Jaceuq 51:6 - Akha

⁶ Nui ma yaw sui yaw dawˇ jeˬ-ahˇ nawˇ geuꞈ mawꞈ-eu meh. Kʼoeˇ miˇ neh, ngaˬ-euˬ nui ma laꞈ kʼoeˇ nawˬ-euˬ zaˬ siˬ tsawˇ gahˇ bi byah laˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Haeq, nawr, lafkhoer-euq yawtsaq yawdawr geufmawf-eu mae. Khoermirnae, lafkhoer zaftaq-euq pav-anr, Ngar zaqsiq tsawrganr siqnya larni maeqnaeq laf-awq.

Jaceuq 51:6 ပူးပေါင်းရင်းမြစ်များ

2 Saˬmeuˬlaˆ 12:13

Kʼoeˇ ngeh, “Sahˬpaˬ Miˬyehˇ-ahˇ ngaˇ mˇ bahˬ gʼaˬ-euˬ miˇ-a” lehˇ Daˬbiˇ ehˇ-euˬ meh. Naˬdaˬ ehˇ-eu, “Sahˬpaˬ Miˬyehˇ nawˬ-ahˇ iˬ baˇ pyehˬ-eu meh. Nawˇ ya shiˇ gaˇ maˬ keuˆ-aˇ.

2 Sahˬpaˬ 20:3

“Sahˬpaˬ Miˬyehˇ-oˇ, ngaˇ nawˬ-ahˇ saˇ jaˇ ziꞈ-eu laꞈ kʼoeˇ yaw dehꞈ dehꞈ-awˇ, nawˬ neh ngaˬ-ahˇ bi mˇ mawꞈ-eu jeˬ-ahˇ leh jeh-awˇ mˇ-euˬ gaˇ taˬ ngehˇ nehˬ laꞈ” lehˇ shaˇ-euˬ meh. Kʼoeˇ naˇ, aˬ yawꞈ ngoeˇ dui dui-euˬ meh.

1 Laˬsaˬbaˬ 29:17

Tsawˇ haˬ yawˬ gʼaˬ na luꞈ-euˬ nui ma-ahˇ nawˇ lawˬ haw-awˇ, nui ma tiˬ siˬ tehꞈ-ehˇ taˬ luꞈ-eu miˇ neh, nawˇ laˬ kʼaˬ cehˇ meh lehˇ ngaˇ siˬ nya ma. Nui ma dawˇ coe ni jaˆ-awˇ, nui ma keuˆ dui dui-eu laꞈ kʼoeˇ, heu deuˬ dawˬ tawˆ luꞈ nawˬ-ahˇ ngaˇ damˬ nehˬ-eu ma. Heu gaˇ uiˬ laˇ taˬ-euˬ nawˬ-euˬ tsawˇ haˬ deuˬ kʼawꞈ, laˬ kʼaˬ cehˇ-eu laꞈ kʼoeˇ nawˬ-ahˇ damˬ-eu jeˬ yuˇ laꞈ-euˬ gaˇ ngaˇ ya mawˇ-euˬ ma.

Yawˇbaˆ 32:8

Ehˇ kʼawꞈ, tsawˇ haˬ -ahˇ tsawˇ gahˇ biꞈ-eu gʼaˬ-aˬ, Baoˬ huiˬ-euˬ Miˬyehˇ-euˬ yaw sahˇ meh.

Yawˇbaˆ 38:36

Niˬlaˇ lawˇ baˬ iˇ jeuˬ jeuˬ le meh lehˇ iˇbiˇ aˇ jiˇ -ahˇ aˬ suˇ gʼaˬ ehˇ nehˬ-awˇ, uˬ yehˇ yehˇ le meh lehˇ ya ciˆ ya poeˇ-ahˇ aˬ suˇ gʼaˬ ehˇ gaˬ ta.

Jaceuq 125:4

Sahˬpaˬ Miˬyehˇ-oˇ, muiˬ-eu jaˬ-eu deuˬ-ahˇ yaw muiˬ jeˬ mˇ nehˬ-awˬ. Nawˬ-euˬ dawˬ naˇ haˬ geuꞈ-eu deuˬ-ahˇ yaw muiˬ jeˬ mˇ nehˬ-awˬ.

Jaceuq 15:2

dawˇcoe ni cah luꞈ-eu tsawˇhaˬ, yaw tsaˬyaw dawˇmˇ-eu tsawˇhaˬ, dawˇcoe ni dawˬngehˬ-eu tsawˇhaˬ,

Jaceuq 26:2

Sahˬpaˬ Miˬyehˇ-oˇ, ngaˬ-ahˇpyehˆtseˇ-awˇlawˬhaw-awˬ. Ngaˬ-euˬnui ma-ahˇ poˆduˬ-awˬ.

Jaceuq 32:5

Kʼoeˇnaˇ yaw lehˬmaˬpaˇzaꞈni, ngaˬ-euˬ iˬbaˇja doˆ-euˬma. “Iˬbaˇkʼaˇmˇtaˬ-euˬdawˬtawˆ, SahˬpaˬMiˬyehˇ-ahˇdzawˇma” lehˇ, yawˬhaˇyawˬha ngaˇehˇngeh jawˇ, nawˇiˬbaˇpyehˬnehˬlaꞈ-euˬmeh.

Jaceuq 41:5

Muiˇ-eu deuˬdawˬdoeˇngehˬlaˇ-awˇ, ngaˇshiˇbyoˆgaˇmawˇmawꞈ-eu meh.

Jaceuq 5:9

Ngaˬ-ahˇmuiˇ-eu deuˬ-euˬdawˬ-ahˇ, ngaˇtiˬpawꞈ-iˬ maˬjah coeˇnya. Bi cawˆ-iˇ-eu jeˬ-ahˇ tehꞈ-ehˇ, aˬyawꞈmaꞈ nui ma ahˇ-eu meh. Yawꞈmaꞈ-euˬdawˬnaˇhaˬmuiˬ-awˇ, jah leˇ paˬ-ehˇ gʼeh dui dui kʼawꞈ, guˆdui dui laˇpaˬ-ehˇgʼeh-eu, mehˇshuiˇshuiˇ-eu jeˬpyeuꞈ-eu meh.

Dawqdaq 2:21

Aˬ jeˬ miˇ neh ehˇ naˇ, yaw tsaˬ yaw dawˇ tsawˇ haˬ deuˬ-ahˇ miˇ kʼahˬ heu kʼahˬ oꞈ-awˇ, sui-eu dawˇ-eu deuˬ heu gaˇ ya jawˇ tehꞈ-a.

Dawqdaq 2:6

Sahˬpaˬ Miˬyehˇ-aˬ, zaˬ siˬ tsawˇ gahˇ biꞈ-eu gʼaˬ meh. Tsawˇ gahˇ hawˇ-eu noeˬ siˬ noeˬ mawˇ nya-eu jeˬ, aˬ yawꞈ-euˬ kʼaˬ meh-ahˇ neh doˆ le-euˬ meh.

Yeˬlaˬmiˇ 12:1

Sahˬpaˬ Miˬyehˇ-oˇ, nawˬ-ahˇ ngaˇ teh ngehˬ naˇ, nawˇ yaw tsaˬ yaw dawˇ ma lehˇ ehˇ tehꞈ-a. Ehˇ kʼawꞈ, yaw tsaˬ yaw dawˇ gaˇ kawˆ, nawˬ-ahˇ ngaˇ naˇ haˬ mawꞈ-eu ma. Aˬ jeˬ miˇ neh haiˬ-eu tsawˇ haˬ deuˬ baw le za le ta. Aˬ jeˬ miˇ neh maˬ sui maˬ dawˇ-eu deuˬ dehꞈ dzaˬ luꞈ ta.

Yeˬlaˬmiˇ 31:33

Iˇsaˬleˬlaˆ tsawˇ haˬ nehˬ-ehˇ ngaˇ dzaˬ-eu lehˇ gʼeh-eu dawˬ ma saˇ jaˇ yaw shuiꞈ-aˬ, heu loꞈ-ehˇ ma. Ngaˬ-euˬ zahˇ dawˬ kʼoꞈ dawˬ aˬ yawꞈ maꞈ laꞈ kʼoeˇ dawˆ ahˇ-awˇ, aˬ yawꞈ maꞈ-euˬ nui ma laꞈ kʼoeˇ boꞈ ahˇ nehˬ ma. Ngaˇ aˬ yawꞈ maꞈ-euˬ Miˬyehˇ pyeuꞈ laˇ-awˇ, aˬ yawꞈ maꞈ-ahˇ ngaˬ-euˬ tsawˇ haˬ bi pyeuꞈ laˇ ma.

Yeˬlaˬmiˇ 32:40

Mˬ maˬ maˬ byaˆ zaˇ ziˇ ziꞈ-eu saˇ jaˇ, aˬ yawꞈ maꞈ nehˬ-ehˇ ngaˇ dzaˬ ma. Aˬ yawꞈ maꞈ-ahˇ ngaˇ yaw muiˬ jeˬ maˬ tsehˆ leˇ ni mˇ nehˬ ma. Aˬ yawꞈ maꞈ ngaˬ-ahˇ maˬ paˇ byehˇ dzeh peuˬ-eu gʼaˇ duˬ, aˬ yawꞈ maꞈ-euˬ nui ma gʼawˇ mawˇ dawˬ tawˆ luꞈ ngaˬ-ahˇ guˆ ni ngaˇ jahˇ ma.

Yeˬlaˬmiˇ 5:3

Saˇ jaˇ ziꞈ-eu jeˬ-ahˇ Sahˬpaˬ Miˬyehˇ aˬ diˇ poˆ-awˇ, naw maꞈ-ahˇ diˬ kʼawꞈ maˬ diˬ paˇ nya ehˇ, nawˬ pahˬ nehˬ kʼawꞈ naw maꞈ-ahˇ maˬ dzaw paˇ nya-a. Nawˬ-euˬ nui ma gʼahˇ-awˇ iˬ baˇ-ahˇ maˬ byehˇ-a.

Luˇkaꞈ 11:39

Kʼoeˇ ngeh, Sahˬpaˬ Yeˬsuˇ aˬ yawꞈ-ahˇ heu loꞈ-ehˇ ehˇ nehˬ-euˬ meh. “Naw maꞈ Paˬliˬsehˇ deuˬ-aˬ, naˬ bo hawˇ-eu kʼmˬ maˬ-ahˇ laꞈ nyiˇ paw joˆ shawˇ-eu meh. Ehˇ kʼawꞈ, naw maꞈ-euˬ laꞈ kʼoeˇ paw-aˬ, mehˇ juiˇ juiˇ-eu nui ma hawˇ-eu, yaw haiˬ jeˬ mˇ mawꞈ-eu nui noeˬ tiˬ byah ni ahˇ-eu meh.

Lormav 7:22

Ngaˬ-euˬ gʼawˇ mawˇ laꞈ kʼoeˇ mawˇ-aˬ, Miˬyehˇ-euˬ zahˇ dawˬ kʼoꞈ dawˬ-ahˇ laˬ kʼaˬ cehˇ miˇ-a.

2 Gawˇliˬtu 1:12

Miˇ tsaˬ heu kʼoeˇ taˆ nga maꞈ yaw dehꞈ dehꞈ luꞈ-eu heu hawˇ-eu, kʼaˆ kʼaˆ ni naw maꞈ nehˬ-ehˇ cawˬ ya cawˬ taꞈ luꞈ-eu heu-aˬ, Miˬyehˇ neh biꞈ leꞈ-euˬ myaˆ pyawˬ bya cehˆ ni taˬ nya-eu jeˬ hawˇ-eu, nui ma dawˇ coe ni gʼeh-eu jeˬ laꞈ kʼoeˇ ya dehꞈ luꞈ-eu baˬ da neh maˬ ehˇ, tsawˇ haˬ zaˬ-euˬ zaˬ siˬ tsawˇ gahˇ-ahˇ maˬ gʼoe-ehˇ Miˬyehˇ-euˬ guiˬ lahˬ yaw dzahˇ-euˬ baoˬ-ahˇ gʼoe-awˇ ya dehꞈ luꞈ-eu baˬ da neh maˬ ehˇ, nga maꞈ kʼahˬ sehˇ jehˆ kʼaˇ za-eu ma.

Yaˬkoˆ 4:8

Miˬyehˇ-euˬ dawˬ peh jiˆ laˇ-awˬ. Naw maꞈ-euˬ dawˬ peh Miˬyehˇ jiˆ le tehꞈ-a. Iˬ baˇ zaˬ deuˬ-oˇ, naw maꞈ-euˬ aˬ laꞈ dzuiꞈ shawˇ-awˬ. Nui ma nyiˬ jeˬ noeˬ-eu tsawˇ haˬ deuˬ-oˇ, naw maꞈ-euˬ nui ma shawˇ-awˬ.

1 Beˬtuˆluˆ 3:4

Kʼoeˇ loꞈ-ehˇ maˬ ngeuˇ ni, naw maꞈ aˇ gʼehˇ muiˬ-eu jeˬ-aˬ, laꞈ kʼoeˇ gʼawˇ mawˇ pyeuꞈ-eu nui ma aˇ gʼehˇ muiˬ-eu jeˬ ya bi ahˇ meh. Miˬyehˇ mehˬ shi dawˬ tawˆ luꞈ naˆ maˬ tseˇ poeˬ-eu aˇ gʼehˇ muiˬ-eu jeˬ-aˬ, nui ma nahˬ yu ni taˬ-awˇ ciˬ cuˇ ni dehꞈ-eu jeˬ pyeuꞈ-eu meh. Kʼoeˇ-aˬ, tiˬ ziˇ jiˇ tiˬ yehˆ juˬ ni maˬ poˆ maˬ paˇ laˇ nya-eu aˇ gʼehˇ muiˬ-eu jeˬ pyeuꞈ-eu meh.

1 Saˬmeuˬlaˆ 16:7

Ehˇ kʼawꞈ, aˬ yawꞈ-ahˇ Sahˬpaˬ Miˬyehˇ ehˇ nehˬ-eu, “Aˬ yawꞈ aˇ gahˬ aˇ goˇ muiˬ-awˇ aˇ gʼehˇ muiˬ gaˇ taˬ haw. Aˬ yawꞈ-ahˇ ngaˇ tseˇ doˆ-euˬ maˬ ngeuˇ. Aˬ jeˬ miˇ neh ehˇ naˇ, tsawˇ haˬ zaˬ haw mawˇ-eu hawˇ-eu ngaˇ haw mawˇ-eu maˬ duˇ leˇ-a. Tsawˇ haˬ zaˬ-aˬ, laꞈ nyiˇ aˇ gʼehˇ-ahˇ tehꞈ-ehˇ haw-eu meh. Ehˇ kʼawꞈ, ngaˇ-aˬ nui ma-ahˇ haw-eu ma.”