Jaceuq 18:47 - Akha

⁴⁷ muiˇ-eu deuˬ-ahˇlaꞈpoˆpoˆ-awˇ, aˬcawˬtsawˇjeuˬdawˬtawˆkʼoeˇtaˆ, ngaˬ-ahˇbi dzoeˬpoˆlaꞈ-euˬmeh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁷ Miqyaer-aq, ngaq-euq gharduq lafpov povkhof naeq-awr; Aqcawq tsawrjeuq, ngaq-euq lafov bijawrni janr-eu ghaq pyeuf-eu mae.

Jaceuq 18:47 ပူးပေါင်းရင်းမြစ်များ

2 Saˬmeuˬlaˆ 22:48

Aˬ cawˬ-ahˇ laꞈ poˆ poˆ nya ni, Miˬyehˇ ngaˬ-ahˇ ngehˬ gʼeh laꞈ-awˇ, ngaˬ-ahˇ muiˇ-eu tsawˇ haˬ deuˬ-ahˇ, ngaˬ-euˬ laꞈ oꞈ bi awꞈ-euˬ meh.

Jaceuq 144:2

Aˬ yawꞈ-aˬ, ngaˬ-euˬ gʼoe duˬ ngaˬ-euˬ lo guˇ ma. Ngaˬ-ahˇ haw piˇ-awˇ ka kʼoꞈ-eu gʼaˬ pyeuꞈ-eu ma. Aˬ yawꞈ-ahˇ ngaˇ gʼoe-awˇ ngaˇ nui saˇ za-eu ma. Tsawˇ jeuˬ dawˬ tawˆ luꞈ ngaˬ-euˬ laꞈ oꞈ ya awꞈ ni aˬ yawꞈ jahˇ-eu meh.

Jaceuq 47:3

Aˬ yawꞈ neh aˬ dui-ahˇ tsawˇ haˬ dawˬ tawˆ luꞈ kʼoeˇ taˆ bi gʼaˬ leˇ nehˬ laꞈ-awˇ, tsawˇ jeuˬ dawˬ tawˆ luꞈ kʼoeˇ taˆ bi uˆ lahˇ laꞈ-euˬ meh.

Jaceuq 95:1

Laˇ-awˬ. Sahˬpaˬ Miˬyehˇ-ahˇ aˬ dui ja ceuˬ ma. Aˬ dui-ahˇ haw piˇ nehˬ laꞈ-euˬ Miˬyehˇ-ahˇ laˬ kʼaˬ tiˬ cehˇ caˇ-awˇ ja ceuˬ kaˇ-euˇ.

Naˬhmˬ 1:2

Sahˬpaˬ Miˬyehˇ pyeuꞈ-eu Miˬyehˇ, myaˆ naˆ-eu nui ma ahˇ-eu meh. Yawꞈ-ahˇ puiˬ-eu deuˬ-ahˇ kʼehˬ-awˇ, yawꞈ-ahˇ jahˇ gʼeh haw-eu deuˬ-ahˇ, nui ma pehˇ-awˇ laꞈ poˆ poˆ meh.

Lormav 12:19

Aˬ yuiꞈ aˬ nyiˇ Ka li zaˬ deuˬ-oˇ, aˬ cawˬ-ahˇ laꞈ poˆ tiˬ jawˇ-iˬ taˬ poˆ. Miˬyehˇ yaˇ kʼaˬ daˇ luꞈ-uˇ. Aˬ jeˬ miˇ neh ehˇ naˇ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Laꞈ poˆ poˆ-eu jeˬ-aˬ, ngaˬ-ahˇ taꞈ-eu jeˬ pyeuꞈ-eu ma. Ngaˇ jahˇ kʼoꞈ nehˬ ma lehˇ Sahˬpaˬ Miˬyehˇ ehˇ-eu meh.”

Dawˬmehˬ 32:35

Aˬ yawꞈ neh laꞈ poˆ bi poˆ-awˇ, muiˇ-eu deuˬ ya coˬ dzeh-iˇ-eu, aˇ nah kʼoeˇ nah peh le luꞈ meh.