Jaceuq 119:96 - Akha

⁹⁶ Yawˬ jeˬ na luꞈ maˬ byah maˬ loꞈ-eu jeˬ pyeuꞈ kʼawꞈ, nawˬ-euˬ zahˇ dawˬ kʼoꞈ dawˬ ehˇ kʼaˇ maˬ za ni byah-eu ngaˇ siˬ duˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹⁶ Ngaq nae ya’mawr-euq-aq, Yawqjeq navluf byan-awr kuf-eu khoer-aq, yawdui baw-eu mae. Aerkhawf, nawq-euq zanrdawq khofdawq-aq, jerloni ghae-eu mae.

Jaceuq 119:96 ပူးပေါင်းရင်းမြစ်များ

2 Saˬmeuˬlaˆ 14:25

Iˇsaˬleˬlaˆ miˇ kʼahˬ laꞈ kʼoeˇ, Aˬbaˇsaˬloˬ loꞈ-ehˇ seuˆ dzeuꞈ aˇ gʼehˇ muiˬ-awˇ, tsawˇ myahˇ doˆ-eu tsawˇ haˬ tiˬ gʼaˬ-iˬ maˬ jawˇ-a. Uˬ duˬ-ahˇ neh aˬ kuiˇ pehˬ zaˬ-ahˇ keuˆ ni, ehˇ kʼaˇ za-eu tiˬ tsahˇ-iˬ maˬ jaˆ-a.

2 Saˬmeuˬlaˆ 16:23

Aˇ nah aˇ yamˬ kʼoeˇ yamˬ-aˬ, Aˬhiˇtawˇpeˬlaˆ neh nui noeˬ nui duˇ kʼaˇ biꞈ-euˬ jeˬ-ahˇ, Miˬyehˇ-euˬ dawˬ loꞈ-ehˇ naˇ haˬ geuꞈ luꞈ-eu aˇ yamˬ meh. Daˬbiˇ hawˇ-eu Aˬbaˇsaˬloˬ aˬ ha nyaꞈ nyiˬ da zaˬ luꞈ, Aˬhiˇtawˇpeˬlaˆ-euˬ dawˬ-ahˇ maˬ leuˇ ni caw teh-euˬ meh.

2 Saˬmeuˬlaˆ 17:23

Aˬhiˇtawˇpeˬlaˆ-aˬ, aˬ yawꞈ neh nui noeˬ nui duˇ biꞈ-euˬ loꞈ-ehˇ aˬ cawˬ maˬ mˇ gaˇ ya mawˇ ngeh, mahˬ tahˬ laˆ dziˬ gʼa laˆ dawˆ-awˇ, aˬ yawꞈ jawˇ-eu meuˬ-ahˇ gʼoꞈ-iˇ-euˬ meh. Kʼoeˇ naˇ, kʼaˇ mˇ luiˆ paˬ-ehˇ jaˆ-eu jeˬ mˇ luiˆ jiˇ-awˇ, aˬ yawˇ yawꞈ paꞈ gʼeu sehꞈ-euˬ meh. Aˬ yawꞈ aˬ da-euˬ lmˬ bymˇ-ahˇ, aˬ yawꞈ-ahˇ baꞈ pahˬ nehˬ-euˬ meh.

2 Saˬmeuˬlaˆ 18:14

Kʼoeˇ ngeh, “Ngaˇ nawˬ nehˬ-ehˇ ja ja-ehˇ jawˇ-eu aˇ yamˬ maˬ jaˆ” lehˇ Yoˇbaˬ ehˇ-awˇ, gahˬ smˬ kahˇ yuˇ-awˇ, tsuiꞈ kaˆ aˇ bawˇ-ahˇ yaw dehꞈ-ehˇ ngeuˬ luꞈ-eu Aˬbaˇsaˬloˬ-euˬ kʼahˬ-ahˇ joeˬ tsoˆ gʼeh-euˬ meh.

2 Saˬmeuˬlaˆ 18:17

Aˬbaˇsaˬloˬ-euˬ gʼawˇ mawˇ-ahˇ, bawˇ tsahˬ-ahˇ jaˆ-eu naꞈ dui dui-eu duˬ kʼahˬ tiˬ kʼahˬ-ahˇ aˬ yawꞈ maꞈ biˬ ahˇ-awˇ, kʼaˬ lo gahˬ tehˬ-euˬ meh. Kʼoeˇ naˇ, Iˇsaˬleˬlaˆ tsawˇ haˬ dawˬ tawˆ luꞈ, yawˬ ha-euˬ nymˇ-ahˇ yawˬ ha cehˆ gʼoꞈ jiˇ-euˬ meh.

Dawˬ tsoˆ 12:8

Dawˬ mehˬ dawˬ tsoˆ tsoˆ-eu gʼaˬ ehˇ-eu, “Yawꞈ ngehꞈ meh. Yawꞈ ngehꞈ meh. Dawˬ tawˆ luꞈ gaˇ dahˇ maˬ tsoeˬ-a.”

Dawˬ tsoˆ 2:11

Ngaˬ neh kʼaˇ mˇ kʼaˇ shaˇ-euˬ jeˬ dawˬ tawˆ luꞈ-ahˇ ngaˇ shaˇ sawˇ duˬ haw ngeh, ngaˇ aˇ naˆ ni shaˬ shaˬ-ehˇ mˇ dzeuˇ shaˇ dzeuˇ yaꞈ-euˬ nga. Ehˇ kʼawꞈ, tiˬ jeˬ-iˬ gaˇ dahˇ maˬ tsoeˬ law hawˇ ngaˬ lehˇ ngaˇ siˬ duˬ-eu ma. Jaˬ lehˇ mehˬ nah teh-eu loꞈ-ehˇ yawꞈ ngehꞈ meh. Nahˇ ma heu siˬ uˬ moˆ tiˬ jeˬ-iˬ mˇ za shaˇ za-euˬ maˬ baw-a.

Dawˬ tsoˆ 7:20

Yaw lehˬ tiˬ pawꞈ-iˬ maˬ mˇ-ehˇ, yaw dawˇ tehꞈ-ehˇ mˇ-eu tsawˇ muiˬ, miˇ taˆ tiˬ gʼaˬ-iˬ maˬ jawˇ-a.

Maꞈtehˬ 24:35

Mˬ hawˇ-eu miˇ tsaˬ maˬ jaˆ coeˇ ni ya byoˆ-iˇ tehꞈ-a. Ehˇ kʼawꞈ, ngaˬ-euˬ dawˬ tiˬ jawˇ-iˬ maˬ byoˆ-iˇ-aˇ.

Maꞈtehˬ 5:18

Ngaˇ naw maꞈ-ahˇ dawˇ coe ni ehˇ nehˬ nyaˇ. Mˬ hawˇ-eu miˇ kʼaˇ ziꞈ kʼoeˇ keuˆ ni maˬ ehˇ, Zahˇ dawˬ kʼoꞈ dawˬ laꞈ kʼoeˇ kʼaˇ ahˇ-eu jeˬ dawˬ tawˆ luꞈ maꞈ byah laˇ kʼoeˇ keuˆ ni maˬ ehˇ, Zahˇ dawˬ kʼoꞈ dawˬ laꞈ kʼoeˇ boꞈ taˬ-euˬ aˇ boꞈ boꞈ zaˬ tiˬ boꞈ tehꞈ-ehˇ kʼawꞈ maˬ byoˆ-iˇ-aˇ.

Maꞈtehˬ 5:28

Ehˇ kʼawꞈ, naw maꞈ-ahˇ ngaˇ heu loꞈ-ehˇ ehˇ-eu ma. Tsawˇ haˬ tiˬ gʼaˬ zaˬ miˬ zaˬ tiˬ gʼaˬ-ahˇ haw-awˇ, yuꞈ taꞈ jawˇ taꞈ mawꞈ-eu nui ma ahˇ naˇ, nui ma laꞈ kʼoeˇ zaˬ miˬ zaˬ kʼoeˇ gʼaˬ-ahˇ bahˬ-euˬ muˆ-euˬ meh.

Lormav 7:14

Zahˇ dawˬ kʼoꞈ dawˬ-aˬ, guiˬ lahˬ saꞈ laˬ-ahˇ taꞈ leˇ-eu jeˬ meh lehˇ aˬ dui siˬ nya ma. Ehˇ kʼawꞈ, ngaˇ-aˬ, iˬ baˇ-euˬ zaˬ kʼaˆ geuꞈ-eu lehˇ bi ahˬ ahˇ taˬ-euˬ shiˬ shaˬ jiˇ pi luꞈ-eu tsawˇ haˬ zaˬ ma.

1 Saˬmeuˬlaˆ 17:8

Gawˇliˇyaˆ gawˬ yawꞈ yawꞈ-awˇ, Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ guˇ-eu meh. “Naw maꞈ teu gaˇ aˬ jeˬ gʼeh le teˬ. Guiˇ deuˆ-eu lehˇ yawꞈ luꞈ-eu maˬ ngeuˇ loˇ. Sawˇluˆ-euˬ zaˬ kʼaˆ deuˬ-oˇ, ngaˇ Piˇliˇtiˆ tsawˇ haˬ ma. Ngaˬ nehˬ-ehˇ deuˆ ceh ceh-eu gʼaˇ duˬ naw maꞈ tsawˇ haˬ tiˬ gʼaˬ tseˇ doˆ-awˬ.

1 Saˬmeuˬlaˆ 9:2

Giˇshaˆ-aˬ, Sawˇluˆ lehˇ myahˇ-euˬ huiˬ loˆ laˇ-euˬ aˬ li tiˬ li jawˇ-eu meh. Sawˇluˆ-aˬ, Iˇsaˬleˬlaˆ miˇ kʼahˬ laꞈ kʼoeˇ kʼaˇ jawˇ-eu tsawˇ haˬ deuˬ naˆ maˬ tseˇ uˬ duˬ tiˬ siˬ goˇ dzehˬ-awˇ, dawˬ tawˆ luꞈ naˆ maˬ tseˇ aˇ gʼehˇ muiˬ dui dui-eu zaˬ guˬ tiˬ gʼaˬ pyeuꞈ-eu meh.