Jaceuq 123:2 - Akha

² Zaˬ kʼaˆ tiˬ gʼaˬ aˬ yawꞈ-euˬ baw leˬ-ahˇ haw-eu loꞈ-ehˇ, zaˬ miˬ zaˬ zaˬ kʼaˆ tiˬ gʼaˬ aˬ yawꞈ-euˬ meh leˬ-ahˇ haw-eu loꞈ-ehˇ, nga maꞈ-euˬ Miˬyehˇ pyeuꞈ-euˬ Sahˬpaˬ Miˬyehˇ nawˇ nga maꞈ-ahˇ gʼawˬ shaˬ gaˬ nehˬ laꞈ ni, nawˬ-ahˇ nga maꞈ haw tsoˆ taˬ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Hawsher-eq, kuirlaf zaqkhav tiq ghaq-euq myavnuiv, Aqyawf-euq yawsanr-euq aqlaf-anr haw-eu lof-aer, Zaqmiq aqbur zaqkhav tiq ghaq, aqyawf-euq nymrsanr aqma-euq aqlaf-anr haw-eu lof-aer durni; Nga’maf-euq myavnuiv, nga’maf-euq Miqyaer pyeuf-eu Ya’we Miqyaer-anr hawluf-eu ma. Aqyawf, ghawqshaq maq gaqnaeq laf-euq khoerkeuvni haw ma.

Jaceuq 123:2 ပူးပေါင်းရင်းမြစ်များ

Aˇ dahˬ 32:26

“Ngaˬ-ahˇ pyehˬ-awˇ bi iˇ laꞈ-awˬ. Uˬ bya bya laˇ shaw-iˬ ngaˇ” lehˇ, tsawˇ haˬ kʼoeˇ gʼaˬ Yaˬkoˆ-ahˇ ehˇ-eu meh. “Ngaˬ-ahˇ dawˬ ngehˬ maˬ gʼeh nehˬ laꞈ kʼoeˇ keuˆ ni, ngaˇ nawˬ-ahˇ maˬ pyehˬ nehˬ” lehˇ, aˬ yawꞈ-ahˇ Yaˬkoˆ ehˇ nehˬ-euˬ meh.

Aˇ dahˬ 49:18

Sahˬpaˬ Miˬyehˇ-oˇ, nawˇ ka kʼoꞈ nehˬ laꞈ gaˇ ngaˇ loꞈ luꞈ-eu ma.

1 Sahˬpaˬ 1:20

Sahˬ paˬ-oˇ, nawˇ jiˇ naˇ, nawˬ-euˬ dah zaˇ aˬ geu gʼaˬ-ahˇ sahˬ paˬ bi geuꞈ ma lehˇ nawˇ ehˇ laˇ gaˇ, Iˇsaˬleˬlaˆ tsawˇ haˬ dawˬ tawˆ luꞈ naˬ bawˇ ciˬ kʼmˇ taˬ-euˬ meh.

2 Laˬsaˬbaˬ 20:12

Nawˇ-aˬ, nga maꞈ-euˬ Miˬyehˇ ma. Aˬ yawꞈ maꞈ-ahˇ nawˇ kʼehˬ nehˬ kʼaˆ nehˬ-awˬ. Nga maꞈ-ahˇ ceh le-eu lehˇ oe luꞈ-eu myaˬ dui dui-eu guiˇ maꞈ heu maꞈ-ahˇ deuˆ ceh ceh-eu gʼaˇ duˬ, nga maꞈ noeˬ maˬ paˇ doˆ miˇ-a. Aˬ joˆ-ehˇ ya jahˇ paˬ nga lehˇ shaˇ noeˬ dui-euˬ miˇ-a. Ehˇ kʼawꞈ, nawˇ caw ba nehˬ laꞈ-eu jeˬ-ahˇ nga maꞈ noeˬ tmˬ luꞈ ma.”

Jaceuq 119:82

Nawˬ neh saˇ jaˇ dzaˬ-euˬ jeˬ-ahˇ ngaˇ myaˆ nuiˆ haw doˆ shaw-iˬ miˇ-a. Nawˇ ngaˬ-ahˇ aˬ myah caw ba le-eu gʼeh ta lehˇ ngaˇ ehˇ luꞈ-eu ma.

Jaceuq 25:15

SahˬpaˬMiˬyehˇcaw ba le gaˇ, ngaˇmyaˆnuiˆhaw tsoˆtaˬ-euˬma. lahˇju-ahˇpaꞈleˇ-euˬaˬkuiˇ, aˬyawꞈtseuˆpuiˇnehˬle tehꞈ-a.

Luˇkaꞈ 18:1

Zaˬ lahˇ deuˬ aˬ myah luꞈ guiˬ lahˬ shaˇ-awˇ, tiˬ jawˇ-iˬ nui ma maˬ ya cawˆ-eu gʼaˇ duˬ, Yeˬsuˇ yaw jeˬ ma jeˬ ja-awˇ, mehˬ nehˬ tsoˆ nehˬ-euˬ meh.

Yawˇshuˆ 10:6

Giˇbyoˬ meuˬ-ahˇ jawˇ-eu tsawˇ haˬ deuˬ, Giˇlaˇgaˬlaˇ-ahˇ sehˬ gʼawˆ gʼawˆ-awˇ loꞈ-eu Yawˇshuˆ jawˇ gaˇ tsawˇ haˬ pyehˬ gʼeh-awˇ, heu loꞈ-ehˇ bi tsaꞈ gaˬ-iˇ-euˬ meh. “Nga maꞈ-ahˇ taˬ byehˇ dzeh nehˬ laꞈ. Yaw kawˇ-ehˇ laˇ-awˇ nga maꞈ-ahˇ caw ba laˇ-awˬ. Nga maꞈ-ahˇ ka kʼoꞈ nehˬ laꞈ-awˬ. Gawˬ jawˬ gawˬ duˇ paw jawˇ-eu Aˬmawˇliˆ tsawˇ jeuˬ sahˬ paˬ dawˬ tawˆ luꞈ gm leˇ-awˇ, nga maꞈ-ahˇ guiˇ deuˆ luꞈ meh.”

Yawˇshuˆ 9:23

Naw maꞈ kʼoeˇ loꞈ-ehˇ jaˬ myawꞈ myawꞈ-euˬ miˇ neh, Miˬyehˇ naw maꞈ-ahˇ yaˬ kʼehˇ yaˬ gʼaˬ-euˬ meh. Naw maꞈ tsawˇ haˬ-aˬ, aˬ myah luꞈ aˬ cawˬ zaˬ kʼaˆ ya geuꞈ-awˇ, ngaˬ-eu Miˬyehˇ-euˬ nymˇ gʼaˇ duˬ miˬ dzaˬ kʼehꞈ-eu hawˇ-eu iˇ cuꞈ kʼawꞈ-eu tsawˇ haˬ ya geuꞈ tehꞈ-a.”

Yawˇshuˆ 9:27

Ehˇ kʼawꞈ, aˬ yawꞈ maꞈ-ahˇ zaˬ kʼaˆ bi geuꞈ-awˇ, Iˇsaˬleˬlaˆ tsawˇ haˬ deuˬ gʼaˇ duˬ hawˇ-eu Sahˬpaˬ Miˬyehˇ-euˬ lawˇ duˬ gʼaˇ duˬ, miˬ dzaˬ bi kʼehꞈ-awˇ, iˇ cuꞈ bi kʼawꞈ-euˬ meh. Iˬ nah keuˆ ni, Sahˬpaˬ Miˬyehˇ neh tseˇ doˆ-euˬ jawˇ duˬ-ahˇ, gaˇ kʼoeˇ deuˬ aˬ yawꞈ maꞈ mˇ luꞈ-eu meh.