Jaceuq 56:5 - Akha

⁵ Muiˇ-eu deuˬ nah ga-ehˇ ngaˬ-ahˇ laˆ shaˬ luꞈ meh. Ngaˬ-ahˇ laˆ coeˬ laˆ ciˆ-eu gʼaˇ duˬ, aˬ yawꞈ maꞈ aˬ myah luꞈ shaˇ noeˬ luꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aqyawfmaf, nan’ga-i ngaq-euq dawq yurpyawv-awr; Aqyawfmaf, ngaq-anr yawdoer janr-eu nuinoeq taef-aer sharnoeq luf-eu mae.

Jaceuq 56:5 ပူးပေါင်းရင်းမြစ်များ

1 Sahˬpaˬ 18:2

Kʼoeˇ ngeh, sahˬ paˬ Aˬhaˆ jawˇ gaˇ iˇ-eu lehˇ Eˇliˇyaˆ doˆ-iˇ-euˬ meh. Aˇ yamˬ kʼoeˇ yamˬ-ahˇ, Saˬmaˬliˆ meuˬ laꞈ kʼoeˇ mehꞈ dui shuꞈ dui dui luꞈ-eu meh.

Jaceuq 118:6

Sahˬpaˬ Miˬyehˇ ngaˬ nehˬ-ehˇ jawˇ-eu miˇ neh, ngaˇ maˬ guˆ. Aˬ suˇ gʼaˬ ngaˬ-ahˇ aˬ jeˬ paˇ jahˇ laˇ nya ta.

Jaceuq 41:7

Ngaˬ-ahˇkʼaˇbye-eu tsawˇhaˬdeuˬ, ciˬcuˇni dawˬsaˆsaˆkʼoeˬ-awˇ, ngaˬ-ahˇnoeˬdoeˇdui dui-eu meh.

Jaceuq 49:6

pyuˇ shuiˇ myawˬ gahˬ-ahˇ gʼoe-eu tsawˇ haˬ deuˬ, smˇ muiˬ muiˬ gaˇ kʼahˬ sehˇ jehˆ-eu tsawˇ haˬ deuˬ, haiˬ-eu tsawˇ haˬ kʼoeˇ deuˬ-ahˇ ngaˇ maˬ guˆ.

Yeˬlaˬmiˇ 18:18

Aˬ yawꞈ maꞈ ehˇ-eu, “Yeˬlaˬmiˇ-ahˇ tiˬ jeˬ paˬ jahˇ nehˬ kaˇ-euˇ. Aˬ dui-ahˇ mehˬ nehˬ tsoˆ nehˬ laꞈ-eu gʼaˇ duˬ piˇ ma aˬ myah luꞈ jawˇ tehꞈ-a. Aˬ dui-ahˇ ja noeˬ ja duˇ nehˬ-eu gʼaˇ duˬ, zaˬ siˬ tsawˇ gahˇ byah-eu tsawˇ haˬ kʼawꞈ aˬ myah luꞈ jawˇ-awˇ, aˬ dui-ahˇ Miˬyehˇ gʼaˇ duˬ ngehˬ dah nehˬ laꞈ-eu tsawˇ haˬ kʼawꞈ, aˬ myah luꞈ jawˇ tehꞈ-a. Aˬ dui aˬ yawꞈ-ahˇ ceh-awˇ, aˬ yawꞈ ehˇ gaˇ maˬ naˇ haˬ nehˬ ni byehˇ kaˇ-euˇ.”

Maꞈtehˬ 22:15

Kʼoeˇ naˇ, Paˬliˬsehˇ deuˬ doˆ-iˇ-awˇ, Yeˬsuˇ dawˬ bi ngehˬ bahˬ ni, dawˬ lahˇ ju kʼmˇ-eu gʼaˇ duˬ bawˬ dzaˬ-euˬ meh.

Maꞈtehˬ 26:61

Aˬ yawꞈ nyaꞈ ehˇ-eu, “Tsawˇ haˬ teu gʼaˬ, Miˬyehˇ-euˬ Uˬ duˬ tahˬ nymˇ nymˇ ma-ahˇ deh pyaˆ dzeh jiˇ-awˇ, smˬ nah laꞈ kʼoeˇ paˇ tsoˆ kʼoꞈ nya ma lehˇ ehˇ-eu meh.”

Luˇkaꞈ 11:54

aˬ yawꞈ dawˬ ngehˬ bahˬ ni, dawˬ lahˇ ju kʼmˇ-eu lehˇ leh jeh-eu meh.

Yoˇhaˬ 2:19

Yeˬsuˇ eh-eu, “Uˬ duˬ tahˬ nymˇ nymˇ ma heu pyaˆ dzeh jiˇ-awˬ. Smˬ nah laꞈ kʼoeˇ ngaˇ paˇ tsoˆ gʼaˬ nya ma.”

2 Beˬtuˆluˆ 3:16

Aˬ yawꞈ neh kʼaˇ boꞈ ahˇ gʼeh-euˬ sahˬ boꞈ dawˬ tawˆ luꞈ laꞈ kʼoeˇ, gaˇ kawˆ heu hmˬ-ahˇ taꞈ leˇ-awˇ aˬ myah luꞈ kʼoeˇ loꞈ-ehˇ aˬ yawꞈ ehˇ-eu meh. Jaˇliꞈ aˇ deuˆ nui deuˬ-ahˇ dawˬ tsuiꞈ yuˇ pyawˆ nya-eu loꞈ-ehˇ, Pawˇluˆ neh boꞈ ahˇ gʼeh-euˬ sahˬ boꞈ deuˬ laꞈ kʼoeˇ dawˬ tsuiꞈ naꞈ-awˇ gʼoˆ shaw-eu gʼaˇ duˬ shaˬ-eu pehˇ tsahˇ deuˬ-ahˇ, maˬ siˬ nya-eu deuˬ hawˇ-eu nui ma maˬ ziꞈ-eu deuˬ dawˬ tsuiꞈ yawˬ jeˬ yawˬ-ehˇ yuˇ pyawˇ geuꞈ-eu meh. Kʼoeˇ-aˬ, yawˬ ha ya luˬ ya seˇ-iˇ ni yawˬ haˇ yawˬ ha mˇ gaˇ duˇ-eu meh.

1 Saˬmeuˬlaˆ 18:17

“Ngaˬ-ahˇ saˇ jaˇ ziꞈ-eu yehˇ tiˬ gʼaˬ loꞈ-ehˇ, Sahˬpaˬ Miˬyehˇ gʼaˇ duˬ nawˇ kʼaˬ duˬ ni guiˇ deuˆ naˇ, ngaˬ buˇ aˬ yuiꞈ gʼaˬ pyeuꞈ-eu Meˬlaˇ nawˬ-ahˇ bi mˇ dzaˬ laˇ ma” lehˇ, Daˬbiˇ-ahˇ Sawˇluˆ ehˇ nehˬ-euˬ meh. Kʼoeˇ loꞈ-ehˇ jahˇ naˇ, Daˬbiˇ-ahˇ aˬ yawꞈ sehꞈ-eu maˬ loˬ-ehˇ, Piˇliˇtiˆ tsawˇ haˬ deuˬ neh bi deuˆ sehꞈ tehꞈ-a lehˇ Sawˇluˆ noeˬ-euˬ meh.

1 Saˬmeuˬlaˆ 18:21

“Miˇkaˬlaˇ-ahˇ gʼoe-awˇ Daˬbiˇ-ahˇ lahˇ ju kʼmˇ-eu laꞈ kʼoeˇ, Piˇliˇtiˆ tsawˇ haˬ deuˬ neh bi sehꞈ-eu gʼaˇ duˬ, Miˇkaˬlaˇ Daˬbiˇ-ahˇ bi mˇ dzaˬ-iˇ ma” lehˇ Sawˇluˆ noeˬ-euˬ meh. Kʼoeˇ naˇ, “Nawˇ ngaˬ-euˬ aˬ zaˬ ya geuꞈ meh” lehˇ, Daˬbiˇ-ahˇ aˬ yawꞈ tiˬ poˆ paˇ ehˇ nehˬ-euˬ meh.

1 Saˬmeuˬlaˆ 20:33

Kʼoeˇ ngeh, Sawˇluˆ-aˬ, Yawˇnaˆshaˬ-ahˇ gahˬ neh joeˬ sehꞈ-eu lehˇ joeˬ-euˬ meh. Kʼoeˇ miˇ neh, Daˬbiˇ-ahˇ sehꞈ-eu gʼaˇ duˬ aˬ yawꞈ-euˬ aˬ da noeˬ tsehˆ taˬ-euˬ gaˇ kawˆ Yawˇnaˆshaˬ ya siˬ duˬ-euˬ meh.

1 Saˬmeuˬlaˆ 20:7

Tiˬ jeˬ-iˬ maˬ ngeuˇ-aˇ lehˇ aˬ yawꞈ ehˇ naˇ, ngaˇ ya buˬ ya law-iˇ tehꞈ-a. Ehˇ kʼawꞈ, aˬ yawꞈ kʼoeˇ loꞈ-ehˇ maˬ ehˇ ni nui ma pehˇ laˇ-euˬ gaˇ nawˇ ya mawˇ naˇ, ngaˬ-ahˇ yaw dehꞈ-ehˇ maˬ taˬ lehˇ aˬ yawꞈ noeˬ tsehˆ taˬ-awˇ jawˇ-eu meh lehˇ nawˇ siˬ nya-awˬ.