Jaceuq 22:31 - Akha

³¹ SahˬpaˬMiˬyehˇ-euˬtsawˇjeuˬ-ahˇ, aˬyawꞈka kʼoꞈnehˬ-euˬgaˇkawˆ, aˬkaˇdehꞈle-eu deuˬ-ahˇ kʼawꞈ, aˬyawꞈmaꞈja mehˬnehˬtehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³¹ Miqyaer heujeq mr-euq mae laer, aqyawfmaf lar-awr aqkar daefle-eu tsawrhaq deuq-anr, Miqyaer-euq tsaq-awr dawr-eu garkawv dzawrnaeq taef-a.

Jaceuq 22:31 ပူးပေါင်းရင်းမြစ်များ

Jaceuq 102:18

Maˬ dehꞈ le dah-euˬ deuˬ Sahˬpaˬ Miˬyehˇ-ahˇ ja ceuˬ nya ni, aˬ yawꞈ neh mˇ taˬ shaˇ taˬ-euˬ gaˇ deuˬ-ahˇ, aˬ kaˇ kaˇ ziˇ gʼaˇ duˬ boꞈ ahˇ taˬ-awˬ.

Jaceuq 40:9

SahˬpaˬMiˬyehˇ-oˇ, nawˬ-euˬtsawˇhaˬuiˬle-euˬgaˇ, yaw tsaˬyaw dawˇjeˬmehˬ-eu ma. Ngaˬ-euˬkʼaˬmeh maˬtsoeˬtaˬ-euˬ, nawˇsiˬjiˇmawˇjiˇluꞈ-eu meh.

Jaceuq 78:6

Tiˬ ziˇ saiˇ tiˬ ziˇ kʼoeˇ loꞈ-ehˇ mehˬ ka leꞈ nya ni, aˬ yawꞈ kʼoeˇ loꞈ-ehˇ mehˬ yaꞈ tsoˆ yaꞈ-euˬ meh.

Jaceuq 86:9

Nawˬ neh beh taˬ-euˬ tsawˇ jeuˬ dawˬ tawˆ luꞈ, nawˬ-euˬ mehˬ shi laˇ-awˇ awˆ byaˆ tehꞈ-a. Nawˇ huiˬ-eu mahˇ-eu gaˇ kawˆ aˬ yawꞈ maꞈ caˇ-awˇ ja ceuˬ tehꞈ-a.

Iˇsaˬyaˇ 53:10

Sahˬpaˬ Miˬyehˇ ehˇ-eu, “Shaˬ-eu zahˬ-eu jeˬ-ahˇ aˬ yawꞈ daˬ-eu gʼaˇ duˬ, ngaˇ nui ma tsaˬ-eu ma. Aˬ yawꞈ ya shiˇ-euˬ gaˇ kawˆ-aˬ, iˬ baˇ gʼaˇ duˬ lawˇ dah nehˬ-eu jeˬ meh. Kʼoeˇ miˇ neh aˬ yawꞈ-euˬ zaˬ deuˬ uˆ deuˬ-ahˇ aˬ yawꞈ ya mawˇ-awˇ, aˬ yawꞈ ziˇ baw ziˇ za tehꞈ-a. Aˬ yawꞈ laꞈ kʼoeˇ ngaˬ neh noeˬ taˬ-euˬ jeˬ byah laˇ tehꞈ-a.

Iˇsaˬyaˇ 54:1

Yeˬluˇsaˬlehˬ meuˬ-oˇ, nawˇ maˬ baw aˬ ma-ahˇ duˇ kʼawꞈ, nymˬ-mˇ laˬ kʼaˬ cehˇ-eu caˇ dawˬ caˇ-awˇ guˇ nya-eu meh. Aˬ jeˬ miˇ neh ehˇ naˇ, kʼaˬ dzeˇ zaˬ-ahˇ maˬ gʼawˬ-iˇ-eu aˬ ma gʼaˬ naˆ maˬ tseˇ, kʼaˬ dzeˇ zaˬ maˬ baw-eu aˬ ma zaˬ myaˬ dzehˬ le tehꞈ-a lehˇ, Sahˬpaˬ Miˬyehˇ ehˇ taˬ-euˬ meh.

Iˇsaˬyaˇ 60:4

Nawˬ-euˬ tiˬ jawˬ myaˆ nuiˆ byeh-awˇ haw-awˬ. Nawˬ-euˬ tsawˇ haˬ gʼoꞈ laˇ-eu lehˇ uiˬ leˇ luꞈ meh. Gaˇ mahˇ jawˇ-eu nawˬ li deuˬ gʼoꞈ doˆ laˇ-awˇ, nawˬ buˇ deuˬ-ahˇ aˬ cawˬ ciˬ kʼoꞈ ha laˇ tehꞈ-a.

Lormav 1:17

Tsawˇ haˬ zaˬ aˬ yawꞈ-ahˇ tsaˬ laˇ tsahˇ laˇ ni Miˬyehˇ aˬ joˆ-ehˇ jahˇ-eu gaˇ kawˆ, La kʼaˬ cehˇ-eu Guiˬ lahˬ dawˬ laꞈ kʼoeˇ pah mehˬ taˬ-euˬ meh. Miˬyehˇ neh kʼaˇ mˇ-euˬ jeˬ dawˬ tawˆ luꞈ, tsawˇ haˬ zaˬ jah-eu baˬ da neh tehꞈ-ehˇ keuˆ le nya-eu meh. “Jah-eu miˇ neh Miˬyehˇ-ahˇ tsaˬ lehˇ tsahˇ leˇ-eu tsawˇ haˬ-aˬ, saꞈ laˇ dehꞈ-eu jeˬ za tehꞈ-a” lehˇ, Jaˇliꞈ laꞈ kʼoeˇ ehˇ taˬ-euˬ meh.

2 Gawˇliˬtu 5:21

Ka li-aˬ, iˬ baˇ tiˬ pawꞈ-iˬ maˬ ahˇ-a. Ehˇ kʼawꞈ, Ka li laꞈ kʼoeˇ Miˬyehˇ-euˬ yaw tsaˬ yaw dawˇ jeˬ-ahˇ aˬ dui za nya ni, aˬ dui-euˬ gʼaˇ duˬ Miˬyehˇ neh Ka li-ahˇ iˬ baˇ bi pyeuꞈ-iˇ-euˬ meh.