Jaceuq 54:7 - Akha

⁷ Shaˬ zahˬ dawˬ tawˆ luꞈ laꞈ kʼoeˇ nawˇ ngaˬ-ahˇ ka kʼoꞈ nehˬ laꞈ-awˇ, muiˇ-eu deuˬ luˬ-iˇ seˇ-iˇ gaˇ ngaˇ ya mawˇ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Aqjeq mirnae aernar-aq, aqyawf, ngaq-euq gardzaq garkawv dawqtawv luf-anr nae, Ngaq-anr bibuq-ir naeqlaf-euq mae; Ngaq-euq myavnuiv, ngaq-anr muir-eu deuq-anr ghaqler-euq gar ya’mawr-euq ma.

Jaceuq 54:7 ပူးပေါင်းရင်းမြစ်များ

Aˇ dahˬ 48:16

Guˆ-eu gaˆ-eu jeˬ laꞈ kʼoeˇ ngaˬ-ahˇ sheuˬ buˬ-euˬ Miˬyehˇ-euˬ gʼaˬ kʼehˇ, aˬ yawꞈ nyaꞈ-ahˇ guiˬ lahˬ biꞈ luꞈ-uˇ. Aˬ li heu nyiˬ li baˬ da neh, ngaˬ-euˬ tsawˇ myahˇ maˬ ehˇ, ngaˬ bawˇ Aˬbyaˬhaˬ-euˬ tsawˇ myahˇ maˬ ehˇ, ngaˬ da Iˇtsaˆ-euˬ tsawˇ myahˇ maˬ ehˇ, tiˬ jawˇ-iˬ maˬ byoˆ-iˇ ni jaˆ yaꞈ luꞈ-uˇ. Aˬ yawꞈ nyaꞈ nmˇ zaˬ gʼawˬ mya ni jawˇ le-awˇ, aˬ yawꞈ maꞈ-euˬ zaˬ deuˬ uˆ deuˬ, myaˬ dui dui le luꞈ-uˇ.”

2 Saˬmeuˬlaˆ 4:9

Biˇyoˆ meuˬ-ahˇ jawˇ-eu Leˬmoˬ-euˬ aˬ li Leˬkaˆ hawˇ-eu Baˬnahˬ aˬ nyaꞈ nmˇ-ahˇ, Daˬbiˇ heu loꞈ-ehˇ ehˇ kʼoꞈ nehˬ-euˬ meh. “Shaˬ zahˬ guˆ gaˆ dawˬ tawˆ luꞈ laꞈ kʼoeˇ ngaˬ-ahˇ ka kʼoꞈ nehˬ laꞈ-euˬ gʼaˬ pyeuꞈ-eu dehꞈ luꞈ-eu Sahˬpaˬ Miˬyehˇ mehˬ shi ngaˇ heu loꞈ-ehˇ ehˇ-eu ma.

Jaceuq 112:8

Aˬ yawꞈ guˆ-eu nui ma tiˬ pawꞈ-iˬ maˬ ahˇ-ehˇ, aˬ yawꞈ-ahˇ muiˇ-eu deuˬ smˬ-iˇ tehꞈ-a lehˇ siˬ duˬ-eu meh.

Jaceuq 118:7

Ngaˬ nehˬ-ehˇ jawˇ-eu gʼaˬ Sahˬpaˬ Miˬyehˇ meh. Ngaˬ-ahˇ muiˇ-eu deuˬ coˬ-iˇ gaˇ ngaˇ haw ma.

Jaceuq 143:12

Nawˇ ngaˬ-ahˇ gaˬ-euˬ baˬ da neh, ngaˬ-ahˇ muiˇ-eu deuˬ-ahˇ sehꞈ nehˬ laꞈ. Ngaˇ nawˬ-euˬ zaˬ kʼaˆ pyeuꞈ-eu baˬ da neh, ngaˬ-ahˇ kʼehˬ-eu deuˬ-ahˇ laˆ luˬ laˆ seˇ nehˬ laꞈ.

Jaceuq 34:19

Tsawˇmuiˬshaˬzahˬaˇmyaˆmyaˬkʼawꞈ, shaˬzahˬdawˬtawˆluꞈ-ahˇdzeuˇni, SahˬpaˬMiˬyehˇka kʼoꞈ-eu meh.

Jaceuq 34:6

Iˇshaˬzaˬdeuˬkuˇ-eu teˇsaˇ, SahˬpaˬMiˬyehˇnaˇhaˬnehˬ-awˇ, shaˬzahˬlaꞈkʼoeˇka kʼoꞈ-eu meh.

Jaceuq 37:34

SahˬpaˬMiˬyehˇ-ahˇ noeˬtmˬ-awˇ, aˬyawꞈ-euˬ ehˇdawˬnaˇhaˬ-awˬ. Aˬyawꞈnawˬ-ahˇ miˇkʼahˬbiꞈ-awˇ, taˬhuiˬtaˬmahˇnehˬ-eu uˬtaꞈ, haiˬ-eu tsawˇhaˬbi teh dzeh gaˇ, nawˬ-euˬmyaˆnuiˆya mawˇtehꞈ-a.

Jaceuq 59:10

Ngaˬ-euˬ Miˬyehˇ ngaˬ-ahˇ gaˬ-awˇ ngaˇ jawˇ gaˇ oe tehꞈ-a. Ngaˬ-ahˇ muiˇ-eu deuˬ luˬ-iˇ seˇ-iˇ gaˇ, aˬ yawꞈ ngaˬ-ahˇ bi haw laꞈ tehꞈ-a.

Jaceuq 91:8

Haiˬ-eu tsawˇ haˬ deuˬ-ahˇ aˬ joˆ-ehˇ kʼehˬ nehˬ gaˇ nawˇ ya haw mawˇ tehꞈ-a.

Jaceuq 92:11

Ngaˬ-ahˇ muiˇ-eu deuˬ smˬ-iˇ gaˇ ngaˇ ya mawˇ-awˇ, haiˬ-eu tsawˇ haˬ deuˬ ngoeˇ-eu teˇ saˇ ya gaˬ-euˬ ma.

2 Tiˆmoˇseˬ 4:18

Yaw haiˬ jeˬ dawˬ tawˆ luꞈ laꞈ kʼoeˇ Sahˬpaˬ Yeˬsuˇ ngaˬ-ahˇ ka kʼoꞈ nehˬ laꞈ-awˇ, aˬ yawꞈ-euˬ mˬ taˆ Miˇkʼahˬ-ahˇ sheuˬ kʼoꞈ daˆ leꞈ tehꞈ-a. Mˬ maˬ maˬ byaˆ zaˇ ziˇ aˬ yawꞈ yaw shehꞈ kʼahˬ sehˇ huiˬ luꞈ-uˇ. Aˬ miˬ.

1 Saˬmeuˬlaˆ 26:24

Iˬ nah ngaˇ nawˬ-ahˇ maˬ sehꞈ ni bi dzeuˇ-iˇ-euˬ loꞈ-ehˇ, ngaˬ-ahˇ kʼawꞈ Sahˬpaˬ Miˬyehˇ kʼoeˇ loꞈ-ehˇ jahˇ nehˬ laꞈ-awˇ, shaˬ-eu zahˬ-eu jeˬ laꞈ kʼoeˇ bi buˬ-iˇ laꞈ luꞈ-uˇ”