Jaceuq 18:28 - Akha

²⁸ Ngaˬ-euˬMiˬyehˇ,SahˬpaˬMiˬyehˇ, ngaˬ-ahˇtsiˇkʼmˬdoꞈnehˬlaꞈ-awˇ, yaw zahˇlaˆbyoˆnehˬlaꞈ-euˬmeh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Nawr, ngaq-euq tsirkhmq keuqdof naeqlaf-eu mirnae; Ngaq-euq Miqyaer pyeuf-eu Ya’we Miqyaer, ngaq-euq yawzanr-anr yawshaef bi byalar-eu mae.

Jaceuq 18:28 ပူးပေါင်းရင်းမြစ်များ

2 Saˬmeuˬlaˆ 22:29

Ngaˬ-euˬ Sahˬpaˬ Miˬyehˇ nawˇ-aˬ, ngaˬ-euˬ gʼaˇ duˬ tsiˇ kʼmˬ pyeuꞈ-awˇ, 2 yaw zahˇ laꞈ kʼoeˇ ngaˇ jawˇ luꞈ ngeh, ngaˬ-euˬ Miˬyehˇ yaw shehꞈ bya meh.

1 Sahˬpaˬ 11:36

Ngaˬ-ahˇ uˬ duˬ bi tahˬ-eu gʼaˇ duˬ ngaˬ neh tseˇ doˆ-euˬ meuˬ pyeuꞈ-eu Yeˬluˇsaˬlehˬ meuˬ laꞈ kʼoeˇ, ngaˬ-euˬ zaˬ kʼaˆ Daˬbiˇ-euˬ zaˬ deuˬ uˆ deuˬ aˬ myah luꞈ maˬ tsehˆ leˇ ni ya uˆ lahˇ-eu gʼaˇ duˬ, Sawˇlaˬmoˬ-euˬ aˬ li-ahˇ tsawˇ jeuˬ tiˬ jeuˬ ngaˇ biꞈ ma.

1 Sahˬpaˬ 15:4

Ehˇ kʼawꞈ, aˬ yawꞈ-euˬ dah zaˇ Yeˬluˇsaˬlehˬ meuˬ-ahˇ jawˇ-awˇ bi uˆ lahˇ-eu gʼaˇ duˬ maˬ ehˇ, Yeˬluˇsaˬlehˬ meuˬ-ahˇ bi haw piˇ-eu gʼaˇ duˬ maˬ ehˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh Daˬbiˇ-euˬ myaˆ pyawˬ-ahˇ haw-awˇ, Aˬbiˇyaˬ-ahˇ aˬ li tiˬ li biꞈ-euˬ meh.

Yawˇbaˆ 18:6

Aˬ yawꞈ-euˬ sehˬ gʼawˆ laꞈ kʼoeˇ doꞈ-eu tsiˇ kʼmˬ miˆ-iˇ tehꞈ-a.

Yawˇbaˆ 29:3

Kʼoeˇ ngeh Miˬyehˇ ngaˬ nehˬ-ehˇ aˬ myah luꞈ jawˇ-awˇ, yaw zahˇ laꞈ kʼoeˇ ngaˇ cah ngeh yaw shehꞈ bya nehˬ laꞈ-euˬ meh.

Jaceuq 112:4

Gʼawˬ shaˬ gaˬ nya-awˇ yaw tsaˬ yaw dawˇ jeˬ-ahˇ gaˬ-eu muiˬ-eu jaˬ-eu tsawˇ haˬ deuˬ kʼoeˇ taˆ, yaw zahˇ laꞈ kʼoeˇ yaw shehꞈ bya-eu meh.

Jaceuq 132:17

Heu gaˇ Daˬbiˇ-euˬ zaˬ deuˬ uˆ deuˬ laꞈ kʼoeˇ, huiˬ-eu sahˬ paˬ tiˬ gʼaˬ ngaˇ bi doˆ laˇ-awˇ, ngaˬ neh tseˇ doˆ-euˬ sahˬ paˬ heu gaˇ bi uˆ lahˇ ma.

Dawqdaq 20:27

Sahˬpaˬ Miˬyehˇ-euˬ tsiˇ kʼmˬ tsawˇ haˬ zaˬ-euˬ nui ma-ahˇ keuˬ haw-awˇ, tiˬ jeˬ-iˬ zaꞈ taˬ-euˬ maˬ baw-a.

Iˇsaˬyaˇ 2:11

Aˬ cawˬ-ahˇ zuiˆ gʼaˬ-euˬ myaˆ nuiˆ ga juˬ-iˇ-awˇ, tsawˇ haˬ zaˬ nui ma huiˬ-eu jeˬ bi nawˬ awˆ tehꞈ-a. Aˇ nah aˇ yamˬ kʼoeˇ keuˆ laˇ ngeh, Sahˬpaˬ Miˬyehˇ tiˬ gʼaˬ tehꞈ-ehˇ, ciˬ huiˬ ciˬ mahˇ nehˬ gaˇ ya daˬ tehꞈ-a.

Iˇsaˬyaˇ 2:12

Nui ma huiˬ-awˇ smˇ kʼaˆ kʼaˆ-eu deuˬ hawˇ-eu, jahˇ huiˬ jahˇ gʼeh-eu deuˬ gʼaˇ duˬ, Baoˬ huiˬ-eu Sahˬpaˬ Miˬyehˇ lehˬ hmˬ taˬ-euˬ aˇ nah jaˆ meh.

Iˇsaˬyaˇ 42:16

“Myaˆ behꞈ tahˬ sawˇ pyeuꞈ-eu ngaˬ-euˬ tsawˇ haˬ deuˬ-ahˇ, maˬ iˇ haw-euˬ gaˇ ma tiˬ kahˇ ngaˇ sheuˬ gʼeh ma. Aˬ yawꞈ maꞈ-euˬ yaw zahˇ-ahˇ ngaˇ yaw shehꞈ bi bya laˇ-awˇ, duˬ kʼahˬ duˬ kʼawꞈ myaˬ-eu miˇ kʼahˬ, aˬ yawꞈ maꞈ-euˬ mehˬ shi bi dzm laˇ ma. Heu-aˬ, ngaˬ-euˬ saˇ jaˇ dawˬ deuˬ pyeuꞈ-awˇ, maˬ byehˇ ni ngaˇ mˇ byah nehˬ ma.

Iˇsaˬyaˇ 62:1

Yeˬluˇsaˬlehˬ meuˬ-ahˇ gʼaˬ biꞈ nehˬ-eu dawˬ ngaˇ ngehˬ ma. Meuˬ kʼoeˇ meuˬ ka kʼoꞈ-eu jeˬ za gʼaˬ-awˇ, aˬ yawꞈ gʼaˬ leˇ-eu jeˬ uˬ ciꞈ bya-eu nahˇ ma nahˇ doꞈ loꞈ-ehˇ maˬ bya laˇ kʼoeˇ keuˆ ni, ngaˇ ciˬ cuˇ ni maˬ jawˇ.

Maꞈtehˬ 4:16

Yaw zahˇ laꞈ kʼoeˇ jawˇ luꞈ-eu deuˬ, yaw shehꞈ ya mawˇ-euˬ meh. Shiˇ-eu miˇ kʼahˬ yaw zahˇ laꞈ kʼoeˇ, kʼaˇ jawˇ-eu tsawˇ haˬ deuˬ kʼoeˇ taˆ, yaw shehꞈ bya keuˆ le gʼaˬ-euˬ meh.”

Luˇkaꞈ 1:79

shiˇ-eu naˇ shmˇ yaw zahˇ uˬ moˆ, kʼaˇ dehꞈ kʼaˇ jawˇ-eu deuˬ kʼoeˇ taˆ, mˬ taˆ neh bya ka leꞈ tehꞈ-a. Nui saˇ oꞈ-eu gaˇ ma kʼoeˇ taˆ, kuiˇ toꞈ paˇ ciˬ kʼoꞈ daˆ nya ni, aˬ dui ahˇ sheuˬ gʼeh laꞈ tehꞈ-a.”

1 Beˬtuˆluˆ 2:9

Ehˇ kʼawꞈ, naw maꞈ-aˬ, tseˇ doˆ-euˬ tsawˇ haˬ pyeuꞈ-awˇ, Sahˬpaˬ-euˬ piˇ ma deuˬ pyeuꞈ-eu meh. Muiˬ-eu shawˇ-eu tsawˇ haˬ pyeuꞈ-awˇ, Miˬyehˇ-euˬ tsawˇ haˬ pyeuꞈ-eu meh. Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ deuˬ aˬ cawˬ-ahˇ bi ja meh-eu gʼaˇ duˬ, naw maꞈ-ahˇ Miˬyehˇ tseˇ doˆ-euˬ meh. Aˬ yawꞈ-aˬ, yaw zahˇ laꞈ kʼoeˇ naw maꞈ-ahˇ kuˇ doˆ-awˇ, zahˬ leˇ paˬ-ehˇ gʼeh-eu aˬ yawꞈ-euˬ yaw shehꞈ laꞈ kʼoeˇ sheuˬ uˇ nehˬ laꞈ-euˬ meh.