Jaceuq 37:23 - Akha

²³ Tsawˇhaˬzaˬciˬ-eu kuiˇtoꞈ-aˬ, SahˬpaˬMiˬyehˇlaꞈ-ahˇjaˆ-awˇ, aˬyawꞈnui ma tsaˬ-eu gʼaˬ-ahˇ, ziꞈdah ni laˆziꞈnehˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Tsawrhaq yawmuiq-euq kuirtof-aq, Ya’we Miqyaer nae ciqtsaq taq-euq mae. Aqyawf-euq garma-anr Miqyaer nuikhanr shir-eu mae.

Jaceuq 37:23 ပူးပေါင်းရင်းမြစ်များ

Jaceuq 119:133

Nawˬ neh saˇ jaˇ dzaˬ taˬ-eu loꞈ-ehˇ ngaˬ-ahˇ taˬ bi coˬ-iˇ laꞈ. Yaw haiˬ jeˬ ngaˬ-ahˇ taˬ bi gʼaˬ leˇ laꞈ.

Jaceuq 119:5

Nawˬ neh mehˬ nehˬ tsoˆ nehˬ laꞈ-euˬ dawˬ-ahˇ, ngaˇ saˇ jaˇ ziꞈ-awˇ caw teh ma.

Jaceuq 121:3

Aˬ yawꞈ nawˬ-ahˇ coˬ-iˇ gaˇ maˬ bi keuˆ-a. Nawˬ-ahˇ haw piˇ-eu gʼaˬ aˬ myah luꞈ yaw noeˬ meh.

Jaceuq 121:8

Nawˇ kʼaˇ iˇ kʼaˇ laˇ-eu yawˬ gaˇ na luꞈ, mˬ maˬ maˬ byaˆ zaˇ ziˇ aˬ yawꞈ haw piˇ tehꞈ-a.

Jaceuq 17:5

Nawˬ-euˬgaˇma-ahˇngaˇcah-awˇ, tiˬjawˇ-iˬ maˬgʼawˬ-iˇ haw-aˬ.

Jaceuq 40:2

Shaˬzahˬguˆgaˆmyaˬdui dui-eu, lah yaˬlah shiˇkʼahˬnaꞈlaꞈkʼoeˇ, aˬyawꞈngaˬ-ahˇgʼeu doˆle-awˇ, kʼaˬlo kʼoeˇtaˆciˬdaˆlaꞈ-awˇ, ziꞈdah ni bi yawꞈlaꞈ-euˬmeh.

Jaceuq 40:3

Yawꞈ-ahˇceuˬ-eu caˇdawˬyaw shuiꞈ, yawꞈngaˬ-ahˇmehˬnehˬlaꞈ-euˬmeh. Ya gaˬya mawˇ-eu tsawˇhaˬdeuˬ, guˆ-eu nui ma ahˇ-eu laꞈkʼoeˇ, SahˬpaˬMiˬyehˇ-ahˇgʼoe tehꞈ-a.

Jaceuq 85:13

Yaw tsaˬ yaw dawˇ jeˬ Sahˬpaˬ Miˬyehˇ-euˬ mehˬ hu oe-awˇ, aˬ yawꞈ oe-eu gaˇ ma laˆ saˆ nehˬ le tehꞈ-a.

Dawqdaq 11:1

Mehˇ shuiˇ shuiˇ dzaˬ-eu paˆ yawˬ-ahˇ Sahˬpaˬ Miˬyehˇ bye-awˇ, tsaˬ-eu byah-eu paˆ yawˬ-ahˇ aˬ yawꞈ nui kʼahˇ shiˇ-eu meh.

Dawqdaq 11:20

Nui ma maˬ shawˇ-eu deuˬ-ahˇ Sahˬpaˬ Miˬyehˇ nui daˆ daˆ-awˇ, shawˇ jehˆ ni dehꞈ-eu deuˬ-ahˇ aˬ yawꞈ nui kʼahˇ shiˇ-eu meh.

Dawqdaq 16:9

Tsawˇ haˬ zaˬ nui noeˬ bym kʼawꞈ, Sahˬpaˬ Miˬyehˇ neh kʼaˇ sheu pyawˆ-euˬ jeˬ ya geuꞈ-eu meh.

Dawqdaq 4:26

Nawˇ kʼaˇ mˇ-eu jeˬ gaˇ kawˆ yaw muiˇ kawˆ duˬ taˬ-awˬ. Nawˬ neh kʼaˇ mˇ-euˬ jeˬ guiˬ lahˬ baw tehꞈ-a.

Yeˬlaˬmiˇ 10:23

Sahˬpaˬ Miˬyehˇ-oˇ, tsawˇ haˬ zaˬ yaw dehꞈ dehꞈ-eu-aˬ, yawˬ ha gaˇ kawˆ yawˬ ha maˬ gʼaˬ leˇ-ehˇ, yawˬ ha saꞈ laˇ-ahˇ maˬ tuˆ tehˬ nya-eu ngaˇ siˬ nya ma.

Yeˬlaˬmiˇ 9:24

Ngaˬ-euˬ gʼoeˇ-eu gaˬ-eu jeˬ aˬ myah luꞈ ziꞈ-awˇ, ngaˇ yaw tsaˬ yaw dawˇ jeˬ mˇ-eu miˇ neh, kʼahˬ sehˇ kʼaˇ jehˆ mawꞈ-eu tsawˇ haˬ, ngaˬ-ahˇ siˬ nya-eu jeˬ gaˇ kawˆ kʼahˬ sehˇ jehˆ-awˬ. Kʼoeˇ loꞈ-ehˇ mˇ gaˇ ngaˇ nui kʼahˇ shiˇ-eu ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

HeˬByehˇ 13:16

Yaw muiˬ jeˬ hawˇ-eu tiˬ gʼaˬ tiˇ gʼaˬ caw ba ngehˬ gʼeh-eu jeˬ-ahˇ maˬ ngehˇ ni mˇ-awˬ. Aˬ jeˬ miˇ neh ehˇ naˇ, kʼoeˇ-aˬ, Miˬyehˇ nui ma tsaˬ-eu lawˇ-eu shehˇ-eu jeˬ pyeuꞈ-eu meh.

1 Saˬmeuˬlaˆ 2:9

“Yawꞈ-ahˇ saˇ jaˇ ziꞈ-eu deuˬ-ahˇ, yaw dehꞈ dehꞈ gaˇ haw piˇ nehˬ-awˇ, maˬ tsaˬ maˬ dawˇ-eu tsawˇ haˬ deuˬ, yaw zahˇ laꞈ kʼoeˇ byoˆ-iˇ-eu meh. Tsawˇ haˬ zaˬ yawˬ ha-euˬ gʼaˬ neh, gʼaˬ leˇ-eu gʼaˬ maˬ pyeuꞈ laˇ-a.

1 Saˬmeuˬlaˆ 29:10

Kʼoeˇ miˇ neh Daˬbiˇ-oˇ, Sawˇluˆ-ahˇ byehˇ dzeh yaꞈ-awˇ ngaˬ nehˬ-ehˇ kʼaˇ jawˇ le-euˬ naw maꞈ yawˬ gʼaˬ na luꞈ, ni shawˬ uˬ shawˬ yaw naꞈ-ehˇ tuˇ-awˇ, uˬ bya bya laˇ-eu nehˬ-ehˇ gʼoꞈ-iˇ-awˬ.”