Jaceuq 50:14 - Akha

¹⁴ Guiˬ lahˬ-ahˇ noeˬ keuˆ-eu jeˬ naw maꞈ neh Miˬyehˇ-ahˇ lawˇ nehˬ-euˬ jeˬ bi pyeuꞈ-awˇ, naw maꞈ neh saˇ jaˇ kʼaˇ dzaˬ taˬ-euˬ loꞈ-ehˇ, Baoˬ huiˬ-eu gʼaˬ-ahˇ biꞈ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Gor duidui-eu ghaq-anr nawq nae kamqtaq-euq lof-aer mrbyan-awr, Guiqlanq-anr jaceuq-eu dawqkawq, Miqyaer-anr lawrnaeq-awq.

Jaceuq 50:14 ပူးပေါင်းရင်းမြစ်များ

Yawˇbaˆ 22:27

Nawˇ guiˬ lahˬ shaˇ ngeh aˬ yawꞈ naˇ haˬ geuꞈ nehˬ laꞈ-awˇ, nawˬ-euˬ saˇ jaˇ-ahˇ nawˇ ziꞈ tehꞈ-a.

Jaceuq 147:1

Sahˬpaˬ Miˬyehˇ-ahˇ ja ceuˬ-awˬ. Aˬ dui-euˬ Miˬyehˇ-ahˇ ja ceuˬ-eu muiˬ dui dui meh. Aˬ yawꞈ-ahˇ ja ceuˬ-eu jeˬ tsaˬ-awˇ, nui kʼahˇ shiˇ dui dui nya.

Jaceuq 22:25

Tsawˇhaˬtiˬbyah uiˬleˇ-euˬgaˇ, nawˬ-euˬkuiˇzaˇlaꞈzaˇgaˇkawˆ, nawˬ-ahˇngaˇja ceuˬnehˬ-eu ma. Ngaˬneh saˇjaˇdzaˬ-euˬloꞈ-ehˇ, nawˬ-ahˇzeu-eu deuˬ-euˬmehˬshi, lawˇ-eu shehˇ-eu jeˬngaˇmˇma.

Jaceuq 22:26

Shaˬzaˬzahˬzaˬya dzaˬdehˆ-awˇ, SahˬpaˬMiˬyehˇ-ahˇpoˆ-eu deuˬ, aˬyawꞈ-ahˇ ya ja ceuˬtehꞈ-a. Mˬmaˬmaˬbyaˇzaˇziˇjiˇni, yawˬmaꞈbaw le za le luꞈ-uˇ.

Jaceuq 27:6

Ngaˬ-euˬtiˬjawˬjawˇbyah taˬ-euˬ, muiˇ-eu deuˬ-ahˇngaˇgʼaˬleˇ-awˇ, laˬkʼaˬcehˇ-awˇguˇ-eu laꞈkʼoeˇ, aˬyawꞈ-euˬUˬduˬtahˬnymˇ-ahˇ, lawˇ-eu shehˇ-eu jeˬ ngaˇmˇ-awˇ, ja ceuˬ-eu caˇ-eu dawˬcaˇ-awˇ, SahˬpaˬMiˬyehˇ-ahˇ ja ceuˬma.

Jaceuq 50:23

Guiˬ lahˬ noeˬ keuˆ-awˇ, ja ceuˬ-eu jeˬ-aˬ, ngaˬ-ahˇ taˬ huiˬ-eu lawˇ-eu jeˬ pyeuꞈ-eu meh. Ngaˬ-euˬ ehˇ dawˬ kʼaˇ naˇ haˬ geuꞈ-eu deuˬ-ahˇ, ngaˇ aˬ diˇ ka kʼoꞈ nehˬ ma.”

Jaceuq 56:12

Miˬyehˇ-oˇ, ngaˬ neh saˇ jaˇ dzaˬ taˬ-euˬ jeˬ nawˬ-ahˇ ngaˇ lawˇ nehˬ ma. Guiˬ lahˬ-ahˇ noeˬ keuˆ-eu lawˇ-eu jeˬ, nawˬ-ahˇ ngaˇ lawˇ nehˬ ma.

Jaceuq 61:8

Kʼoeˇ naˇ, ngaˬ neh saˇ jaˇ dzaˬ taˬ-euˬ lawˇ-eu jeˬ aˬ yawꞈ nah yawꞈ ngaˇ lawˇ ngeh, nawˬ-ahˇ aˬ myah luꞈ caˇ-awˇ ja ceuˬ ma.

Jaceuq 65:1

Miˬyehˇ-oˇ, Ziˇoˬ meuˬ laꞈ kʼoeˇ nga maꞈ nawˬ-ahˇ ja ceuˬ-awˇ, nawˬ-ahˇ saˇ jaˇ ziꞈ-eu tsaˬ dui dui meh.

Jaceuq 69:32

Aˬ cawˬ nawˬ dzaˬ kʼaˆ dzaˬ-eu uˬ moˆ ya jawˇ-eu tsawˇ haˬ deuˬ, kʼoeˇ gaˇ ya mawˇ ngeh nui kʼahˇ shiˇ tehꞈ-a. Miˬyehˇ-ahˇ uˬ duˬ tahˬ-eu tsawˇ haˬ deuˬ, nui ma shiˬ keuˇ ni pyeuꞈ laˇ tehꞈ-a.

Jaceuq 76:11

Yawˬ ha saˇ jaˇ dzaˬ taˬ-euˬ jeˬ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ biꞈ-awˬ. Dawˬ peh jawˇ-eu tsawˇ jeuˬ dawˬ tawˆ luꞈ, aˬ yawꞈ-ahˇ laꞈ sawˬ biꞈ ha laˇ-awˬ. Tsawˇ haˬ zaˬ aˬ yawꞈ-ahˇ guˆ ni Miˬyehˇ jahˇ-eu meh.

Jaceuq 76:12

Miˇ kʼahˬ-ahˇ uˆ lahˇ-eu deuˬ nui ma baˬ-iˇ ni aˬ yawꞈ jahˇ-awˇ, sahˬ paˬ deuˬ-ahˇ aˬ yawꞈ laˆ guˆ-eu meh.

Hawˇseˬ 14:2

Guiˬ lahˬ shaˇ dawˬ heu yuˇ laꞈ-awˇ, lawˇ-eu shehˇ-eu tiˬ jeˬ loꞈ-ehˇ, Sahˬpaˬ Miˬyehˇ-ahˇ damˬ nehˬ-awˬ. “Nga maꞈ-euˬ iˬ baˇ pyehˬ laꞈ-awˇ, nga maꞈ shaˇ dawˬ naˇ haˬ nehˬ laꞈ. Nga maꞈ saˇ jaˇ dzaˬ-euˬ loꞈ-ehˇ, nawˬ-ahˇ nga maꞈ ja ceuˬ-eu ma.

Naˬhmˬ 1:15

Gawˬ jawˬ uˬ du oe ka luꞈ-eu, laˬ kʼaˬ cehˇ-eu dawˬ tsaꞈ le-euˬ, dawˬ dzawˇ mˇ-eu gʼaˬ-ahˇ haw yawˬ. Gʼaˬ leˇ-euˬ gaˇ kawˆ dzawˇ-eu lehˇ, aˬ yawꞈ oe ka luꞈ gaˇ haw yawˬ. Yuˇdaˆ miˇ kʼahˬ-oˇ, bawˬ-iˬ gʼeh-awˬ. Naw maꞈ saˇ jaˇ dzaˬ taˬ-euˬ jeˬ, Miˬyehˇ-ahˇ paˇ mˇ kʼoꞈ nehˬ-awˬ. Naw maꞈ-ahˇ muiˇ-eu haiˬ-eu deuˬ, naw maꞈ-ahˇ guiˇ maˬ deuˆ nya ni, laˆ piˬ laˆ byoˆ jiˇ nehˬ-euˬ meh.

Naˬhmˬ 2:1

Niˇnaˬbeˬ nawˇ ya cawˆ-iˇ meh. Nawˬ-ahˇ deuˆ-eu lehˇ oe luꞈ meh. Taˆ laꞈ kʼoeˇ tsawˇ haˬ bi jawˇ-awˬ. Gaˇ ma-ahˇ yaw muiˇ bi loꞈ-awˬ. Guiˇ deuˆ-eu lehˬ hmˬ dah taˬ-awˬ.

Lormav 12:1

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ-euˬ huiˬ dui myaˬ dui dui-eu gʼawˬ shaˬ gaˬ-eu jeˬ baˬ da neh naw maꞈ-ahˇ ngaˇ heu loꞈ-ehˇ shaˇ-eu ma. Dehꞈ luꞈ-eu lawˇ-eu jeˬ loꞈ-ehˇ, naw maꞈ-euˬ gʼawˇ mawˇ Miˬyehˇ-ahˇ damˬ nehˬ-awˬ. Aˬ yawꞈ-euˬ gaˇ mˇ-eu gʼaˇ duˬ a nehˬ-awˇ, aˬ yawꞈ nui ma tsaˬ ni dehꞈ-awˬ. Heu-aˬ, naw maꞈ mˇ paˬ-ehˇ gʼeh-eu maˇ maˇ ni gʼeh-eu uˬ duˬ tahˬ-eu jeˬ pyeuꞈ-eu meh.

Dawˬmehˬ 23:21

“Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nawˇ saˇ jaˇ dzaˬ naˇ, saˇ jaˇ kʼaˇ dzaˬ taˬ-euˬ loꞈ-ehˇ maˬ mˇ byah ni maˬ ya byehˇ-a. Nawˬ neh saˇ jaˇ dzaˬ taˬ-euˬ jeˬ-ahˇ, Sahˬpaˬ Miˬyehˇ aˬ diˇ aˬ maˇ maˬ byehˇ nehˬ laꞈ-a. Maˬ mˇ byah naˇ, nawˬ-euˬ kʼoeˇ taˆ iˬ baˇ jaˆ-eu meh.

Dawˬmehˬ 23:22

Sahˬpaˬ Miˬyehˇ-ahˇ saˇ jaˇ maˬ dzaˬ-ehˇ jawˇ-eu jeˬ-aˬ, iˬ baˇ maˬ ngeuˇ-a.

Dawˬmehˬ 23:23

Ehˇ kʼawꞈ, yawˬ ha nui ma keuˆ-eu laꞈ kʼoeˇ saˇ jaˇ dzaˬ naˇ, maˬ byehˇ ni ya mˇ byah meh.

Dawˬmehˬ 23:24

“Aˬ cawˬ-euˬ aˬ gaꞈ yaˇ kmˇ-ahˇ nawˇ cah tsehˆ ngeh, nawˇ kʼaˇ dzaˬ mawꞈ-eu myaˆ ni aˬ gaꞈ aˇ siˬ pyaˆ dzaˬ nya meh. Ehˇ kʼawꞈ, tiˬ gaˇ paw pyaˆ ahˇ-awˇ, iˇ kahˇ-ahˇ maˬ ya yuˇ kʼoꞈ gʼeh-a.

1 Teˇsaˬloˇni 5:18

Aˬ geu jeˬ keuˆ le-eu maˬ kaˬ, Miˬyehˇ-euˬ guiˬ lahˬ-ahˇ ja ceuˬ-awˬ. Yeˬsuˇ Ka li laꞈ kʼoeˇ naw maꞈ kʼoeˇ loꞈ-ehˇ dehꞈ gaˇ Miˬyehˇ geuꞈ mawꞈ-eu meh.

HeˬByehˇ 13:15

Kʼoeˇ miˇ neh, aˬ dui Yeˬsuˇ-ahˇ gʼoe-eu laꞈ kʼoeˇ Miˬyehˇ-ahˇ ja ceuˬ-eu jeˬ lawˇ nehˬ kaˇ-euˇ. Kʼoeˇ-aˬ, aˬ yawꞈ aˬ dui-euˬ Sahˬpaˬ pyeuꞈ-eu gaˇ kawˆ bi siˬ bi mawˇ-eu, kʼaˬ meh mehˬ boeˬ neh lawˇ-eu jeˬ pyeuꞈ-eu meh.

1 Beˬtuˆluˆ 2:5

Naw maꞈ kʼawꞈ, dehꞈ luꞈ-eu kʼaˬ lo loꞈ-ehˇ laˇ-awˇ, saꞈ laˇ uˬ duˬ tahˬ nymˇ tsoˆ gaˇ bi zmˬ-awˬ. Uˬ duˬ tahˬ nymˇ kʼoeˇ-euˬ laꞈ kʼoeˇ naw maꞈ muiˬ-eu shawˇ-eu piˇ ma ya geuꞈ-awˇ, Yeˬsuˇ ka li-ahˇ gʼoe-eu laꞈ kʼoeˇ Miˬyehˇ ha geuꞈ nehˬ laꞈ nya-eu saꞈ laˇ paw taꞈ leˇ-eu lawˇ-eu jeˬ ya lawˇ tehꞈ-a.

1 Beˬtuˆluˆ 2:9

Ehˇ kʼawꞈ, naw maꞈ-aˬ, tseˇ doˆ-euˬ tsawˇ haˬ pyeuꞈ-awˇ, Sahˬpaˬ-euˬ piˇ ma deuˬ pyeuꞈ-eu meh. Muiˬ-eu shawˇ-eu tsawˇ haˬ pyeuꞈ-awˇ, Miˬyehˇ-euˬ tsawˇ haˬ pyeuꞈ-eu meh. Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ deuˬ aˬ cawˬ-ahˇ bi ja meh-eu gʼaˇ duˬ, naw maꞈ-ahˇ Miˬyehˇ tseˇ doˆ-euˬ meh. Aˬ yawꞈ-aˬ, yaw zahˇ laꞈ kʼoeˇ naw maꞈ-ahˇ kuˇ doˆ-awˇ, zahˬ leˇ paˬ-ehˇ gʼeh-eu aˬ yawꞈ-euˬ yaw shehꞈ laꞈ kʼoeˇ sheuˬ uˇ nehˬ laꞈ-euˬ meh.