Jaceuq 56:10 - Akha

¹⁰ Saˇ jaˇ ziꞈ-eu miˇ neh ngaˇ ja ceuˬ luꞈ-eu gʼaˬ pyeuꞈ-eu, Sahˬpaˬ Miˬyehˇ ngaˇ jawˇ paw pyawˬ-eu ngaˇ siˬ nya ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Ngar, Miqyaer-euq lafkhoer, aqyawf-euq dawq-anr jaceuq ma; Ngar, Ya’we Miqyaer-euq lafkhoer, aqyawf-euq dawq-anr jaceuq ma.

Jaceuq 56:10 ပူးပေါင်းရင်းမြစ်များ

Aˇ dahˬ 32:11

Ngaˬ-euˬ aˇ doˆ Iˇsawˇ-euˬ aˬ laꞈ laꞈ kʼoeˇ, ngaˬ-ahˇ taˬ bi luˬ taˬ bi seˇ-iˇ laꞈ. Zaˬ miˬ zaˬ deuˬ hawˇ-eu zaˬ yaw nyiˇ heu deuˬ ahˇ leˇ-ehˇ, nga maꞈ dawˬ tawˆ luꞈ-ahˇ aˬ yawꞈ laˆ cawˆ le gaˇ ngaˇ guˆ dui dui nya.

2 Laˬsaˬbaˬ 18:31

Kʼoeˇ miˇ neh, sahˬ paˬ Yeˬhawˇshaˬpaˇ-ahˇ ya mawˇ ngeh, aˬ yawꞈ maꞈ dawˬ tawˆ luꞈ Iˇsaˬleˬlaˆ sahˬ paˬ meh lehˇ noeˬ-awˇ, aˬ yawꞈ-ahˇ tehꞈ-ehˇ ga jawˬ-awˇ deuˆ-euˬ meh. Ehˇ kʼawꞈ, Yeˬhawˇshaˬpaˇ guˇ doˆ laˇ ngeh, Sahˬpaˬ Miˬyehˇ aˬ yawꞈ-ahˇ ka kʼoꞈ-euˬ meh. Aˬ yawꞈ maꞈ aˬ yawꞈ-ahˇ ga jawˬ-awˇ maˬ ya deuˆ ni Miˬyehˇ jahˇ-euˬ meh.

Jaceuq 118:6

Sahˬpaˬ Miˬyehˇ ngaˬ nehˬ-ehˇ jawˇ-eu miˇ neh, ngaˇ maˬ guˆ. Aˬ suˇ gʼaˬ ngaˬ-ahˇ aˬ jeˬ paˇ jahˇ laˇ nya ta.

Jaceuq 124:1

Iˇsaˬleˬlaˆ tsawˇ jeuˬ-oˇ, Sahˬpaˬ Miˬyehˇ aˬ dui jawˇ paw maˬ pyawˬ law nmˇ-aˬ, aˬ joˆ-ehˇ pyeuꞈ dzeuˇ-euˬ nmˇ lehˇ ehˇ haw sheˇ.

Jaceuq 124:2

Muiˇ-eu deuˬ aˬ dui-ahˇ guiˇ deuˆ le ngeh, Sahˬpaˬ Miˬyehˇ aˬ dui nehˬ-ehˇ maˬ jawˇ law nmˇ-aˬ,

Jaceuq 56:4

Miˬyehˇ-ahˇ ngaˇ gʼoe-awˇ guˆ-eu nui ma maˬ ahˇ, aˬ yawꞈ neh saˇ jaˇ dzaˬ taˬ-euˬ jeˬ baˬ da neh, aˬ yawꞈ-ahˇ ngaˇ ja ceuˬ ma. Tsawˇ haˬ zaˬ ngaˬ-ahˇ aˬ jeˬ paˇ jahˇ laˇ nya nmˇ.

Jaceuq 60:6

Aˬ yawꞈ-euˬ muiˬ-eu shawˇ-eu jawˇ duˬ-ahˇ jawˇ-awˇ, Miˬyehˇ heu loꞈ-ehˇ ehˇ-eu meh. “Sheˬkmˬ meuˬ-ahˇ ngaˇ nui kʼahˇ tiˬ shiˇ deuˆ biˇ-awˇ, ngaˬ-euˬ tsawˇ haˬ deuˬ-ahˇ Suˇkoˆ deh ga biˇ nehˬ ma.

Maꞈtehˬ 24:35

Mˬ hawˇ-eu miˇ tsaˬ maˬ jaˆ coeˇ ni ya byoˆ-iˇ tehꞈ-a. Ehˇ kʼawꞈ, ngaˬ-euˬ dawˬ tiˬ jawˇ-iˬ maˬ byoˆ-iˇ-aˇ.

HeˬByehˇ 6:18

Miˬyehˇ neh saˇ jaˇ dzaˬ-euˬ jeˬ hawˇ-eu aˬ yawꞈ neh kamˬ-euˬ heu nyiˬ jeˬ-aˬ, tiˬ jawˇ-iˬ maˬ poˆ maˬ paˇ laˇ nya-eu, Miˬyehˇ jaˬ myawꞈ maˬ myawꞈ kʼmˬ-eu jeˬ pyeuꞈ-eu meh. Kʼoeˇ miˇ neh, guˆ-eu gaˆ-eu jeˬ-ahˇ dzeuˇ-awˇ Miˬyehˇ laꞈ kʼoeˇ ya jawˇ luꞈ-eu aˬ dui-aˬ, aˬ dui mehˬ shi jaˆ-eu noeˬ tmˬ duˬ-ahˇ ziꞈ dah ni tuˆ tehˬ taˬ-eu gʼaˇ duˬ nui ma ziꞈ dah ni jaˆ-eu ma.

2 Beˬtuˆluˆ 1:4

Kʼoeˇ loꞈ-ehˇ mˇ nehˬ laꞈ-eu laꞈ kʼoeˇ, aˬ yawꞈ neh aˬ dui-ahˇ biꞈ ma lehˇ saˇ jaˇ dzaˬ taˬ-euˬ huiˬ dui poeˬ dui dui-eu laꞈ sawˬ aˬ dui-ahˇ biꞈ laꞈ-euˬ meh. Laꞈ sawˬ kʼoeˇ deuˬ-aˬ, miˇ tsaˬ heu kʼoeˇ taˆ jaˆ-eu shiˬ shaˬ jiˇ nui kʼahˇ baˬ da neh luˬ-iˇ seˇ-iˇ-eu jeˬ-ahˇ naw maꞈ buˬ-iˇ law-iˇ-awˇ, Miˬyehˇ-euˬ yaw dehꞈ dehꞈ-eu jeˬ-ahˇ naw maꞈ bi za-eu gʼaˇ duˬ biꞈ laˬ-euˬ laꞈ sawˬ pyeuꞈ-eu meh.