Jaceuq 45:14 - Akha

¹⁴ Haw muiˬ dui dui-eu paˇ keuˬ ciˬ taˬ-euˬ pehˇ kʼahˬ pehˇ mahˇ aˬ yawꞈ dm-awˇ, aˬ yawꞈ-ahˇ sheuˬ ha-eu miˬ shuiꞈ deuˬ nehˬ-ehˇ tiˬ kawˆ loꞈ-ehˇ, sahˬ paˬ mehˬ shi sheuˬ gʼeh nehˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Aqyawf, parkeuq keuq-awr guf-euq paerkhanq paermanr dm-awr, Sanqpaq jawr-eu gar bi sheuqhalar taef-a; Aqyawf-euq maeqnan cantae-eu cawq miqdaf dafshawr deuq khawf, Nawr jawr-eu gar sheuqha naeqlar taef-a.

Jaceuq 45:14 ပူးပေါင်းရင်းမြစ်များ

Doˆ-iˇ 27:16

Nyoeˇ leuˬ leuˬ-eu, neˇ naˆ naˆ-eu hawˇ-eu, neˇ tseuˆ ni gʼeh-eu saˬ kahˇ deuˬ neh zaꞈ-awˇ, ngaˬ lmˇ byah-eu aˇ boꞈ boꞈ taˬ-euˬ shawˇ jehˆ ni gʼeh-eu saˬ paˇ, gʼoˆ kʼehˬ aˬ yawꞈ-ahˇ ya gʼeu taw taˬ meh. Zeuˇ dahˇ oeˬ dahˇ kʼoeˇ taˆ ka tuˇ taˬ-euˬ kʼawˇ zeuˇ oeˬ zeuˇ kʼoeˇ taˆ, saˬ paˇ kʼoeˇ ya bi ceuˬ-eu meh.

Doˆ-iˇ 28:39

“Shawˇ jehˆ ni gʼeh-eu saˬ kahˇ neh saˬ paˇ zaꞈ-awˇ, Aˬloˬ gʼaˇ duˬ pehˇ kʼahˬ hawˇ-eu uˬ dzahˬ guꞈ-awˇ, aˇ boꞈ boꞈ taˬ-euˬ joꞈ tsiˬ kʼawꞈ, aˬ yawꞈ gʼaˇ duˬ guꞈ-awˬ.

Dawˬ caˇ 2:7

Yeˬluˇsaˬlehˬ meuˬ-ahˇ jawˇ-eu zaˬ miˬ zaˬ deuˬ-oˇ, ngaˬ-ahˇ saˇ jaˇ dzaˬ-awˬ. Kʼaˬ tsehˆ ciˇ haˬ deuˬ-euˬ tsawˇ myahˇ kuˇ-awˇ, nga nyaꞈ gaˬ taꞈ-eu jeˬ-ahˇ maˬ laˆ gʼawˬ lehˇ saˇ jaˇ dzaˬ-awˬ.

Dawˬ caˇ 6:1

Zaˬ miˬ dawˬ tawˆ kʼoeˇ taˆ aˇ gʼehˇ muiˬ-eu gʼaˬ-oˇ, nawˬ-euˬ zaˬ kʼaˬ aˬ gaˇ iˇ taˬ. Aˬ geu paw iˇ taˬ lehˇ ehˇ nehˬ laꞈ-awˬ. Nga maꞈ nawˬ-ahˇ caw poˆ nehˬ nyaˇ.

Dawˬ caˇ 6:13

Shuˇlamˬ meuˬ-ahˇ jawˇ-eu zaˬ miˬ aˬ buˇ-oˇ, gʼoꞈ laˇ-awˬ. Gʼoꞈ laˇ-awˬ. Nawˇ gʼoꞈ laˇ gaˇ nga maꞈ haw mawꞈ nya. Tsawˇ haˬ nyiˬ muˇ yaw kaˬ-ahˇ ngaˇ gaˇ nyeh nyeh gaˇ, aˬ jeˬ miˇ neh naw maꞈ haw mawꞈ-eu nya.

Dawˬ caˇ 6:8

Sahˬ paˬ miˬ zaˬ koꞈ tseˇ gʼaˬ baw-awˇ, ma nyiˇ yehꞈ tseˇ gʼaˬ jawˇ-eu uˬ taꞈ, zaˬ miˬ aˬ buˇ maˬ gui jiˇ coeˇ ni cu taˬ luꞈ-uˇ.

Dawˬ caˇ 8:13

Ngaˇ gaˬ-eu gʼaˬ-oˇ, yaˇ kmˇ-ahˇ nawˬ-euˬ teˇ saˇ bi gaˬ le sheˇ. Ngaˬ-euˬ cawˬ deuˬ nawˇ dawˬ ngehˬ gaˇ gaˬ mawꞈ-eu loꞈ luꞈ meh.

Yoˇhaˬ 17:24

Aˬda-oˇ, nawˬ neh biꞈ laꞈ-euˬ tsawˇ haˬ heu deuˬ nawˇ ngaˬ-ahˇ biꞈ laꞈ-euˬ yaw shehꞈ kʼahˬ sehˇ-ahˇ mawˇ nya ni, aˬ yawꞈ maꞈ-ahˇ ngaˇ kʼaˇ jawˇ gaˇ bi jawˇ mawꞈ-eu ma. Aˬ jeˬ miˇ neh ehˇ naˇ, miˇ tsaˬ tahˬ kʼawˇ maˬ beh mi naˆ-ehˇ nawˇ ngaˬ-ahˇ gaˬ-euˬ meh.

2 Gawˇliˬtu 11:2

Miˬyehˇ naw maꞈ-ahˇ nui ma maˬ shiˇ-eu loꞈ-ehˇ, ngaˇ kʼawꞈ naw maꞈ-ahˇ nui ma maˬ shiˇ nya. Naw maꞈ miˬ shuiꞈ tiˬ gʼaˬ loꞈ-ehˇ Ka li tiˬ gʼaˬ-ahˇ tehꞈ-ehˇ bi dahˬ dzaˬ-iˇ-eu gʼaˇ duˬ saˇ jaˇ dzaˬ nehˬ-euˬ gʼaˬ ngaˇ ma.

Yaˇ kʼaˬ daˇ 5:30

“Aˬ yawꞈ maꞈ myawˬ gahˬ deuˆ za-awˇ biˇ geuꞈ luꞈ-eu jeˬ nga. Yehˇ tiˬ gʼaˬ gʼaˇ duˬ zaˬ miˬ aˬ buˇ nyiˬ gʼaˬ, Siˇseˬlaˇ gʼaˇ duˬ muiˬ dui dui-eu mehˬ tsoeˬ, Sahˬ paˬ miˬ zaˬ-euˬ kawˬ lahˇ-ahˇ dah-eu aˇ boꞈ boꞈ taˬ-euˬ lawˇ dah heu deuˬ biˇ geuꞈ luꞈ-eu jeˬ nga.”