Jaceuq 123:4 - Akha

⁴ Smˇ muiˬ aˬ da dawˬ doeˇ ngehˬ-awˇ, smˇ kʼaˆ aˬ da yehˬ bawˬ-ehˇ jahˇ laˇ gaˇ, nga maꞈ ya daˬ myahˇ laꞈ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Nuima huiq-eu tsawrhaq hawteq hawdoer lar-awr, Sarsuqni daef-eu deuq dawqdoer ngaeq-eu gar, Nga’maf-euq nuima saflar maq daqcoerni, ardzaeq dzeurlar taq-euq nya.

Jaceuq 123:4 ပူးပေါင်းရင်းမြစ်များ

Neˬhaˬmiˇ 2:19

Nga maꞈ kʼoeˇ loꞈ-ehˇ mˇ-eu lehˇ lehˬ hmˬ luꞈ-eu gaˇ kawˆ-ahˇ, Sahˬbaˬlaˆ, Tawˇbyaˬ hawˇ-eu Aˬlaˆ tsawˇ haˬ Geˬsheˬ lehˇ myahˇ-euˬ aˬ ha smˇ gʼaˬ ya gaˬ ngeh, nga maꞈ-ahˇ naˬ gʼa-eu laꞈ kʼoeˇ ehˇ-eu, “Naw maꞈ aˬ jeˬ mˇ-eu gʼeh te. Sahˬ paˬ-ahˇ puiˬ-eu lehˇ gʼeh te loˇ.”

Yawˇbaˆ 12:5

Naw maꞈ maˬ ya shaˬ maˬ ya zahˬ ni jawˇ-awˇ, ngaˬ-ahˇ haw-awˇ uiˇ-eu meh. Coˬ-iˇ luꞈ-eu tsawˇ haˬ tiˬ gʼaˬ-ahˇ naw maꞈ paˇ diˬ caw nehˬ-eu meh.

Yawˇbaˆ 16:4

Naw maꞈ ngaˇ pyeuꞈ-awˇ, ngaˇ naw maꞈ pyeuꞈ law nmˇ-aˬ, naw maꞈ kʼaˇ ngehˬ-euˬ dawˬ teu deuˬ ngaˇ ngehˬ nya ma. Naw maꞈ ehˇ-eu maˬ ngeuˇ-a lehˇ ngaˇ uˬ duˬ juiꞈ-awˇ, lawˇ baˬ-ahˇ sheu bu-eu loꞈ-ehˇ ngaˬ-euˬ dawˬ laꞈ kʼoeˇ naw maꞈ-ahˇ bi bu dzaˬ nya ma.

Jaceuq 119:51

Huiˬ-eu mahˇ-eu deuˬ aˬ myah luꞈ ngaˬ-ahˇ dawˬ doeˇ ngehˬ kʼawꞈ, nawˬ-euˬ zahˇ dawˬ kʼoꞈ dawˬ-ahˇ ngaˇ maˬ byehˇ dzeh.

Iˇsaˬyaˇ 32:11

Saˇ lehˆ ni dehꞈ-eu zaˬ miˬ zaˬ deuˬ-oˇ, yaw dzuˬ dzuˬ dui dui-awˬ. Kʼahˬ lahˇ kʼaˇ maˬ za-eu aˬ buˇ deuˬ-oˇ, yaw dzuˬ dzuˬ gah gah-awˬ. Naw maꞈ mehˬ tsoeˬ lehˆ dzeh jiˇ-awˇ, guˬ daˇ pehˇ zeuˇ joꞈ-ahˇ lahˇ-awˇ jawˇ-awˬ.

Iˇsaˬyaˇ 32:9

Saˇ lehˆ ni dehꞈ-eu zaˬ miˬ zaˬ deuˬ-oˇ, ngaˇ ehˇ gaˇ tuˇ-awˇ naˇ haˬ sheˇ. Kʼahˬ lahˇ kʼaˇ maˬ za-eu aˬ buˇ deuˬ-oˇ, ngaˇ ngehˬ gaˇ naˬ bawˇ ciˬ kʼmˇ sheˇ.

Yeˬlaˬmiˇ 48:11

Sahˬpaˬ Miˬyehˇ heu loꞈ-ehˇ ehˇ-eu meh. “Mawˇbaˆ miˇ kʼahˬ-aˬ, dzeuˇ laˇ ngeh tiˬ gaˇ-iˬ guˆ kʼaˇ maˬ za ni dehꞈ-awˇ, aˬ cawˬ miˇ kʼahˬ-ahˇ maˬ bi nyehꞈ gʼeh haw-aˬ siˬ. Mawˇbaˆ miˇ kʼahˬ-aˬ, ciˬ cuˇ yawˬ siˬ yawˬ-ahˇ maˬ kʼaˇ paˇ ahˇ haw-euˬ aˬ gaꞈ dzaˇ uiˇ-ahˇ duˇ-eu meh. Aˬ yawꞈ-euˬ yaw kuiˇ kui-eu jeˬ maˬ byoˆ-iˇ ni jaˆ luꞈ gaˇ duˇ-eu meh.

Yeˬlaˬmiˇ 48:27

Mawˇbaˆ-oˇ, Iˇsaˬleˬlaˆ tsawˇ haˬ deuˬ-ahˇ nawˬ neh aˬ jaꞈ jaꞈ niˇ gʼa-euˬ ngehˇ-euˬ te loˇ. Tahˇ joe aˇ muˇ nehˬ-ehˇ tiˬ kawˆ loꞈ-ehˇ bi nyehꞈ mi-euˬ tsawˇ haˬ loꞈ-ehˇ, aˬ yawꞈ maꞈ-ahˇ nawˇ noeˬ doeˇ dui dui-euˬ meh.

Yeˬlaˬmiˇ 48:29

Mawˇbaˆ-aˬ, nui ma huiˬ dui mahˇ dui dui meh. Aˬ yawꞈ maꞈ nui ma aˇ naˆ ni huiˬ-eu gʼahˇ-eu gaˇ kawˆ, aˇ naˆ ni kʼahˬ sehˇ jehˆ-eu gaˇ kawˆ, aˇ naˆ ni jahˇ gʼeh-eu gaˇ kawˆ, ngaˇ ya gaˬ gʼaˬ-euˬ ma. Yawˬ haˇ yawˬ ha maˬ gaˇ dui dui ma lehˇ noeˬ luꞈ meh.

Aˬmoˆ 6:1

Aˬ cawˬ-euˬ ziꞈ duˬ gʼoe duˬ huiˬ-eu mahˇ-eu Iˇsaˬleˬlaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ pyeuꞈ-eu, Ziˇoˬ gawˬ jawˬ kʼoeˇ taˆ saˇ lehˆ ni dehꞈ luꞈ-eu deuˬ hawˇ-eu, tiˬ gaˇ-iˬ guˆ kʼaˇ maˬ za ma lehˇ noeˬ-eu Saˬmaˬliˆ meuˬ laꞈ kʼoeˇ jawˇ luꞈ-eu deuˬ-oˇ, naw maꞈ gʼaˇ duˬ aˇ naˆ ni guˆ kʼaˇ za-eu nga.

Gʼaˬkʼehˇ 17:21

Aˬteˬ meuˬ-ahˇ jawˇ-eu tsawˇ haˬ dawˬ tawˆ luꞈ maˬ ehˇ, aˬ cawˬ miˇ kʼahˬ-ahˇ neh laˇ-awˇ kʼoeˇ gaˇ jawˇ luꞈ-eu deuˬ maˬ ehˇ, shuiꞈ teˇ poˬ ni pyeuꞈ le keuˆ le-euˬ gaˇ kawˆ deuˬ ja-eu, naˇ haˬ-eu, heu-euˬ gʼaˇ duˬ tehꞈ-ehˇ aˇ yamˬ bi jiˇ luꞈ-eu meh.

Gʼaˬkʼehˇ 17:32

Shiˇ-euˬ tsawˇ haˬ-ahˇ paˇ bi gʼoꞈ dehꞈ laˇ-eu gaˇ kawˆ Pawˇluˆ ehˇ gaˇ ya gaˬ ngeh, tsawˇ haˬ tiˬ paˆ na deuˬ aˬ yawꞈ-ahˇ yehˬ bawˬ sehˇ lu-ehˇ ehˇ niˇ gʼa-awˇ uiˇ-eu meh. Ehˇ kʼawꞈ, tiˬ paˆ na deuˬ-aˬ, “Gaˇ kawˆ teu nawˇ ja gaˇ tiˬ poˆ paˇ naˇ haˬ mawꞈ nya siˬ” lehˇ ehˇ-eu meh.

Gʼaˬkʼehˇ 26:24

Pawˇluˆ aˬ yawꞈ-euˬ gaˇ kawˆ ngehˬ kʼoꞈ-awˇ kʼoeˇ loꞈ-ehˇ dzawˇ luꞈ ngeh, sahˬ paˬ Beˬtuˇ aˬ yawꞈ-ahˇ guˇ-awˇ ehˇ-eu, “Pawˇluˆ-oˇ, nawˇ uˬ tsehˆ-euˬ ngaˇ. Nawˇ tsawˇ gahˇ aˇ dzehˬ dzaw dzeuˇ-awˇ dzaw uˬ-euˬ ngaˇ.”

1 Gawˇliˬtu 4:13

Nga maꞈ-ahˇ yehˬ bawˬ sehˇ lu-ehˇ ehˇ laˇ gaˇ, dawˬ nahˬ yu ni ngehˬ kʼoꞈ nehˬ-eu ma. Nga maꞈ-aˬ, miˇ tsaˬ heu kʼoeˇ taˆ aˬ cawˬ maˬ geuꞈ nahˇ-ehˇ shehˆ dzeh taˬ-euˬ yaw jawꞈ yaw laꞈ-ahˇ duˇ miˇ-a.

1 Saˬmeuˬlaˆ 17:42

Daˬbiˇ-ahˇ aˬ yawꞈ mawˇ duˬ ngeh, noeˬ teˬ dui dui-awˇ, nui ma pehˇ laˇ-euˬ meh. Aˬ jeˬ miˇ neh ehˇ naˇ, Daˬbiˇ-aˬ, nahˬ jawˆ ni gʼeh-awˇ, aˇ gʼehˇ muiˬ dui dui-eu aˬ li zaˬ guˬ tiˬ gʼaˬ pyeuꞈ luꞈ gaˇ aˬ yawꞈ ya mawˇ-euˬ meh.