Jaceuq 63:3 - Akha

³ Maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ, ngaˇ yaw dehꞈ dehꞈ luꞈ-eu naˆ maˬ tseˇ poeˬ-eu miˇ neh, nawˬ-ahˇ ngaˇ ja ceuˬ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Nawq-euq ghoer-awr gaq-eu jeq-aq, daefzir navmaqtser muiqdzaeq-eu mirnae, Ngaq-euq maeqluq, nawq-anr jaceuq ma.

Jaceuq 63:3 ပူးပေါင်းရင်းမြစ်များ

Jaceuq 21:6

Nawˬ-euˬguiˬlahˬaˬyawꞈnehˬ-ehˇ, mˬmaˬmaˬbyaˆzaˇziˇjaˆ-awˇ, aˬyawꞈnehˬ-ehˇnawˇjawˇmiˇneh, aˬyawꞈlaˬkʼaˬcehˇ-eu byah meh.

Jaceuq 30:12

Ciˬcuˇni maˬjawˇtehˬcoeˇ-ehˇ, nawˬ-ahˇ caˇ-awˇ ja ceuˬ-eu ma. Ngaˬ-euˬSahˬpaˬMiˬyehˇgʼaˬ-oˇ, mˬmaˬmaˬbyaˆzaˇziˇ jiˇni, nawˬ-euˬguiˬlahˬ-ahˇja ceuˬma.

Jaceuq 30:5

Aˬyawꞈnui ma pehˇ-eu jeˬ-aˬ, tiˬkʼehˇlaˇkʼehˬ tehꞈ-ehˇgmˬ-awˇ, aˬyawꞈnui ma muiˬ-eu jeˬ-aˬ, tiˬziˇjiˇtiˬyehˆjuˬ-eu meh. Uˬciꞈmyaˆbiˇya yoeˇbya kawꞈ, uˬbya laˬkʼaˬcehˇ-eu oe meh.

Jaceuq 4:6

“Sahˬpaˬ Miˬyehˇ-oˇ, nga maꞈ-ahˇ, gʼawˬshaˬtiˬpoˆhaw gaˬlaꞈ-awˇ, guiˬlahˬ shehˬlahˬnehˬlaꞈ-awˬ” lehˇ tsawˇhaˬgʼawˬmya ni shaˇ-eu meh.

Jaceuq 42:2

Iˇcuꞈmehꞈdui dui-eu loꞈ-ehˇ, dehꞈluꞈ-eu ngaˬ-euˬMiˬyehˇ-ahˇ, ngaˬ-euˬsaꞈlaˇmehꞈluꞈ-eu ma. Nawˬ-euˬmehˬshi ngaˇle keuˆ-awˇ, aˬmyah uˬduˬya tahˬleˇnmˇ.

Jaceuq 51:15

Sahˬ paˬ Miˬyehˇ-oˇ, ngaˇ dawˬ ngehˬ nya ni caw ba nehˬ laꞈ. Nawˬ-ahˇ ngaˇ ja ceuˬ ma.

Jaceuq 66:17

Aˬ yawꞈ-ahˇ ngaˇ ngoeˇ-awˇ tahˬ shaˇ haw-euˬ ma. Aˬ yawꞈ-ahˇ ngaˇ caˇ-awˇ ja ceuˬ haw-euˬ ma.

Jaceuq 68:25

Caˇ dawˬ caˇ-eu deuˬ mehˬ hu paw cah-awˇ, bawˬ law baw, deuˇ-mˬ diˬ-eu deuˬ mehˬ nah paw cah-awˇ, cehˇ lehˇ ciˆ-eu zaˬ miˬ aˬ buˇ deuˬ gʼahˇ ceh cah luꞈ meh.

Jaceuq 69:16

Sahˬpaˬ Miˬyehˇ-oˇ, maˬ tsehˆ leˇ nya-eu muiˬ dui dui-eu nawˬ-euˬ gʼoeˇ-eu gaˬ-eu jeˬ baˬ da neh, ngaˬ-euˬ shaˇ dawˬ-ahˇ naˇ haˬ nehˬ laꞈ. Huiˬ dui dui-eu nawˬ-euˬ gʼawˬ shaˬ gaˬ-eu jeˬ baˬ da neh, ngaˬ-ahˇ haw cawˬ nehˬ laꞈ.

Jaceuq 96:6

Baoˬ yaw shehꞈ kʼahˬ sehˇ aˬ yawꞈ-euˬ tiˬ jawˬ jaˆ-awˇ, aˬ yawꞈ-euˬ Uˬ duˬ tahˬ nymˇ nymˇ ma laꞈ kʼoeˇ, baoˬ hawˇ-eu haw muiˬ-eu jeˬ byah luꞈ-eu meh.

Doˆ-iˇ 33:18

Kʼoeˇ naˇ, “Nawˬ-euˬ yaw shehꞈ kʼahˬ sehˇ ngaˬ-ahˇ bi mawˇ laꞈ” lehˇ, Sahˬpaˬ Miˬyehˇ-ahˇ Moˇseˬ ehˇ nehˬ-euˬ meh.

Hawˇseˬ 14:2

Guiˬ lahˬ shaˇ dawˬ heu yuˇ laꞈ-awˇ, lawˇ-eu shehˇ-eu tiˬ jeˬ loꞈ-ehˇ, Sahˬpaˬ Miˬyehˇ-ahˇ damˬ nehˬ-awˬ. “Nga maꞈ-euˬ iˬ baˇ pyehˬ laꞈ-awˇ, nga maꞈ shaˇ dawˬ naˇ haˬ nehˬ laꞈ. Nga maꞈ saˇ jaˇ dzaˬ-euˬ loꞈ-ehˇ, nawˬ-ahˇ nga maꞈ ja ceuˬ-eu ma.

Lormav 12:1

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ-euˬ huiˬ dui myaˬ dui dui-eu gʼawˬ shaˬ gaˬ-eu jeˬ baˬ da neh naw maꞈ-ahˇ ngaˇ heu loꞈ-ehˇ shaˇ-eu ma. Dehꞈ luꞈ-eu lawˇ-eu jeˬ loꞈ-ehˇ, naw maꞈ-euˬ gʼawˇ mawˇ Miˬyehˇ-ahˇ damˬ nehˬ-awˬ. Aˬ yawꞈ-euˬ gaˇ mˇ-eu gʼaˇ duˬ a nehˬ-awˇ, aˬ yawꞈ nui ma tsaˬ ni dehꞈ-awˬ. Heu-aˬ, naw maꞈ mˇ paˬ-ehˇ gʼeh-eu maˇ maˇ ni gʼeh-eu uˬ duˬ tahˬ-eu jeˬ pyeuꞈ-eu meh.

Lormav 6:19

Naw maꞈ gʼoˆ siˬ gʼoˆ shaw nya-eu paw dzeˇ gʼaˬ baˬ-eu miˇ neh, yawˬ nah na luꞈ ngehˬ luꞈ-eu dawˬ deuˬ-ahˇ zmˬ-awˇ ngaˇ ehˇ-eu ma. Dzeuˇ laˇ ngeh, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu jeˬ hawˇ-eu maˬ muiˬ maˬ jaˬ-eu jeˬ-euˬ zaˬ kʼaˆ geuꞈ-eu laꞈ kʼoeˇ, maˬ tsaˬ maˬ dawˇ-eu jeˬ-ahˇ mˇ-eu gʼaˇ duˬ naw maꞈ-euˬ nui ma gʼawˇ mawˇ dawˬ tawˆ luꞈ a nehˬ-euˬ meh. Kʼoeˇ loꞈ-ehˇ duˇ ni, nymˬ-mˇ poˆ jawˇ-aˬ, yaw tsaˬ yaw dawˇ jeˬ-euˬ zaˬ kʼaˆ geuꞈ-eu laꞈ kʼoeˇ yaw muiˬ yaw shawˇ jeˬ-ahˇ mˇ-eu gʼaˇ duˬ, nui ma gʼawˇ mawˇ dawˬ tawˆ luꞈ a nehˬ-awˬ.

1 Gawˇliˬtu 6:20

Miˬyehˇ neh aˇ poeˬ biꞈ-awˇ zeuˇ tsehˆ gʼaˬ-euˬ meh. Kʼoeˇ miˇ neh, naw maꞈ-euˬ gʼawˇ mawˇ laꞈ kʼoeˇ Miˬyehˇ-euˬ yaw shehꞈ kʼahˬ sehˇ bi doˆ laˇ-awˬ.

Piˇliˇpiˆ 1:23

Heu nyiˬ jeˬ luꞈ ngaˬ-ahˇ gʼeu taw taˬ-euˬ meh. Ngaˇ geuꞈ mawꞈ-eu-aˬ, miˇ tsaˬ kʼoeˇ taˆ dehꞈ-eu heu-ahˇ byehˇ dzeh yaꞈ-awˇ Ka li nehˬ-ehˇ jawˇ leˇ mawꞈ-eu kʼoeˇ hmˬ ma. Aˬ jeˬ miˇ neh ehˇ naˇ, kʼoeˇ-aˬ, ngaˬ-euˬ gʼaˇ duˬ muiˬ dzehˬ-eu meh.

HeˬByehˇ 13:15

Kʼoeˇ miˇ neh, aˬ dui Yeˬsuˇ-ahˇ gʼoe-eu laꞈ kʼoeˇ Miˬyehˇ-ahˇ ja ceuˬ-eu jeˬ lawˇ nehˬ kaˇ-euˇ. Kʼoeˇ-aˬ, aˬ yawꞈ aˬ dui-euˬ Sahˬpaˬ pyeuꞈ-eu gaˇ kawˆ bi siˬ bi mawˇ-eu, kʼaˬ meh mehˬ boeˬ neh lawˇ-eu jeˬ pyeuꞈ-eu meh.

1 Yoˇhaˬ 3:2

Ngaˇ gaˬ dui dui-eu cawˬ deuˬ-oˇ, nymˬ-mˇ aˬ dui Miˬyehˇ-euˬ zaˬ ma. Ehˇ kʼawꞈ, aˬ dui mehˬ hu paw aˬ joˆ-ehˇ pyeuꞈ laˇ-eu maˬ duˬ-a siˬ. Ehˇ kʼawꞈ, Yeˬsuˇ Ka li-ahˇ bya cehˆ ni ya mawˇ ngeh, aˬ dui aˬ yawꞈ loꞈ-ehˇ pyeuꞈ laˇ tehꞈ-a lehˇ siˬ duˬ taˬ-euˬ ma. Aˬ jeˬ miˇ neh ehˇ naˇ, aˬ yawꞈ kʼaˇ ngeuˇ-eu loꞈ-ehˇ aˬ dui aˬ yawꞈ-ahˇ ya mawˇ duˬ ma.