Jaceuq 31:19 - Akha

¹⁹ Nawˬ-ahˇzeu-eu deuˬ-euˬkʼoeˇtaˆ, nawˬneh biꞈ-euˬguiˬlahˬkʼoeˇdeuˬ, aˇnaˆni byah-eu kuꞈ-eu nga. Nawˬ-ahˇgʼoe-eu tsawˇ haˬdeuˬ-ahˇ, nawˇaˇnaˆni muiˬ-eu gaˇkawˆ, miˇtsaˬzaˬdeuˬmawˇjiˇluꞈmeh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Or-oq, nawq-anr guv-eu deuq-euq khoertav bi keuvle-awr, Nawq nae tsawrhaq-euq zaqdeuq-euq maeqshi, Nawq-anr ghoe-eu deuq-euq gharduq laeqhmq taq-euq yawmuiq jeq arnavni huiq-eu nga.

Jaceuq 31:19 ပူးပေါင်းရင်းမြစ်များ

Jaceuq 12:5

Ehˇ kʼawꞈSahˬpaˬMiˬyehˇ ehˇ-eu, “Iˇshaˬzaˬ bi kʼehˬbi kʼaˆ-awˇ, tsawˇteˬzaˬmahˇluꞈ-eu miˇneh, aˬyawꞈmaꞈnoeˬtmˬdui dui-eu, nui saˇoꞈ-eu jeˬ biꞈ-eu lehˇ, nymˬ-mˇ ngaˇzaꞈka le-eu ma.”

Jaceuq 16:11

Dehꞈ-eu saꞈlaˇgaˇma tiˬkahˇ, nawˇngaˬ-ahˇtoeˬmehˬnehˬlaꞈ-awˇ, nawˬ-euˬmehˬshi ngaˇya jawˇngeh, laˬkʼaˬcehˇ-eu jeˬbyah-eu meh. Aˬmyah luꞈ laˬkʼaˬcehˇ-eu jeˬ, nawˬ-euˬaˇmaˇlaꞈ-ahˇjaˆmeh.

Jaceuq 23:5

Ngaˬ-ahˇmuiˇ-eu deuˬhaw mawˇgaˇ, nawˇhawˬjeh shaˇdahˇlaꞈ-euˬmeh. Uˬduˬ-ahˇtsiˇlehꞈnehˬlaꞈ-awˇ, ngaˬ-euˬkʼmˬmaˬbyah kʼaˇluꞈmeh.

Jaceuq 68:28

Miˬyehˇ-oˇ, nawˬ-euˬ baoˬ pah mehˬ-awˬ. Nga maꞈ-ahˇ ka kʼoꞈ-euˬ nawˬ-euˬ baoˬ pah mehˬ-awˬ.

Jaceuq 73:1

Miˬyehˇ-aˬ, Iˇsaˬleˬlaˆ tsawˇ jeuˬ kʼoeˇ taˆ aˬ diˇ aˬ maˇ muiˬ-eu meh. Nui ma shawˇ jehˆ ni gʼeh-eu tsawˇ haˬ deuˬ kʼoeˇ taˆ muiˬ-eu meh.

Iˇsaˬyaˇ 26:12

Nga maꞈ kʼoeˇ taˆ baw le za le-eu jeˬ, Sahˬpaˬ Miˬyehˇ nawˇ biꞈ nehˬ laꞈ tehꞈ-a. Nga maꞈ neh kʼaˇ mˇ kʼaˇ shaˇ za-euˬ jeˬ, nawˬ neh biꞈ-euˬ guiˬ lahˬ tehꞈ meh.

Iˇsaˬyaˇ 35:10

Aˬ yawꞈ maꞈ laˬ kʼaˬ cehˇ-eu caˇ dawˬ caˇ-awˇ guˇ guˇ-ehˇ, Yeˬluˇsaˬlehˬ meuˬ-ahˇ laˬ kʼaˬ tiˬ cehˇ le keuˆ tehꞈ-a. Aˬ yawꞈ maꞈ mˬ maˬ maˬ byaˆ zaˇ ziˇ laˬ kʼaˬ cehˇ-awˇ, noeˬ shaˬ noeˬ zahˬ-eu jeˬ hawˇ-eu myaˆ biˇ doˆ-eu jeˬ-ahˇ, mˬ maˬ maˬ byaˆ zaˇ ziˇ buˬ-iˇ law-iˇ tehꞈ-a.

Iˇsaˬyaˇ 64:4

Nawˬ-ahˇ gʼoe-eu deuˬ-ahˇ ngehˬ gʼeh nehˬ-euˬ, nawˇ loꞈ-ehˇ gʼeh-eu Miˬyehˇ-ahˇ, tsawˇ haˬ zaˬ deuˬ maˬ gaˬ maˬ mawˇ haw-aˬ.

Bawˇtsahˬ 23:23

Mah loˬ jaˬ nehꞈ zmˬ-awˇ, Iˇsaˬleˬlaˆ tsawˇ haˬ-ahˇ maˬ laˆ deuˬ nya-a. ‘Haw sheˇ. Iˇsaˬleˬlaˆ tsawˇ haˬ deuˬ-ahˇ Miˬyehˇ aˬ joˆ-ehˇ jahˇ nehˬ-eu nga’ lehˇ, aˬ cawˬ ya ehˇ gaˇ keuˆ tehꞈ-a.

Yoˇhaˬ 3:21

Ehˇ kʼawꞈ, yaw tsaˬ yaw dawˇ jeˬ mˇ-eu tsawˇ haˬ-aˬ, aˬ yawꞈ neh mˇ-euˬ jeˬ Miˬyehˇ nui kʼahˇ shiˇ-eu jeˬ pyeuꞈ-eu gaˇ kawˆ yaw shehꞈ laꞈ kʼoeˇ bya cehˆ ni bi doˆ laˇ-eu gʼaˇ duˬ, yaw shehꞈ jaˆ gaˇ laˇ-eu meh.

Gʼaˬkʼehˇ 15:12

Baˬnaˬbaˇ hawˇ-eu Pawˇluˆ aˬ nyaꞈ, Miˬyehˇ neh aˬ yawꞈ nyaꞈ-ahˇ gʼoe-awˇ aˬ cawˬ tsawˇ jeuˬ-euˬ mehˬ shi mˇ mehˬ-euˬ zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ gaˇ kawˆ dzawˇ mehˬ ngeh, uiˬ laˇ taˬ-euˬ tsawˇ haˬ dawˬ tawˆ luꞈ ciˬ cuˇ ni jawˇ-awˇ naˇ haˬ-euˬ meh.

Lormav 11:22

Miˬyehˇ gʼawˬ shaˬ gaˬ-eu jeˬ hawˇ-eu zuiˆ-eu jeˬ heu nyiˬ hmˬ-ahˇ, heu gaˇ aˬ dui ya mawˇ-euˬ ma. Iˬ baˇ mˇ-eu tsawˇ haˬ deuˬ-ahˇ aˬ yawꞈ zuiˆ-awˇ, aˬ yawꞈ gʼawˬ shaˬ haw gaˬ paˬ-ehˇ kʼaˇ dehꞈ kʼoeˇ keuˆ ni naw maꞈ-ahˇ aˬ yawꞈ gʼawˬ shaˬ gaˬ tehꞈ-a. Ehˇ kʼawꞈ, aˬ yawꞈ gʼawˬ shaˬ gaˬ paˬ-ehˇ maˬ dehꞈ naˇ, naw maꞈ-ahˇ kʼawꞈ deuˆ tsehˆ dzeh tehꞈ-a.

1 Gawˇliˬtu 2:9

Ehˇ kʼawꞈ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ jaˆ-eu meh. “Myaˆ nuiˆ maˬ mawˇ haw-ehˇ, naˬ bawˇ maˬ gaˬ haw-euˬ, maˬ noeˬ doˆ coeˇ-eu jeˬ, Miˬyehˇ-ahˇ gaˬ-euˬ deuˬ gʼaˇ duˬ, Miˬyehˇ lehˬ hmˬ laˆ saˆ-euˬ meh.”

2 Gawˇliˬtu 5:5

Aˬ dui kʼoeˇ loꞈ-ehˇ pyeuꞈ laˇ nya ni lehˬ hmˬ-euˬ gʼaˬ-aˬ, Miˬyehˇ pyeuꞈ-awˇ, aˬ yawꞈ kʼoeˇ loꞈ-ehˇ mˇ-eu lehˇ gʼeh-eu kʼoeˇ yaw duˬ yaw ciˇ baw ni, aˬ yawꞈ-euˬ Yaw sahˇ Miˬyehˇ aˬ dui-ahˇ biꞈ leꞈ-euˬ meh.

HeˬByehˇ 10:34

Tawˬ-ahˇ dawˆ nehˬ gaˇ ya daˬ-euˬ tsawˇ haˬ deuˬ nehˬ-ehˇ naw maꞈ caw daˬ-awˇ, naw maꞈ kʼaˇ jaˆ-eu jeˬ dawˬ tawˆ luꞈ aˬ cawˬ yuˇ geuꞈ jiˇ ngeh, yawˬ ha-euˬ mˇ myawˬ smˬ-iˇ-euˬ jeˬ-ahˇ naw maꞈ nui ma maˬ cawˆ ni daˬ-euˬ meh. Aˬ jeˬ miˇ neh ehˇ naˇ, kʼoeˇ naˆ maˬ tseˇ muiˬ-eu mˬ maˬ maˬ byaˆ zaˇ ziˇ ziꞈ-eu myawˬ gahˬ jaˆ te siˬ lehˇ naw maꞈ siˬ nya-eu meh.

Yaˬkoˆ 2:5

Ngaˇ gaˬ-euˬ aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ gaˇ naˇ haˬ sheˇ. Jah-eu jeˬ laꞈ kʼoeˇ smˇ muiˬ muiˬ-eu tsawˇ haˬ pyeuꞈ laˇ-awˇ, Miˬyehˇ-ahˇ gaˬ-eu tsawˇ haˬ deuˬ-ahˇ biꞈ-eu gʼaˇ duˬ aˬ yawꞈ neh saˇ jaˇ dzaˬ taˬ-euˬ miˇ kʼahˬ-ahˇ bi uˇ leˇ-eu lehˇ, miˇ tsaˬ heu kʼoeˇ taˆ dehꞈ luꞈ-eu shaˬ-eu zahˬ-eu tsawˇ haˬ deuˬ-ahˇ Miˬyehˇ neh tseˇ doˆ taˬ-euˬ meh.