Jaceuq 51:7 - Akha

⁷ Ngaˇ shawˇ laˇ ni ngaˬ-euˬ iˬ baˇ yuˇ dzeh nehˬ laꞈ-awˬ. Saˬ laˬ saˬ behˆ naˆ maˬ tseˇ pyuˇ laˇ ni, ngaˬ-ahˇ tsiˬ shawˇ nehˬ laꞈ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Ngar shawrlarni, ngaq-anr hursor nae lavshawr naeqlaf-awq. Ngar, ngaer navmaqtser pyurlarni, ngaq-anr tsiqshawr naeqlaf-awq.

Jaceuq 51:7 ပူးပေါင်းရင်းမြစ်များ

Yawˇbaˆ 14:4

Tsawˇ haˬ zaˬ loꞈ-ehˇ gʼeh-eu maˬ muiˬ maˬ shawˇ-eu jeˬ laꞈ kʼoeˇ, muiˬ-eu shawˇ-eu jeˬ maˬ doˆ laˇ nya-a.

Jaceuq 58:4

Aˬ yawꞈ maꞈ aˇ lawˇ loꞈ-ehˇ doꞈ ahˇ-awˇ, aˇ lawˇ uiˇ naˆ naˬ bawˬ loꞈ-ehˇ, naˬ bawˇ paꞈ tsoeˬ tsoeˬ taˬ-euˬ meh.

Doˆ-iˇ 12:22

Hiˇsoˆ uˬ pyaˬ kʼehꞈ-awˇ, jeˬ zaˬ-euˬ shiˬ dahˬ-eu kʼmˬ maˬ-ahˇ cawˬ duiˆ-awˇ, naw maꞈ-euˬ laˇ gʼoˆ kʼoeˇ dzeˇ ma dzeˇ jaˆ-eu laˇ gʼoˆ bahˬ hawˇ-eu, laˇ gʼoˆ-euˬ kʼoeˇ taˆ paw jaˆ-eu pyaꞈ dmˬ-ahˇ shiˬ kʼoeˇ lehꞈ-awˬ. Uˬ shawˬ uˬ bya maˬ bya laˇ kʼoeˇ keuˆ ni, naw maꞈ tiˬ gʼaˬ-iˬ nymˇ laꞈ nyiˇ paw taˬ doˆ-iˇ.

Iˇsaˬyaˇ 1:18

Sahˬpaˬ Miˬyehˇ ehˇ-eu, “Laˇ-awˬ tiˬ kawˆ loꞈ-ehˇ shaˇ noeˬ shaˇ sawˇ ma. Naw maꞈ-euˬ iˬ baˇ neˇ tseuˆ ni gʼeh kʼawꞈ, saˬ laˬ naˆ maˬ tseˇ pyuˇ laˇ tehꞈ-a. Naw maꞈ-euˬ iˬ baˇ shiˬ loꞈ-ehˇ neˇ kʼawꞈ, yawˇ zaˬ caꞈ hm loꞈ-ehˇ bi ba laˇ ma.

Yoˇhaˬ 13:9

Siˇmoˬ Beˬtuˆluˆ ehˇ-eu, “Sahˬpaˬ-oˇ, toˆ-ehˇ jeˬ maˬ-iˬ, ngaˬ-euˬ aˬ kuiˇ tehꞈ-ehˇ maˬ ngeuˇ ni, aˬ laꞈ hawˇ-eu uˬ duˬ jiˇ dzuiꞈ nehˬ laꞈ-awˬ.”

HeˬByehˇ 9:19

Aˇ dahˬ beh ngeh Zahˇ dawˬ kʼoꞈ dawˬ laꞈ kʼoeˇ kʼaˇ boꞈ taˬ-euˬ zahˇ dawˬ kʼoꞈ dawˬ dawˬ tawˆ luꞈ, Iˇsaˬleˬlaˇ tsawˇ haˬ deuˬ-ahˇ Moˇseˬ ehˇ nehˬ-euˬ meh. Kʼoeˇ naˇ, mawˇ neˇ hawˇ-eu ciꞈ myehꞈ-euˬ shiˬ iˇ cuꞈ nehˬ-ehˇ keuˬ-awˇ, hiˇsoˆ baw nmˬ hawˇ-eu yawˇ caꞈ hm laˆ duiˆ-awˇ, Zahˇ dawˬ kʼoꞈ dawˬ hawˇ-eu Iˇsaˬleˬlaˇ tsawˇ haˬ dawˬ tawˆ luꞈ-ahˇ byaˆ shehˬ-euˬ meh.

1 Yoˇhaˬ 1:7

Ehˇ kʼawꞈ, aˬ yawꞈ yaw shehꞈ laꞈ kʼoeˇ jawˇ-eu loꞈ-ehˇ, aˬ dui kʼawꞈ yaw shehꞈ laꞈ kʼoeˇ jawˇ naˇ, aˬ dui tiˬ gʼaˬ tiˇ gʼaˬ cawˬ cawˬ taꞈ-awˇ, Zaˬmaˇ Yeˬsuˇ-euˬ shiˬ aˬ dui-euˬ iˬ baˇ dawˬ tawˆ luꞈ-ahˇ tsiˬ shawˇ nehˬ laꞈ tehꞈ-a.

Panmaeq 1:5

Saˇ jaˇ ziꞈ-eu tsawˇ haˬ pyeuꞈ-awˇ, shiˇ-euˬ laꞈ kʼoeˇ Miˬyehˇ neh bi gʼoꞈ dehꞈ beh beh laˇ-awˇ, miˇ kʼahˬ sahˬ paˬ sahˬ ma dawˬ tawˆ luꞈ koeˇ taˆ uˆ lahˇ-eu gʼaˬ pyeuꞈ-eu Yeˬsuˇ Ka li jawˇ gaˇ neh doˆ le-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ. Aˬ yawꞈ aˬ dui-ahˇ gaˬ-awˇ gʼawˇ mawˇ shiˇ dah-eu laꞈ kʼoeˇ, iˬ baˇ laꞈ kʼoeˇ bi buˬ-iˇ laꞈ-euˬ meh.