Jaceuq 145:1 - Akha

¹ Ngaˬ-euˬ sahˬ paˬ pyeuꞈ-eu ngaˬ-euˬ Miˬyehˇ-oˇ, Nawˇ huiˬ dui mahˇ dui dui-eu gaˇ kawˆ ngaˇ ja gaˬ ma. Mˬ maˬ maˬ byaˆ zaˇ ziˇ nawˬ-euˬ guiˬ lahˬ-ahˇ ngaˇ ja ceuˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ngaq-euq Miqyaer-or! Ngar, nawq-anr ciqpoeq ciqgor ma; Ngar, nawq-euq tsawrmyanr-anr, mqmaq maqbyav yarzir, li-eu maqbawni jaceuq ma.

Jaceuq 145:1 ပူးပေါင်းရင်းမြစ်များ

1 Laˬsaˬbaˬ 29:13

Nga maꞈ-eu Miˬyehˇ-oˇ, guiˬ lahˬ huiˬ dui dui miˇ-a. Yaw shehꞈ kʼahˬ sehˇ huiˬ dui dui-eu nawˬ-euˬ tsawˇ myahˇ-ahˇ nga maꞈ ja ceuˬ-eu ma.

Jaceuq 100:1

Miˇ kʼahˬ dawˬ tawˆ luꞈ Sahˬpaˬ Miˬyehˇ-ahˇ ja ceuˬ-awˬ.

Jaceuq 118:28

Nawˇ ngaˬ-euˬ Miˬyehˇ pyeuꞈ-awˇ, nawˬ-euˬ guiˬ lahˬ-ahˇ ngaˇ ja ceuˬ-eu ma. Nawˇ huiˬ dui mahˇ dui dui-eu gaˇ kawˆ ngaˇ ja ma.

Jaceuq 145:21

Sahˬpaˬ Miˬyehˇ-ahˇ aˬ myah luꞈ ngaˇ ja ceuˬ ma. Aˬ yawꞈ neh kʼaˇ beh dehꞈ taˬ-euˬ jeˬ dawˬ tawˆ luꞈ, muiˬ-eu shawˇ-eu aˬ yawꞈ-euˬ tsawˇ myahˇ-ahˇ ja ceuˬ luꞈ-uˇ.

Jaceuq 146:2

Ngaˇ yaw dehꞈ kʼaˇ dehꞈ kʼoeˇ keuˆ ni, Sahˬpaˬ Miˬyehˇ-ahˇ ja ceuˬ ma. Ngaˬ-euˬ Miˬyehˇ-ahˇ tiˬ ziˇ caˇ-awˇ ja ceuˬ ma.

Jaceuq 149:2

Iˇsaˬleˬlaˆ miˇ kʼahˬ-oˇ, nawˬ-ahˇ beh-euˬ gʼaˬ baˬ da neh laˬ kʼaˬ cehˇ-awˬ. Ziˇoˬ tsawˇ haˬ deuˬ-oˇ, naw maꞈ-euˬ sahˬ paˬ baˬ da neh laˬ kʼaˬ cehˇ-awˬ.

Jaceuq 30:1

Sahˬpaˬ Miˬyehˇ-oˇ, muiˇ-eu deuˬngaˬ-ahˇzuiˆzuiˆ-ehˇ, laˬkʼaˬmaˬbi cehˇ-eu gʼaˇduˬ, nawˇngaˬ-ahˇ ka kʼoꞈ-euˬmiˇneh, nawˬ-ahˇciˬhuiˬciˬmahˇ-eu ma.

Jaceuq 30:12

Ciˬcuˇni maˬjawˇtehˬcoeˇ-ehˇ, nawˬ-ahˇ caˇ-awˇ ja ceuˬ-eu ma. Ngaˬ-euˬSahˬpaˬMiˬyehˇgʼaˬ-oˇ, mˬmaˬmaˬbyaˆzaˇziˇ jiˇni, nawˬ-euˬguiˬlahˬ-ahˇja ceuˬma.

Jaceuq 30:2

Ngaˬ-euˬ Sahˬpaˬ Miˬyehˇ-oˇ, caw ba nehˬlaꞈlehˇ ngaˇguˇngeh, nawˇ naˇgawˇlaˆtaˬlaꞈ-euˬmeh.

Jaceuq 34:1

SahˬpaˬMiˬyehˇ-euˬguiˬlahˬ-ahˇ, aˬmyah luꞈmaˬbi tsehˆleˇni, ngaˬ-euˬkʼaˬmeh ja ceuˬ-eu ma.

Jaceuq 44:4

Ngaˬ-euˬsahˬpaˬpyeuꞈ-eu gʼaˬ-oˇ, ngaˬ-euˬMiˬyehˇpyeuꞈ-eu gʼaˬ-oˇ, Yaˬkoˆ-euˬzaˬdeuˬuˆdeuˬ-ahˇ, gʼaˬleˇ-eu jeˬnawˇbiꞈ-euˬmeh.

Jaceuq 45:1

Sahˬ paˬ gʼaˇ duˬ caˇ dawˬ heu bymˇ ngaˇ yuˇ doˆ ngeh, naˇ haˬ muiˬ-eu dawˬ kawˬ deuˬ ngaˬ-euˬ nui ma laꞈ kʼoeˇ byah luꞈ meh. Sahˬ boꞈ boꞈ nya dui dui-eu gʼaˬ-euˬ sahˬ duˇ loꞈ-ehˇ, ngaˬ-euˬ mehˬ laˇ-ahˇ caˇ dawˬ yoeˇ le luꞈ meh.

Jaceuq 45:6

Miˬyehˇ neh nawˬ-ahˇ biꞈ-euˬ miˇ kʼahˬ, mˬ maˬ maˬ byaˆ zaˇ ziˇ ziꞈ tehꞈ-a. Yaw tsaˬ yaw dawˇ laꞈ kʼoeˇ nawˬ-euˬ tsawˇ haˬ deuˬ-ahˇ nawˇ uˆ lahˇ-awˇ,

Jaceuq 5:2

Caw ba nehˬlaꞈlehˇ ngaˇshaˇgaˇ, Ngaˬ-euˬSahˬpaˬpyeuꞈ-eu Miˬyehˇ, Gʼawˬshaˬgaˬ-awˇ naˇhaˬnehˬlaꞈ. Nawˬ-ahˇngaˇguiˬlahˬshaˇ-eu ma.

Jaceuq 5:3

Sahˬpaˬ Miˬyehˇ-oˇ, uˬ shawˬ paw, ngaˬ-euˬ dawˬ-ahˇ nawˇgaˬluꞈmeh. Nahˇma doˆngeh nawˬ-ahˇ lawˇ-awˇ, nawˬ-euˬdawˬ-ahˇ loꞈluꞈ-eu ma.

Jaceuq 52:9

Miˬyehˇ-oˇ, nawˬ neh mˇ-euˬ gaˇ deuˬ baˬ da neh, nawˬ-euˬ guiˬ lahˬ-ahˇ aˬ myah luꞈ ja ceuˬ ma. Nawˬ-euˬ tsawˇ haˬ deuˬ jawˇ-eu mehˬ shi, nawˇ muiˬ-eu gaˇ kawˆ ngaˇ ja mehˬ ma.

Jaceuq 68:4

Miˬyehˇ-ahˇ caˇ-awˇ ja ceuˬ-awˬ. Aˬ yawꞈ-euˬ tsawˇ myahˇ-ahˇ caˇ-awˇ ja ceuˬ-awˬ. Mˬ dmˇ dziˬ-awˇ cah luꞈ-eu gʼaˬ-ahˇ, caˇ dawˬ caˇ-awˇ ciˬ huiˬ ciˬ mahˇ nehˬ-awˬ. Aˬ yawꞈ-euˬ tsawˇ myahˇ Sahˬpaˬ Miˬyehˇ meh. Aˬ yawꞈ mehˬ shi laˬ kʼaˬ cehˇ-awˬ.

Jaceuq 75:9

Ehˇ kʼawꞈ, Yaˬkoˆ-euˬ Miˬyehˇ gaˇ kawˆ maˬ naˬ leˇ ni ngaˇ ja-awˇ, maˬ tsehˆ leˇ ni caˇ-awˇ ja ceuˬ ma.

Jaceuq 95:3

Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, Baoˬ huiˬ-eu Miˬyehˇ pyeuꞈ-awˇ, Miˬyehˇ dawˬ tawˆ kʼoeˇ taˆ baoˬ huiˬ-eu sahˬ paˬ meh.

Jaceuq 96:2

Sahˬpaˬ Miˬyehˇ-ahˇ ja ceuˬ-eu caˇ dawˬ caˇ-awˇ, aˬ yawꞈ-euˬ tsawˇ myahˇ-ahˇ ciˬ huiˬ ciˬ mahˇ-awˬ. Aˬ yawꞈ ka kʼoꞈ nehˬ laꞈ-euˬ laˬ kʼaˬ cehˇ-eu guiˬ lahˬ dawˬ, yawˬ nah na luꞈ ja gaˬ-awˬ.

Iˇsaˬyaˇ 33:22

Sahˬpaˬ Miˬyehˇ aˬ dui kʼoeˇ taˆ uˆ lahˇ-eu meh. Sahˬpaˬ Miˬyehˇ aˬ dui-ahˇ zahˇ dawˬ kʼoꞈ dawˬ biꞈ laꞈ-awˇ, Sahˬpaˬ Miˬyehˇ aˬ dui-euˬ sahˬ paˬ meh. Aˬ dui-ahˇ aˬ yawꞈ ka kʼoꞈ laꞈ-eu meh.

Iˇsaˬyaˇ 38:20

Sahˬpaˬ Miˬyehˇ-oˇ, nawˇ ngaˬ-ahˇ laˆ taˬ nehˬ laꞈ-euˬ meh. Nga maꞈ deuˇ-mˬ diˬ-awˇ nawˬ-ahˇ ja ceuˬ-eu ma. Nga maꞈ yaw dehꞈ dehꞈ-eu tiˬ ziˇ, nawˬ-euˬ Uˬ duˬ tahˬ nymˇ nymˇ ma laꞈ kʼoeˇ, ja ceuˬ-eu caˇ dawˬ caˇ-eu ma.

Daˬyeˬlaˇ 4:37

“Nymˬ-mˇ poˆ jawˇ, ngaˇ Neˬbuˬkaˬneˬzaˬ-aˬ, mˬ taˆ Sahˬ paˬ-ahˇ ja ceuˬ-awˇ taˬ huiˬ-eu uˬ taꞈ, ciˬ huiˬ ciˬ mahˇ dui dui-eu ma. Aˬ yawꞈ neh kʼaˇ mˇ kʼaˇ shaˇ-euˬ jeˬ tsaˬ dui dawˇ dui dui-awˇ, nui ma huiˬ-eu mahˇ-eu tsawˇ haˬ-ahˇ aˬ yawꞈ zuiˆ gʼaˬ nya-eu meh.”

Maˬlaˬkiˇ 1:14

Jeˬ zaˬ kuˆ laꞈ kʼoeˇ, ngaˬ-ahˇ biꞈ ma lehˇ ehˇ taˬ-euˬ jeˬ shawˇ jawˇ kʼawꞈ, maˬ shawˇ-eu jeˬ zaˬ tsahˇ-awˇ ngaˬ-ahˇ lawˇ nehˬ laˇ-euˬ mehˇ shuiˇ shuiˇ-eu tsawˇ haˬ-aˬ, yaˬ kʼehˇ yaˬ gaˇ ya daˬ tehꞈ-a. Aˬ jeˬ miˇ neh ehˇ naˇ, ngaˇ-aˬ, huiˬ dui dui-eu sahˬ paˬ pyeuꞈ-awˇ, miˇ tsaˬ tsawˇ jeuˬ dawˬ tawˆ luꞈ ngaˬ-ahˇ guˆ-eu meh.”

Maꞈtehˬ 25:34

Kʼoeˇ naˇ, aˬ yawꞈ-euˬ aˇ maˇ paw jawˇ-eu tsawˇ haˬ deuˬ-ahˇ Sahˬ paˬ heu loꞈ-ehˇ ehˇ nehˬ tehꞈ-a. ‘Ngaˬ Da neh guiˬ lahˬ biꞈ taˬ-euˬ tsawˇ haˬ deuˬ-oˇ, laˇ-awˬ. Mˬ beh miˇ beh ngeh neh naw maꞈ gʼaˇ duˬ lehˬ hmˬ taˬ-euˬ miˇ kʼahˬ-ahˇ jawˇ laˇ-awˬ.

Panmaeq 19:16

Aˬ yawꞈ-euˬ pehˇ kʼahˬ pehˇ mahˇ hawˇ-eu shaˬ pyaˬ-ahˇ, “Sahˬ paˬ kʼoeˇ taˆ Sahˬpaˬ” lehˇ boꞈ taˬ-euˬ meh.