Jaceuq 50:7 - Akha

⁷ “Ngaˬ-euˬ tsawˇ haˬ deuˬ-oˇ, ngaˇ dawˬ ngehˬ gaˇ naˇ haˬ-awˬ. Iˇsaˬleˬlaˆ-oˇ, nawˬ-euˬ gaˇ kawˆ ngaˇ heu loꞈ-ehˇ saˇ kiˇ kamˬ ma. Ngaˇ-aˬ, naw maꞈ-euˬ Miˬyehˇ pyeuꞈ-eu Miˬyehˇ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ “Ngaq-euq tsawrhaq deuq-or! Ngar ngaeq-eu laer ghae-eu gar narhaq sher-eq; Irsaqleqlav-or! Ngar, nawmaf-anr aer paq-aer ghae-eu jeq jav-eu ma; Ngar-aq, nawmaf-euq Miqyaer pyeuf-eu Miqyaer ma.

Jaceuq 50:7 ပူးပေါင်းရင်းမြစ်များ

1 Sahˬpaˬ 18:39

Kʼoeˇ loꞈ-ehˇ pyeuꞈ laˇ-euˬ gaˇ tsawˇ haˬ kʼoeˇ deuˬ ya mawˇ ngeh, aˬ yawꞈ maꞈ miˇ tsa coˬ lah coˬ lah-ehˇ, “Sahˬpaˬ Miˬyehˇ-aˬ, Miˬyehˇ pyeuꞈ-eu meh. Sahˬpaˬ Miˬyehˇ tiˬ gʼaˬ tehꞈ-ehˇ Miˬyehˇ pyeuꞈ-eu meh” lehˇ guˇ-eu meh.

2 Sahˬpaˬ 17:13

Sahˬpaˬ Miˬyehˇ-aˬ, aˬ yawꞈ-euˬ gʼaˬ kʼehˇ deuˬ hawˇ-eu aˬ yawꞈ-euˬ gʼaˇ duˬ ngehˬ dah-eu tsawˇ haˬ deuˬ pyehˬ gʼeh leꞈ-awˇ, Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ-ahˇ heu loꞈ-ehˇ bi ehˇ le-euˬ meh. “Naw maꞈ mˇ luꞈ-eu yaw haiˬ jeˬ-ahˇ byehˇ dzeh-awˇ, naw maꞈ-euˬ aˬ poeˬ aˬ bawˇ deuˬ-ahˇ ngaˬ neh biꞈ taˬ-euˬ zahˇ dawˬ kʼoꞈ dawˬ laꞈ kʼoeˇ ahˇ-eu dawˬ deuˬ hawˇ-eu, ngaˬ-euˬ zaˬ kʼaˆ deuˬ hawˇ-eu ngaˬ-euˬ gʼaˇ duˬ ngehˬ dah-eu deuˬ-ahˇ gʼoe-eu laꞈ kʼoeˇ, ngaˇ naw maꞈ-ahˇ biꞈ taˬ-euˬ dawˬ deuˬ-ahˇ naˇ haˬ geuꞈ-awˬ.”

2 Laˬsaˬbaˬ 28:5

Aˬ yawꞈ kʼoeˇ loꞈ-ehˇ dehꞈ-eu miˇ neh, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ aˬ yawꞈ-ahˇ Suˇliˆ sahˬ paˬ-euˬ aˬ laꞈ laꞈ kʼoeˇ a nehˬ-awˇ, Suˇliˆ sahˬ paˬ neh guiˇ bi deuˆ gʼaˬ-eu laꞈ kʼoeˇ, aˬ yawꞈ-euˬ miˇ kʼahˬ zaˬ gʼawˬ mya ni Daˬmaˬsehˇ meuˬ-ahˇ bi nyehꞈ gʼeh-euˬ meh. Aˬ yawꞈ-ahˇ Iˇsaˬleˬlaˆ sahˬ paˬ-euˬ aˬ laꞈ laꞈ kʼoeˇ tiˬ poˆ paˇ a nehˬ-awˇ, aˬ yawꞈ-euˬ tsawˇ haˬ gʼawˬ mya ni bi deuˆ sehꞈ-awˇ sm dui dui-euˬ meh.

Jaceuq 49:1

Tsawˇ haˬ dawˬ tawˆ luꞈ naˇ haˬ sheˇ. Miˇ tsaˬ zaˬ dawˬ tawˆ luꞈ naˬ bawˇ ciˬ kʼmˇ sheˇ.

Jaceuq 81:8

Naw maꞈ yahˇ paˬ-ehˇ gʼeh-eu gaˇ kawˆ ngaˇ mehˬ gaˇ, ngaˬ-euˬ tsawˇ haˬ deuˬ naˇ haˬ-awˬ. Iˇsaˬleˬlaˆ-oˇ, ngaˬ-euˬ dawˬ-ahˇ nawˇ bi naˇ haˬ geuꞈ mawꞈ dui dui nya.

Jaceuq 81:9

Miˬyehˇ nui gʼaˬ-ahˇ naw maꞈ tiˬ jawˇ-iˬ uˬ duˬ maˬ ya tahˬ-a.

Doˆ-iˇ 20:2

“Ngaˇ-aˬ, nawˇ aˬ cawˬ zaˬ kʼaˆ ya geuꞈ luꞈ-eu Iˇjiˇtuˆ miˇ kʼahˬ laꞈ kʼoeˇ neh, nawˬ-ahˇ sheuˬ doˆ nehˬ-euˬ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Iˇsaˬyaˇ 1:18

Sahˬpaˬ Miˬyehˇ ehˇ-eu, “Laˇ-awˬ tiˬ kawˆ loꞈ-ehˇ shaˇ noeˬ shaˇ sawˇ ma. Naw maꞈ-euˬ iˬ baˇ neˇ tseuˆ ni gʼeh kʼawꞈ, saˬ laˬ naˆ maˬ tseˇ pyuˇ laˇ tehꞈ-a. Naw maꞈ-euˬ iˬ baˇ shiˬ loꞈ-ehˇ neˇ kʼawꞈ, yawˇ zaˬ caꞈ hm loꞈ-ehˇ bi ba laˇ ma.

Yeˬlaˬmiˇ 2:9

“Teu miˇ neh Sahˬpaˬ Miˬyehˇ pyeuꞈ-eu ngaˇ, ngaˬ-euˬ tsawˇ haˬ deuˬ-ahˇ pyehˆ tseˇ haw ma. Aˬ yawꞈ maꞈ-euˬ zaˬ deuˬ-ahˇ ngaˇ caw tseˇ ma.

Yeˬsaˬgeˬlaˇ 20:5

Ngaˇ heu loꞈ-ehˇ ehˇ-eu gaˇ kawˆ aˬ yawꞈ maꞈ-ahˇ dzawˇ nehˬ-awˬ. Iˇsaˬleˬlaˆ-ahˇ ngaˇ tseˇ doˆ ngeh, heu loꞈ-ehˇ saˇ jaˇ dzaˬ taˬ-eu jaˆ ma. Iˇjiˇtuˆ miˇ kʼahˬ laꞈ kʼoeˇ ngaˬ-euˬ gʼawˇ mawˇ aˬ yawꞈ maꞈ-ahˇ pah mehˬ nehˬ-awˇ, ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma lehˇ ehˇ nehˬ-euˬ ma.

Yeˬsaˬgeˬlaˇ 20:7

Aˬ yawꞈ maꞈ nui kʼahˇ jaˆ-eu nui daˆ daˆ laˇ paˬ-ehˇ gʼeh-eu tahˬ pahˬ aˬ ma mawˇ kawˇ deuˬ biˬ dzeh jiˇ-awˇ, Iˇjiˇtuˆ miˬyehˇ deuˬ-ahˇ uˬ duˬ tahˬ-eu laꞈ kʼoeˇ yawˬ haˇ yawˬ ha maˬ shawˇ-ehˇ pyeuꞈ-iˇ ni taˬ paˇ jahˇ lehˇ, aˬ yawꞈ maꞈ-ahˇ ngaˇ ehˇ nehˬ-euˬ ma. Aˬ jeˬ miˇ neh ehˇ naˇ, ngaˇ-aˬ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Zaˬkaˬliˇ 13:9

Smˬ bymˇ tiˬ bymˇ dzeˇ-eu deuˬ-ahˇ, miˬ dzaˬ laꞈ kʼoeˇ ngaˇ dzeh puiˆ-awˇ, pyuˇ baw guiˇ-awˇ shawˇ-eu loꞈ-ehˇ, shmˇ yaw muiˬ lawˬ haw-euˬ loꞈ-ehˇ, ngaˇ laˆ muiˬ laˆ shawˇ kʼoꞈ geuꞈ ma. Ngaˬ-euˬ tsawˇ myahˇ yawꞈ maꞈ kuˇ-awˇ, yawꞈ maꞈ-ahˇ ngaˇ oˬ toˬ nehˬ ma. ‘Naw maꞈ ngaˬ-euˬ tsawˇ haˬ ma’ lehˇ aˬ yawꞈ maꞈ-ahˇ ngaˇ ehˇ nehˬ ngeh, ‘Sahˬpaˬ Miˬyehˇ pyeuꞈ-eu Miˬyehˇ’, nga maꞈ-euˬ Miˬyehˇ ngeuˇ ma lehˇ, aˬ yawꞈ maꞈ saˇ kiˇ kamˬ tehꞈ-a.”

Maˬlaˬkiˇ 3:5

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yaˇ kʼaˬ daˇ-eu gʼaˇ duˬ naw maꞈ jawˇ gaˇ ngaˇ oe-awˇ, mah loˬ ja maw mˇ-euˬ deuˬ, aˬ cawˬ-euˬ miˬ zaˬ yo zaˬ-ahˇ bahˬ-euˬ deuˬ, maˬ tsaˬ maˬ dawˇ-eu saˇ kiˇ kamˬ-euˬ deuˬ, gʼaˬ gaˇ poeˬ maˬ biꞈ byah ni mehˇ shuiˇ shuiˇ dzaˬ-euˬ deuˬ, miˬ coeˬ miˬ ma, muˇ coeˬ aˬ nmˇ, aˬ cawˬ tsawˇ jeuˬ, heu deuˬ-ahˇ yehˬ bawˬ sehˇ lu-ehˇ gʼeh-euˬ deuˬ hawˇ-eu, ngaˬ-ahˇ yaw zeu maˬ baw-eu tsawˇ haˬ dawˬ tawˆ luꞈ-ahˇ, ngaˇ pyehˆ tseˇ duˬ ma.