Jaceuq 31:22 - Akha

²² “Ngaˬ-ahˇteh dzeh laꞈ-euˬngaˇ” lehˇ, ngaˇguˆ-eu laꞈkʼoeˇ ehˇ-euˬma. Ehˇ kʼawꞈ, caw ba laꞈlehˇguˇngeh, nawˇnaˇhaˬgeuꞈnehˬlaꞈ-euˬmeh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² “Nawq-euq myavnuiv maqmawr-eu gar, ngaq-anr taedzae naeqlaf-euq ngar-a” laer ngar ardzaeq-aer ngaeqkawr-euq mir-a. Aerkhawf, ngar, nawq-anr gurgaq ngae, ngar tanqshar-eu tersar-anr, nawr narhaq naeqlaf-euq mae.

Jaceuq 31:22 ပူးပေါင်းရင်းမြစ်များ

Yawˇbaˆ 35:14

Yawˇbaˆ-oˇ, Miˬyehˇ-ahˇ maˬ ya mawˇ nya lehˇ nawˇ ehˇ-eu meh. Ehˇ kʼawꞈ, oˇ oꞈ-awˇ tiˬ kʼehˬ dawˬ siˬ. Nawˬ-euˬ gaˇ kawˆ aˬ yawꞈ mehˬ shi le keuˆ taˬ-eu meh.

Jaceuq 116:11

Tsawˇ haˬ tiˬ gʼaˬ-ahˇ-iˬ maˬ jah coeˇ luꞈ-a lehˇ ngaˇ guˆ-awˇ ehˇ luꞈ kʼawꞈ jah-eu gʼaˬ byehˆ maˬ byehˆ.

Jaceuq 17:7

Zahˬleˇdui dui paˬ-ehˇgʼeh-eu, nawˇgaˬ-eu jeˬbi mawˇlaꞈ-awˇ, ngaˬ-ahˇka kʼoꞈle nehˬlaꞈ-awˬ. Nawˇjawˇpaw ngaˇpyawˬngeh, muiˇ-eu deuˬ-ahˇguˆkʼaˇmaˬza.

Jaceuq 31:17

Sahˬpaˬ Miˬyehˇ-oˇ, nawˬ-ahˇngaˇkuˇgaˇnaˇhaˬ-awˇ, shaꞈdawˇ-eu jeˬ taˬbi keuˆlaꞈ. Haiˬ-eu tsawˇhaˬbi shaꞈdawˇ-awˇ, shiˇ-eu Shiˇloˬmiˇkʼahˬlaꞈkʼoeˇ, ciˬcuˇni iˇbyoˆgʼeh luꞈ-uˇ.

Jaceuq 6:9

Ngaˬ-euˬguiˬlahˬshaˇdawˬgaˬ-awˇ, shaˇdawˬ naˇhaˬnehˬlaꞈ-euˬmeh.

Jaceuq 66:20

Miˬyehˇ-ahˇ ngaˇ ja ceuˬ ma. Aˬ jeˬ miˇ neh ehˇ naˇ ngaˬ-euˬ shaˇ dawˬ-ahˇ aˬ yawꞈ maˬ byehˇ dzeh-eu uˬ taꞈ, ngaˬ-ahˇ aˬ yawꞈ gaˬ-eu maˬ tsehˆ leˇ-a.

Jaceuq 88:16

Nawˇ nui ma pehˇ-eu jeˬ ngaˬ-ahˇ ciˬ tahˬ ci tuˆ laˇ-awˇ, nawˇ laˆ coeˬ laˆ ciˆ-eu baˬ da neh ngaˇ ya cawˆ-iˇ miˇ-a.

Iˇsaˬyaˇ 49:14

Ehˇ kʼawꞈ, Yeˬluˇsaˬlehˬ tsawˇ haˬ ehˇ-eu, “Sahˬpaˬ Miˬyehˇ nga maꞈ-ahˇ byehˇ dzeh laꞈ-euˬ meh. Nga maꞈ-ahˇ aˬ yawꞈ ngehˇ-euˬ meh.”

Iˇsaˬyaˇ 6:5

Ngaˇ heu loꞈ-ehˇ ehˇ-euˬ ma. “Ngaˇ noeˬ tmˬ kʼaˇ maˬ paˇ za miˇ-a. Ngaˬ-euˬ kʼaˬ meh-ahˇ neh kʼaˇ doˆ le-euˬ dawˬ yawˬ dawˬ na luꞈ iˬ baˇ ahˇ-eu uˬ taꞈ, iˬ baˇ ahˇ-eu dawˬ tehꞈ-ehˇ ngehˬ-eu tsawˇ haˬ deuˬ nehˬ-ehˇ ngaˇ jawˇ luꞈ-eu miˇ neh, ngaˇ iˬ baˇ naꞈ dui dui miˇ-a. Ehˇ kʼawꞈ, Baoˬ huiˬ-eu Sahˬpaˬ Miˬyehˇ pyeuꞈ-eu Sahˬ paˬ-ahˇ, ngaˬ-euˬ myaˆ nuiˆ neh ya mawˇ duˬ-euˬ ma.”

Yeˬsaˬgeˬlaˇ 37:11

Miˬyehˇ ngaˬ-ahˇ ehˇ-eu, “Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ-aˬ, shaˬ yoeˬ heu deuˬ-ahˇ duˇ-eu meh. Aˬ yawꞈ maꞈ-euˬ shaˬ yoeˬ koˆ jiˇ-awˇ, noeˬ tmˬ kʼaˇ maˬ paˇ za-eu uˬ taꞈ, geuꞈ-eu jeˬ tiˬ pawꞈ-iˬ maˬ paˇ ahˇ miˇ-a lehˇ, aˬ yawꞈ maꞈ ehˇ luꞈ meh.

Yawˇnaˆ 2:4

Nawˬ-euˬ myaˆ pyawˬ maˬ ya mawˇ gaˇ, nawˇ ngaˬ-ahˇ byehˇ dzeh nehˬ laꞈ-awˇ, nawˬ-euˬ Uˬ duˬ tahˬ nymˇ yaw shawˇ, maˬ paˇ ya mawˇ haw-eu miˇ-a.

Luˇkaꞈ 11:10

Aˬ jeˬ miˇ neh ehˇ naˇ, shaˇ-eu tsawˇ haˬ yawˬ gʼaˬ na luꞈ-ahˇ Miˬyehˇ biꞈ nehˬ tehꞈ-a. Poˆ-eu tsawˇ haˬ yawˬ gʼaˬ na luꞈ kʼawꞈ, poˆ mawˇ tehꞈ-a. Laˇ gʼoˆ-ahˇ kʼoˆ-eu tsawˇ haˬ-ahˇ laˇ gʼoˆ pah nehˬ tehꞈ-a.

HeˬByehˇ 5:7

Yeˬsuˇ miˇ tsaˬ kʼoeˇ taˆ dehꞈ ngeh, shiˇ-eu jeˬ laꞈ kʼoeˇ aˬ yawꞈ-ahˇ bi buˬ-iˇ nya-eu Miˬyehˇ-ahˇ, teˇ saˇ yaw kʼaˆ-ehˇ guˇ guˇ-ehˇ myaˆ biˇ doˆ-eu laꞈ kʼoeˇ guiˬ lahˬ shaˇ dui dui-euˬ meh. Aˬ yawꞈ Miˬyehˇ-ahˇ yaw zeu baw-awˇ Miˬyehˇ-euˬ nui noeˬ geuꞈ-euˬ miˇ neh, aˬ yawꞈ-euˬ shaˇ dawˬ-ahˇ Miˬyehˇ naˇ haˬ nehˬ-euˬ meh.

1 Saˬmeuˬlaˆ 23:26

Gawˬ jawˬ tiˬ jawˬ-ahˇ tehꞈ-ehˇ, Sawˇluˆ hawˇ-eu aˬ yawꞈ-euˬ tsawˇ haˬ deuˬ tiˬ paw dzeˇ kʼaˇ-ahˇ jawˇ-awˇ, Daˬbiˇ hawˇ-eu aˬ yawꞈ-euˬ tsawˇ haˬ deuˬ tiˬ paw dzeˇ kʼaˇ-ahˇ jawˇ luꞈ-eu meh. Sawˇluˆ hawˇ-eu aˬ yawꞈ-euˬ tsawˇ haˬ deuˬ teh miˇ laˇ paˬ-ehˇ pyeuꞈ laˇ-awˇ, aˬ yawꞈ maꞈ-ahˇ nyehꞈ mi shaw-iˬ-eu miˇ neh, Daˬbiˇ hawˇ-eu aˬ yawꞈ-euˬ tsawˇ haˬ deuˬ cehˆ tehˇ tehˬ luꞈ-eu meh.

1 Saˬmeuˬlaˆ 25:32

Aˬbiˇgeˬlaˆ-ahˇ Daˬbiˇ ehˇ nehˬ-eu, “Iˬ nah nawˬ-ahˇ ngaˇ jawˇ gaˇ bi oe-euˬ Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ.

1 Saˬmeuˬlaˆ 27:1

Daˬbiˇ-euˬ nui ma laꞈ kʼoeˇ heu loꞈ-ehˇ shaˇ noeˬ luꞈ-eu meh. “Sawˇluˆ ngaˬ-ahˇ sehꞈ laˇ-eu aˇ nah tiˬ nah jaˆ laˇ-eu nga. Piˇliˇtiˆ miˇ kʼahˬ-ahˇ cehˆ jawˇ-iˇ-eu-aˬ, ngaˬ-euˬ gʼaˇ duˬ zaˬ dzehˬ-eu nga. Kʼoeˇ loꞈ-ehˇ jahˇ naˇ, Iˇsaˬleˬlaˆ miˇ kʼahˬ laꞈ kʼoeˇ Sawˇluˆ ngaˬ-ahˇ maˬ paˇ poˆ nya-eu miˇ neh, ngaˇ ya buˬ-iˇ tehꞈ-a.”