Jaceuq 60:12 - Akha

¹² Miˬyehˇ nga maꞈ nehˬ-ehˇ jawˇ naˇ nga maꞈ gʼaˬ leˇ ma. Muiˇ-eu deuˬ-ahˇ aˬ yawꞈ deuˆ gʼaˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Miqyaer-anr ghoe-awr nae, aqdui khaqduqni guirdeuv deuv ma; Aqjeq mirnae aernar-aq, aqyawf, aqdui-anr muir-eu deuq-anr nawqpyaev taef-a.

Jaceuq 60:12 ပူးပေါင်းရင်းမြစ်များ

2 Saˬmeuˬlaˆ 10:12

Gʼaˬ byehˆ maˬ byehˆ ni nui ma kʼaˬ duˬ ni taˬ-awˬ. Aˬ dui-euˬ tsawˇ jeuˬ hawˇ-eu, aˬ dui Miˬyehˇ-euˬ meuˬ deuˬ gʼaˇ duˬ, yaw kʼaˆ kʼaˆ-ehˇ guiˇ deuˆ kaˇ-euˇ. Sahˬpaˬ Miˬyehˇ nui ma tsaˬ-eu jeˬ keuˆ le luꞈ-uˇ.”

1 Laˬsaˬbaˬ 19:13

Gʼaˬ maˬ baˬ ni nui ma ziꞈ dah ni taˬ-awˬ. Aˬ dui tsawˇ jeuˬ hawˇ-eu aˬ dui Miˬyehˇ-euˬ meuˬ deuˬ gʼaˇ duˬ guiˇ deuˆ dui dui kaˇ-euˇ. Sahˬpaˬ Miˬyehˇ nui ma tsaˬ-eu jeˬ keuˆ le luꞈ-uˇ.”

Jaceuq 118:16

Aˬ yawꞈ-euˬ baoˬ baˬ da neh aˬ dui gʼaˬ leˇ-euˬ ma. Aˬ yawꞈ-euˬ huiˬ-eu baoˬ aˬ dui nehˬ-ehˇ guiˇ deuˆ-euˬ meh lehˇ guˇ-eu meh.

Jaceuq 144:1

Ngaˬ-ahˇ haw piˇ-eu gʼaˬ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ ngaˬ-ahˇ guiˇ deuˆ-eu tsawˇ gahˇ mehˬ nehˬ laꞈ-awˇ, guiˇ deuˆ-eu gʼaˇ duˬ lehˬ hmˬ nehˬ laꞈ-euˬ meh.

Jaceuq 44:10

Muiˇ-eu deuˬ-euˬguiˇmaꞈmehˬshi, nawˇnga maꞈ-ahˇbi cehˆbyaˆ-awˇ, myawˬgahˬbi yuˇgeuꞈjiˇ-euˬmeh.

Jaceuq 44:5

Nawˬ-ahˇnga maꞈgʼoe-eu laꞈkʼoeˇ, muiˇ-eu deuˬ-ahˇteh kʼoꞈgʼeh-awˇ, nawˬ-euˬtsawˇmyahˇ-ahˇgʼoe gʼoe-ehˇ, aˬyawꞈmaꞈ-ahˇnawˬpahˬ-euˬma.

Iˇsaˬyaˇ 10:6

Miˬyehˇ maˬ baw-eu tsawˇ jeuˬ hawˇ-eu, ngaˇ nui ma pehˇ-eu tsawˇ haˬ deuˬ jawˇ gaˇ, aˬ yawꞈ-ahˇ ngaˇ pyehˬ gʼeh-awˇ, aˬ yawꞈ maꞈ-euˬ pyuˇ shuiˇ myawˬ gahˬ bi ceh geuꞈ-awˇ, gaˇ ma-ahˇ jaˆ-eu shaˬ jehˆ nawˬ pahˬ-eu loꞈ-ehˇ, aˬ yawꞈ maꞈ-ahˇ bi nawˬ pahˬ ma.

Iˇsaˬyaˇ 63:3

Sahˬpaˬ Miˬyehˇ ehˇ kʼoꞈ-eu dawˬ heu loꞈ-ehˇ meh. “Miˇ kʼahˬ tsawˇ jeuˬ heu myaˆ ni-ahˇ, aˬ gaꞈ aˇ siˬ nawˬ-eu loꞈ-ehˇ, ngaˇ tiˬ gʼaˬ tehꞈ-ehˇ nawˬ-euˬ ma. Aˬ yawꞈ maꞈ-ahˇ nui ma pehˇ-awˇ nawˬ-euˬ miˇ neh, aˬ yawꞈ maꞈ-euˬ shiˬ teuˆ lehꞈ-awˇ, ngaˬ-euˬ mehˬ tsoeˬ neˇ tseuˆ ni gʼeh-eu meh.

Zaˬkaˬliˇ 10:5

Gʼaˬ leˇ-euˬ yehˇ, muiˇ-eu deuˬ-ahˇ, gaˇ ma-ahˇ nawˬ pahˬ-eu loꞈ-ehˇ, Yuˇdaˆ tsawˇ haˬ gʼaˬ leˇ tehꞈ-a. Sahˬpaˬ Miˬyehˇ jawˇ-eu miˇ neh, aˬ yawꞈ maꞈ guiˇ deuˆ-eu kʼaˬ-awˇ, mahˬ dziˬ-eu muiˇ-eu deuˬ-ahˇ kʼawꞈ, aˬ yawꞈ maꞈ deuˆ gʼaˬ jiˇ tehꞈ-a.

Maˬlaˬkiˇ 4:3

Ngaˇ luˆ laˇ ngeh nah, maˬ tsaˬ maˬ dawˇ-eu tsawˇ haˬ deuˬ-ahˇ naw maꞈ gʼaˬ leˇ-awˇ, aˬ yawꞈ maꞈ-aˬ, naw maꞈ-euˬ aˬ kuiˇ pehˬ zaˬ uˬ moˆ jaˆ-eu kʼaˬ lehˇ-ahˇ duˇ tehꞈ-a.

Yawˇshuˆ 1:9

Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ lehˇ, ngaˇ nawˬ-ahˇ ehˇ-eu dawˬ heu dawˬ-ahˇ taˬ ngehˇ. Guˆ-eu jeˬ maˬ ehˇ, gʼaˬ baˬ-eu jeˬ maˬ ehˇ, nawˬ-euˬ nui ma laꞈ kʼoeˇ taˬ bi pyeuꞈ doˆ laˇ. Aˬ jeˬ miˇ neh ehˇ naˇ, nawˬ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ gʼaˬ, nawˇ kʼaˇ iˇ kʼaˇ laˇ gaˇ nawˬ nehˬ-ehˇ jawˇ ma.”

Yawˇshuˆ 14:12

Ngaˇ hawˇ-eu ngaˬ-euˬ tsawˇ haˬ deuˬ kʼoeˬ sho haw leˇ-euˬ gaˇ kawˆ paˇ dzawˇ poˆ nehˬ ngeh nah, Sahˬpaˬ Miˬyehˇ ngaˬ-ahˇ saˇ jaˇ dzaˬ-euˬ loꞈ-ehˇ, gawˬ jawˬ gawˬ duˇ gahˬ kaˬ kʼoeˇ ngaˬ-ahˇ biꞈ nehˬ laꞈ-awˬ. Huiˬ dui goˇ dui dui-eu tsawˇ jeuˬ pyeuꞈ-eu Aˬnaˬkaˆ tsawˇ haˬ deuˬ, goˇ dui dui-eu meuˬ lahˇ laꞈ kʼoeˇ jawˇ luꞈ meh lehˇ naw maꞈ-ahˇ nga maꞈ ehˇ nehˬ-euˬ ma. Sahˬpaˬ Miˬyehˇ neh ehˇ taˬ-euˬ loꞈ-ehˇ, ngaˬ nehˬ-ehˇ Sahˬpaˬ Miˬyehˇ jawˇ-awˇ, aˬ yawꞈ maꞈ-ahˇ ngaˇ teh doˆ nya-eu duˇ.”

Panmaeq 19:15

Miˇ tsaˬ tsawˇ jeuˬ deuˬ-ahˇ deuˆ gʼaˬ-eu gʼaˇ duˬ, taˆ dui dui-eu mi cehˇ tiˬ kahˇ aˬ yawꞈ-euˬ kʼaˬ meh-ahˇ doˆ le-euˬ meh. Shuiˇ gawˬ yoeˬ neh aˬ yawꞈ maꞈ-ahˇ aˬ yawꞈ zuiˆ-awˇ uˆ lahˇ-eu laꞈ kʼoeˇ, Baoˬ huiˬ-eu Miˬyehˇ-euˬ nui ma pehˇ-eu jeˬ pyeuꞈ-eu aˬ gaꞈ dzaˇ uiˇ nawˬ duˬ-ahˇ aˬ yawꞈ aˬ gaꞈ dzaˇ uiˇ nawˬ doˆ tehꞈ-a.