Jaceuq 145:19 - Akha

¹⁹ Aˬ yawꞈ-ahˇ taˬ huiˬ taˬ mahˇ-eu tsawˇ haˬ deuˬ kʼaˇ loˬ-eu jeˬ, aˬ yawꞈ tiˬ loꞈ biꞈ nehˬ-awˇ, aˬ yawꞈ maꞈ aˬ yawꞈ-ahˇ kuˇ ngeh ka kʼoꞈ nehˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Aqyawf, aqyawf-anr guv-eu tsawrhaq deuq geufmawf-eu jeq tiqlof bifnaeq-awr, Aqyawfmaf kur ngae, narhaq-awr kakhof naeq-eu mae.

Jaceuq 145:19 ပူးပေါင်းရင်းမြစ်များ

1 Laˬsaˬbaˬ 4:10

Ehˇ kʼawꞈ, yaˬbehˆ-aˬ, Iˇsaˬleˬlaˆ tsawˇ jeuˬ-euˬ Miˬyehˇ-ahˇ heu loꞈ-ehˇ guiˬ lahˬ shaˇ-euˬ meh. “Miˬyehˇ-oˇ, ngaˬ-ahˇ guiˬ lahˬ biꞈ-eu laꞈ kʼoeˇ, miˇ tsaˬ gʼawˬ mya ni biꞈ laꞈ-awˬ. Ngaˬ nehˬ-ehˇ jawˇ-awˇ, ngaˬ-ahˇ bi shaˬ bi zahˬ nehˬ laꞈ-eu maˬ muiˬ-eu jeˬ laꞈ kʼoeˇ bi law-iˇ nehˬ laꞈ-awˬ” lehˇ shaˇ-euˬ meh. Aˬ yawꞈ neh kʼaˇ shaˇ-euˬ jeˬ-ahˇ, Miˬyehˇ naˇ haˬ geuꞈ nehˬ-euˬ meh.

Jaceuq 20:4

Nawˇkʼaˇgeuꞈmawꞈ-eu jeˬza-awˇ, kʼaˇnoeˬ-euˬjeˬ mˇpyeuꞈnya ni, aˬyawꞈnawˬ-ahˇcaw ba luꞈ-uˇ.

Jaceuq 34:17

Tsawˇmuiˬdeuˬguˇ-eu teˇsaˇ-ahˇ, SahˬpaˬMiˬyehˇnaˇhaˬnehˬ-awˇ, shaˬzahˬdzeuˇni ka kʼoꞈ-eu meh.

Jaceuq 34:18

Nui ma tsawˬpaˆ-euˬdeuˬdawˬpeh, SahˬpaˬMiˬyehˇjawˇluꞈ-eu meh. Nui ma cawˆ-eu tsawˇhaˬdeuˬ-ahˇ, aˬyawꞈka kʼoꞈdoˆnehˬ-eu meh.

Jaceuq 34:9

Yawꞈ-euˬtsawˇmuiˬtsawˇjaˬdeuˬ-oˇ, SahˬpaˬMiˬyehˇ-ahˇ zeu baw-awˬ. Yawꞈ-ahˇkʼaˇzeu-eu tsawˇhaˬdeuˬ, kʼaˇloˬ-eu jeˬ byah kʼaˇtehꞈ-a.

Jaceuq 37:19

Haiˬ-eu aˇnah aˇyamˬ keuˆkʼawꞈ, aˬyawꞈmaꞈ maˬya shaꞈdawˇ-ehˇ, mehꞈ-eu shuꞈ-eu aˇnah oe kʼawꞈ, maˬdzaˬjiˇcoeˇni jaˆtehꞈ-a.

Jaceuq 37:4

SahˬpaˬMiˬyehˇlaꞈkʼoeˇ cehˇ-awˬ. Nawˇkʼaˇmawꞈ-eu yawˬjeˬna luꞈ, aˬyawꞈnawˬ-ahˇbiꞈlaꞈtehꞈ-a.

Jaceuq 91:15

Aˬ yawꞈ maꞈ ngaˬ-ahˇ kuˇ ngeh ngaˇ naˇ haˬ nehˬ ma. Aˬ yawꞈ maꞈ shaˬ ngeh zahˬ ngeh ngaˇ aˬ yawꞈ maꞈ nehˬ-ehˇ jawˇ-awˇ, ka kʼoꞈ-awˇ ciˬ huiˬ ciˬ mahˇ nehˬ ma.

Dawqdaq 15:29

Yaw haiˬ deuˬ-ahˇ Sahˬpaˬ Miˬyehˇ gaˇ mahˇ kaˬ-awˇ, tsawˇ muiˬ shaˇ dawˬ aˬ yawꞈ naˇ haˬ-eu meh.

Maꞈtehˬ 5:6

“Yaw tsaˬ yaw dawˇ jeˬ-ahˇ mehꞈ-eu shuꞈ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, yaw tsaˬ yaw dawˇ jeˬ-ahˇ aˬ yawꞈ maꞈ ya dzaˬ ya dawˇ dehˆ tehꞈ-a.

Luˇkaꞈ 1:53

Mehꞈ-eu shuꞈ-eu tsawˇ haˬ deuˬ-ahˇ, dzaˇ kuiˇ dzaˇ myehˇ tiˬ dehˆ biꞈ-awˇ, smˇ muiˬ smˇ baw aˬ da deuˬ-ahˇ, yawꞈ ngehꞈ-ehˇ teh dzeh nehˬ-eu meh.

Yoˇhaˬ 15:16

Naw maꞈ neh ngaˬ-ahˇ tseˇ geuꞈ-euˬ maˬ ngeuˇ-a. Ngaˬ neh naw maꞈ-ahˇ tseˇ doˆ-euˬ ma. Naw maꞈ iˇ-awˇ ziꞈ-eu gmˬ-eu aˇ siˬ gʼawˬ mya ni siˬ le-eu gʼaˇ duˬ tseˇ doˆ-euˬ ma. Kʼoeˇ ngeh jawˇ, ngaˬ-euˬ tsawˇ myahˇ laꞈ kʼoeˇ naw maꞈ kʼaˇ shaˇ-eu jeˬ, Aˬda naw maꞈ-ahˇ biꞈ nehˬ laꞈ tehꞈ-a.

Yoˇhaˬ 15:7

Naw maꞈ ngaˬ-ahˇ tsoꞈ tsaꞈ-awˇ, ngaˬ-euˬ dawˬ naw maꞈ-ahˇ tsoꞈ tsaꞈ taˬ naˇ, naw maꞈ kʼaˇ shaˇ mawꞈ-eu jeˬ shaˇ-awˬ. Kʼaˇ shaˇ-eu jeˬ za tehꞈ-a.

Yoˇhaˬ 16:24

Iˬ nah keuˆ ni, ngaˬ-euˬ tsawˇ myahˇ laꞈ kʼoeˇ naw maꞈ tiˬ jeˬ-iˬ maˬ shaˇ-aˬ siˬ. Naw maꞈ laˬ kʼaˬ cehˇ-eu jeˬ tiˬ byah tiˬ loꞈ za ni shaˇ-awˬ. Shaˇ naˇ za tehꞈ-a.”

1 Yoˇhaˬ 5:15

Aˬ dui kʼaˇ shaˇ ngeh aˬ yawꞈ naˇ haˬ nehˬ laꞈ meh lehˇ aˬ dui siˬ duˬ taˬ-euˬ miˇ neh, aˬ dui neh aˬ yawꞈ-ahˇ kʼaˇ shaˇ-euˬ jeˬ biꞈ laꞈ meh lehˇ aˬ dui siˬ nya-eu ma.