Jaceuq 125:1 - Akha

¹ Sahˬpaˬ Miˬyehˇ-ahˇ gʼoe-eu tsawˇ haˬ deuˬ-aˬ, tiˬ jawˇ-iˬ maˬ jiˆ maˬ paˇ laˇ ni ziꞈ-eu Ziˇoˬ gawˬ jawˬ-ahˇ duˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ya’we Miqyaer-anr ghoe-eu tsawrhaq deuq-aq, Tiqjawr-iq maq nyilar-aer, mqmaq maqbyav yarzir zif-eu Ziroq gawqjawq-anr dur-eu mae.

Jaceuq 125:1 ပူးပေါင်းရင်းမြစ်များ

1 Laˬsaˬbaˬ 5:20

Aˬ yawꞈ maꞈ Miˬyehˇ-ahˇ jah-eu laꞈ kʼoeˇ “Caw ba nehˬ laꞈ-awˬ” lehˇ guiˬ lahˬ shaˇ-euˬ loꞈ-ehˇ, aˬ yawꞈ maꞈ-euˬ shaˇ dawˬ-ahˇ Miˬyehˇ naˇ haˬ nehˬ-awˇ, Haˬgaˬliˇ tsawˇ jeuˬ hawˇ-eu aˬ yawꞈ maꞈ nehˬ-ehˇ kʼaˇ gm leˇ-euˬ deuˬ kʼoeˇ taˆ guiˇ bi deuˆ gʼaˬ-euˬ meh.

2 Laˬsaˬbaˬ 20:20

Yawˬ nah yawˬ uˬ shawˬ yaw naꞈ-ehˇ, Teˬkawˬ meuˬ dawˬ peh jaˆ-eu bawˇ tsahˬ bawˇ dahˇ-ahˇ aˬ yawꞈ maꞈ iˇ-euˬ meh. Aˬ yawꞈ maꞈ doˆ-iˇ ngeh, aˬ yawꞈ maꞈ-ahˇ Yeˬhawˇshaˬpaˇ heu loꞈ-ehˇ ehˇ nehˬ-euˬ meh. “Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ naw maꞈ gʼoe-awˇ, nui ma ziꞈ dah ni taˬ-awˬ. Aˬ yawꞈ-euˬ gʼaˇ duˬ ngehˬ dah-eu gʼaˬ neh ehˇ-euˬ dawˬ-ahˇ naw maꞈ jah-awˬ. Kʼoeˇ loꞈ-ehˇ jah naˇ, naw maꞈ gʼaˬ leˇ tehꞈ-a.”

Jaceuq 120:1

Shaˬ-eu zahˬ-eu jeˬ-ahˇ ngaˇ ya tahˬ puˬ-awˇ, Sahˬpaˬ Miˬyehˇ-ahˇ kuˇ ngeh, ngaˬ-euˬ kuˇ dawˬ-ahˇ aˬ yawꞈ naˇ haˬ-eu meh.

Jaceuq 121:1

Ngaˬ-ahˇ caw ba-eu jeˬ aˬ gaˇ neh doˆ le nmˇ lehˇ, gawˬ jawˬ-ahˇ ngaˇ gʼawˇ leuˇ haw-eu ma.

Jaceuq 122:1

Sahˬpaˬ Miˬyehˇ-euˬ nymˇ-ahˇ le kaˇ-euˇ lehˇ aˬ cawˬ ngaˬ-ahˇ ehˇ ngeh, ngaˇ laˬ kʼaˬ cehˇ-euˬ ma.

Jaceuq 123:1

Sahˬpaˬ Miˬyehˇ-oˇ, nawˬ-ahˇ ngaˇ gʼawˇ leuˇ haw-eu ma. Nawˇ uˆ lahˇ luꞈ-eu mˬ kʼoeˇ taˆ ngaˇ gʼawˇ leuˇ haw-eu ma.

Jaceuq 124:1

Iˇsaˬleˬlaˆ tsawˇ jeuˬ-oˇ, Sahˬpaˬ Miˬyehˇ aˬ dui jawˇ paw maˬ pyawˬ law nmˇ-aˬ, aˬ joˆ-ehˇ pyeuꞈ dzeuˇ-euˬ nmˇ lehˇ ehˇ haw sheˇ.

Jaceuq 147:11

Ehˇ kʼawꞈ, aˬ yawꞈ-ahˇ taˬ huiˬ-eu tsawˇ haˬ deuˬ hawˇ-eu, maˬ tsehˆ leˇ nya-eu aˬ yawꞈ-euˬ gʼoeˇ-eu gaˬ-eu jeˬ-ahˇ gʼoe-eu tsawˇ haˬ deuˬ-ahˇ, aˬ yawꞈ nui kʼahˇ shiˇ-eu meh.

Jaceuq 20:8

Yawꞈmaˬya coˬdzeh jiˇkʼawꞈni, aˬdui ziꞈdah ni yawꞈ-eu ma.

Jaceuq 25:2

Ngaˬ-euˬ Miˬyehˇ-oˇ, nawˬ-ahˇ ngaˇgʼoe-eu ma. Ngaˬ-euˬmyaˆpyawˬtaˬbi cawˆlaꞈ. Muiˇ-eu deuˬneh taˬbi gʼaˬlaꞈ.

Jaceuq 25:8

Sahˬpaˬ Miˬyehˇmuiˬ-awˇjaˬ-awˇ, tsaˬdui dawˇdui dui-eu miˇneh, yaw tsaˬyaw dawˇgaˇma cah ni, Iˬbaˇzaˬ-ahˇmehˬnehˬ-eu meh.

Jaceuq 27:1

SahˬpaˬMiˬyehˇngaˬ-euˬyaw shehꞈ, ngaˬ-ahˇka kʼoꞈ-eu yaw sahˇmeh. Aˬsuˇgʼaˬ-ahˇngaˇpaˇguˆnmˇ. SahˬpaˬMiˬyehˇngaˬ-euˬgʼaˇduˬ, ziꞈdui dui-eu taˆpyeuꞈ-eu meh. Aˬgeu jeˬ-ahˇngaˇpaˇguˆnmˇ.

Jaceuq 34:22

SahˬpaˬMiˬyehˇ-euˬtsawˇhaˬ-ahˇ, SahˬpaˬMiˬyehˇka kʼoꞈtehꞈ-a. Aˬyawꞈ-ahˇtahˬshaˇleˇ-eu deuˬ, luˬgaˇseˇgaˇmaˬya keuˆ-a.

Jaceuq 46:5

Meuˬ kʼoeˇ meuˬ-ahˇ Miˬyehˇ jawˇ-awˇ, tiˬ jawˇ-iˬ maˬ cawˆ-iˇ nya-a. Uˬ bya bya laˇ ngeh meuˬ kʼoeˇ meuˬ-ahˇ aˬ yawꞈ caw ba le-eu meh.

Jaceuq 46:6

Tsawˇ jeuˬ dawˬ tawˆ luꞈ laˇ baˇ-iˇ-awˇ, miˇ kʼahˬ dawˬ tawˆ luꞈ yaw dzuˬ dzuˬ-eu meh. Miˬyehˇ lmˬ laˇ ngeh, miˇ tsaˬ tahˬ kʼawˇ byaˆ-iˇ meuˇ-iˇ-eu meh.

Jaceuq 62:2

Aˬ yawꞈ tehꞈ-ehˇ ngaˬ-ahˇ haw piˇ-awˇ ka kʼoꞈ nehˬ laꞈ-eu meh. Aˬ yawꞈ-aˬ, ngaˬ-euˬ gʼoe duˬ lo guˇ meh. Aˬ cawˬ ngaˬ-ahˇ guiˇ maˬ deuˆ gʼaˬ nya-a.

Jaceuq 62:3

Coˬ pyaˆ taˬ-euˬ kmˇ cehˇ naˆ ni tehꞈ-ehˇ deuˇ-eu tsawˇ haˬ tiˬ gʼaˬ-ahˇ, naw maꞈ aˬ myah keuˆ ni ga uiˬ-awˇ ceh-eu gʼeh te.

Jaceuq 62:6

Aˬ yawꞈ tehꞈ-ehˇ ngaˬ-ahˇ haw piˇ-awˇ ka kʼoꞈ nehˬ laꞈ-eu meh. Aˬ yawꞈ-aˬ, ngaˬ-euˬ gʼoe duˬ lo guˇ meh. Aˬ cawˬ ngaˬ-ahˇ guiˇ maˬ deuˆ gʼaˬ nya-a.

Jaceuq 62:7

Ngaˬ-ahˇ ka kʼoꞈ-eu jeˬ hawˇ-eu ngaˬ-euˬ myaˆ pyawˬ naˇ mehˇ, Miˬyehˇ laꞈ kʼoeˇ jaˆ-eu meh. Aˬ yawꞈ-aˬ, ngaˬ-euˬ gʼoe duˬ hawˇ-eu, ngaˬ-euˬ ziꞈ duˬ lo guˇ meh.

Dawqdaq 10:25

Jaˬ lehˇ lehˇ ma oe-awˇ haiˬ-eu deuˬ-ahˇ hehˇ dzaˬ gʼeh kʼawꞈ, yaw tsaˬ yaw dawˇ deuˬ ziꞈ dah ni jawˇ-eu meh.

Iˇsaˬyaˇ 12:6

Ziˇoˬ meuˬ-ahˇ kʼaˇ jawˇ-eu deuˬ, laˬ kʼaˬ tiˬ cehˇ guˇ-awˇ caˇ-awˬ. Iˇsaˬleˬlaˆ Miˬyehˇ huiˬ dui mahˇ dui dui-awˇ, aˬ yawꞈ-euˬ tsawˇ haˬ deuˬ nehˬ-ehˇ jawˇ meh.”

Iˇsaˬyaˇ 14:32

Piˇliˇtiˆ tsawˇ haˬ dawˬ dzawˇ mˇ-eu tsawˇ haˬ deuˬ-ahˇ, aˬ joˆ-ehˇ ehˇ nehˬ nmˇ. Ziˇoˬ meuˬ-ahˇ Sahˬpaˬ Miˬyehˇ laˆ ziꞈ-awˇ, shaˬ zahˬ mˇ-euˬ aˬ yawꞈ-euˬ tsawˇ jeuˬ-ahˇ, nui saˇ bi oꞈ-eu meh lehˇ ehˇ nehˬ ma.”

Iˇsaˬyaˇ 26:3

Nui ma ziꞈ dah ni gʼeh-awˇ, nawˬ-ahˇ jah-eu tsawˇ haˬ deuˬ-ahˇ, byah dui dui-eu nui saˇ oꞈ-eu jeˬ, Sahˬpaˬ Miˬyehˇ nawˇ biꞈ nehˬ-awˬ.

Iˇsaˬyaˇ 26:4

Mˬ maˬ maˬ byaˆ zaˇ ziˇ Sahˬpaˬ Miˬyehˇ-ahˇ jah-awˬ. Aˬ dui-ahˇ aˬ yawꞈ aˬ myah luꞈ haw piˇ tehꞈ-a.

Iˇsaˬyaˇ 51:11

Nawˬ neh ka kʼoꞈ doˆ nehˬ-euˬ tsawˇ haˬ deuˬ, laˬ kʼaˬ cehˇ-eu caˇ dawˬ caˇ-awˇ guˇ-eu laꞈ kʼoeˇ, Yeˬluˇsaˬlehˬ meuˬ-ahˇ laˬ kʼaˬ tiˬ cehˇ ya gʼoꞈ keuˆ laˇ tehꞈ-a. Mˬ maˬ maˬ byaˆ zaˇ ziˇ aˬ yawꞈ maꞈ laˬ kʼaˬ ya cehˇ-awˇ, noeˬ shaˬ noeˬ zahˬ-eu jeˬ laꞈ kʼoeˇ mˬ maˬ maˬ byaˆ zaˇ ziˇ dzeuˇ-iˇ tehꞈ-a.

Iˇsaˬyaˇ 51:16

Mˬ toˆ pyeh-awˇ miˇ tsaˬ dawˬ pehˬ pehˬ-euˬ ngaˇ ma. Yeˬluˇsaˬlehˬ meuˬ-ahˇ heu loꞈ-ehˇ ehˇ nehˬ-euˬ gʼaˬ ngaˇ ma. ‘Nawˇ ngaˬ-eu tsawˇ haˬ ma. Nawˬ-ahˇ mehˬ nehˬ tsoˆ nehˬ-euˬ gʼaˬ ngaˇ ma. Ngaˬ-euˬ aˬ laꞈ nawˬ-ahˇ haw piˇ-euˬ ma.’ ”

Iˇsaˬyaˇ 51:8

Aˬ iˬ bi shehˇ byoˆ-euˬ mehˬ tsoeˬ paˇ cehˇ loꞈ-ehˇ, aˬ yawꞈ maꞈ ya cawˆ-iˇ tehꞈ-a. Ehˇ kʼawꞈ, ngaˬ-euˬ ka kʼoꞈ-eu jeˬ mˬ maˬ maˬ byaˆ zaˇ ziˇ ziꞈ-awˇ, ngaˬ neh gʼaˬ leˇ-eu jeˬ poˆ laˇ paˇ laˇ-eu maˬ baw-a.”

Iˇsaˬyaˇ 52:1

Yeˬluˇsaˬlehˬ meuˬ-oˇ, noeˬ laˇ-awˬ. Beuˇ laˇ-awˬ. Gʼaˬ ziꞈ dah ni paˇ ahˇ laˇ-awˬ. Miˬyehˇ-euˬ muiˬ-eu shawˇ-eu meuˬ-oˇ, yaw shehꞈ kʼahˬ sehˇ dm-awˬ. Lawˇ ciꞈ zaˬ deuˬ meuˬ lahˇ laꞈ kʼoeˇ maˬ paˇ ya uˇ laˇ meh.

Aaˇbaˬdiˇ 1:21

Guiˇ deuˆ gʼaˬ-euˬ tsawˇ haˬ pyeuꞈ-eu, Yeˬluˇsaˬlehˬ tsawˇ haˬ deuˬ-aˬ, Eˬdoˬ miˇ kʼahˬ-ahˇ deuˆ gʼaˬ-awˇ, miˇ kʼahˬ kʼoeˇ-ahˇ uˆ lahˇ tehꞈ-a. Kʼoeˇ ngeh, Sahˬpaˬ Miˬyehˇ aˬ yawꞈ, aˬ yawꞈ-euˬ tsawˇ haˬ deuˬ kʼoeˇ taˆ, sahˬ paˬ geuꞈ-awˇ uˆ lahˇ tehꞈ-a.”

Miˇkaˬ 4:2

aˬ yawꞈ maꞈ heu loˇ ehˇ tehꞈ-a. “Sahˬpaˬ Miˬyehˇ-euˬ gawˬ jawˬ-ahˇ, Yaˬkoˆ-euˬ Miˬyehˇ-euˬ nymˇ-ahˇ, laˇ-awˬ, aˬ dui daˆ leˇ kaˇ-euˇ. Yawꞈ-euˬ gaˇ ma-ahˇ cah nya ni, yawꞈ aˬ dui-ahˇ mehˬ laꞈ tehꞈ-a.” Sahˬpaˬ Miˬyehˇ zahˇ dawˬ kʼoꞈ dawˬ, Ziˇoˬ gawˬ jawˬ-ahˇ doˆ le-awˇ, yawꞈ neh mehˬ-euˬ tsoˆ-euˬ dawˬ deuˬ, Yeˬluˇsaˬlehˬ-ahˇ doˆ le meh.

Zaˬkaˬliˇ 1:14

Kʼoeˇ naˇ, Baoˬ huiˬ-eu Sahˬpaˬ Miˬyehˇ neh ehˇ-euˬ dawˬ kʼoeˇ deuˬ dzawˇ gaˬ-iˇ-eu gʼaˇ duˬ, ngaˬ-ahˇ dawˬ ngehˬ cawˬ-eu mˬ taˆ gʼaˬ kʼehˇ kʼoeˇ gʼaˬ ngaˬ-ahˇ kʼehˇ-eu meh. Sahˬpaˬ Miˬyehˇ ehˇ-euˬ dawˬ-aˬ, heu loꞈ-ehˇ meh. “Ngaˬ-euˬ muiˬ-euˬ shawˇ-eu meuˬ pyeuꞈ-eu Yeˬluˇsaˬlehˬ meuˬ-ahˇ ngaˇ gaˬ dui dui-awˇ, maˬ ngehˇ leˇ coeˇ nya.

Zaˬkaˬliˇ 1:17

“Ngaˬ-euˬ meuˬ deuˬ paˇ dehꞈ dzaˬ poˆ laˇ-awˇ, Yeˬluˇsaˬlehˬ meuˬ-ahˇ ngaˇ caw ba-awˇ, ngaˬ-euˬ meuˬ paˇ bi geuꞈ ma” lehˇ, Sahˬpaˬ Miˬyehˇ neh ehˇ-euˬ dawˬ kʼoeˇ dawˬ kʼawꞈ dzawˇ gaˬ-iˇ-eu gʼaˇ duˬ, mˬ taˆ gʼaˬ kʼehˇ kʼoeˇ gʼaˬ ngaˬ-ahˇ ehˇ-eu meh.

1 Beˬtuˆluˆ 1:21

Aˬ yawꞈ-ahˇ shiˇ-euˬ gaˇ bi gʼoꞈ dehꞈ laˇ-awˇ yaw shehꞈ kʼahˬ sehˇ biꞈ nehˬ-euˬ gʼaˬ pyeuꞈ-eu Miˬyehˇ-ahˇ, aˬ yawꞈ baˬ da neh naw maꞈ jah laˇ-euˬ meh. Kʼoeˇ miˇ neh, naw maꞈ jah-awˇ noeˬ tmˬ-eu jeˬ-aˬ, Miˬyehˇ tiˬ gʼaˬ tehꞈ meh.

Panmaeq 14:1

Kʼoeˇ naˇ, ngaˇ haw gʼeh leꞈ ngeh, Ziˇoˬ gawˬ jawˬ kʼoeˇ taˆ Yawˇzaˬ yawꞈ luꞈ gaˇ ya mawˇ-euˬ ma. Naˇ kʼawˇ-ahˇ aˬ yawꞈ Aˬda-euˬ tsawˇ myahˇ hawˇ-eu aˬ yawꞈ-euˬ tsawˇ myahˇ boꞈ taˬ-euˬ tsawˇ haˬ tiˬ seh oeˬ muiˇ oeˬ heˇ gʼaˬ, aˬ yawꞈ nehˬ-ehˇ jawˇ-eu meh.