Jaceuq 18:14 - Akha

¹⁴ Aˬyawꞈkaˆmyaˬbeuˆgʼeh leꞈ-awˇ, muiˇ-eu deuˬ-ahˇteh byaˆ-euˬmeh. Mˬjeˬtsawˬtehˆtehˆgʼeh leꞈ-awˇ, guˆ-iˇ-awˇbi cehˆbyaˆ-euˬmeh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Aqyawf kavmyaq beuvdovghae lef-awr, muir-eu deuq-anr taebyav-euq mae. Aqyawf, mqmyawf yawkhav-aer myawfmyawf-aer, aqyawf maf-anr lavbanq lavlanr naeq-euq mae.

Jaceuq 18:14 ပူးပေါင်းရင်းမြစ်များ

Yawˇbaˆ 37:4

Mˬ jeˬ tsawˬ tehˆ tehˆ ngeh, baoˬ huiˬ-eu aˬ yawꞈ-euˬ teˇ saˇ mˬ jeˬ jeˬ-eu loꞈ-ehˇ mahˇ doˆ laˇ-eu meh.

Yawˇbaˆ 37:5

Miˬyehˇ dawˬ biꞈ ngeh aˬ dui zahˬ leˇ paˬ-ehˇ gʼeh-eu kʼaˆ jeˬ-ehˇ gʼeh-eu jeˬ pyeuꞈ doˆ laˇ-eu meh.

Yawˇbaˆ 38:35

Mˬ jeˬ tsawˬ tehˆ-ahˇ nawˇ dawˬ biꞈ ngeh, nawˇ jawˇ gaˇ zaꞈ ka le-awˇ nawˬ neh kʼaˇ kʼehˇ-euˬ loꞈ-ehˇ mˇ ma lehˇ ehˇ le tehꞈ-a loˇ.

Yawˇbaˆ 6:4

Baoˬ huiˬ-eu Miˬyehˇ ngaˬ-ahˇ kaˆ myaˬ neh beuˆ coˆ-awˇ, kaˆ myaˬ doꞈ kʼoeˇ ngaˬ-euˬ gʼawˇ mawˇ-ahˇ iˇ byah-euˬ meh. Guˆ laˇ paˬ-ehˇ gʼeh-eu tiˬ jeˬ saˇ-iˬ tiˬ jeˬ-ahˇ, ngaˬ-euˬ kʼoeˇ taˆ Miˬyehˇ bi keuˆ le-euˬ meh.

Jaceuq 144:6

Mˬ jeˬ tsawˬ tehˆ bi tehˆ-awˇ nawˬ-ahˇ muiˇ-eu deuˬ-ahˇ teh byaˆ-awˬ. Nawˬ-euˬ kaˆ myaˬ neh beuˆ-awˇ bi cehˆ-awˬ.

Jaceuq 21:12

Sahˬpaˬneh kaˆbi beuˆtahˬ-awˇ, naˇkʼah paw ya cehˆgʼoꞈtehꞈ-a.

Jaceuq 29:3

Iˬma laˆshaˆiˇcuꞈkʼoeˇtaˆ, SahˬpaˬMiˬyehˇdawˬngehˬ-eu meh. Yaw shehꞈkʼahˬ sehˇhuiˬ-eu Miˬyehˇ, mˬjeˬjeˬ-awˇmahˇ-eu teˇsaˇ, laˆshaˆyui yui-ehˇjaˆ-eu meh.

Jaceuq 29:7

SahˬpaˬMiˬyehˇ-euˬ teˇsaˇkʼoeˇ, mˬjeˬtsawˬtehˆtehˆgaˇduˇmeh.

Jaceuq 77:17

Mˬ dmˇ neh uˬ yehˇ shehˆ dzeh leꞈ-awˇ, mˬ kʼoeˇ taˆ mˬ jeˬ jeˬ ngeh, yawˬ coeˇ na luꞈ mˬ myawꞈ myawꞈ-eu meh.

Jaceuq 77:18

Nawˬ-euˬ mˬ jeˬ mahˇ doˆ laˇ-awˇ, mˬ myawꞈ myawꞈ-awˇ miˇ tsaˬ-ahˇ bi bya laˇ ngeh, miˇ tsaˬ tahˬ kʼawˇ yaw dzuˬ dzuˬ-awˇ luˆ luˆ-ehˇ jaˆ-eu meh.

Iˇsaˬyaˇ 30:30

Sahˬpaˬ Miˬyehˇ-aˬ, baoˬ huiˬ-eu aˬ yawꞈ-euˬ dawˬ tsawˇ haˬ yawˬ gʼaˬ na luꞈ-ahˇ bi gaˬ-awˇ, aˬ yawꞈ nui ma pehˇ-eu jeˬ aˇ naˆ ni guˆ laˇ paˬ-ehˇ gʼeh-eu gaˇ kawˆ, tsawˇ haˬ yawˬ gʼaˬ na luꞈ-ahˇ bi siˬ bi mawˇ tehꞈ-a. Miˬ dzaˬ miˬ lmˇ doˆ le-awˇ miˬ dzaˬ doꞈ luꞈ-eu mˬ dmˇ ya mawˇ-eu uˬ taꞈ, uˬ yehˇ aˇ siˬ ga le-awˇ, mˬ jeˬ jaˬ lehˇ oe tehꞈ-a.

Yawˇlaˆ 2:11

Sahˬpaˬ Miˬyehˇ-euˬ guiˇ maꞈ-ahˇ Sahˬpaˬ Miˬyehˇ dawˬ biꞈ nehˬ ngeh, mˬ jeˬ tsawˬ tehˆ tehˆ gaˇ duˇ meh. Yawꞈ-euˬ ehˇ dawˬ geuꞈ-eu guiˇ maꞈ, myaˬ dui dui-awˇ baoˬ huiˬ-eu meh. Sahˬpaˬ Miˬyehˇ-euˬ aˇ nah-aˬ, guˆ dui dui laˇ paˬ-ehˇ gʼeh-awˇ, tiˬ gʼaˬ-iˬ maˬ dzeuˇ-iˇ nya-a.

Haˬbaˬkuˆ 3:11

Nawˬ-euˬ kaˆ myaˬ mˬ myawꞈ myawꞈ-awˇ, nawˬ-euˬ gahˬ naˇ guiˇ guiˇ laˇ gaˇ, ba la nahˇ ma naˬ leˇ-euˬ meh.

Bawˇtsahˬ 24:8

Iˇjiˇtuˆ miˇ kʼahˬ laꞈ kʼoeˇ Miˬyehˇ aˬ yawꞈ maꞈ-ahˇ sheuˬ doˆ laꞈ-euˬ meh. Aˬ yawꞈ maꞈ gʼaˇ duˬ nehꞈ nyoˬ laꞈ hiˇ loꞈ-ehˇ aˬ yawꞈ guiˇ deuˆ-euˬ meh. Aˬ yawꞈ maꞈ-ahˇ muiˇ-eu deuˬ-ahˇ aˬ yawꞈ maꞈ kawꞈ sehꞈ tehꞈ-a. Shaˬ yoeˬ ngawˬ kʼehꞈ ngawˬ kʼoeˆ nehˬ-awˇ, kaˆ myaˬ neh beuˆ byoe nehˬ tehꞈ-a.

Dawˬmehˬ 32:23

“Shaˬ zahˬ duˬ gahˬ baꞈ daˆ nehˬ-awˇ, kaˆ myaˬ dawˬ tawˆ beuˆ tsoˆ nehˬ ma.

Dawˬmehˬ 32:42

Ngaˬ-euˬ kaˆ myaˬ shiˬ dawˇ yehꞈ-awˇ, ngaˬ-euˬ mi cehˇ shaˬ jiˇ dzaˬ-ehˇ, ngaˬ-ahˇ guiˇ kʼaˇ deuˆ laˇ-eu deuˬ, tiˬ gʼaˬ-iˬ maˬ bi dzeuˇ-iˇ ma. Deuˆ tahˬ-awˇ nyehꞈ mi-euˬ deuˬ kʼawꞈ, dawˬ tawˆ luꞈ ya shiˇ jiˇ tehꞈ-a.’

Yawˇshuˆ 10:10

Iˇsaˬleˬlaˆ tsawˇ haˬ deuˬ-euˬ mehˬ shi, Aˬmawˇliˆ tsawˇ haˬ deuˬ-ahˇ Sahˬpaˬ Miˬyehˇ bi tsawˬ guˆ-iˇ-euˬ meh. Giˇbyoˬ meuˬ-ahˇ, Iˇsaˬleˬlaˆ tsawˇ haˬ deuˬ aˬ yawꞈ maꞈ-ahˇ deuˆ sehꞈ-awˇ, Behˬhawˇleuˬ meuˬ dawˬ peh gawˬ jawˬ gʼaˬ lahˇ paw teh ka gʼeh-awˇ, laꞈ oˆ paw pyawˬ-ahˇ jaˆ-eu Aˬzeˬkaˬ meuˬ hawˇ-eu Maˬgeˬdaˬ meuˬ-ahˇ keuˆ ni deuˆ deuˆ-ehˇ teh-euˬ meh.

1 Saˬmeuˬlaˆ 2:10

SahˬpaˬMiˬyehˇ-ahˇ muiˇ-eu deuˬ, luˬ-iˇ seˇ-iˇ gaˇ keuˆ tehꞈ-a. Aˬ yawꞈ maꞈ-ahˇ mˬ kʼoeˇ taˆ neh, mˬ jeˬ tsawˬ tehˆ bi tehˆ tehꞈ-a. Miˇ tsaˬ zaˬ dawˬ tawˆ-ahˇ, Sahˬpaˬ Miˬyehˇ yaˇ kʼaˬ daˇ meh. Yawꞈ neh ka nehˬ-euˬ sahˬ paˬ-ahˇ, dzoeˬdzaˬ-eu baoˬyawꞈ biꞈ nehˬ-awˇ, yawꞈ neh tseˇ doˆ-euˬ sahˬ paˬ-ahˇ, gʼaˬ leˇ-eu gʼaˬ bi pyeuꞈ tehꞈ-a.”