Jaceuq 37:31 - Akha

³¹ Aˬyawꞈ-euˬMiˬyehˇ-euˬzahˇdawˬ, nui ma laꞈkʼoeˇahˇ-eu miˇneh, kuiˇtoꞈciˬlehˬ-eu maˬbaw-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³¹ Aqyawf-euq Miqyaer-euq zanrdawq, aqyawf-euq nuima-euq lafkhoer anr-eu mirnae, Aqyawf kuirtof ciq ngae maqjur-ir-ar.

Jaceuq 37:31 ပူးပေါင်းရင်းမြစ်များ

Yawˇbaˆ 23:11

Aˬ yawꞈ neh tseˇ doˆ taˬ-euˬ gaˇ ma-ahˇ ngaˇ saˇ jaˇ ziꞈ-awˇ, gaˇ oˆ gaˇ taˆ maˬ uˇ-iˇ ni cah luꞈ-eu ma.

Jaceuq 1:2

SahˬpaˬMiˬyehˇ-euˬ Zahˇdawˬ-ahˇ, naˇhaˬgeuꞈgaˇ laˬkʼaˬcehˇ-awˇ, uˬciꞈnah gʼahˇ maˬtsehˆleˇni, Zahˇdawˬ dzaw geuꞈ-eu baˬda neh,

Jaceuq 119:11

Nawˬ-ahˇ ngaˇ maˬ ya mˇ bahˬ ni, nawˬ-euˬ zahˇ dawˬ kʼoꞈ dawˬ nui ma laꞈ kʼoeˇ pi ma.

Jaceuq 119:98

Nawˬ-euˬ zahˇ dawˬ kʼoꞈ dawˬ ngaˬ nehˬ-ehˇ aˬ myah luꞈ jaˆ-awˇ, ngaˬ-ahˇ muiˇ-eu deuˬ naˆ maˬ tseˇ tsawˇ gahˇ bi ahˇ laꞈ-eu meh.

Jaceuq 121:3

Aˬ yawꞈ nawˬ-ahˇ coˬ-iˇ gaˇ maˬ bi keuˆ-a. Nawˬ-ahˇ haw piˇ-eu gʼaˬ aˬ myah luꞈ yaw noeˬ meh.

Jaceuq 17:5

Nawˬ-euˬgaˇma-ahˇngaˇcah-awˇ, tiˬjawˇ-iˬ maˬgʼawˬ-iˇ haw-aˬ.

Jaceuq 37:23

Tsawˇhaˬzaˬciˬ-eu kuiˇtoꞈ-aˬ, SahˬpaˬMiˬyehˇlaꞈ-ahˇjaˆ-awˇ, aˬyawꞈnui ma tsaˬ-eu gʼaˬ-ahˇ, ziꞈdah ni laˆziꞈnehˬ-eu meh.

Jaceuq 40:8

Miˬyehˇnawˬ-euˬnui kʼahˇbyah ni, ngaˇmˇmawꞈ-eu nui ma ahˇma. nawˬneh mehˬ-euˬtsoˆ-euˬdawˬdeuˬ, nui ma laꞈkʼoeˇboꞈtaˬ-euˬma.

Jaceuq 40:9

SahˬpaˬMiˬyehˇ-oˇ, nawˬ-euˬtsawˇhaˬuiˬle-euˬgaˇ, yaw tsaˬyaw dawˇjeˬmehˬ-eu ma. Ngaˬ-euˬkʼaˬmeh maˬtsoeˬtaˬ-euˬ, nawˇsiˬjiˇmawˇjiˇluꞈ-eu meh.

Jaceuq 44:18

Nga maꞈnui ma maˬciˬpyawˇ-aˬ. Nawˬ-euˬgaˇma-ahˇbahˬ-iˇni, kuiˇtoꞈciˬlehˬ-euˬkʼawꞈmaˬjaˆ.

Jaceuq 73:2

Ehˇ kʼawꞈ ngaˇ sahˬ tiꞈ tiꞈ-iˬ law miˇ-a. Ngaˬ-euˬ jah-eu nui ma byoˆ shaw-iˬ law miˇ-a.

Dawqdaq 14:15

Dawˇ ga deuˬ kʼaˇ ehˇ kʼaˇ jah jah-awˇ, yaw gahˇ deuˬ kuiˇ toꞈ shaˇ noeˬ-awˇ ciˬ-eu meh.

Dawqdaq 4:4

ngaˬ da ngaˬ-ahˇ heu loꞈ-ehˇ mehˬ nehˬ laꞈ-euˬ meh. Ngaˬ-euˬ dawˬ-ahˇ nui ma laꞈ kʼoeˇ maˬ ngehˇ ni juiˇ taˬ-awˇ, ngaˇ mehˬ-eu jeˬ-ahˇ ziꞈ dah ni tuˆ tehˬ-awˇ dehꞈ-awˬ.

Iˇsaˬyaˇ 51:7

“Ngaˬ-euˬ zahˇ dawˬ kʼoꞈ dawˬ nui ma laꞈ kʼoeˇ ahˇ-awˇ, tsaˬ-eu dawˇ-eu jeˬ siˬ nya-eu naw maꞈ, ngaˇ ehˇ gaˇ naˇ haˬ-awˬ. Aˬ cawˬ naw maꞈ-ahˇ yehˬ bawˬ sehˇ lu-ehˇ ehˇ laˇ-awˇ lmˬ gaˇ, naw maꞈ ta guˆ.

Yeˬlaˬmiˇ 31:33

Iˇsaˬleˬlaˆ tsawˇ haˬ nehˬ-ehˇ ngaˇ dzaˬ-eu lehˇ gʼeh-eu dawˬ ma saˇ jaˇ yaw shuiꞈ-aˬ, heu loꞈ-ehˇ ma. Ngaˬ-euˬ zahˇ dawˬ kʼoꞈ dawˬ aˬ yawꞈ maꞈ laꞈ kʼoeˇ dawˆ ahˇ-awˇ, aˬ yawꞈ maꞈ-euˬ nui ma laꞈ kʼoeˇ boꞈ ahˇ nehˬ ma. Ngaˇ aˬ yawꞈ maꞈ-euˬ Miˬyehˇ pyeuꞈ laˇ-awˇ, aˬ yawꞈ maꞈ-ahˇ ngaˬ-euˬ tsawˇ haˬ bi pyeuꞈ laˇ ma.

Yeˬsaˬgeˬlaˇ 27:6

Baˬshaˬ-euˬ tsuiꞈ kʼaˆ aˇ bawˇ neh, saˇ baoˬ heu-eu daˇ laˆ jahˇ-awˇ, Guˇbaˬluˇ-euˬ miˬ shuˬ yuˇ-awˇ, ya ma juiˇ taꞈ-ahˇ-eu laꞈ kʼoeˇ, saˇ baoˬ guiˇ ga kʼawˬ taˬ-euˬ meh.

Dawˬmehˬ 6:6

Iˬ nah ngaˇ naw maꞈ-ahˇ biꞈ-euˬ zahˇ dawˬ kʼoꞈ dawˬ heu deuˬ-ahˇ naw maꞈ tiˬ jawˇ-iˬ taˬ ngehˇ,

HeˬByehˇ 8:10

Nymˬ-mˇ dawˬ ma saˇ jaˇ heu hmˬ, aˬ kaˇ mehˬ hu aˇ yamˬ laꞈ kʼoeˇ, Iˇsaˬleˬlaˇ tsawˇ haˬ nehˬ-ehˇ, ngaˇ dzaˬ taꞈ mˇ taꞈ geuꞈ ma lehˇ, Sahˬpaˬ Miˬyehˇ ehˇ taˬ-euˬ meh. Aˬ yawꞈ maꞈ-euˬ nui noeˬ laꞈ kʼoeˇ, zahˇ dawˬ kʼoꞈ dawˬ dawˆ ahˇ nehˬ-awˇ, nui ma laꞈ kʼoeˇ boꞈ myahˬ nehˬ ma. Ngaˇ yawꞈ maꞈ-euˬ Miˬyehˇ geuꞈ-awˇ, Yawꞈ maꞈ ngaˬ-euˬ tsawˇ haˬ geuꞈ ma.