Jaceuq 62:12 - Akha

¹² Aˬ yawꞈ-euˬ gʼoeˇ-eu gaˬ-eu jeˬ maˬ tsehˆ leˇ lehˇ ehˇ gaˇ, ngaˇ ya gaˬ haw-euˬ ma. Sahˬpaˬ Miˬyehˇ-oˇ, tsawˇ haˬ yawˬ gʼaˬ na luꞈ yawˬ ha neh kʼaˇ mˇ kʼaˇ shaˇ taˬ-euˬ loꞈ-ehˇ, nawˇ laꞈ sawˬ biꞈ nehˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Sanqpaq Miqyaer-or! Ghawqshaq gaq-eu jeq khawf nawq-euq mae; Aqjeq mirnae aernar-aq, nawr, tiqghaq sair tiqghaq-anr, Yawqha nae mrtaq-euq gar tsaqni mrpoeq lafsawq bif-eu mae.

Jaceuq 62:12 ပူးပေါင်းရင်းမြစ်များ

1 Laˬsaˬbaˬ 29:12

Pyuˇ shuiˇ myawˬ gahˬ hawˇ-eu smˇ muiˬ smˇ baw baw-eu jeˬ dawˬ tawˆ luꞈ, nawˇ jawˇ gaˇ neh doˆ le-euˬ tehꞈ meh. Nawˬ-euˬ gʼaˬ hawˇ-eu nawˬ-euˬ baoˬ-ahˇ gʼoe-awˇ, yawˬ jeˬ na luꞈ-ahˇ nawˇ uˆ lahˇ-eu meh.

Yawˇbaˆ 33:14

Tiˬ poˆ saˇ-iˬ tiˬ poˆ Miˬyehˇ dawˬ ngehˬ kʼawꞈ, aˬ yawꞈ-euˬ dawˬ-ahˇ tiˬ gʼaˬ-iˬ maˬ naˇ haˬ-a.

Yawˇbaˆ 34:11

Tsawˇ haˬ zaˬ mˇ-eu shaˇ-eu gaˇ haw-awˇ aˬ yawꞈ guiˬ lahˬ biꞈ-eu loꞈ-ehˇ, aˬ yawꞈ maꞈ-ahˇ kʼaˇ geuˇ-eu jeˬ ciˬ pi-awˇ bi daˬ-eu meh.

Yawˇbaˆ 37:23

Miˬyehˇ-euˬ baoˬ huiˬ dui dui-eu miˇ neh, aˬ yawꞈ dawˬ peh aˬ dui maˬ nyiˬ leˇ nya-a. Aˬ yawꞈ tsawˇ haˬ zaˬ-ahˇ yaw tsaˬ yaw dawˇ laꞈ kʼoeˇ cawˬ cawˬ taꞈ-eu meh.

Yawˇbaˆ 9:19

Gʼaˬ-ahˇ gʼoe-awˇ aˬ yawꞈ nehˬ-ehˇ ngaˇ dawꞈ ceh ceh-eu loˇ. Aˬ yawꞈ nehˬ-ehˇ yaˇ kʼaˬ daˇ-eu nymˇ-ahˇ iˇ ni aˬ suˇ gʼaˬ laˆ luˆ peuˬ nmˇ.

Jaceuq 103:17

Ehˇ kʼawꞈ, Sahˬpaˬ Miˬyehˇ-ahˇ taˬ huiˬ taˬ mahˇ-eu deuˬ-ahˇ, aˬ yawꞈ gaˬ-eu jeˬ maˬ byoˆ-iˇ-ehˇ, aˬ yawꞈ-euˬ muiˬ-eu guiˬ lahˬ mˬ maˬ maˬ byaˆ zaˇ ziˇ bi keuˆ le-eu meh.

Jaceuq 103:8

Sahˬpaˬ Miˬyehˇ-aˬ, gʼawˬ shaˬ gaˬ nya-awˇ, gʼoeˇ-eu gaˬ-eu jeˬ byah-eu meh. Nui ma pehˇ-eu maˬ kawˇ-eu uˬ taꞈ, maˬ tsehˆ leˇ nya-eu gʼoeˇ-eu gaˬ-eu jeˬ byah luꞈ-eu meh.

Jaceuq 86:15

Ehˇ kʼawꞈ Sahˬpaˬ Miˬyehˇ-oˇ, nawˇ-aˬ gʼawˬ shaˬ gaˬ nya-awˇ, gʼoeˇ-eu gaˬ-eu jeˬ byah-eu Miˬyehˇ pyeuꞈ-eu uˬ taꞈ, nui ma gʼawˬ mahˇ ni taˬ nya-awˇ gʼawˬ shaˬ gaˬ-eu laꞈ kʼoeˇ, saˇ jaˇ ziꞈ-eu meh.

Jaceuq 86:5

Nawˇ nga maꞈ kʼoeˇ taˆ muiˬ-awˇ iˬ baˇ pyehˬ-eu laꞈ kʼoeˇ, nawˬ-ahˇ guiˬ lahˬ shaˇ-eu tsawˇ haˬ deuˬ-ahˇ, maˬ tsehˆ leˇ ni gaˬ-eu meh.

Dawqdaq 24:12

Yawˬ ha-ahˇ tiˬ jeˬ-iˬ maˬ taꞈ-aˇ lehˇ nawˇ ehˇ mawꞈ tehꞈ-a. Ehˇ kʼawꞈ, siˬ luꞈ mawˇ luꞈ-eu Miˬyehˇ nawˬ-eu nui ma-ahˇ yaˇ kʼaˬ daˇ tehꞈ-a. Aˬ yawꞈ nawˬ-ahˇ haw luꞈ-awˇ, yawˬ jeˬ na luꞈ siˬ nya luꞈ meh. Nawˬ neh mˇ-euˬ gaˇ-ahˇ haw-awˇ, aˬ yawꞈ nawˬ-ahˇ guiˬ lahˬ biꞈ tehꞈ-a. -26-

Yeˬlaˬmiˇ 32:19

Nawˬ-euˬ nui noeˬ nui duˇ zahˬ dui dui leˇ paˬ-ehˇ gʼeh-awˇ, nawˬ neh mˇ-euˬ gaˇ deuˬ huiˬ dui dui-eu meh. Tsawˇ haˬ zaˬ kʼaˇ mˇ kʼaˇ shaˇ-eu jeˬ-ahˇ nawˇ mawˇ nya-awˇ, aˬ yawꞈ maꞈ neh kʼaˇ mˇ-euˬ loꞈ-ehˇ nawˇ guiˬ lahˬ biꞈ-eu meh.

Yeˬsaˬgeˬlaˇ 18:30

“Nymˬ-mˇ poˆ jawˇ-aˬ, naw maꞈ Iˇsaˬleˬlaˆ tsawˇ haˬ yawˬ gʼaˬ na luꞈ-ahˇ, yawˬ ha neh kʼaˇ mˇ kʼaˇ shaˇ-euˬ gaˇ haw-awˇ yaˇ kʼaˬ daˇ nehˬ ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma. Naw maꞈ-euˬ iˬ baˇ neh naw maꞈ-ahˇ maˬ bi laˆ cawˆ ni, naw maꞈ mˇ luꞈ-eu yaw haiˬ jeˬ byehˇ dzeh jiˇ-awˬ.

Yeˬsaˬgeˬlaˇ 33:20

Ehˇ kʼawꞈ, Iˇsaˬleˬlaˆ-oˇ, ngaˇ mˇ-eu maˬ tsaˬ nga lehˇ naw maꞈ ehˇ-eu meh. Naw maꞈ mˇ gaˇ shaˇ gaˇ haw-awˇ, naw maꞈ-ahˇ ngaˇ yaˇ kʼaˬ daˇ ma.”

Yeˬsaˬgeˬlaˇ 7:27

Miˇ kʼahˬ sahˬ paˬ tsawˇ ngoeˇ ngoeˇ-awˇ, sahˬ paˬ zaˬ yo deuˬ nui ma ga ka jiˇ-awˇ, miˇ kʼahˬ zaˬ deuˬ yaw dzuˬ dzuˬ tawˆ tawˆ tehꞈ-a. Naw maꞈ neh kʼaˇ mˇ-euˬ loꞈ-ehˇ naw maꞈ-ahˇ ngaˇ kʼehˬ nehˬ kʼaˆ nehˬ-awˇ, naw maꞈ neh aˬ cawˬ-ahˇ yaˇ kʼaˬ daˇ-euˬ loꞈ-ehˇ, naw maꞈ-ahˇ ngaˇ yaˇ kʼaˬ daˇ poˆ ma. Heu-aˬ, ngaˇ Sahˬpaˬ Miˬyehˇ pyeuꞈ-eu gaˇ kawˆ, naw maꞈ-ahˇ bi siˬ bi mawˇ-eu tiˬ jeˬ ma.”

Daˬyeˬlaˇ 9:18

Miˬyehˇ-oˇ, nga maꞈ-euˬ shaˇ dawˬ-ahˇ naˇ haˬ nehˬ laꞈ-awˇ, nga maꞈ hawˇ-eu nawˬ-euˬ tsawˇ myahˇ pi luꞈ-eu meuˬ-euˬ shaˬ zahˬ haw mawˇ nehˬ laꞈ. Nga maꞈ yaw tsaˬ yaw dawˇ miˇ neh heu loꞈ-ehˇ guiˬ lahˬ shaˇ-eu maˬ ngeuˇ. Nawˇ gʼawˬ shaˬ gaˬ nya-eu gʼaˬ pyeuꞈ-eu miˇ neh, heu loꞈ-ehˇ shaˇ-eu ma.

Daˬyeˬlaˇ 9:9

Nga maꞈ nawˬ-ahˇ puiˬ-euˬ kʼawꞈ, nawˇ gʼawˬ shaˬ gaˬ-awˇ iˬ baˇ pyehˬ nehˬ laꞈ-euˬ meh.

Miˇkaˬ 7:18

Sahˬpaˬ Miˬyehˇ-oˇ, nawˬ-ahˇ duˇ-eu miˬ yehˇ nui gʼaˬ maˬ jawˇ-a. Luˬ-iˇ seˇ-iˇ-eu jeˬ-ahˇ buˬ-iˇ law-iˇ-euˬ nawˬ-euˬ tsawˇ haˬ deuˬ-euˬ iˬ baˇ-ahˇ nawˇ pyehˬ nehˬ-euˬ meh. Nawˇ-aˬ, aˬ myah luꞈ nui ma pehˇ pehˇ-ehˇ maˬ jawˇ ni, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ nga maꞈ-ahˇ bi mawˇ-eu laꞈ kʼoeˇ nawˇ nui kʼahˇ shiˇ-eu meh.

Maꞈtehˬ 16:27

Tsawˇhaˬ-euˬ Zaˬmaˇ-aˬ, aˬ yawꞈ Aˬda-euˬ yaw shehꞈ kʼahˬ sehˇ dm-awˇ, aˬ yawꞈ-euˬ mˬ taˆ gʼaˬ kʼehˇ deuˬ nehˬ-ehˇ zaꞈ le-awˇ, tsawˇ haˬ yawˬ gʼaˬ yawˬ na luꞈ-ahˇ, yawˬ ha neh kʼaˇ mˇ taˬ-euˬ loꞈ-ehˇ tsoeˬ kʼoꞈ nehˬ le tehꞈ-a.

Lormav 2:6

Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬ yawˬ gʼaˬ na luꞈ-ahˇ yawˬ ha neh kʼaˇ mˇ taˬ-euˬ loꞈ-ehˇ geuˇ ni daˇ tehꞈ-a.

1 Gawˇliˬtu 3:8

Ka-eu gʼaˬ hawˇ-eu iˇ cuꞈ shehˬ-eu gʼaˬ beu gaˇ duˬ maˬ jaˆ-a. Nyiˬ gʼaˬ luꞈ-ahˇ yawˬ ha neh kʼaˇ mˇ-euˬ loꞈ-ehˇ geuˇ ni Miˬyehˇ laꞈ sawˬ biꞈ nehˬ tehꞈ-a.

2 Gawˇliˬtu 5:10

Aˬ jeˬ miˇ neh ehˇ naˇ, aˬ dui dawˬ tawˆ luꞈ Ka li yaˇ kʼaˬ daˇ-eu nuiˇ mahˬ mehˬ shi ya uiˬ leˇ jiˇ meh. Tsawˇ haˬ yawˬ gʼaˬ na luꞈ shiˬ shaˬ jiˇ gʼawˇ mawˇ heu laꞈ kʼoeˇ kʼaˇ mˇ kʼaˇ shaˇ dzeuˇ-euˬ loꞈ-ehˇ, muiˬ-eu maˬ ehˇ, doeˇ-eu maˬ ehˇ, yawˬ ha-ahˇ kʼaˇ oꞈ-eu jeˬ za tehꞈ-a.

Eˇpeˇsu 6:8

Zaˬ kʼaˆ maˬ ehˇ, zaˬ kʼaˆ maˬ ngeuˇ-eu deuˬ maˬ ehˇ, yawˬ ha neh kʼaˇ mˇ-euˬ muiˬ-eu gaˇ gʼaˇ duˬ Sahˬpaˬ Yeˬsuˇ laꞈ sawˬ biꞈ nehˬ laꞈ tehꞈ-a lehˇ siˬ duˬ-awˬ.

Gawˇlawˇsehˇ 3:25

Maˬ muiˬ-eu jeˬ mˇ-eu tsawˇ haˬ-aˬ, yawˬ ha neh kʼaˇ mˇ-euˬ loꞈ-ehˇ kʼehˬ nehˬ kʼaˆ nehˬ gaˇ ya daˬ tehꞈ-a. Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬzaˬ-ahˇ myaˆ pyawˬ huiˬ nyiˇ maˬ tseˇ ni yaˇ kʼaˬ daˇ-eu meh.

1 Beˬtuˆluˆ 1:17

Tsawˇ haˬ dawˬ tawˆ luꞈ-ahˇ myaˆ pyawˬ huiˬ nyiˇ maˬ tseˇ ni, aˬ yawꞈ gʼaˬ yawꞈ neh kʼaˇ mˇ kʼaˇ shaˇ taˬ-euˬ gaˇ haw-awˇ yaˇ kʼaˬ daˇ-eu gʼaˬ pyeuꞈ-eu Miˬyehˇ-ahˇ naw maꞈ guiˬ lahˬ shaˇ ngeh, ‘Aˬda-oˇ’ lehˇ kuˇ-awˇ shaˇ-eu meh. Kʼoeˇ miˇ neh, naw maꞈ miˇ tsaˬ heu kʼoeˇ taˆ ya dehꞈ ya jawˇ daˆ leꞈ-eu aˇ nah aˇ yamˬ dawˬ tawˆ luꞈ, aˬ yawꞈ-ahˇ yaw zeu baw-awˇ dehꞈ-awˬ.

Panmaeq 22:12

Yeˬsuˇ ehˇ-eu, “Naˇ haˬ-awˬ. Ngaˇ yaw kawˇ-ehˇ oe ma. Tsawˇ haˬ yawˬ gʼaˬ na luꞈ-ahˇ yawˬ ha neh kʼaˇ mˇ kʼaˇ shaˇ dzeuˇ-euˬ loꞈ-ehˇ geuˇ ni laꞈ sawˬ biꞈ-eu gʼaˇ duˬ ngaˇ oe ma.