Jaceuq 150:5 - Akha

⁵ Cehˇ lehˇ yaw zaˬ ciˆ-awˇ ja ceuˬ-awˬ. Cehˇ lehˇ yaw huiˬ ciˆ-awˇ ja ceuˬ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Caexlaer civ-awr aqyawf-anr jaceuq-awq; Caexlaer yawkhav-aer civ-awr jaceuq-awq!

Jaceuq 150:5 ပူးပေါင်းရင်းမြစ်များ

2 Saˬmeuˬlaˆ 6:5

Daˬbiˇ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ, gʼaˬ kʼaˇ jaˆ-eu shaˇ-awˇ gaˇ nyeh nyeh nyeh-ehˇ caˇ-eu laꞈ kʼoeˇ, Sahˬpaˬ Miˬyehˇ-ahˇ ciˬ huiˬ ciˬ mahˇ nehˬ-euˬ meh. Aˬ yawꞈ maꞈ tahˬ diˬ, boe loe diˬ, cehˇ lehˇ ciˆ-awˇ, deuˇ-mˬ yaw huiˬ yaw nyiˇ gʼawˬ mya jeˬ diˬ-euˬ meh.

1 Laˬsaˬbaˬ 13:8

Daˬbiˇ hawˇ-eu Iˇsaˬleˬlaˆ tsawˇ haˬ deuˬ-aˬ, deuˇ-mˬ diˬ, tahˬ diˬ, cehˇ lehˇ ciˆ-awˇ, daˇ heh baw-eu laꞈ kʼoeˇ, gʼaˬ kʼaˇ jaˆ-eu shaˇ-awˇ gaˇ nyeh nyeh-euˬ meh.

1 Laˬsaˬbaˬ 15:16

“Leˬbiˇ tsawˇ haˬ gʼawˬ mya ni, deuˇ-mˬ diˬ, cehˇ lehˇ ciˆ-awˇ, laˬ kʼaˬ tiˬ cehˇ caˇ dawˬ bi caˇ-awˬ” lehˇ, aˬ yuiꞈ aˬ tsu kʼoeˇ deuˬ-ahˇ Daˬbiˇ dawˬ biꞈ-euˬ meh.

1 Laˬsaˬbaˬ 15:28

Iˇsaˬleˬlaˆ tsawˇ haˬ dawˬ tawˆ luꞈ, daˇ heh baw, coiˇ doi baw, cehˇ lehˇ ciˆ-awˇ deuˇ-mˬ diˬ-euˬ laꞈ kʼoeˇ, laˬ kʼaˬ cehˇ-awˇ guˇ guˇ-ehˇ, Dawˬ ma saˇ jaˇ Bahˬ keuˆ mehˬ nah caw teh-euˬ meh.

1 Laˬsaˬbaˬ 16:5

Aˬsaˆ-ahˇ aˬ yuiꞈ bi geuꞈ-awˇ, Zaˬkaˬliˇ bi caw ba-euˬ meh. Yeˬyeˬlaˇ, Sheˬmiˇlaˬmoˇ, Yeˬheˬlaˇ, Maˬtiˇdiˇ, Eˇliˇbaˆ, Baˬnaˇyaˬ, Awˇbehˆeˬdoˬ, Yeˬyeˬlaˇ aˬ ha maꞈ-ahˇ deuˇ-mˬ bi diˬ-euˬ meh. Aˬsaˆ gʼaˬ-aˬ cehˇ lehˇ ciˆ-euˬ meh.

1 Laˬsaˬbaˬ 25:1

Uˬ duˬ tahˬ gaˇ bi sheuˬ gʼeh-eu gʼaˇ duˬ, sahˬ paˬ Daˬbiˇ hawˇ-eu Leˬbiˇ tsawˇ haˬ aˬ yuiꞈ aˬ tsu deuˬ neh tseˇ doˆ-euˬ Leˬbiˇ aˇ jeuˬ deuˬ-aˬ, Aˬsaˆ aˇ jeuˬ, Heˬmaˬ aˇ jeuˬ, Yeˬduˇdoˬ aˇ jeuˬ heu deuˬ meh. Aˬ yawꞈ maꞈ-aˬ, deuˇ-mˬ diˬ-awˇ cehˇ lehˇ ciˆ-eu laꞈ kʼoeˇ, aˬ cawˬ-ahˇ Miˬyehˇ-euˬ dawˬ kawˬ ya dzawˇ mehˬ-eu meh. Uˬ duˬ tahˬ gaˇ bi sheuˬ gʼeh-eu gʼaˇ duˬ tseˇ doˆ taˬ-euˬ deuˬ hawˇ-eu, aˬ yawꞈ maꞈ ya mˇ-eu gaˇ deuˬ-aˬ, heu loꞈ-ehˇ meh.

1 Laˬsaˬbaˬ 25:6

Aˬ yawꞈ-euˬ aˬ li heu deuˬ dawˬ tawˆ luꞈ, aˬ da gʼaˬ neh mehˬ nehˬ tsoˆ nehˬ-euˬ loꞈ-ehˇ, Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ ngeh, deuˇ-mˬ diˬ-awˇ cehˇ lehˇ ciˆ-euˬ meh. Kʼoeˇ naˇ, Aˬsaˆ, Yeˬduˇdoˬ, Heˬmaˬ aˬ ha smˇ gʼaˬ-aˬ, sahˬ paˬ neh kʼaˇ kʼehˇ-euˬ loꞈ-ehˇ ya mˇ-eu meh.

2 Laˬsaˬbaˬ 5:13

Daˇ heh teˇ saˇ hawˇ-eu caˇ dawˬ caˇ-eu deuˬ-euˬ teˇ saˇ tiˬ teˇ tehꞈ-ehˇ gawꞈ leˇ-awˇ, Sahˬpaˬ Miˬyehˇ-ahˇ ja ceuˬ-euˬ meh. Daˇ heh teˇ saˇ, cehˇ lehˇ ciˆ-eu teˇ saˇ hawˇ-eu, teˇ saˇ gʼawˬ mya jeˬ laˆ mahˇ-eu nehˬ-ehˇ aˬ yawꞈ maꞈ yaw kʼaˆ-ehˇ guˇ kʼaˆ laˇ-awˇ, Sahˬpaˬ Miˬyehˇ-ahˇ heu loꞈ-ehˇ caˇ-awˇ ja ceuˬ-euˬ meh. “Aˬ yawꞈ muiˬ dui dui-awˇ, Aˬ yawꞈ-euˬ gʼoeˇ-eu gaˬ-eu jeˬ, mˬ maˬ maˬ byaˆ ziꞈ-eu miˇ neh, Sahˬpaˬ Miˬyehˇ-ahˇ ja ceuˬ-awˬ.” Kʼoeˇ naˇ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ juˬ kʼoeˬ tmˬ byah-euˬ meh.