Jaceuq 18:9 - Akha

⁹ Mˬngawˬgʼm-awˇyawꞈzaꞈle ngeh, yawꞈ-euˬaˬkuiˇpehˬzaˬuˬmoˆ, mˬdmˇyaw zahˇdaˬtaˬ-euˬmeh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aqyawf, mq ngawqghm-awr zafkale ngae, Yawzanr-aq, aqyawf-euq aqkuir-euq uqmov jav-eu mae.

Jaceuq 18:9 ပူးပေါင်းရင်းမြစ်များ

2 Saˬmeuˬlaˆ 22:10

Mˬ ngawˬ gʼm-awˇ zaꞈ ka le ngeh, aˬ yawꞈ aˬ kuiˇ pehˬ zaˬ uˬ moˆ, mˬ dmˇ zahˇ tsui ni jaˆ-eu meh.

Jaceuq 50:3

Aˬ dui-euˬ Miˬyehˇ oe luꞈ meh. Ciˬ cuˇ ni aˬ yawꞈ maˬ oe-a. Nyehˆ dui dui-eu miˬ dzaˬ jehˆ bymˇ aˬ yawꞈ mehˬ shi oe-awˇ, mˬ jeˬ jaˬ lehˇ gʼahˇ ceh aˬ yawꞈ oe luꞈ-eu meh.

Jaceuq 68:4

Miˬyehˇ-ahˇ caˇ-awˇ ja ceuˬ-awˬ. Aˬ yawꞈ-euˬ tsawˇ myahˇ-ahˇ caˇ-awˇ ja ceuˬ-awˬ. Mˬ dmˇ dziˬ-awˇ cah luꞈ-eu gʼaˬ-ahˇ, caˇ dawˬ caˇ-awˇ ciˬ huiˬ ciˬ mahˇ nehˬ-awˬ. Aˬ yawꞈ-euˬ tsawˇ myahˇ Sahˬpaˬ Miˬyehˇ meh. Aˬ yawꞈ mehˬ shi laˬ kʼaˬ cehˇ-awˬ.

Jaceuq 97:3

Aˬ yawꞈ-euˬ mehˬ shi miˬ dzaˬ cah-awˇ, tiˬ jawˬ jawˇ-eu muiˇ-eu deuˬ-ahˇ puiˆ sehꞈ-eu meh.

Doˆ-iˇ 19:18

Siˇnaˆ gawˬ jawˬ tiˬ jawˬ jawˬ lah ni, miˬ dzaˬ uˬ kʼoeˬ uꞈ uꞈ-ehˇ jaˆ-eu meh. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, miˬ dzaˬ laꞈ kʼoeˇ gawˬ jawˬ kʼoeˇ jawˬ kʼoeˇ taˆ zaꞈ le-euˬ meh. Miˬ dzaˬ uˬ kʼoeˬ kʼoeˇ-aˬ, miˬ dzaˬ tsawˬ bu-ahˇ doˆ-eu miˬ dzaˬ uˬ kʼoeˬ loꞈ-ehˇ, kʼoeˇ taˆ paw le daˆ-awˇ, gawˬ jawˬ jawˬ lah-ehˇ, miˇ luˆ luˆ-eu meh.

Iˇsaˬyaˇ 51:6

Mˬ-ahˇ gʼawˇ leuˇ haw-awˇ, miˇ tsaˬ-ahˇ awˆ kʼoꞈ-awˇ haw-awˬ. Uˬ kʼoeˬ loꞈ-ehˇ mˬ byoˆ-iˇ-awˇ, mehˬ tsoeˬ paˇ cehˇ loꞈ-ehˇ miˇ tsaˬ peuˬ-iˇ tehꞈ-a. Miˇ tsaˬ zaˬ deuˬ puˬ saˆ loꞈ-ehˇ shiˇ jiˇ tehꞈ-a. Ehˇ kʼawꞈ, ngaˬ-euˬ ka kʼoꞈ-eu jeˬ mˬ maˬ maˬ byaˆ zaˇ ziˇ ziꞈ-awˇ, ngaˬ neh gʼaˬ leˇ-euˬ jeˬ maˬ poˆ maˬ paˇ laˇ-a.

Iˇsaˬyaˇ 66:15

Sahˬpaˬ Miˬyehˇ miˬ dzaˬ nehˬ-ehˇ zaꞈ ka le-awˇ, aˬ yawꞈ nui ma pehˇ-eu deuˬ-ahˇ kʼehˬ-eu gʼaˇ duˬ, jaˬ lehˇ lehˇ ma-euˬ aˬ dahˇ kʼoeˇ taˆ dziˬ-awˇ oe tehꞈ-a.

Yawˇlaˆ 3:16

Ziˇoˬ gawˬ jawˬ kʼoeˇ taˆ jawˇ-awˇ, Sahˬpaˬ Miˬyehˇ lmˬ doˆ laˇ ngeh, Yeˬluˇsaˬlehˬ meuˬ-ahˇ jawˇ-awˇ, mˬ jeˬ jeˬ-eu loꞈ-ehˇ lmˬ ngeh, mˬ hawˇ miˇ tsaˬ yaw dzuˬ dzuˬ meh. Ehˇ kʼawꞈ aˬ yawꞈ-euˬ tsawˇ jeuˬ-ahˇ, Sahˬpaˬ Miˬyehˇ haw piˇ tehꞈ-a.

Maꞈtehˬ 24:29

“Guˆ-eu gaˆ-eu aˇ nah aˇ yamˬ kʼoeˇ keuˆ le gʼaˬ-euˬ nehˬ-ehˇ, nahˇ ma zahˇ tsui ni pyeuꞈ-iˇ-awˇ, ba la yaw shehꞈ maˬ paˇ bya-ehˇ, aˬ guiˇ deuˬ mˬ kʼoeˇ taˆ neh ga ka le-awˇ, mˬ kʼoeˇ taˆ-euˬ baoˬ dawˬ tawˆ luꞈ nyeh laˇ yaˇ laˇ jiˇ tehꞈ-a.

Maˬkuˆ 15:33

Nah loˆ ceh laˇ ngeh, miˇ kʼahˬ kʼoeˇ kʼahˬ kʼahˬ lah-ehˇ zahˇ tsui ni pyeuꞈ-iˇ-awˇ, yaw zahˇ kʼoeˇ naˬ liˬ smˇ laꞈ byah ni jaˆ-euˬ meh.

Yoˇhaˬ 13:7

Yeˬsuˇ ehˇ-eu, “Ngaˇ mˇ luꞈ-eu heu nawˇ nymˬ-mˇ maˬ gʼoˆ shaw-a siˬ. Ehˇ kʼawꞈ, ni shawˇ pehˬ siˬ nya laˇ tehꞈ-a.”

Dawˬmehˬ 33:26

Iˇsaˬleˬlaˆ tsawˇ haˬ deuˬ-oˇ, mˬ taˆ mˬ dmˇ mahˬ dziˬ dziˬ-awˇ, caw ba-eu lehˇ ga keuˆ le-eu, naw maꞈ-euˬ Miˬyehˇ-ahˇ duˇ-eu, Miˬyehˇ nui gʼaˬ aˬ gaˇ jawˇ ta.

HeˬByehˇ 12:26

Yaw beh poˆ ngehˬ-euˬ aˬ yawꞈ-euˬ dawˬ kʼoeˇ, miˇ tsaˬ heu-ahˇ gʼeu nyeh-euˬ meh. Kʼoeˇ naˆ maˬ tseˇ, nymˬ-mˇ poˆ jawˇ-aˬ, “Miˇ tsaˬ-ahˇ tehꞈ-ehˇ maˬ ngeuˇ ni, mˬ-ahˇ kʼawꞈ ngaˇ paˇ gʼeu nyeh ma” lehˇ, aˬ yawꞈ saˇ jaˬ dzaˬ taˬ-euˬ jaˆ-eu meh.

2 Beˬtuˆluˆ 3:10

Ehˇ kʼawꞈ, Miˬyehˇ-euˬ Aˇnah-aˬ,smˇ kʼoeˬ tahˇ joe oe-eu loꞈ-ehˇ keuˆ leh tehꞈ-a. Aˇ nah kʼoeˇ nah keuˆ le ngeh, teˇ saˇ yaw kʼaˆ-ehˇ mahˇ laˇ-awˇ, mˬ byoˆ-iˇ leꞈ tehꞈ-a. Nahˇ ma, ba la, aˬ guiˇ dawˬ tawˆ luꞈ puiˆ byoˆ guiˇ byoˆ jiˇ tehꞈ-a. Miˇ tsaˬ heu hawˇ-eu miˇ tsaˬ kʼoeˇ taˆ kʼaˇ jawˇ kʼaˇ jaˆ-eu jeˬ daw tawˆ luꞈ bi puiˆ dzaˬ jiˇ tehꞈ-a.

Panmaeq 20:11

Kʼoeˇ naˇ, pyuˇ deuˬ ni gʼeh-eu huiˬ dui dui-eu dzoeˬ dzaˬ nuiˇ mahˬ hawˇ-eu kʼoeˇ gaˇ nuiˇ luꞈ-eu gʼaˬ-ahˇ ngaˇ ya mawˇ-euˬ ma. Mˬ hawˇ-eu miˇ tsaˬ aˬ yawꞈ-euˬ mehˬ shi cehˆ byoˆ-awˇ, tiˬ jawˇ-iˬ maˬ paˇ ya mawˇ ni byoˆ-iˇ-euˬ meh.