Jaceuq 130:7 - Akha

⁷ Iˇsaˬleˬlaˆ tsawˇ jeuˬ-oˇ, Sahˬpaˬ Miˬyehˇ-ahˇ gʼoe-awˬ. Aˬ yawꞈ-euˬ gʼoeˇ-eu gaˬ-eu jeˬ maˬ tsehˆ leˇ nya-ehˇ, aˬ dui-ahˇ ka kʼoꞈ mawꞈ-eu nui ma jaˆ-eu miˇ neh, aˬ yawꞈ-ahˇ gʼoe-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Irsaqleqlav-or! Ya’we Miqyaer-anr noeqtmq-awq! Aqjeq mirnae aernar-aq, Ya’we Miqyaer jawr-eu gar maqtsaev-ir nya-eu gaq-eu jeq jav-awr, Aqyawf naeq-aer tiqbyanni kakhof-eu jeq jav-eu mae.

Jaceuq 130:7 ပူးပေါင်းရင်းမြစ်များ

Jaceuq 130:4

Ehˇ kʼawꞈ nawˬ-euˬ mehˬ shi nga maꞈ guˆ-awˇ yawꞈ laˇ coeˇ ni, iˬ baˇ pyehˬ nehˬ laꞈ-awˬ.

Jaceuq 131:1

Sahˬpaˬ Miˬyehˇ-oˇ, nui ma huiˬ-eu mahˇ-eu jeˬ ngaˇ byehˇ dzeh-awˇ, nui nahˬ nui yu laꞈ kʼoeˇ dehꞈ ma. Ngaˇ maˬ gʼaˬ leˇ-eu kʼaˆ-eu shaˬ-eu gaˇ deuˬ ngaˇ maˬ mˇ.

Jaceuq 131:3

Iˇsaˬleˬlaˆ tsawˇ jeuˬ-oˇ, Sahˬpaˬ Miˬyehˇ-ahˇ gʼoe-awˬ. Mˬ maˬ maˬ byaˆ zaˇ ziˇ aˬ yawꞈ-ahˇ gʼoe-awˬ.

Jaceuq 40:3

Yawꞈ-ahˇceuˬ-eu caˇdawˬyaw shuiꞈ, yawꞈngaˬ-ahˇmehˬnehˬlaꞈ-euˬmeh. Ya gaˬya mawˇ-eu tsawˇhaˬdeuˬ, guˆ-eu nui ma ahˇ-eu laꞈkʼoeˇ, SahˬpaˬMiˬyehˇ-ahˇgʼoe tehꞈ-a.

Jaceuq 71:5

Sahˬpaˬ Miˬyehˇ-oˇ, nawˬ-ahˇ ngaˇ noeˬ tmˬ-eu ma. Nyiˇ ngeh neh nawˬ-ahˇ ngaˇ gʼoe-euˬ ma.

Jaceuq 86:15

Ehˇ kʼawꞈ Sahˬpaˬ Miˬyehˇ-oˇ, nawˇ-aˬ gʼawˬ shaˬ gaˬ nya-awˇ, gʼoeˇ-eu gaˬ-eu jeˬ byah-eu Miˬyehˇ pyeuꞈ-eu uˬ taꞈ, nui ma gʼawˬ mahˇ ni taˬ nya-awˇ gʼawˬ shaˬ gaˬ-eu laꞈ kʼoeˇ, saˇ jaˇ ziꞈ-eu meh.

Jaceuq 86:5

Nawˇ nga maꞈ kʼoeˇ taˆ muiˬ-awˇ iˬ baˇ pyehˬ-eu laꞈ kʼoeˇ, nawˬ-ahˇ guiˬ lahˬ shaˇ-eu tsawˇ haˬ deuˬ-ahˇ, maˬ tsehˆ leˇ ni gaˬ-eu meh.

Iˇsaˬyaˇ 55:7

Haiˬ-euˬ tsawˇ haˬ deuˬ dehꞈ jeˬ dehꞈ kawˆ bi paˇ-awˇ, nui noeˬ bi paˇ laˇ-awˬ. Aˬ yawꞈ maꞈ-ahˇ Sahˬpaˬ Miˬyehˇ jawˇ paw bi gʼoꞈ laˇ-awˇ, gʼawˬ shaˬ bi haw gaˬ-awˬ. Aˬ yawꞈ maꞈ Miˬyehˇ jawˇ paw gʼoꞈ laˇ ngeh, iˬ baˇ dawˬ tawˆ luꞈ-ahˇ pyehˬ nehˬ tehꞈ-a.

Zeˬpaˬniˇ 3:12

Nui nahˬ nui yu ahˇ-eu laꞈ kʼoeˇ, ngaˬ-ahˇ gʼoe-eu tsawˇ haˬ tiˬ deuˬ, naw maꞈ nehˬ-ehˇ ngaˇ bi jawˇ ma.

Luˇkaꞈ 14:22

Tiˬ kʼehˬ keuˆ laˇ ngeh, zaˬ kʼaˆ kʼoeˇ gʼaˬ ehˇ-eu, ‘Baw leˬ-oˇ, nawˬ neh ehˇ-euˬ loꞈ-ehˇ kuˇ uiˬ taˬ-euˬ ma. Ehˇ kʼawꞈ, jawˇ duˬ gʼawˬ mya ni ngehꞈ nga siˬ.’

Lormav 8:24

A dui-euˬ noeˬ tmˬ-eu jeˬ baˬ da neh, ka kʼoꞈ-eu jeˬ za-euˬ ma. Noeˬ tmˬ-eu jeˬ-ahˇ ya mawˇ gʼaˬ shaw naˇ, kʼoeˇ-aˬ, noeˬ tmˬ-eu jeˬ maˬ paˇ ngeuˇ meh. Ya mawˇ luꞈ-eu jeˬ-ahˇ noeˬ tmˬ-eu aˬ suˇ gʼaˬ jawˇ ta.

HeˬByehˇ 10:35

Kʼoeˇ miˇ neh, naw maꞈ nui ma ziꞈ-eu jeˬ-ahˇ taˬ byehˇ dzeh. Aˬ jeˬ miˇ neh ehˇ naˇ, kʼoeˇ baˬ da neh huiˬ dui dui-eu laꞈ sawˬ naw maꞈ za tehꞈ-a.

Panmaeq 5:9

Aˬ yawꞈ maꞈ caˇ dawˬ yaw shuiꞈ heu loꞈ-ehˇ caˇ-eu meh. “Sehꞈ-eu jeˬ-ahˇ nawˇ ya daˬ-awˇ, gʼawˇ mawˇ lawˇ dah nehˬ-eu laꞈ kʼoeˇ, miˇ tsaˬ tsawˇ jeuˬ tsawˇ ca dawˬ tawˆ, Miˬyehˇ jawˇ gaˇ gʼoꞈ keuˆ laˇ ni, nawˇ sheuˬ kʼoꞈ ha nehˬ-euˬ miˇ neh, sahˬ boꞈ paˇ yoˆ-ahˇ nawˇ yuˇ-awˇ, jmˬ diˬ taˬ-euˬ ngawˬ paˆ nya ni, nawˇ mˇ geuˇ-eu gʼaˬ pyeuꞈ-eu meh.