Jaceuq 40:17 - Akha

¹⁷ Ngaˇshaˬdui zahˬdui dui-eu gaˇ, SahˬpaˬMiˬyehˇhaw mawˇluꞈ-uˇ. Ngaˬ-ahˇka kʼoꞈnehˬ-eu yaw sahˇ, ngaˬ-euˬMiˬyehˇnawˇpyeuꞈ-eu ma. Maˬnyi naˬni ngehˬgʼeh nehˬlaꞈ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Ngar irshaq shaq-awr shaqzaq zanqzaq pyeuf-eu khawf, Sanqpaq Miqyaer, ngaq-euq garkawv sharnoeq naeqlaf-eu mae. Ngaq-euq Miqyaer-or, taq nyinaq naeqlaf. Nawr-aq, ngaq-anr cawba-awr bibuq-ir-eu ghaq mae.

Jaceuq 40:17 ပူးပေါင်းရင်းမြစ်များ

Jaceuq 109:22

Ngaˇ-aˬ, shaˬ-eu zahˬ-eu mehꞈ-eu shuꞈ-eu tsawˇ haˬ pyeuꞈ-awˇ, nui ma shaˬ zahˬ naꞈ dui dui-eu ma.

Jaceuq 34:4

SahˬpaˬMiˬyehˇ-ahˇngaˇpoˆngeh, aˬyawꞈngaˬ-ahˇoˬtoˬlaꞈ-awˇ, guˆ-eu jeˬdawˬtawˆluꞈlaꞈkʼoeˇ, ngaˬ-ahˇka kʼoꞈnehˬlaꞈ-euˬmeh.

Jaceuq 34:6

Iˇshaˬzaˬdeuˬkuˇ-eu teˇsaˇ, SahˬpaˬMiˬyehˇnaˇhaˬnehˬ-awˇ, shaˬzahˬlaꞈkʼoeˇka kʼoꞈ-eu meh.

Jaceuq 35:27

Ngaˇ law-iˇgaˇmawˇmawꞈ-eu deuˬ, laˬkʼaˬcehˇ-eu laꞈkʼoeˇguˇ-awˇ, “SahˬpaˬMiˬyehˇhuiˬdui dui meh. Aˬyawꞈ-euˬzaˬkʼaˆgʼaˬleˇgaˇ, aˬyawꞈnui kʼahˇshiˇ-eu meh” lehˇ, maˬtsehˆleˇni ja ceuˬluꞈ-uˇ.

Jaceuq 40:5

Nga maꞈjah-eu Miˬyehˇpyeuꞈ-eu, nga maꞈ-euˬSahˬpaˬMiˬyehˇ-oˇ, kʼaˆjeˬ-ehˇgʼeh-eu gʼawˬmya jeˬ, nga maꞈgʼaˇduˬnawˇmˇ-euˬmeh. Nawˇloꞈ-ehˇgaˇkawˆkawˆnya-eu, nawˬ-ahˇduˇ-eu gʼaˬmaˬjawˇ-a. Nawˬneh mˇnehˬlaꞈ-euˬgaˇdeuˬ, kʼaˬmeh neh maˬja jiˇcoeˇnya.

Jaceuq 54:4

Ehˇ kʼawꞈ, ngaˬ-ahˇ ngehˬ gʼeh-eu gʼaˬ Miˬyehˇ meh. Ngaˬ-ahˇ dah teˬ-eu gʼaˬ Sahˬpaˬ Miˬyehˇ meh.

Jaceuq 69:33

Shaˬ-eu zahˬ-eu tsawˇ haˬ deuˬ-euˬ dawˬ-ahˇ Miˬyehˇ naˇ haˬ-awˇ, paꞈ kuˆ laꞈ kʼoeˇ uˇ luꞈ-eu aˬ yawꞈ-euˬ tsawˇ haˬ deuˬ-ahˇ aˬ yawꞈ maˬ ngehˇ-a.

Jaceuq 70:5

Miˬyehˇ-oˇ, ngaˇ gʼaˬ baˬ-awˇ shaˬ dui zahˬ dui dui nya. Ngaˬ-ahˇ yaw kawˇ-ehˇ caw ba le-awˬ. Sahˬpaˬ Miˬyehˇ-oˇ, nawˇ ngaˬ-ahˇ ka kʼoꞈ-eu gʼaˬ meh.

Jaceuq 86:1

Sahˬpaˬ Miˬyehˇ-oˇ, ngaˬ-euˬ shaˇ dawˬ-ahˇ naˇ haˬ-awˇ ngaˬ-ahˇ ngehˬ cawˬ nehˬ laꞈ. Ngaˇ gʼaˬ baˬ-awˇ gʼoe kʼaˇ maˬ za nya.

Iˇsaˬyaˇ 25:9

Kʼoeˇ loꞈ-ehˇ pyeuꞈ laˇ ngeh, tsawˇ haˬ yawˬ gʼaˬ na luꞈ heu loꞈ-ehˇ ehˇ tehꞈ-a. “Aˬ yawꞈ-aˬ, aˬ dui-euˬ Miˬyehˇ ma. Aˬ yawꞈ-ahˇ aˬ dui gʼoe-euˬ loꞈ-ehˇ, aˬ dui-ahˇ aˬ yawꞈ ka kʼoꞈ nehˬ laꞈ-euˬ meh. Aˬ yawꞈ-aˬ, aˬ dui-euˬ Sahˬpaˬ Miˬyehˇ meh. Aˬ yawꞈ-ahˇ aˬ dui gʼoe-euˬ loꞈ-ehˇ, nymˬ-mˇ aˬ dui laˬ kʼaˬ cehˇ nui saˇ za-eu ma. Aˬ jeˬ miˇ neh ehˇ naˇ, aˬ dui-ahˇ aˬ yawꞈ neh ka kʼoꞈ nehˬ laꞈ-euˬ meh.”

Iˇsaˬyaˇ 41:17

“Ngaˬ-euˬ tsawˇ haˬ iˇ cuꞈ mehꞈ-awˇ poˆ ngeh, aˬ yawꞈ maꞈ-euˬ kuˬ byahˬ gui ngeh, Sahˬpaˬ Miˬyehˇ pyeuꞈ-eu ngaˇ, aˬ yawꞈ maꞈ-euˬ shaˇ dawˬ naˇ haˬ nehˬ ma. Iˇsaˬleˬlaˆ-euˬ Miˬyehˇ pyeuꞈ-eu ngaˇ, aˬ yawꞈ maꞈ-ahˇ tiˬ jawˇ-iˬ maˬ byehˇ dzeh.

Maꞈtehˬ 8:20

Tsawˇ haˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Byaˬ hiˇ-aˬ bahˬ baw meh. Aˇ jiˇ kʼawꞈ bahˬ baw meh. Ehˇ kʼawꞈ, Tsawˇ haˬ-euˬ Zaˬmaˇ -aˬ, uˬ duˬ baꞈ daˇ-awˇ naˬ kʼaˇ tiˬ gaˇ-iˬ maˬ za-a.”

2 Gawˇliˬtu 8:9

Aˬ dui-euˬ Sahˬpaˬ Yeˬsuˇ Ka li neh mˇ nehˬ laꞈ-euˬ guiˬ lahˬ-ahˇ naw maꞈ siˬ nya luꞈ meh. Aˬ yawꞈ smˇ muiˬ muiˬ dui dui-eu kʼawꞈ, naw maꞈ gʼaˇ duˬ iˇ shaˬ zaˬ pyeuꞈ le-euˬ meh. Aˬ yawꞈ iˇ shaˬ shaˬ-euˬ baˬ da neh naw maꞈ smˇ muiˬ bi muiˬ laˇ-eu gʼaˇ duˬ, kʼoeˇ loꞈ-ehˇ mˇ le-euˬ meh.

HeˬByehˇ 13:6

Kʼoeˇ miˇ neh, aˬ dui nui ma kʼaˬ duˬ ni gʼeh-eu laꞈ kʼoeˇ, “Sahˬpaˬ Miˬyehˇ ngehˬ gʼeh luꞈmeh. Ngaˇ tiˬ jeˬ-iˬ guˆ kʼaˇ maˬ za. Aˬcawˬ aˬ jeˬ jahˇ laˇ nya nmˇ” lehˇ ehˇ kaˇ-euˇ.

Yaˬkoˆ 2:5

Ngaˇ gaˬ-euˬ aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ gaˇ naˇ haˬ sheˇ. Jah-eu jeˬ laꞈ kʼoeˇ smˇ muiˬ muiˬ-eu tsawˇ haˬ pyeuꞈ laˇ-awˇ, Miˬyehˇ-ahˇ gaˬ-eu tsawˇ haˬ deuˬ-ahˇ biꞈ-eu gʼaˇ duˬ aˬ yawꞈ neh saˇ jaˇ dzaˬ taˬ-euˬ miˇ kʼahˬ-ahˇ bi uˇ leˇ-eu lehˇ, miˇ tsaˬ heu kʼoeˇ taˆ dehꞈ luꞈ-eu shaˬ-eu zahˬ-eu tsawˇ haˬ deuˬ-ahˇ Miˬyehˇ neh tseˇ doˆ taˬ-euˬ meh.

1 Beˬtuˆluˆ 2:23

Aˬ cawˬ aˬ yawꞈ-ahˇ dawˬ doeˇ ngehˬ daˆ nehˬ-euˬ kʼawꞈ, aˬ yawꞈ yaw doeˇ maˬ ehˇ kʼoꞈ nehˬ haw-aˬ. Aˬ cawˬ kʼehˬ nehˬ kʼaˆ nehˬ gaˇ aˬ yawꞈ ya daˬ ngeh, aˬ cawˬ-ahˇ guˆ tsiˬ nyehꞈ-eu dawˬ aˬ yawꞈ maˬ ngehˬ-ehˇ, dawˇ coe ni yaˇ kʼaˬ daˇ-eu gʼaˬ pyeuꞈ-eu Miˬyehˇ-euˬ aˬ laꞈ laꞈ kʼoeˇ aˬ yawꞈ-euˬ gʼawˇ mawˇ a nehˬ-euˬ meh.

1 Beˬtuˆluˆ 5:7

Naw maꞈ noeˬ shaˬ noeˬ zahˬ-eu dawˬ tawˆ luꞈ Miˬyehˇ-ahˇ a nehˬ-awˬ. Aˬ jeˬ miˇ neh ehˇ naˇ, aˬ yawꞈ naw maꞈ-ahˇ ngehˬ gʼeh bo saˆ luꞈ-eu meh.

Panmaeq 22:20

Gaˇ kawˆ heu deuˬ dawˬ tawˆ luꞈ saˇ kiˇ kamˬ-eu gʼaˬ ehˇ-eu, “Ngaˇ yaw kawˇ-ehˇ oe ma. Maˇ maˇ ni yaw kawˇ-ehˇ oe ma.” Aˬ miˬ. Sahˬpaˬ Yeˬsuˇ-oˇ, oe-awˬ.