Jaceuq 55:17 - Akha

¹⁷ Uˬ shawˬ, nah gʼahˇ hawˇ-eu uˬ ciꞈ paw, ngaˇ nui ma cawˆ-eu dawˬ aˬ yawꞈ-ahˇ gaˬ leˇ ngeh, 2 ngaˬ-euˬ shaˇ dawˬ-ahˇ aˬ yawꞈ naˇ haˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Uqcif uqshawq hawr-eu nan’ghanr maqbawni, Ngar yawkhav-aer gurgur-aer guiqlanqshar ma; Aqyawf, ngaq-euq tersar-anr narhaq naeqlaf taef-a.

Jaceuq 55:17 ပူးပေါင်းရင်းမြစ်များ

Yawˇbaˆ 19:7

Aˬ yawꞈ ngaˬ-ahˇ mˇ nehˬ laꞈ-euˬ heu maˬ tsaˬ-a lehˇ ngaˇ ehˇ kʼawꞈ, naˇ haˬ nehˬ laꞈ-eu gʼaˬ maˬ jawˇ-a. Yaw tsaˬ yaw dawˇ jeˬ bi keuˆ le-awˬ lehˇ ngaˇ guˇ gaˇ, naˬ bawˇ gaˬ leˇ-eu tiˬ gʼaˬ-iˬ maˬ jawˇ-a.

Jaceuq 119:62

Tsaˬ dui dawˇ dui dui-eu nawˬ neh yaˇ kʼaˬ daˇ-euˬ jeˬ-ahˇ, uˬ ciꞈ sehˇ gʼahˇ tuˇ-awˇ ja ceuˬ-eu ma.

Jaceuq 141:2

Tsiˇ yaw saw doꞈ damˬ-euˬ gaˇ ha geuꞈ-eu loꞈ-ehˇ, ngaˬ-euˬ shaˇ dawˬ-ahˇ ha geuꞈ nehˬ laꞈ-awˬ. Uˬ ciꞈ uˬ taw paw lawˇ-euˬ jeˬ-ahˇ ha geuꞈ-eu loꞈ-ehˇ, ngaˇ aˬ laꞈ baꞈ diˇ taˬ gaˇ ha geuꞈ nehˬ laꞈ.

Jaceuq 72:12

Aˬ yawꞈ-ahˇ kuˇ-eu shaˬ zaˬ zahˬ zaˬ deuˬ hawˇ-eu, laꞈ jeuˬ shaˇ kʼaˇ maˬ za-eu iˇ shaˬ zaˬ deuˬ-ahˇ, aˬ yawꞈ ka kʼoꞈ nehˬ-eu meh.

Jaceuq 77:2

Ngaˇ shaˬ zahˬ naꞈ ngeh, Sahˬpaˬ Miˬyehˇ-ahˇ guiˬ lahˬ shaˇ-euˬ ma. Uˬ ciꞈ miˇ lah-ehˇ aˬ laꞈ baꞈ diˇ-awˇ guiˬ lahˬ shaˇ kʼawꞈ, nui ma saˇ laˇ duˬ maˬ jaˆ nya.

Jaceuq 88:13

Sahˬpaˬ Miˬyehˇ-oˇ, caw ba nehˬ laꞈ lehˇ nawˬ-ahˇ ngaˇ kuˇ-eu ma. Yawˬ shawˬ na luꞈ ngaˇ nawˬ-ahˇ guiˬ lahˬ shaˇ-eu ma.

Jaceuq 92:2

Maˬ tsehˆ leˇ-eu nawˬ-euˬ gʼoeˇ-eu gaˬ-eu jeˬ-ahˇ yawˬ shawˬ na luꞈ maˬ ehˇ, nawˇ saˇ jaˇ ziꞈ-eu jeˬ-ahˇ yawˬ miˇ na luꞈ maˬ ehˇ,

Ngoeˇ dawˬ 3:8

Caw ba nehˬ laꞈ lehˇ ngaˇ shaˇ kʼawꞈ, shaˇ dawˬ piˬ tehˬ nehˬ laꞈ-euˬ meh.

Daˬyeˬlaˇ 6:10

Zahˇ sahˇ kʼoꞈ kʼoeˇ hmˬ-ahˇ laꞈ ma dehˬ gʼaˬ-euˬ gaˇ kawˆ Daˬyeˬlaˇ ya siˬ ngeh, iˇ kahˇ gʼoꞈ-iˇ-euˬ meh. Aˬ yawꞈ-euˬ nymˇ kʼoeˇ taˆ tiˆ-ahˇ, Yeˬluˇsaˬlehˬ meuˬ paw pyawˇ-eu laˇ gʼoˆ zaˬ dahˇ-eu meh. Aˬ myah luꞈ aˬ yawꞈ kʼaˇ mˇ haw-euˬ loꞈ-ehˇ, laˇ gʼoˆ zaˬ pah taˬ-euˬ mehˬ shi pawˬ tsuiꞈ pawˬ dmˬ dmˬ-awˇ, tiˬ nah smˬ poˆ Miˬyehˇ-ahˇ uˬ duˬ tahˬ-euˬ meh.

Daˬyeˬlaˇ 6:13

Aˬ yawꞈ maꞈ sahˬ paˬ-ahˇ ehˇ-eu, “Yuˇdaˆ miˇ kʼahˬ-ahˇ neh nyehꞈ laꞈ-euˬ Daˬyeˬlaˇ kʼoeˇ gʼaˬ-aˬ, sahˬ paˬ nawˬ-ahˇ yaw zeu maˬ baw-eu uˬ taꞈ, nawˬ neh taˬ taˬ-euˬ zahˇ sahˇ kʼoꞈ-ahˇ maˬ caw teh ni, tiˬ nah smˬ poˆ guiˬ lahˬ shaˇ-eu ma byehˇ-a.”

Maˬkuˆ 1:35

Yawˬ shawˬ yawˬ uˬ bya maˬ bya laˇ mi naˆ-ehˇ, Yeˬsuˇ tuˇ-awˇ, nymˇ kʼoeˇ nymˇ-ahˇ neh doˆ-iˇ-euˬ meh. Meuˬ laꞈ nyiˇ iˇ doˆ-awˇ, ciˬ cuˇ ni gʼeh-eu jawˇ duˬ-ahˇ guiˬ lahˬ shaˇ-iˇ-euˬ meh.

Maˬkuˆ 6:46

Aˬ yawꞈ tsawˇ haˬ aˇ maꞈ-ahˇ gʼawˬ-iˇ gʼaˬ-awˇ, gawˬ jawˬ-ahˇ guiˬ lahˬ shaˇ leˇ-eu lehˇ le-euˬ meh.

Maˬkuˆ 6:48

Aˬ yawꞈ-euˬ zaˬ lahˇ deuˬ jaˬ lehˇ-ahˇ ciˬ daˬ-awˇ lawˬ ya heu-eu baˬ da neh, gʼaˬ doeˇ doeˇ dui dui gaˇ aˬ yawꞈ ya mawˇ-euˬ meh. Ya poeˇ doeˇ taw paw naˬ liˬ smˇ laꞈ dzehˬ-iˇ ngeh, aˬ yawꞈ iˇ cuꞈ kʼoeˇ taˆ gaˇ ma cah cah-ehˇ, aˬ yawꞈ maꞈ jawˇ gaˇ oe-euˬ meh. Aˬ yawꞈ maꞈ-ahˇ aˬ yawꞈ iˇ dzeuˇ-eu lehˇ gʼeh-eu meh.

Gʼaˬkʼehˇ 10:3

Tiˬ nah-aˬ, uˬ ciꞈ uˬ taw paw naˬ liˬ smˇ laꞈ kʼoeˇ yamˬ-ahˇ, yaw sahˇ laꞈ kʼoeˇ aˬ yawꞈ bya cehˆ ni heu loꞈ-ehˇ ya mawˇ duˬ-euˬ meh. Miˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ jawˇ gaˇ oe-awˇ, “Gawˬneˬliˇ-oˇ” lehˇ kuˇ le-euˬ meh.

Gʼaˬkʼehˇ 10:30

Gawˬneˬliˇ ehˇ-eu, “Dzeuˇ yaꞈ-euˬ smˬ nah-ahˇ, nymˬ-mˇ loꞈ-ehˇ uˬ ciꞈ uˬ taw naˬ liˬ smˇ laꞈ kʼoeˇ kaˬ-ahˇ, ngaˬ-euˬ nymˇ laꞈ kʼoeˇ ngaˇ guiˬ lahˬ shaˇ luꞈ-eu ma. Ja pyuˬ ni, yaw shehꞈ bya-eu mehˬ tsoeˬ dm luꞈ-eu tsawˇ haˬ tiˬ gʼaˬ ngaˬ-euˬ mehˬ shi yawꞈ le-euˬ meh.

Gʼaˬkʼehˇ 10:9

Yawˬ nah yawˬ aˬ ha smˇ gʼaˬ Yuˇbeˬ meuˬ dawˬ peh iˇ keuˆ ngeh, Beˬtuˆluˆ-aˬ, nah loˆ ceh laˇ-euˬ miˇ neh guiˬ lahˬ shaˇ leˇ-eu lehˇ, nymˇ mˬ -ahˇ daˆ leˇ-euˬ meh.

Gʼaˬkʼehˇ 3:1

Tiˬ nah-aˬ, guiˬ lahˬ shaˇ yamˬ pyeuꞈ-eu uˬ ciꞈ uˬ taw paw naˬ liˬ smˇ laꞈ kʼoeˇ yamˬ-ahˇ, Beˬtuˆluˆ hawˇ-eu Yoˇhaˬ aˬ nyaꞈ Uˬ duˬ tahˬ nymˇ nymˇ ma-ahˇ le-euˬ meh.

Eˇpeˇsu 6:18

Miˬyehˇ caw ba laꞈ ni guiˬ lahˬ shaˇ-awˇ, kʼoeˇ deuˬ dawˬ tawˆ luꞈ-ahˇ mˇ gʼeh-awˬ. Yaw sahˇ Miˬyehˇ sheuˬ gʼeh-eu laꞈ kʼoeˇ aˬ myah luꞈ guiˬ lahˬ shaˇ-awˬ. Maˬ ya smˬ-iˇ ni aˬ myah luꞈ yaw beuˇ beuˇ-ehˇ jawˇ-awˬ. Miˬyehˇ-euˬ tsawˇ haˬ dawˬ tawˆ luꞈ gʼaˇ duˬ aˬ myah luꞈ guiˬ lahˬ shaˇ-awˬ.

1 Teˇsaˬloˇni 5:17

Maˬ tsehˆ leˇ ni guiˬ lahˬ shaˇ-awˬ.

HeˬByehˇ 5:7

Yeˬsuˇ miˇ tsaˬ kʼoeˇ taˆ dehꞈ ngeh, shiˇ-eu jeˬ laꞈ kʼoeˇ aˬ yawꞈ-ahˇ bi buˬ-iˇ nya-eu Miˬyehˇ-ahˇ, teˇ saˇ yaw kʼaˆ-ehˇ guˇ guˇ-ehˇ myaˆ biˇ doˆ-eu laꞈ kʼoeˇ guiˬ lahˬ shaˇ dui dui-euˬ meh. Aˬ yawꞈ Miˬyehˇ-ahˇ yaw zeu baw-awˇ Miˬyehˇ-euˬ nui noeˬ geuꞈ-euˬ miˇ neh, aˬ yawꞈ-euˬ shaˇ dawˬ-ahˇ Miˬyehˇ naˇ haˬ nehˬ-euˬ meh.