Jaceuq 116:9 - Akha

⁹ Kʼoeˇ miˇ neh dehꞈ-eu miˇ kʼahˬ heu laꞈ kʼoeˇ, Sahˬpaˬ Miˬyehˇ mehˬ shi ngaˇ cah luꞈ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Ngar, daef-eu tsawrhaq jawr-eu mirtsaq-anr, Ya’we Miqyaer-euq maeqshi can ma.

Jaceuq 116:9 ပူးပေါင်းရင်းမြစ်များ

Aˇ dahˬ 17:1

Aˬbyaˬ gʼoeˬ tseˇ gʼoeˬ kʼoꞈ kʼawˆ ngeh, aˬ yawꞈ-euˬ mehˬ shi Sahˬpaˬ Miˬyehˇ doˆ le-awˇ, heu loꞈ-ehˇ ehˇ-eu meh. “Ngaˇ-aˬ, yawˬ jeˬ na luꞈ mˇ nya-eu Baoˬ huiˬ-eu Miˬyehˇ ma. Ngaˬ-euˬ ehˇ dawˬ naˇ haˬ-awˇ yaw tsaˬ yaw dawˇ jeˬ mˇ-awˬ.

1 Sahˬpaˬ 2:4

Ngaˬ-euˬ zaˬ ngaˬ-euˬ uˆ deuˬ nui ma gʼawˇ mawˇ dawˬ tawˆ luꞈ aˬ yawꞈ-euˬ zahˇ dawˬ kʼoꞈ dawˬ-ahˇ saˇ jaˇ ziꞈ-awˇ, aˬ yawꞈ-euˬ ehˇ dawˬ-ahˇ yaw muiˬ paˬ-ehˇ kʼaˇ naˇ haˬ kʼoeˇ keuˆ ni, Iˇsaˬleˬlaˆ miˇ kʼahˬ-ahˇ ya uˆ lahˇ tehꞈ-a lehˇ, Sahˬpaˬ Miˬyehˇ neh saˇ jaˇ dzaˬ taˬ-euˬ jaˆ-eu meh. Aˬ yawꞈ-euˬ dawˬ-ahˇ nawˇ naˇ haˬ geuꞈ naˇ, aˬ yawꞈ-euˬ saˇ jaˇ dawˬ-ahˇ aˬ yawꞈ ziꞈ tehꞈ-a.

1 Sahˬpaˬ 8:25

Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ neh saˇ jaˇ dzaˬ taˬ-euˬ dawˬ kʼoeˇ dawˬ-ahˇ taˬ ngehˇ nehˬ laꞈ. Ngaˬ da nawˬ-euˬ ehˇ dawˬ naˇ haˬ-awˇ dehꞈ-euˬ loꞈ-ehˇ, aˬ yawꞈ-euˬ aˬ li deuˬ kʼawꞈ kʼoeˇ loꞈ-ehˇ dehꞈ naˇ, aˬ yawꞈ-euˬ zaˬ deuˬ uˆ deuˬ laꞈ kʼoeˇ Iˇsaˬleˬlaˆ miˇ kʼahˬ-ahˇ sahˬ paˬ geuꞈ-awˇ uˆ lahˇ-eu tiˬ gʼaˬ aˬ myah luꞈ doˆ laˇ tehꞈ-a lehˇ, ngaˬ da-ahˇ nawˬ neh ehˇ-euˬ dawˬ-ahˇ taˬ ngehˇ nehˬ laꞈ lehˇ, nymˬ-mˇ ngaˇ nawˬ-ahˇ shaˇ-eu ma.

1 Sahˬpaˬ 9:4

Nawˬ da Daˬbiˇ loꞈ-ehˇ nawˇ ngaˬ-euˬ mehˬ shi nui ma ziꞈ dah ni gʼeh-awˇ yaw tsaˬ yaw dawˇ dawˇ-ehˇ dehꞈ-eu laꞈ kʼoeˇ, ngaˬ-euˬ zahˇ dawˬ kʼoꞈ dawˬ deuˬ hawˇ-eu ngaˬ neh nawˬ-ahˇ kʼaˇ ehˇ nehˬ-euˬ yawˬ jeˬ na luꞈ-ahˇ yaw muiˬ paˬ-ehˇ naˇ haˬ geuꞈ naˇ,

Jaceuq 27:13

Miˇtaˆdehˬ-eu heu ziˇlaꞈkʼoeˇ, SahˬpaˬMiˬyehˇmuiˬ-eu jeˬ-ahˇ, ngaˇmyaˆnuiˆhaw duˬgaˇkeuˆni, dehꞈziˇshehˇma lehˇjah-eu ma.

Jaceuq 61:7

Miˬyehˇ-oˇ, nawˬ-euˬ mehˬ shi aˬ yawꞈ aˬ myah luꞈ sahˬpaˬ ya geuꞈ luꞈ-uˇ. Maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ hawˇ-eu saˇ jaˇ ziꞈ-eu jeˬ laꞈ kʼoeˇ aˬ yawꞈ-ahˇ haw piˇ nehˬ-awˬ.

Iˇsaˬyaˇ 53:8

Aˬ yawꞈ-ahˇ nyehꞈ-awˇ yaˇ kʼaˬ daˇ nehˬ-awˇ, tsawˇ haˬ sehꞈ duˬ-ahˇ bi sheuˬ gʼeh-euˬ meh. Aˬ yawꞈ-euˬ guiˬ lahˬ kʼoeˇ naˆ ni doeˇ kʼawꞈ, aˬ yawˬ-ahˇ gʼawˬ shaˬ gaˬ-eu maˬ jawˇ-a. Aˬ dui-euˬ tsawˇ jeuˬ neh mˇ-euˬ iˬ baˇ aˇ poeˬ, aˬ yawꞈ ya shiˇ dah-eu jeˬ pyeuꞈ-eu ma.

Luˇkaꞈ 1:6

Nyiˬ dzeˇ zaˬ luꞈ Miˬyehˇ mehˬ shi dawˇ coe ni dehꞈ-awˇ, SahˬpaˬMiˬyehˇ-euˬ zahˇ dawˬ kʼoꞈ dawˬ hawˇ-eu zahˇ sahˇ kʼoꞈ dawˬ tawˆ luꞈ-ahˇ caw teh-eu meh.