Jaceuq 123:3 - Akha

³ Sahˬpaˬ Miˬyehˇ-oˇ, nga maꞈ-ahˇ gʼawˬ shaˬ gaˬ nehˬ laꞈ-awˬ. Nga maꞈ-ahˇ gʼawˬ shaˬ gaˬ nehˬ laꞈ-awˬ. Aˬ cawˬ ja bu ja doeˇ-eu dawˬ-ahˇ, nga maꞈ maˬ daˬ coeˇ nya.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Ya’we Miqyaer-or! Nga’maf-anr ghawqshaq gaqnaeq laf-awq. Nga’maf-anr ghawqshaq gaqnaeq laf-awq. Aqjeq mirnae aernar-aq, Nga’maf dawqdoer-anr ardzaeq-aer ya daqluf-eu nya.

Jaceuq 123:3 ပူးပေါင်းရင်းမြစ်များ

2 Saˬmeuˬlaˆ 6:16

Dawˬ ma saˇ jaˇ Bahˬ keuˆ meuˬ laꞈ kʼoeˇ baꞈ uˇ keuˆ laꞈ gaˇ, Sawˇluˆ-euˬ aˬ buˇ Miˇkaˬlaˇ gʼaˬ laˇ gʼoˆ gʼoˆ zaˬ-ahˇ neh haw ka gʼeh ngeh, Sahˬpaˬ Miˬyehˇ-euˬ mehˬ shi Daˬbiˇ gaˇ nyeh nyeh nyeh-ehˇ tsawˬ luꞈ gaˇ ya mawˇ-awˇ, Daˬbiˇ-ahˇ nui daˆ daˆ-euˬ meh.

2 Sahˬpaˬ 19:3

Aˬ yawꞈ maꞈ-ahˇ, Iˇsaˬyaˇ jawˇ gaˇ heu loꞈ-ehˇ bi ehˇ gaˬ-iˇ-euˬ meh. “Iˬ nah-aˬ, ya noeˬ shaˬ ya noeˬ zahˬ-euˬ aˇ nah pyeuꞈ-eu meh. Aˬ dui -ahˇ aˬ cawˬ kʼehˬ nehˬ kʼaˆ nehˬ laꞈ-awˇ, shaˬ zahˬ naꞈ dui dui-eu aˇ nah keuˆ laˇ taˬ-euˬ meh. Aˬ nyiˇ ciˬ deˇ-euˬ kʼawꞈ, gʼaˬ maˬ ahˇ-eu miˇ neh maˬ ciˬ doˆ leꞈ nya-eu zaˬ baw aˬ ma tiˬ gʼaˬ-ahˇ aˬ dui duˇ miˇ-a.

Yawˇbaˆ 19:15

Ngaˬ-euˬ nymˇ-ahˇ daˬ yah geuꞈ haw-euˬ deuˬ ngaˬ-ahˇ ngehˇ jiˇ-awˇ, ngaˬ-euˬ zaˬ kʼaˆ zaˬ miˬ zaˬ deuˬ kʼawꞈ, maˬ siˬ maˬ suˇ-eu boeˇ miˬ siˬ kʼaˬ tiˬ gʼaˬ loꞈ-ehˇ ngaˬ-ahˇ sawˇ nehˬ laꞈ-euˬ meh.

Jaceuq 4:1

Ngaˬ-euˬ gʼoe duˬ Miˬyehˇ-oˇ, ngaˇguiˬlahˬshaˇ ngeh naˇhaˬlaꞈ. Shaˬzahˬ ngaˬ-ahˇ ciˬtehˬle ngeh, nawˇcaw ba dzeuˇnehˬlaꞈ-euˬmeh. Nymˬ-mˇ ngaˬ-ahˇ gʼawˬ shaˬ gaˬ-awˇ, ngaˬ-euˬshaˇdawˬ naˇhaˬnehˬlaꞈ.

Jaceuq 57:1

Miˬyehˇ-oˇ, ngaˬ-ahˇ gʼawˬ shaˬ gaˬ nehˬ laꞈ-awˬ. Ngaˇ nui saˇ oꞈ ni nawˇ jawˇ gaˇ laˇ-euˬ loꞈ-ehˇ, ngaˬ-ahˇ gʼawˬ shaˬ gaˬ nehˬ laꞈ-awˬ. Nawˬ-euˬ aˬ dahˇ naˇ shmˇ uˬ moˆ, mˬ jeˬ jaˬ lehˇ tsiˇ leˇ ngeh keuˆ ni, ngaˇ awˆ kʼaˇ za-eu ma.

Iˇsaˬyaˇ 53:3

Aˬ dui aˬ yawꞈ-ahˇ maˬ haw nahˇ-ehˇ byehˇ dzeh-euˬ ma. Shaˬ zahˬ dawˬ tawˆ luꞈ-ahˇ aˬ yawꞈ awˆ daˬ-euˬ meh. Tsawˇ haˬ tiˬ gʼaˬ-iˬ aˬ yawꞈ-ahˇ maˬ haw cawˬ nehˬ-a. Tiˬ jeˬ-iˬ gaˇ dahˇ maˬ tsoeˬ-eu tsawˇ haˬ loꞈ-ehˇ, aˬ yawꞈ-ahˇ aˬ dui yaw zeu maˬ baw-aˬ.

Ngoeˇ dawˬ 3:30

Naˬ tehˆ tehˆ-awˇ kʼehˬ nehˬ laꞈ kʼawꞈ, dawˬ gʼoꞈ maˬ doˆ ni ciˬ daˬ-awˬ.

Yeˬsaˬgeˬlaˇ 36:15

Miˇ kʼahˬ heu kʼahˬ aˬ cawˬ ja bu-eu dawˬ maˬ paˇ ya gaˬ-ehˇ, aˬ cawˬ lmˬ guˆ laˇ gaˇ maˬ paˇ ya mawˇ-aˇ. Miˇ kʼahˬ heu kʼahˬ yawˬ ha tsawˇ jeuˬ-euˬ zaˬ-ahˇ tahˇ joe maˬ paˇ joe geuꞈ-aˇ lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬsaˬgeˬlaˇ 36:6

“Kʼoeˇ miˇ neh, Iˇsaˬleˬlaˆ miˇ kʼahˬ-ahˇ ngaˬ-euˬ gʼaˇ duˬ heu loꞈ-ehˇ ngehˬ dah nehˬ-awˬ. Tsawˇ jeuˬ kʼoeˇ deuˬ kʼaˇ ehˇ doeˇ mawꞈ-eu ehˇ doeˇ-awˇ, myaˆ pyawˬ naˇ mehˇ cawˆ ni jahˇ-euˬ baˬ da neh, ngaˇ nui kʼahˇ maˬ shiˇ-ehˇ nui ma pehˇ dui dui-eu laꞈ kʼoeˇ heu loꞈ-ehˇ ehˇ-eu meh lehˇ, gawˬ jawˬ gawˬ duˇ deuˬ hawˇ-eu lawˇ gawˆ gʼaˬ lawˬ deuˬ-ahˇ ehˇ nehˬ-awˬ.

Luˇkaꞈ 16:14

Paˬliˬsehˇ deuˬ-aˬ, pyuˇ shuiˇ-ahˇ gaˬ-eu tsawˇ haˬ pyeuꞈ-eu miˇ neh, Yeˬsuˇ kʼoeˇ loꞈ-ehˇ ehˇ-eu ya gaˬ ngeh, Yeˬsuˇ-ahˇ naˬ gʼa naˬ gʼa-ehˇ uiˇ-eu meh.

Luˇkaꞈ 23:35

Tsawˇ haˬ gʼawˬ mya ni kʼoeˇ gaˇ yawꞈ-awˇ haw luꞈ ngeh, Yuˇdaˆ tsawˇ haˬ aˬ yuiꞈ aˬ tsu deuˬ Yeˬsuˇ-ahˇ naˬ gʼa naˬ gʼa-ehˇ ehˇ-eu, “Aˬ yawꞈ aˬ cawˬ-ahˇ ka kʼoꞈ-euˬ meh. Aˬ yawꞈ-aˬ, Miˬyehˇ neh Tseˇ doˆ-euˬ Gʼaˬ lehˇ ehˇ-eu Ka li ngeuˇ naˇ, yawˬ haˇ yawˬ ha ka kʼoꞈ luꞈ-uˇ.”