Jaceuq 131:1 - Akha

¹ Sahˬpaˬ Miˬyehˇ-oˇ, nui ma huiˬ-eu mahˇ-eu jeˬ ngaˇ byehˇ dzeh-awˇ, nui nahˬ nui yu laꞈ kʼoeˇ dehꞈ ma. Ngaˇ maˬ gʼaˬ leˇ-eu kʼaˆ-eu shaˬ-eu gaˇ deuˬ ngaˇ maˬ mˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ya’we Miqyaer-or! Ngaq-euq nuima maqhuiq-aer, Ngaq-euq myavnuiv khawf, janrghae-eu jeq maqanr; Ngar, ardzaeq-aer huiq-eu garkawv maq sharnoeq-aer, Yawqha-anr maqgeux-eu jeq maq sharsawx-aq.

Jaceuq 131:1 ပူးပေါင်းရင်းမြစ်များ

2 Saˬmeuˬlaˆ 6:22

Kʼoeˇ loꞈ-ehˇ mˇ-eu miˇ neh, heu naˆ maˬ tseˇ daˬ ya ga kʼawꞈ ehˬ-ehˇ ngeuˇ-iˬ. Nawˇ ngaˬ-ahˇ noeˬ teˬ dui dui kʼawꞈ, zaˬ miˬ aˬ buˇ zaˬ guˬ kʼoeˇ deuˬ ngaˬ-ahˇ noeˬ huiˬ meh.”

Yawˇbaˆ 42:3

Ngaˬ-euˬ tsawˇ gahˇ-ahˇ teh ngehˬ laˇ-eu tsawˇ gahˇ tiˬ pawꞈ-iˬ maˬ ahˇ-eu tsawˇ haˬ heu gʼaˬ aˬ suˇ gʼaˬ-a lehˇ, nawˇ ngaˬ-ahˇ naˇ haˬ-eu meh. Ngaˬ-euˬ gʼaˇ duˬ zahˬ dui dui leˇ paˬ-ehˇ gʼeh-eu ngaˇ maˬ siˬ nya-eu gaˇ kawˆ deuˬ-ahˇ ngaˇ ngehˬ dzeuˇ tmˇ dzeuˇ-euˬ ma.

Jaceuq 101:5

Aˬ cawˬ kʼoeˇ taˆ yaw haiˬ jeˬ mˇ-eu gʼaˇ duˬ dawˬ saˆ saˆ kʼoeˬ-eu tsawˇ haˬ-ahˇ, ngaˇ yahˇ pawˇ ma. Nui ma huiˬ-awˇ smˇ kʼaˆ kʼaˆ dzaˬ-eu tsawˇ haˬ-ahˇ ngaˇ maˬ taꞈ.

Jaceuq 122:1

Sahˬpaˬ Miˬyehˇ-euˬ nymˇ-ahˇ le kaˇ-euˇ lehˇ aˬ cawˬ ngaˬ-ahˇ ehˇ ngeh, ngaˇ laˬ kʼaˬ cehˇ-euˬ ma.

Jaceuq 124:1

Iˇsaˬleˬlaˆ tsawˇ jeuˬ-oˇ, Sahˬpaˬ Miˬyehˇ aˬ dui jawˇ paw maˬ pyawˬ law nmˇ-aˬ, aˬ joˆ-ehˇ pyeuꞈ dzeuˇ-euˬ nmˇ lehˇ ehˇ haw sheˇ.

Jaceuq 133:1

Miˬyehˇ-euˬ tsawˇ haˬ deuˬ nui ma taꞈ-awˇ dehꞈ-eu jeˬ, aˇ naˆ ni zahˬ leˇ paˬ-ehˇ gʼeh-awˇ, aˇ naˆ ni laˬ kʼaˬ cehˇ paˬ-ehˇ gʼeh-eu nga.

Jaceuq 139:6

Nawˇ ngaˬ-euˬ gaˇ kawˆ siˬ nya-eu naꞈ dui dui-awˇ, ngaˇ maˬ noeˬ keuˆ coeˇ gaˇ keuˆ ni siˬ nya-eu meh.

Dawqdaq 21:4

Haiˬ-eu deuˬ-euˬ nui ma yaw huiˬ yaw mahˇ, iˬ baˇ huiˬ dui dui meh.

Yeˬlaˬmiˇ 17:16

Ehˇ kʼawꞈ ni Sahˬpaˬ Miˬyehˇ-oˇ, aˬ yawꞈ maꞈ kʼoeˇ taˆ shaˬ zahˬ bi keuˆ le-awˬ lehˇ nawˬ-ahˇ ngaˇ maˬ shaˇ-aˬ. Aˬ yawꞈ maꞈ-ahˇ shaˬ zahˬ laˆ naꞈ nehˬ mawꞈ-eu nui ma ngaˬ-euˬ laꞈ kʼoeˇ maˬ ahˇ-eu nawˇ siˬ nya meh. Ngaˬ neh kʼaˇ ngehˬ kʼaˇ tmˇ-euˬ jeˬ dawˬ tawˆ luꞈ nawˇ siˬ nya jiˇ meh.

Yeˬlaˬmiˇ 45:5

Nawˬ-ahˇ muiˬ laˇ-eu jeˬ-ahˇ nawˇ poˆ te loˇ. Kʼoeˇ loꞈ-ehˇ taˬ gʼeh. Tsawˇ haˬ dawˬ tawˆ luꞈ kʼoeˇ taˆ, luˬ-iˇ seˇ-iˇ-eu jeˬ ngaˇ bi keuˆ le ma. Ehˇ kʼawꞈ, nawˇ aˬ geu gaˇ jawˇ-eu maˬ kaˬ, maˬ ya shiˇ ni dzeuˇ-iˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Bawˇtsahˬ 12:3

(Moˇseˬ-aˬ, nui ma nahˬ yu ni gʼeh-awˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ laꞈ kʼoeˇ, aˬ cawˬ naˆ maˬ tseˇ nui nahˬ nui yu ahˇ-eu tsawˇ haˬ tiˬ gʼaˬ pyeuꞈ-eu meh.)

Maꞈtehˬ 11:29

Ngaˬ-euˬ kʼaˆ baꞈ baꞈ-awˇ ngaˬ-ahˇ dzaw geuꞈ-awˬ. Aˬ jeˬ miˇ neh ehˇ naˇ, ngaˇ-aˬ, nui nahˬ nui yu ahˇ-awˇ, naw maꞈ-euˬ saꞈ laˇ gʼaˬ doeˇ dah kʼaˇ za ma.

Gʼaˬkʼehˇ 20:19

Yuˇdaˆ tsawˇ haˬ deuˬ ngaˬ-ahˇ sehꞈ-eu lehˇ nawˬ jawˬ-eu miˇ neh shaˬ dui dui-euˬ aˇ yamˬ kʼoeˇ yamˬ-ahˇ, nui nahˬ nui yu ahˇ-awˇ myaˆ biˇ doˆ-eu laꞈ kʼoeˇ Sahˬpaˬ Miˬyehˇ-euˬ zaˬ kʼaˆ geuꞈ-awˇ gaˇ mˇ yaꞈ-euˬ ma.

Lormav 11:33

Miˬyehˇ-euˬ guiˬ lahˬ aˇ naˆ ni huiˬ-eu nga. Aˬ yawꞈ-euˬ zaˬ siˬ nui gahˇ aˇ naˆ ni naꞈ-eu nga. Aˬ yawꞈ neh noeˬ tsehˆ-euˬ jeˬ-ahˇ tsawˇ haˬ tiˬ gʼaˬ-iˬ maˬ siˬ nya-ehˇ, aˬ yawꞈ aˬ jeˬ miˇ neh kʼoeˇ loꞈ-ehˇ mˇ-eu gaˇ kawˆ-ahˇ tsawˇ haˬ tiˬ gʼaˬ-iˬ maˬ gʼoˆ shaw nya-a.

Lormav 12:16

Tsawˇ haˬ yawˬ gʼaˬ na luꞈ kʼoeˇ taˆ nui ma tiˬ kawˆ loꞈ-ehˇ taˬ-awˬ. Huiˬ mawꞈ mahˇ mawꞈ-eu nui ma taˬ bi ahˇ. Tsawˇ teˬ zaˬ deuˬ-ahˇ kʼawꞈ cawˬ cawˬ-awˬ. Yawˬ haˇ yawˬ ha zaˬ siˬ tsawˇ gahˇ ahˇ ma lehˇ taˬ noeˬ.

Dawˬmehˬ 17:20

Kʼoeˇ loꞈ-ehˇ gui naˇ, “Ngaˇ-aˬ, ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ naˆ maˬ tseˇ huiˬ dzehˬ ma’ lehˇ aˬ yawꞈ maˬ noeˬ-ehˇ, Sahˬpaˬ Miˬyehˇ -euˬ zahˇ dawˬ kʼoꞈ dawˬ-ahˇ tiˬ jeˬ gʼeh-awˇ neh-iˬ maˬ puiˬ ni dehꞈ tehꞈ-a. Kʼoeˇ naˇ, aˬ yawꞈ gʼawˬ mya kʼoꞈ keuˆ ni sahˬ paˬ geuꞈ-awˇ ya uˆ lahˇ tehꞈ-a. Aˬ yawꞈ-euˬ zaˬ deuˬ uˆ deuˬ kʼawꞈ, gʼawˬ mya ziˇ keuˆ ni Iˇsaˬleˬlaˆ miˇ kʼahˬ-ahˇ ya uˆ lahˇ tehꞈ-a.

1 Teˇsaˬloˇni 2:10

Naw maꞈ jawˇ gaˇ nga maꞈ neh mˇ yaꞈ shaˇ yaꞈ-euˬ kʼoeˇ-aˬ, muiˬ-eu shawˇ-eu tsaˬ-eu dawˇ-eu jeˬ pyeuꞈ-awˇ, iˬ baˇ taˬ kʼaˇ maˬ za-eu gaˇ kawˆ naw maꞈ hawˇ-eu Miˬyehˇ siˬ duˬ mawˇ duˬ-euˬ meh.

1 Saˬmeuˬlaˆ 16:13

Saˬmeuˬlaˆ saˬ loˬ tsiˇ yuˇ-awˇ, aˬ yawꞈ-euˬ aˇ doˆ deuˬ mehˬ shi Daˬbiˇ-ahˇ tsiˇ shehˆ daˆ nehˬ-euˬ meh. Sahˬpaˬ Miˬyehˇ-euˬ yaw sahˇ Daˬbiˇ-ahˇ ja pyuˬ ni uˆ lahˇ le-awˇ, kʼoeˇ ngeh nah neh naˇ, yaw sahˇ kʼoeˇ aˬ yawꞈ nehˬ-ehˇ jawˇ-euˬ meh. Kʼoeˇ naˇ, Laˬmahˇ meuˬ-ahˇ Saˬmeuˬlaˆ gʼoꞈ leˇ-euˬ meh.

1 Saˬmeuˬlaˆ 16:18

Aˬ yawꞈ-euˬ zaˬ kʼaˆ tiˬ gʼaˬ ehˇ-eu, “Behˬlehˬhehˬ meuˬ-ahˇ jawˇ-eu Yeˬshehˇ lehˇ myahˇ-euˬ tsawˇ haˬ kʼoeˇ gʼaˬ deuˇ-mˬ yaw muiˬ paˬ-ehˇ diˬ nya-eu aˬ li tiˬ li jawˇ meh. Aˬ li kʼoeˇ gʼaˬ nui ma kʼaˬ duˬ ni gʼeh-awˇ aˇ gʼehˇ muiˬ-eu uˬ taꞈ, muiˬ-eu yehˇ tiˬ gʼaˬ pyeuꞈ-awˇ, dawˬ ngehˬ-eu kʼawꞈ yaw nya meh. Aˬ yawꞈ nehˬ-ehˇ Sahˬpaˬ Miˬyehˇ jawˇ-eu meh.”

1 Saˬmeuˬlaˆ 16:22

“Daˬbiˇ-ahˇ ngaˇ nui kʼahˇ shiˇ dui dui nya. Teu miˇ neh ngaˬ-euˬ gaˇ mˇ-awˇ ngaˬ nehˬ-ehˇ bi jawˇ ma” lehˇ, Yeˬshehˇ-ahˇ bi tsaꞈ gaˬ-iˇ-euˬ meh.

1 Saˬmeuˬlaˆ 17:15

Daˬbiˇ gʼaˬ maˬ myahˇ kaˬ-ahˇ Behˬlehˬhehˬ meuˬ-ahˇ gʼoꞈ-iˇ-awˇ, aˬ yawꞈ aˬ da-euˬ yawˇ deuˬ-ahˇ ya haw-iˇ-eu meh.

1 Saˬmeuˬlaˆ 18:23

Gaˇ kawˆ kʼoeˇ Daˬbiˇ-ahˇ aˬ yawꞈ maꞈ ehˇ nehˬ ngeh, “Ngaˇ loꞈ-ehˇ gʼeh-eu teˬ dui dui-eu yaw shaˬ zaˬ tiˬ gʼaˬ, sahˬ paˬ-euˬ zaˬ miˬ yuˇ-eu gʼaˇ duˬ maˬ awˬ-a” lehˇ Daˬbiˇ ehˇ-eu meh.