiˬyehˇ-ahˇnoeˬlaˇ-awˇ, aˬyawꞈjawˇgaˇ gʼoꞈkʼoꞈlaˇ-awˇ, aˬyawꞈ-ahˇuˬduˬtahˬtehꞈ-a.

Jaceuq 66:13

Miˬ dzaˬ-ahˇ dzah puiˆ-awˇ lawˇ-eu jeˬ, nawˬ-euˬ nymˇ-ahˇ ngaˇ yuˇ laꞈ-awˇ, ngaˬ neh saˇ jaˇ dzaˬ taˬ-euˬ loꞈ-ehˇ lawˇ nehˬ ma.

Jaceuq 66:19

Ehˇ kʼawꞈ, ngaˬ-euˬ dawˬ Miˬyehˇ-ahˇ gaˬ leˇ-awˇ, ngaˬ-euˬ shaˇ dawˬ-ahˇ aˬ yawꞈ naˇ haˬ nehˬ laꞈ-euˬ meh.

Jaceuq 66:4

Miˇ tsaˬ zaˬ yawˬ gʼaˬ na luꞈ nawˬ-ahˇ ja ceuˬ-eu meh. Nawˬ-ahˇ aˬ yawꞈ maꞈ caˇ-awˇ ja ceuˬ-eu meh. Nawˬ-euˬ tsawˇ myahˇ-ahˇ aˬ yawꞈ maꞈ caˇ-awˇ ja ceuˬ-eu meh lehˇ ehˇ nehˬ-awˬ.

Jaceuq 86:9

Nawˬ neh beh taˬ-euˬ tsawˇ jeuˬ dawˬ tawˆ luꞈ, nawˬ-euˬ mehˬ shi laˇ-awˇ awˆ byaˆ tehꞈ-a. Nawˇ huiˬ-eu mahˇ-eu gaˇ kawˆ aˬ yawꞈ maꞈ caˇ-awˇ ja ceuˬ tehꞈ-a.

Iˇsaˬyaˇ 49:6

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Ngaˬ-euˬ zaˬ kʼaˆ-oˇ, ngaˇ nawˬ-ahˇ, huiˬ dzehˬ-eu gaˇ paˇ bi mˇ ma. Dzeuˇ-iˇ-euˬ Iˇsaˬleˬlaˆ tsawˇ haˬ-ahˇ sheuˬ kʼoꞈ doˆ-awˇ, aˬ yawꞈ maꞈ dehꞈ doˆ dzaˬ laˇ ni ya mˇ-eu gaˇ tehꞈ-ehˇ maˬ ngeuˇ, mˬ dzeˇ miˇ dzeˇ keuˆ ni ka kʼoꞈ-eu jeˬ za ni, nawˬ-ahˇ miˇ tsaˬ-euˬ yaw shehꞈ paˇ bi geuꞈ-eu ma.”

Iˇsaˬyaˇ 65:24

Aˬ yawꞈ maꞈ guiˬ lahˬ shaˇ gʼaˬ-euˬ maˬ dah ni, aˬ yawꞈ maꞈ shaˇ-eu jeˬ ngaˇ biꞈ nehˬ ma.

Iˇsaˬyaˇ 66:23

La shuiꞈ lah-eu bawˬ-iˬ kʼaˇ gʼeh ngeh maˬ ehˇ, jawˇ nah lah-eu kʼaˇ tsaˬ laˇ ngeh maˬ ehˇ, miˇ kʼahˬ yawˬ kʼahˬ na luꞈ-ahˇ kʼaˇ jawˇ-eu tsawˇ haˬ deuˬ, Yeˬluˇsaˬlehˬ meuˬ heu meuˬ laꞈ kʼoeˇ ngaˬ-ahˇ uˬ duˬ tahˬ laˇ tehꞈ-a” lehˇ Sahˬpaˬ Miˬyehˇ ehˇ-eu meh.

Naˬhmˬ 2:1

Niˇnaˬbeˬ nawˇ ya cawˆ-iˇ meh. Nawˬ-ahˇ deuˆ-eu lehˇ oe luꞈ meh. Taˆ laꞈ kʼoeˇ tsawˇ haˬ bi jawˇ-awˬ. Gaˇ ma-ahˇ yaw muiˇ bi loꞈ-awˬ. Guiˇ deuˆ-eu lehˬ hmˬ dah taˬ-awˬ.

Yoˇhaˬ 12:32

Miˇ tsaˬ heu kʼoeˇ taˆ ngaˬ-ahˇ kʼahˬ tuˇ ngeh, tsawˇ haˬ yawˬ gʼaˬ na luꞈ ngaˇ jawˇ gaˇ laˇ ni ngaˇ jahˇ ma.”

Gʼaˬkʼehˇ 10:31

Aˬ yawꞈ ehˇ-eu, ‘Gawˬneˬliˇ-oˇ, nawˬ-euˬ shaˇ dawˬ-ahˇ Miˬyehˇ gaˬ-awˇ, nawˬ neh shaˬ zaˬ zahˬ zaˬ-ahˇ caw ba-euˬ aˬ yawꞈ siˬ luꞈ mawˇ luꞈ meh.

Panmaeq 11:15

Kʼoeˇ naˇ, mˬ taˆ gʼaˬ kʼehˇ shiꞈ gʼaˬ tiˬ gʼaˬ daˇ heh baw ngeh, mˬ kʼoeˇ taˆ teˇ saˇ yaw kʼaˆ-ehˇ lawꞈ gʼa laˇ-awˇ ehˇ-eu, “Miˇ tsaˬ heu kʼoeˇ taˆ uˆ lahˇ-eu baoˬ, nymˬ-mˇ aˬ dui-euˬ Sahˬpaˬ Miˬyehˇ hawˇ-eu aˬ yawꞈ-euˬ Ka li-ahˇ oꞈ-awˇ, mˬ maˬ maˬ byaˆ zaˇ ziˇ aˬ yawꞈ uˆ lahˇ tehꞈ-a.”