Jaceuq 140:13 - Akha

¹³ Yaw tsaˬ yaw dawˇ tsawˇ haˬ deuˬ nawˬ-ahˇ aˬ diˇ ja ceuˬ-awˇ, nawˬ-euˬ mehˬ shi aˬ yawꞈ maꞈ ya dehꞈ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Yawduq bawni, tsaq-awr dawr-eu tsawrhaq-aq, nawq-euq tsawrmyanr-anr jaceuq-awr, Dawrcoeni daef-eu tsawrhaq-aq, nawq-euq maeqshi yajawr taef-a.

Jaceuq 140:13 ပူးပေါင်းရင်းမြစ်များ

Yawˇbaˆ 36:6

Haiˬ-eu tsawˇ haˬ deuˬ-ahˇ aˬ yawꞈ maˬ bi dehꞈ-a. Ehˇ kʼawꞈ, shaˬ zaˬ zahˬ zaˬ-ahˇ yaw tsaˬ yaw dawˇ laꞈ kʼoeˇ haw nehˬ pyaˆ nehˬ-eu meh.

Jaceuq 11:7

Tsaˬ-eu dawˇ-eu SahˬpaˬMiˬyehˇ, yaw tsaˬyaw dawˇmˇgaˇgaˬ-awˇ, kʼoeˇloꞈ-ehˇ mˇ-eu tsawˇhaˬdeuˬ, aˬyawꞈmehˬshi ya dehꞈtehꞈ-a.

Jaceuq 16:11

Dehꞈ-eu saꞈlaˇgaˇma tiˬkahˇ, nawˇngaˬ-ahˇtoeˬmehˬnehˬlaꞈ-awˇ, nawˬ-euˬmehˬshi ngaˇya jawˇngeh, laˬkʼaˬcehˇ-eu jeˬbyah-eu meh. Aˬmyah luꞈ laˬkʼaˬcehˇ-eu jeˬ, nawˬ-euˬaˇmaˇlaꞈ-ahˇjaˆmeh.

Jaceuq 23:6

Nawˬ-euˬguiˬlahˬyaw dzahˇhawˇ-eu, nawˇgʼawˬshaˬgaˬnehˬlaꞈ-eu jeˬ, maˬ shiˇ tiˬ ziˇ ngaˬ-euˬ kʼoeˇ taˆ, maˬbyehˇni caw teh le tehꞈ-a. SahˬpaˬMiˬyehˇ-euˬnymˇlaꞈkʼoeˇ, mˬmaˬmaˬbyaˆzaˇziˇjawˇma.

Jaceuq 32:11

Tsaˬeu dawˇ-eu tsawˇhaˬdeuˬ-oˇ, SahˬpaˬMiˬyehˇlaꞈkʼoeˇcehˇ-awˬ. Nui ma dawˇ-eu tsawˇhaˬdeuˬ-oˇ, laˬkʼaˬcehˇdui dui-awˇguˇ-awˬ.

Jaceuq 35:10

Ngaˬ-euˬpuˇnmꞈlaꞈkʼoeˇkeuˆni, SahˬpaˬMiˬyehˇ-ahˇehˇ-eu ma. “Nawˬ-ahˇduˇ-eu aˬsuˇjawˇta. Gʼaˬkʼaˆaˬda laꞈoˆshaˬ-eu, gʼaˬbaˬ-eu deuˬ-ahˇka kʼoꞈ-awˇ, nawˬdzaˬkʼaˆdzaˬgaˇdaˬluꞈ-eu, shaˬzaˬ-ahˇnawˇka kʼoꞈ-eu meh.”

Jaceuq 73:24

Nawˇ ngaˬ-ahˇ mehˬ-awˇ tsoˆ-awˇ sheuˬ gʼeh-eu laꞈ kʼoeˇ, aˇ saˬ saˬ laˇ ngeh nawˇ ngaˬ-ahˇ ciˬ huiˬ ciˬ mahˇ nehˬ laꞈ tehꞈ-a.

Jaceuq 97:12

Sahˬpaˬ Miˬyehˇ neh mˇ-euˬ gaˇ baˬ da neh, yaw tsaˬ yaw dawˇ tsawˇ haˬ dawˬ tawˆ luꞈ laˬ kʼaˬ cehˇ-awˬ. Muiˬ-eu shawˇ-eu Miˬyehˇ neh mˇ-euˬ gaˇ-ahˇ noeˬ keuˆ-awˇ, aˬ yawꞈ-euˬ guiˬ lahˬ-ahˇ ja ceuˬ-awˬ.

Dawqdaq 22:23

Sahˬpaˬ Miˬyehˇ aˬ yawꞈ maꞈ jawˇ paw pyawˬ-awˇ, aˬ yawꞈ maꞈ-ahˇ laˆ shaˬ-eu tsawˇ haˬ uˬ kʼawˇ deuˬ ni jahˇ kʼoꞈ nehˬ tehꞈ-a. -2-

Iˇsaˬyaˇ 3:10

Yaw tsaˬ yaw dawˇ tsawˇ haˬ deuˬ-aˬ, aˬ yawꞈ maꞈ dehꞈ dzeuˇ mˇ dzeuˇ-euˬ yaw muiˬ jeˬ, guiˬ lahˬ gʼoꞈ kʼoꞈ le-awˇ, laˬ kʼaˬ ya cehˇ tehꞈ-a lehˇ ehˇ nehˬ-awˬ.

Yoˇhaˬ 14:3

Ngaˇ jawˇ zaˇ laˆ saˆ leˇ gʼaˬ ngeh, naw maꞈ-ahˇ paˇ sheuˬ laˬ le-awˇ, ngaˬ nehˬ-ehˇ bi jawˇ laˇ ma.

Yoˇhaˬ 17:24

Aˬda-oˇ, nawˬ neh biꞈ laꞈ-euˬ tsawˇ haˬ heu deuˬ nawˇ ngaˬ-ahˇ biꞈ laꞈ-euˬ yaw shehꞈ kʼahˬ sehˇ-ahˇ mawˇ nya ni, aˬ yawꞈ maꞈ-ahˇ ngaˇ kʼaˇ jawˇ gaˇ bi jawˇ mawꞈ-eu ma. Aˬ jeˬ miˇ neh ehˇ naˇ, miˇ tsaˬ tahˬ kʼawˇ maˬ beh mi naˆ-ehˇ nawˇ ngaˬ-ahˇ gaˬ-euˬ meh.

1 Teˇsaˬloˇni 4:17

Kʼoeˇ naˇ, kʼoeˇ ngeh dehꞈ luꞈ-eu aˬ dui maꞈ kʼawꞈ, aˬ yawꞈ maꞈ nehˬ-ehˇ mˬ dmˇ laꞈ kʼoeˇ tiˬ kawˆ loꞈ-ehˇ uiˬ leˇ-awˇ, mˬ taˆ yaw goˇ-ahˇ Sahˬpaˬ Yeˬsuˇ-ahˇ ya tahˬ puˬ leˇ tehꞈ-a. Kʼoeˇ naˇ, aˬ myah luꞈ Sahˬpaˬ Yeˬsuˇ nehˬ-ehˇ ya jawˇ tehꞈ-a.